البارت الاول والتانى
لو لقيت تفاعل هنزل التالت والرابع
اول روايه ليا هنا ❤
- الو ايوة يفندم السلام عليكم
- وعليكم من السلام حضرتك مين 😮
- مش حضرتك مدام قدر
- ايوة مين معايا😤
-انا فاعل خير الحقى ابنك بسرعه لو ملحقيهوش دلوقتى جوزك هيكون خلص عليه وموتوا
-بتقول اى هيموتوا انت مجنون اى الى انت بتقولو ده
انت مين يجدع انت الو الو 😨
-.......
اووف حبكت الخط يفصل هجرب ارن تانى
- .... الرقم المطلوب مغلق او غير متاح
- قدر : قفلوا الحيوان ده مين ده اصلا هتصرف ازاى 😫
اعدت اهدى نفسى واقول لنفسى : يلهوى اى الى الراجل المجنون بيقولو ده مستحيل طبعا جوزى بيحبنى وبيحب ابنى جدا مستحيل يعمل كده اكيد الراجل ده واحد بيلعب او بيهظر بس عرف اسمى منين حاولت افكر بعقلى شويه حسيتنى اتشليت
بس قلبى مكنش مقتنع بلى الراجل ده بيقولو😥
وفى نفس الوقت كان جوايا حاجه بتقولى مش ممكن يكون كلامو صح طب لو طلع صح هتعملى اى بعد كده ....
قولت اتاكد من زياد
رنيت عليه الفون جمع والخط فتح
- الو ايوة يا زياد انت فين يحبيبى ويوسف فين😲
- .. .. .....
- الو يا زياد متخوفنيش انت فين مبتردش لى عليا الوو 😨
- . . . . .
فجاه سمعت صوت طفل بيصرخ لاء ده مش صوت اى طفل ده صوت ابنى ابنى يوسف بيصرخ جامد وبيعيط بصوت عالى اوى وجع قلبى جدا صوتو 😱😱
- زياد اوعى تعمل حاجه فابنى ارجوووك يا زياد كلو الا ابنى رد عليا زيااد رد
- .......
الخط فصل
صرخت فجاه بصوت عالى وقولت : لاء لاء اى الى بيحصل ده زياد بيحاول يموت ابننا يوسف لى بس لازم 😭😭
لازم اروح بسرعه اروح الحقوا وبعدين ابقى افهم اى حاجه الاهم يوسف ابنى ميحصلوش حاجه
صرخت بصوت اقوى : يا رحمه يا رحمه شوفى المكتب دلوقتى لازم امشى بسرعه
رحمه اتخضت كده وبان عليها القلق : فى حاجه يمدام قدر وشك اصفر لى كده مالك انتى تعبانه
قدر : مفيش ... بصى اهم حاجه دلوقتى تعمليها تخلى بالك من المكتب فى غيابى ولو حصل اى حاجه غلط هتبقى المسؤوله قدامى
وخرجت بسرعه وانا بجرى 😭😭😱...........
رحمه : استنى بس يمدام قدر نسيتى الشنطه والحاجه يا مدام قدر استنى بس يا مدام ..........
رحمه فى سرها : مالها دى طالعه تجرى وتصرخ بصوت عالى عليا ولا كأنها شايفه حد قدامها يلا مهى علطول كده اى الى جد 😑.....
خرجت لقيت الدنيا عماله تشتى ،
و برق ورعد وانا دماغى مش معايا خالص ،
الناس فى الشارع كانو بيبصولى بصات غريبه مفكرنى مجنونه،
مهمنيش بصتهم ليا مهو اصل انا ام وخايفه على ابنى حاليا هو اهم حاجه عندى اهم من اى مخلوق على الارض ،
بجد يارب انا قلبى مقبوض اوى ساعدنى يارب😭😨 معقوله ضحك عليا وبجد هيموت ابننا اى الى انا بفكر فيه ده بس ،
اومال كل ده كان تمثيل معقوله
وانا عماله اجرى بجرى زى المجنونه بحاول اسكت عقلى عن التفكير شويه واركز عشان اوصل لابنى وانقذو واى حاجه تانيه افهمها بعدين بس مش عارفه ابطل تفكير اى الى بيحصلى ده بس 😫😥 ....
معقوله يعمل كده فيا معقول هانت عليه العشرة يعمل فيا انا كده ، بس لى لى عاوز يموت ابننا بعد كل ده ،
معقوله راح حبو ليا فين راحت كل وعودوا الى وعدهانى فين
بس لا مش هسكتلو لازم الحق ابنى سواء منو او من غيرو ابنى اهم حاجه فحياتى يارب ساعدنى 😦😦😞
، اعدت انادى بصوت عالى : تاكسى تاكسى ارجوك اقف استنى بس ارجوك ....
بس مين هيقفلى فى الجو ده كلو بيجرى عشان يروح بيتو
مفيش حد بيقف جريت بسرعه فى وسط الطريق مبين الناس والعربيات مهو اصل لو استنيت عربيه معرفش ممكن يحصل اى فى الوقت ده وانا محتاجه كل دقيقه نفسى نفسى الحق ابنى باى طريقه كانت
كملت جري وسط الطريق وانا ماشيه سمعت صوت عربيه جامد ولقيت نور قوى اوى جه فى عينى 😶
الراجل صاحب العربيه : اى يمدام انتى مش تفتحى ادامك
قدر : انا متاسفه جدا والله بس انا لازم امشى
صاحب العربيه : فى واحده عاقله تمشى فى وسط العربيات انتى اكيد مجنونه .......
بس انا كملت جرى ومسمعتش بقيت كلامو بقيت صوت ابنى يوسف بس هو الى بيتردد فى ودنى صوتو وهو بيصرخ و بيعيط 😷😩😰ده ابنى عندو سنتين يا ناس لسه بادئ يقولى ماما يموتو لى انا هتجنن ده جوزى بيحبو جدا اى الى بيحصل ده كان هيموت ع عيل واول مخلفتو كان فرحان بيه جدا اى الى حصل دلوقتى بس 😵😵،
اخيراا وصلت البيت بتاعنا.....
كنت بنهج جامد من الطريق وعماله اعيط ومش قادرة اخد نفسى
البيت كان كلو ضلمه من برة النور مش شغال وده مش الطبيعى بتاعنا ، اعدت اخبط ع الباب محدش فتح
طب اعمل اى ، هفتحو ازاى دلوقتى ده انا نسيت الشنطه فى المكتب وفيها المفتاح والفون ،
هدخل ازاى بس اعدت ازعق جامد 😨😧 وانادى على حد يساعدنى بس مين هيسمعنى افتكرت لما كان بيقولى هيركب جهاز البصمه عشان الباب يفتح لو نسينا المفتاح ،
حطيت صباعى ع الجهاز وقلبى بيدق جامد كأنو هيطلع من مكانو
الحمدلله الباب فتح اى ده اى الى انا شيفاه ده يلهووى اعدت اعيط واصوت
شوفت دم كتير ع الارض ، الارض كلها غرقانه دم عديت على المطبخ لقيت الاطباق مكسورة وكل حاجه واقعه على الارض😨😧😱😰
اى الى حصل بس يارب لاء يارب
صرخت بصوت عالى : يا زياد انت فين يا زياد يا يوسف يا يوسف انتو فين ....
بقرب من الاوضه بتاعت ابننا لقيت النور مفتوح ، الاوضه الوحيده الى منورة فى الشقه اوضه ابنى😵😨
قلبى اتقبض اكتر قربت خطوه خطوه، لحد موصلت عند باب الاوضه ،
ولسه بفتح باب الاوضه لقيت منظر عمرى مهنساه ..... يتبع ...
التانى
ولسه بفتح باب الاوضه لقيت منظر عمرى مهنساه،
لقيت دم كتير جدا فى الارض ولقيت اللوح بتاعتى انا وزياد و الى كانت على الحيطه مكسورة وحجات كتير واقعه ع الارض،
كأن كان فى مصارعه بصيت حواليا و
صرحت بصوت عالى : زياد يوسف زياد انتو فين 😨
فجاه وانا ببص بعيد فى ركن فى الاوضه شوفت حد واقع ع الارض ،
لا ده حد ميت كل جسمو مليان دم قربت منو وانا هموت من الرعب ،
قلبى كان هيقف واول مشوفت وشو معقوله معقوله اى الى بيحصل ده
مستحيل صرخت بعلو صوتى وانا بعيط ومنهارة 😥😧😧
: زياد قوم يا زياد عشان خاطرى متسبنيش لوحدى انا بحبك اوى يا زياد قوم عشان خاطرى مقدرش اعيش من غيرك قوم يا زياد لو سبتنى هموت من بعدك قوم زيااااااااد انت وعدتنى انك مش هتسبنى واننا هنربى ابننا سوى انا سبت الدنيا كلها عشانك زياااا ...😢
فجاه الدنيا كلها اسودت فى عينى ومشوفتش اى حاجه حواليا
صحيت على صوت ناس كتير حوايا
ببص انا فين لقيت نفسى فى المستشفى وحواليا بابا و اياد (اخو قدر الكبير عندو ٣٠ سنه شاب وسيم بشرتو قمحيه عينيه لونها بنى فاتح بيهتم دايما بلبسو وشياكتو متجوز من فاطمه بنت جميله ملامحها هاديه عينيها بلون البحر عندها ٢٥ سنه جوازهم كان عن حب وحاربو كتير عشان يكونو مع بعض وعندهم بنت صغيرة اسمها زينب بنت قموره عينيها بلون الزرع الاخضر و بشرتها لون بياض التلج عندها اربع سنين ) ولقت حواليها اختها لمى ( دى تبقى اخت قدر ودى اكبر من قدر بتلات سنين يعنى عندها ٢٦ سنه بنت جميله عينيها سودة وبشرتها بيضه جدا بياض التلج ) قدر كانت مصدومه واول مهما شافوها صحيت
كلهم بصوت واحد : قدر اخيراا
الاب : اخيرا صحيتى يحبيبه بابا قلقتينى عليكى
اياد : الف سلامه عليكى يقدر معلش فاطمه مقدرتش تيجى عشان زينب مدوخاها
لمى : قدر يحببتى خوفتينا عليكى اى الى حصل
لكن قدر مكنتش فاكرة حاجه ومستغربه هى فى المستشفى لى و سالت باباها ( الحاج محمود )
قدر : بابا فين زياد يا بابا ويوسف هما مجوش لى
الاب : .........
قدر : بابا رد عليا ابنى فين وجوزى فين
فجاه
افتكرت كل حاجه كانها شريط قدام عينها الدنيا وقفت بيها ،
افتكرت منظر جوزها وهو سايح فى دمو😢😢والى حصل هناك فى البيت وابنها الى مش عارفه هو راح فين
قدر وهى بتصرخ : ابنى ابنى فين يوسف فين يا بابا حد يجيبلى ابنى وجوزى مستحيل مسحيل جوزى فيين يا بابا ويوسف يوسف فين 😨😧😧
الاب : يوسف الشرطه بدور عليه لكن زياد
...
زياد يابنتى عند الى احسن منى ومنك
...
ربنا يرحمه ويصبرك على فراقو 😖
قدر وهى منهارة : انت ازاى تقول كده يا بابا زياد جوزى مستحيل يسبنى هو وعدنى اننا هنفضل سوى وهنربى يوسف سوى
واعدت تصرخ وتصوت وانهارت
الاب طلع يجرى برة الاوضه وهو بينادى : يا دكتور يا دكتور لو سمحت تعالى بسرعه الحق بنتى
الممرضه : انا متاسفه بس الدكتور مش هنا عندو حاله تانيه ممكن اساعد حضرتك ، محتاج اى
الاب : بنتى بنتى هتضيع منى ادخلى بسرعه شوفيها مالها
دخلت الممرضه بسرعه واديت لقدر حقنه مهدأه
الممرضه : هى هتنام دلوقتى سيبوها ترتاح هى اتعرضت لضغط نفسى كتير اوى ربنا معاها محدش يستحمل كل ده..
طلعو كلهم برة الاوضه وسابو قدر ترتاح ،
الاب : اياد كلم الضابط شوف وصلو لاى وانتى يا لمى بطلى عياط مش عاوزين ندايق اختك
اياد : حاضر يبابا
لمى : هحاول يبابا
وطلع اياد الفون واتصل بلضابط .. .. .. ..
اياد : الو ايوة يا حضره الظابط
الضابط : ايوة يا اياد بيه
اياد : عملتو اى وصلتو لحاجه
الضابط: بلنسبه لزياد فدى شكلها جريمه قتل وهيبان بعد تشريح الجثه ،
و لكن بلنسبه ليوسف فاحنا بعتنا الشرطه تدور وان شاء الله هنلاقيه عن قريب ومش هنسيب حق الاستاذ زياد متقلقش يا بيه
فى الوقت ده قدر كانت فى الاوضه وصحيت ،
وسمعت الكلام ده وانهارت من العياط وشريط حياتها من وهى صغيرة مر ادام عنيها واعدت تفتكر كل الى حصل لها من وهى صغيرة .............
قدر كانت بنت جميله اوى عينها فيها جمال البحر و جمال العشب حاجه كده مزيج بينهم وشعرها طويل ولونو اصفر وبشرتها بيضه وصافيه جدا كانت بنت جميله جدا اول ما مامتها ولدتها حصلها مشكله بعد الولاده وماتت للاسف 😔
بابها الى رباها بعد مامتها وكانو اسرة متوسطه الحال الاب بيشتغل واياد بيساعدو فى الشغل علشان يوفروا فلوس لتعليمهم واكلهم واما راحت قدر المدرسه لقت اهانات كتير بسبب لبسها الى مش زى بقيت البنات الى فى سنها وكمان الاطفال كانو بيتريقوا عليها لانها مش عندها ام كانت بتعيط كل محد يقولها مامتك فين وهى مش عارفه ترد
كانت بتروح لبابها وتجرى عليه وتحضنو 😭😭 وباباها كان بيواسيها وبيجى يروحها كل يوم من المدرسه .. .. ..
قدر : بابا هو انا لى معنديس ( معنديش ) ماما زى بقيت اصحابى
الاب : ماما سافرت يحببتى ادعيلها ترجع قريب
قدر : بس هى لى مبتيجعس ( مبترجعش ) هى مس (مش) بتحبنى
الاب : لاء طبعا بتحبك وهترجع قريب ان شاء الله
قدر : يايب ( يارب) يا بابا ماما تيجع (ترجع) باه هى وحستنى (وحشتنى) اوى
كبرت قدر هى واخوها اياد واختها لمى مع بعض كانو كل حاجه بلنسبه لبعض وكان معاهم ابن عمهم سامح ( وده هنعرفه بعدين ) ،
واما كبرت فهمت ان مامتها مش موجوده وانها ماتت😭
وبقت تروح ع قبرها هى واخواتها كل فترة ويزوروها ويدعولها بلرحمه ويكلموها كلهم ،، كبرت قدر من غير ام ابوها واخواتها كانو كل عيلتها مكنش عندهم حد بعد باباهم غير عمهم عثمان وابنه سامح و سامح و قدر كانو بيحبو بعض جدا سامح كان اكبر من قدر بسنتين وكانو بيكبرو مع بعض
و قدر كانت شاطرة جدا فى دراستها ونجحت فى الثانويه العامه بمجموع كبير ودخلت كليه الاعلام هناك قبلت دكتور زياد ( كان دكتور فى الجامعه عندهم كان عندو ٣٠ سنه يعنى اكبر من قدر ب ١٢ سنه وكان دايما بيبصلها كتير وهى فى المحاضرة وكان بيبص عليها وهى مروحه علطول واول ما يشوف سامح معاها كان بيدايق )
نيجى باه لسامح سامح كان فى كليه الاعلام برضو كان بياخد قدر ويروحوا سوى لان باباها كبر ومكنش يقدر يفضل يجيبها ويوديها كل شويه😊
وكل ما يشوفهم زياد كان بيتدايق وهو شايف قدر مع سامح ،، واما قدر كبرت وبقت فى سنه تالته سامح خاف يستنى خصوصى ان كان بيلاحظ نظرات زياد لقدر وخاف تضيع منو وكان خلاص خلص الكليه واتخرج بتقدير جيد جدا و بيدور على شغل فخاف يستنى اكتر لانو معتش بيشوف قدر ادام عينو علطول بعد ما اتخرج بيجى يروحها بس
وقرر يروح بيت قدر ويطلب ايديها من باباها والى يحصل يحصل 😂😂
واما وصل هناك ادام بيت قدر لقى عربيه كبيرة واقفه قدام بيتها استغرب اوى
سامح فى نفسه : اى ده ودى عربيه مين باه ان شاء الله ومين سعيد الحظ الى جاى وانا رايح اتقدملها ده 😂😂
قرب سامح من الباب وقرر يخبط ع الباب بس لقى الباب مفتوح استغرب اوى بس قرر يدخل ويعملها مفاجاه ...
دخل سامح وهو بيبص مين الى جوة ده وكانت المفاجاه لما شاف ............
تعليقات: 0
إرسال تعليق