الفصل الثالث عايده بضحك:على الله التساهيل شكلك هتربي ابني من جديد على الله يلا كولي علشان تنامي ونبدا لما يوصلون وانا هرسي ابوكي و عمك على الحوار
زهره:يلا و نبي يا ماما اصل انا جعانه اوي
عايده:كولي يا قلبي بالف هنا علشان تتغذي ابنك بس متنسيهوش في اللي هنعمله في مصطفى
زهره:عيب عليكي يا ماما دا انا انسى مصطفى ولا انسى ابني دا هدية ربنا علشان يصبرني على بعاد مصطفى
عايده:ربنا يصلح الاحوال يا بنتي
وبعد ساعتين حضر والد زهره و زوجها و والده ودخلو عليها وجدوها نائمه
احمد:ايه يا ام مصطفى الاخبار كلمتيني وقولتي انها فاقت بس ما تكلمتش معاكي
عايده بحزن مصطنع:مش عارفه اقولك ايه بس يا ابو زهره هي يا عيني عليها فاقت و بصت عليا باستغراب و سكتت خالص وبعد كدا نامت تاني
محمد بغضب:عارف يا مصطفى لو زهره حصل لها حاجه
زهره قامت تصرخ وتقول:الحقووووني الحقوووووني انا اتخطفت انا اتخطفت
صدم الجميع (ماعدا عايده طبعا 😂) بسبب رد فعل زهره ثم هرع الاطباء من اجل تهدأتها و رفض مصطفى ان يدخل لها طبيب بل طلب طبيبه من اجل تهدأتها
(زهره طبعا اتفقت مع الدكاتره حتى مع الممرضين انهم يساعدوها وهم رحبوا لان الست للست يا اوختشي 😂)
دكتوره منيره :للاسف الاخبار مش كويسه المدام احتمال يكون عندها فقدان ذاكره بس محتاجين نعمل تحاليل علشان نطمئن
احمد بصدمه:انت عملت في بنتي كدا انا مش هسامحك
محمد و اسرع ليصفعه فامسكت به عايده:محمد دا ابنك بردو لازم تقف جمبه دلوقتي صح زهره مش فاكره ومش فاكره حتى ابنها لازم نوقف معاها لحد ما زهره ترجع احسن
دخلو لزهره مجددا ولكن بحرص اقتربت عايده بحرص من زهره وقالت:انتي كويسه يا زهره يا بنتي
زهره:انا مين انا خايفه بس انا حاسه انك مش غريبه في حاجه بتقولي انك انسانه طيبه اوي
عايده:انا خالتك يا حببتي و زي مامتك بالضبط
زهره:وهي فين ماما مش شايفاها
عايده:ماما ماما الله يرحمها
زهره بصدمه:ماما ماتت وانا يتيمه
احمد بعاطفه الاب :لا يا بنتي انا موجود معاكي و عمري ما حسستك انك من غير ام و خالتك الله يبارك لها عمرها ما قصرت معاكي
زهره:طيب انا مش فاكراك واول مره اشوفك وانت بتقول اني بنتك
احمد:انا هبقى معاكي ومش هسيبك
مصطفى:وانا مش هسيبها
زهره:انت مين انا حاسه انك سمعت صوتك قبل كدا
مصطفى بفرح:انا جوزك
زهره:جوزي انا متجوزه
نظر احمد الى مصطفى بنظره عتاب لانه تسرع
زهره:هو انا ليه هنا في المستشفى هو انا عيانه طيب ليه مش فكراكم
تردد الجميع واخذوا ينظرون لبعضهم واخيرا تكلمت عايده
عايده:كونتي نازله من على السلم و وقعتي و فقدتي الذاكره بشكل مؤقت
زهره:طيب يعني انا مش فاكراكم بس حاسه انك حد قريب اوي ممكن متسيبنيش
عايده:يا حبيبتي يا بنتي
مصطفى بندم:طيب يا امي انا هروح اعمل تصريح خروج من المستشفى
خرج مصطفى و ظلو البقيه مع بعضهم
عايده:زهره انتي كويسه صح
زهره:ايوه يا خالتي متقلقيش
عايده:اسمعوني كدا(وحكت لهما اتفاق زهره و رحبا بالفكره حيث انهم ارادوا ان يعلموا مصطفى درسا لن ينساه)
احمد بفرح:يعني انتي كويسه يا بنتي
زهره:ايوه يا بابا متقلقش
محمد:سامحيني يا بنتي
زهره:وانت ذنبك ايه يا عمي انا بحب مصطفى بس هو اهملني وكان سهل عليه انه يطلقني بس انا سامحته علشان ابني اللي جاي على الدنيا بس مش هسامحه ببساطه كدا لازم اربيه
محمد:واحنا معاكي يا بنتي وربنا يهديكو على بعض
عاد الجميع على المنزل وعادت زهره مع زوجها الى المنزل و وعدتها عايده بزيارتها في الغد
زهره:انا عايزه انام
مصطفى:تعالي هوديكي الاوضه بتاعتك
زهره:لا انت شاورلي وانا هروح لوحدي
مصطفى بحزن:الاوضه اللي على الشمال بعد الممر
زهره:متشكره
دخلت زهره واغلقت الباب بالمفتاح ثم غطت في سبات عميق صور استيقظت في الساعه الثانيه صباحا كل تؤدي قيام الليل ثم تناول شئ ما احدث زهره فرضها وقرات وردها ثم توجهت الى المطبخ بعد ان عزمت على تنفيذ خطتها بدات زهره تبحث عن الاشياء وتعمدت اسقاط...........
يتبع...........
بدل ماتدور وتبحث علي الروايات خليها علي تليفونك وحمل تطبيقنا
