Ads by Google X
رواية لست عاهرة الجزء الرابع -->

رواية لست عاهرة الجزء الرابع

رواية لست عاهرة الجزء الرابع


     

    روايه لست عاهرة 


    الحلقة الخامسة 

    ============


    دنيا : بتقولي من يا عبير مهره ..!!؟

    طب دي جايا عندي هنا ليه وازاي عرفت عنوان بيتي دانا كنت لسه هكلمها ..؟؟

    حاجه غريبة فعلا زيارة عمري مكنت أتوقعها ..!!!

    عبير : مالك يا دودو تنحتي ليه كده ..؟

    مش هتخرجي تشوفي صاحبتك ..؟؟

    دنيا : اه طبعا هخرج روحي يا عبير اقعدي 

    معاها وقدميلها حاجه تشربها عقبال مغير 

    واخرجلكم ..!!

    غيرت هدومي وانا دماغي بتودي وتجيب وفيها ميت سؤال ..؟؟

    طب وانا هوجع دماغي ليه منا خارجه وهعرف منها كل حاجه وانا كده كده كنت عاوزه أكلمها عشان افهم منها موضوع اشهد وكلام صالح ..؟؟

    دنيا : ازيك يا مهرة عامله ايه نورتي 

    مهره :ازيك يا حبيبتي وحشتيني ايه الغيبه 

    الطويلة دي مبتجيش الجامعة ليه ..؟؟

    طمنيني عليكي انتي كويسة ..؟؟

    دنيا : الحمد لله انا تمام بس كنت حابه اقعد في 

    البيت فتره أراجع وأركز عشان الامتحانات

    قربت وانتي عارفه كليتنا اد ايه صعبه ..!!

    مهرة : اه طبعا ربنا يقويكي ويوفقك يا قمر بس 

    برده كنتي سيبي فونك مفتوح نعرف نطمن

    عليكي حتي ولا انتي مش عاوزه تعرفيني ؟

    دنيا : وابتسمت : لا والله ابدا ليه يعني بس هو 

    الموضوع جيه كده مش مقصود ..!!

    مهره : امممم ماشي طبعا عاوزه تسأليني جايا

    ليه وعرفت عنوانك منين ...؟؟

    دنيا : لا حضرتك نورتيني وتشرفي في اي وقت

    ده بيتك ولا انه مش قد المقام وبضحكة 

    خفيفة :بس بصراحة اه نفسي اعرف انتي 

    عرفتي العنوان منين ..؟؟

    مهره : عادي سألت "نرمين" صاحبتك وهيا 

    اديتني العنوان حتي هيا كمان اتصلت 

    بيكي كتير وكان نفسها تطمن عليكي .. ؟

    وبصراحة انا جيتلك بعد ما "أشهد" هوه 

    اللي طلب مني كده لانه من وقت ما بطلتي 

    تيجي وهوه قلقان جدا عليكي وكان كل يوم

    يسأل عليكي ويطلب مني اني أجي اشوفك

    وأطمنه ده حتي كان عاوز يجي معايا بس 

    انا قولتله مينفعش يجي ..!!

    دنيا : امممممم ماشي عموما كويس ان حضرتك 

    جيتي عشان انا كنت عاوزة اكلمك اصلا 

    وأسألك عن حاجه ..؟

    مهرة : امممم أتفضلي أسألي ..؟؟

    دنيا : هو انتي تعرفي ان صالح جوزك كلمني 

    في التليفون ..؟؟

    مهرة : اه طبعا عارفه ده واخد الرقم مني ..!!

    دنيا : اممممم تمام وعارفه كمان قالي أيه عن 

    أشهد اخوكي ..؟؟

    مهرة : اه عارفه كل الكلام اللي هوه قالهولك وهوه

    مكدبش عليكي في حاجه ...!!!

    دنيا : يعني كل كلامة صح وأشهد فعلا مريض 

    بمرض نفسي ..؟؟

    مهرة : اه فعلا والحكاية دي من بدري بس هوه 

    هوه

    الجزء الخامس هنا......

    إرسال تعليق