اتفاجات ان إللى خبطته بالعربية هو إللى جه ومعاه اهله كمان مستوعبتش الصدمه وقولتله
الله انت بتراقبنى بقا
رد عليا ال يعنى مستغرب...ليه هو انتى شوفتينى قبل كده يا انسه
انت هتجننى هو مش انت النهاردة ال...
ماما نغزتنى فى كتفى وغمزت بعينها عشان اسكت
استوعبت الموقف وسكت عشان الناس قاعده
راح هو رد قال واضح ان الانسه بتشبه
ماما قدمى يلا يا سارة العصير قدمتلهم كلهم وكوبايته حطتها على الترابيزة عند فيه
بصلى وضحك وقالى تسلم ايدك
جوايا انسان مستفز بجد
بابا العريس طب يا جماعه نسيب العرسان تقعد لوحدهم شوية ده بعد اذنك يا حج
بابا طبعا طبعا
وخرجوا برا فى الصاله
قالى انا اسمى مصطفى
قولتله تشرفنا
قالى انتى فى حبهان تحت لسانك ولا حاجه
قولتله باستغراب أبدا ليه
قالى اومال ايه الاشمئزاز إللى على وشك ده 😁
وانت مالك وبعدين اشوفك مرتين فى اليوم ده مش غريب ولا انت بتراقبنى
جايز اكون براقبك وجايز لا المهم انك فى الاخر ليا
وده اصله ايه ده ومين قالك انى موافقه
راح ظبط قميصه كده ونفض كتفه وغمزلى وقالى ليه معجبش
وشي احمر جدا واتكسفت بس عاندت فيه وقولتله اصلا انت مش فتى احلامى
كشر جامد وقالى عمر هو إللى فتى أحلامك صح
استغربت اوى ده فعلا يعرفنى
بابا دخل وقال ايه الأخبار
رد مصطفى وقاله نقرأ الفاتحه
بابا بصلى وقالى ايه موافقه يا عروسه
راحت ماما اتسرعت وزغرطت لولولولىىىىىىى يا الف نهار ابيض
بصيت لماما وانا متنحه هو فى ايه
واهل العريس دخلوا مامته وباباه واخوه وأخته
يلا نقرأ الفاتحه
بقيت بصالهم كلهم وانا مش فاهمه حاجه
وهو باصصلى كده😎
قروا الفاتحه وماما من فرحتها بعتت جابت اكل اقعدوا واتفقوا على كل حاجه وخطوبتى الاسبوع الجاي
الناس مشيت وانا لسة مكانى مش مستوعبه
ماما قالتلى مالك يا بت عامله كده قولتلها مفيش يا ماما انا تعبانة وداخله انام
دخلت اوضتى اتصلت بصاحبتى ريهام
أيوة يا ريهام شوفتى إللى حصل
حصل ايه يا اخرة صبري
حكتلها فضلت تضحك وقالتلى مين العسليه إللى بجلالة قدره قدر عليكى وجابك على وشك
قولتلها انتى بتهزرى يا ريهام ده يعرف عنى كل حاجه اشوفه فى اليوم مرتين وكمان يعرف عمر
قالتلى يا بنتى الناس كلها كانت عارفه علاقتك بعمر
قولتلها طب انه يجيلى قدام عربيتى وفى نفس اليوم يتقدملى
قالتلى يمكن معجب بيكي
قولتلها مش مرتحاله
قالتلى هو بيشتغل ايه
قولتلها صاحب كافيه كبير فى الدقى
قالتلى انهى
معرفش يا ريهام وانا هناسبه هو قال كده
هههههههههههه هتناسبيه وبس انتى هتتجوزيه
ده بعده
قفلت معاها لقيت موبايلى بيرن رقم غريب
رديت
الو
أيوة يا قلبي
مين حضرتك
معرفتنيش
انت بتستظرف مش كده
كده
قولتله مصطفى
عيون مصطفى
انت جبت رقمى منين
زى ما اعرف حاجات كتير عنك عرفت رقمك
انت عايز منى ايه
عايزك
وانا مش عايزاك يا اخى هو حب بالاجبار
قالى أيوة حب بالاجبار
وتعرف عنى ايه
اعرف انك....
الجزء الثالث هنا.....
بدل ماتدور وتبحث علي الروايات خليها علي تليفونك وحمل تطبيقنا
