Ads by Google X
رواية رحلة الغريب الحلقة السادسة والاخيره -->

رواية رحلة الغريب الحلقة السادسة والاخيره

رواية رحلة الغريب الحلقة السادسة والاخيره



     #رحلة_الغريب


    وقبل مانبدأ الحلقه وحدوا الله وصلو علي خير الخلق سيدنا محمد

                             ( رحلة الغريب )

                             ‏الحلقة السادسة

                        والاخيرة من الجزء الاول 


    وبعدها بيوم ومن داخل مكتب الظابط تقف كاميليا قدام رفعت ورفعت يبص لها بحزن شديد ويقول


    عايزا تطلقي يا كاميليا


    كاميليا

    مش هاينفع اكمل واكون مرات راجل مسجون 


    رفعت وهو يهز دماغة بحسرة


    انا فعلا مسجون بس انت اكيد عارفة ومتاكدة اني برئ


    كاميليا بجحود

    تطلع برئ او ما تطلعش برئ أنت ما تنفعش تكون جوزي بعد النهاردة  علشان كدة للمرة التانية بقول لك طلقني


    وتودي وشها الناحية التانية ورفعت يقول


    انا مش قادر اصدق انك كاميليا اللي بحبها.


    كاميليا

    حب اية بس انا الدكتورة كاميليا بنت الدكتور مرزوق التوني اكون مرات راجل نام مع المجرمين في الحجز


    رفعت

    لا طبعا. ما ينفعش راجل زيي يكون جوز الدكتورة كاميليا. علشان كدة أنتي طالق


    ويخرج رفعت من مكتب الظابط وكاميليا تبص علية وتبكي بحرقة وتخرج وراء منه وتقابل صادق علي باب القسم وهي لاتزال تبكي فيبص لها صادق ويقول


    برضو عملتي اللي في دماغك وخلتي يطلقك


    كاميليا وهي تمسح دموعها بالمنديل الخاص بها


    كدة احسن خلي يكرهني علشان يشوف حياتة ويتجوز ويخلف ويبقي اب. من زمان ورفعت حلم حياتة يكون اب لية احرمة من الحلم دة


    صادق

    انتي تعرفي باللي انتي عملتي دة تبقي بتقتلي رفعت بالبطئ. رفعت بيحبك وما يقدرش يعيش من غيرك وانتي سيبتي في اكتر وقت هو محتاجك في تكوني جنبه 


    كاميليا بحزن شديد


    ربنا يعلم انا كمان بحبه قد أية ومش عارفة هاقدر اعيش ازاي من غيرة


    صادق

    طيب لية عملتي كدة


    فتصرخ كاميليا قائلا


    علشان بحبة وعايزا يكون سعيد في حياتة حتي لو انا برة منها وانا ماصدقت ان جت فرصة اخلي يشوفني فيها بصورة شيطانة علشان يكرهني ويتجوز غيري 


    صادق

    انتي بضحي تضحية زيها زي خروج الروح من جسمك وجسم رفعت


    كاميليا

    لو في خروج الروح الراحة يبقي هو دة الحل الصح، ،،،،،،


    ومن داخل التخشيبة يجلس رفعت وهو حزين وغضبان بشدة مما حصل وقاعد علي الارض جنب المجرمين فيقترب منهم احدهم وهو كبير الحجز والمسيطر ويدعي عزب ويقول لرفعت


    عايز فلوس


    رفعت بحدة

    انت خد كل الفلوس اللي معايا. امبارح


    عزب ببلطجة

    امبارح خلص عايز النهاردة


    رفعت

    انا مش معايا فلوس


    عزب

    تبقي تقوم ترقص


    رفعت بغضب شديد


    أسمع. من مصلحتك انك تبعد عني علشان انا دلوقتي النار بتحرق قلبي وربنا يكفيك شر واحد مش باقي علي الدنيا


    فيمسك عزب رفعت من لايقة القميص ويسحبه لفوق فيقف رفعت وعزب بيقول


    انت بتقولي أنا الكلام دة يا ابن، ،،،،    


    ولكن رفعت وبمنتهي القوة الغاشمة يضرب عزب سيف يد  في عرق أساسي من عروق الرقبة والمخصصة لضخ الدم للمخ فيتالم عزب ويترك لايقة قميص رفعت وهو مبرق ولكنه كان زي المشلول مش قادر يتكلم ومسك عزب رقبتة بسبب الوجع وفضل يبص لرفعت ورفعت يقول له


    انا دكتور امراض الدم يعني اعرف كل عرق في جسم البني ادم والعرق اللي انا ضربتة بايدي هيسبب لك  الشلل المؤقت لكام دقيقة. مفعول الضربة هايروح خلال ثواني وهاترجع زي الاول ولو فكرت تغدر هاقتلك


    وقعد رفعت مرة تانية مكانة في التخشيبة وهو مبسوط انه خرج شحنة الغضب المكتومة ولكن دة مش معني انه بقي مرتاح لا بالعكس هو لسة غضبان وبيفكر في اللي عملته كاميليا، ،،،،،،،،


    وبعدها بيوم ومن داخل القسم يقف طفشة قدام الظابط بعد ما تم القبض لية وامام منه شنطة الفلوس اللي سرقها من عن والظابط عماد يقول له بحدة 


    انطق يلا قتلت فايز لية 


    طفشة

    علشان كل حقي ونصب علية وكان لازم يدفع التمن


    عماد

    تروح قتله


    طفشة

    فايز دة محامي شمال ويستاهل كل اللي يحصل له. انما أنا بقي اللي مجنني انتو عرفتو ازاي اني انا اللي عملتها 


    عماد باستهزاء

    الغريب هو اللي قال لنا، ،،،،،،،،،،


    وتعدي كام ساعة ويخرج رفعت من القسم فيلاقي صادق في انتظارة واول ما يشوفة يجري علية وياخدة بالحضن وهو يقول


    الف حمد لله علي سلامتك يا رفعت


    رفعت بارهاق شديد

    الله يسلمك يا صادق 


    صادق

    شكلك تعبان جدا


    رفعت

    بقالي يومين ما نمتش.


    صادق

    معلش ازمة وعدت علي خير المهم انك خرجت بالسلامة


    رفعت باستهزاء

    وهاعمل اية بخروجي. اللي كنت بحب حياتي علشان هي فيها ما بقتيش فيها سابتني ومشيت


    صادق

    طيب تعالي نروح دلوقتي وبعدت ماترتاح يبقي لينا كلام تاني مع بعضينا،،،،،،،،


    ويمر اسبوع ورفعت في شقتة لا يغادرها اطلاقا وكل اللي بيعملة بيتخيل كاميليا في كل ركن في الشقة وبيسترجع ذكرياتة الجميلة معها وقدام منه كذا فنجان قهوة واعقاب سجاير كتير حوالين منه  واثناء ما كان رفعت جالسا يرن جرس الباب فيقوم رفعت بصعوبة ويتجة ناحية الباب ويفتح الباب فيجد صادق فاول ما يشوفة صادق يقول له


    واخرتها اية طيب انت طالع من سجن لسجن


    رفعت

    انا مالي ما انا كويس اهو وعايش لسة


    ويدخل رفعت ويرمي جسمه علي اول كرسي يقابلة ويدخل صادق وراء منه وهو يقول


    انت كدة بتموت نفسك بالبطئ،


    رفعت

    وياريت عارف اموت


    صادق

    لا بقي انا مش هاقدر اشوفك بتموت كدة واسكت


    رفعت

    ما بقيتش تفرق انا كل اللي عايزة الغريب يتصل بيا ويقول لي هاموت امتي


    صادق

    رفعت انت بقيت تصدق الغريب


    رفعت باستهزاء

    عرافي الامين. ماقالش اي حاجة قبل كدة وطلعت كذب


    صادق

    وعرافك دة ماقالكش ان كاميليا بتحبك


    رفعت بضحكة سخرية

    علشان كدة سابتني


    صادق

    سابتك من كتر حبها ليك


    فينتبة رفعت للكلام ويقول


    انت عايز تقول اية


    صادق

    انت لازم تعرف الحقيقة وتعرف لية كاميليا طلبت منك الطلاق 


    فحكي صادق لرفعت كل شي فانفعل رفعت وقال


    وسايبني يا صادق اموت قدامك بالبطئ كان لازم تعرفني من الاول


    ويقف رفعت ويتجة ناحية باب الشقة فبص له صادق وقال باستغراب


    رايح فين


    رفعت وهو بيفتح باب الشقة


    رايح لكاميليا،،،،،،،،


    ومن داخل عربية رفعت يستعد رفعت لتدوير محرك السيارة فيقف قدام منه الغريب ويبص له ويقول له


    بلاش تروح لها والا هاتحصل مصيبة وهاتكون لوحدك وسط الظلام وكل اللي بيحبوك هايسبوك ويمشوا 


    رفعت

    أنت تاني


    الغريب

    بلاش تروح لها


    رفعت وهو بيدور العربية وبيدوس بنزين وبيقول


    ابعد عن طريق العربية احسن لك والا هادوسك


    الغريب

    هاتحصل لك كارثة وهاتكون لوحدك وسط الظلام. اسمع كلام النبؤة 


    رفعت

    هاروح لها ولو دي اخر حاجة هاعملها في حياتي


    الغريب

    انا ماقدرش امنعك ولا اقدر اساعدك اسمع كلام عرافك الامين وبلاش تروح. بلاش 


    رفعت باصرار شديد

    لا هاروح


    ويرجع رفعت بالعربية للخلف لكي يبتعد عن الغريب وينطلق بالعربية وبمنتهي السرعة الي أن يقترب من بيت كاميليا وهنا تخرج عربية  نص نقل كبيرة من شارع جانبي وتخبط عربية رفعت بمنتهي القوة،،،،،،،،


    وبعدها بنص ساعة ناس كتير حوالين رجلين الدم يسيل منهم ودكتور يفحصهم ثم يضع علي وجوههم الجرايد ويقول


    دول ماتو


    وكان احدي الرجلين دكتور رفعت اسماعيل******


    انتهي الجزء الاول 

         الجزء الثاني بعنوان العرافه والمرأه الشقراء من هنا

    إرسال تعليق