Ads by Google X

روح الجزء الرابع


 

#الجزءالرابع 

#روح


بفتح باب الأوضة لقيت روح على السرير ودم على الأرض ........وعلى الحيطة ......سمعت باب الأوضة بيتقفل ببص لقيت روح واقفة جمب الباب .....والعرايس كلهم على السرير ....غمضت عنيا بسرعة ........سمعت حد بيعيط وانا مش عايزة أفتح عينى .....والعياط بيزيد .....اعاااااااا


روح !!

إتأخرتى ليه ......

زينب : انتى كويسة ؟!


بفتح عنيا لقيت روح على السرير ومفيش دم على الأرض ولا العرايس ....

زينب : بتعيطى ليه ...

روح : ......

ببص فى المرايا لقيت عنيا حمرا من العياط .....

(لا تخافى نحن بجانبك الآن )


أنا عملت ايه عشان كل ده يحصل ....انا لازم أرجع الكتاب لعمو أحمد 


روح : زينب ....انتى فين ....بفتح باب الأوضة لقيت زينب قاعدة على الكرسى انتى كنتى فين ..!!


زينب : انا متحركتش من مكانى ....لقيتى الكشكول ...؟!

اومال مين اللى كان فى الأوضة وبيقولى بتعيطى ليه .....

زينب : روح ؟!

روح : لازم نمشى من هنا حالا يلا 


بعد نص ساعة ....فونها بيرن 


روح : ألو ..

خالد : ألو انتى فين ...انا قدام الكلية ...

روح : انا جاية حالا .....زينب معلشى أنا لازم أمشى ...

زينب : ماشى مع السلامة ..


......

خالد : كنتى فين ؟!

روح : كنت فى السكن بجيب لزينب صحبتى كشكول المحاضرات ...


خالد : امممم وشك أصفر ليه كده وعنيكى حمرا ....كنتى بتعيطى ولا ايه ...!

روح : لا مفيش حاجة عنيا دخل فيها تراب 

خالد : طيب ...براحتك ...


★★★★★★★★ نورا مصطفى ★★★★★★★★★


وصلوا الڤيلا ...


سناء : حمد الله على السلامة يا روح ...

روح : ممكن تاخدينى فى حضنك ..

سناء : مالك يا حبيبتى فيه ايه ؟

روح بعياط : انا مش قادرة ....


سناء : طب اهدى ...ايه اللى حصل لروح يا خالد ؟!

خالد : سألتها بس مرديتش تتكلم ...بس شكلها كانت بتعيط ...


روح : أنا هطلع أرتاح فوق شوية ..

سناء : ماشى خلى بالك من نفسك ....


فى الأوضة ......

روح قاعدة على السرير .....

صوت العياط ...وشكل روح وهى واقفة جمب الباب مش عايزين يطلعوا من دماغى ....انا تعبت خلاص معدتش قادرة .....


سناء : عايزة أتكلم معاك فى موضوع بخصوص روح ...

محمد : مالها روح ؟!

سناء : حاساها متغيرة وكانت جاية من الكلية بتعيط ....دا غير الكوابيس اللى بتحلم بيها 


محمد : من امتى الكلام ده ؟!

سناء : من ساعة ما طلعت من المستشفى .....انا خايفة عليها أوووى 


محمد : غادة قالتلى كده برده لا وايه بتقولى أنها شافت عنيها سودة ....شكل غادة اتهبلت ...

سناء : طب  وهنعمل ايه ؟؟


محمد : يمكن تكون الحادثة لسه مأثرة عليها 

سناء : بس من ساعة وفاة ابوها وامها وانا بعاملها زى غادة ...انا هطلع أشوفها 

......


سناء : عاملة ايه دلوقتى يا حبيبتى ..

روح : الحمد لله 

سناء : طبعا انتى عارفة انى زى ماما وتقدرى تحكيلى اللى انتى عايزاه 


روح : انتى عمرك ما هتكونى زى ماما 

سناء : ليه بتقولى كده 

روح : مش أقصد حاجة بس مش هتقدرى تعوضى مكانها 


سناء : ربنا يرحمها يا حبيبتى دا قضاء ربنا .....وانتى معزتك عندى زى غادة وربنا أعلم 


روح : أسفة لو ضايقتك 

سناء : لا يا حبيبتى ولا يهمك ...انتى بقى متغيرة ليه ؟!

روح : ولو قولتلك هتصدقينى 


سناء : طبعا يا حبيبتى 

روح : ......

سناء : اتكلمى .....

روح : مش عايزة أتكلم 

سناء : ليه ؟!

روح بعياط : سبينى لوحدى ....

سناء : حاضر متعيطيش هسيبك لوحدك 


★★★★★★★★★ نورا مصطفى ★★★★★★★★


محمد : روح قالتلك إيه ؟!

سناء : قالتلى سبينى لوحدى ...


غادة : عاملين ايه وحشتونى ...

سناء : الحمد لله ....بقولك حاولى تتكلمى مع روح وشوفيها مالها ...


غادة : إيه اللى حصل ؟!

سناء : كانت جاية من الكلية بتعيط ومرديتش تتكلم معايا حتى 

غادة : أيوه يا ماما هى بقالها فترة متغيرة ...حتى مش بتتكلم معايا ....


سناء : طب حاولى ..يمكن تتكلم معاكى 

غادة : حاضر يا ماما 


خالد : احنا مش هناكل ولا ايه ...


الساعة 7 بالليل ...

روح واقفة فى البلكونة 


غادة : احم احم الحلو سرحان فى إيه ..؟!

روح : ولا حاجة ...


غادة : اوعى تكونى بتعدى النجوم ههههه 

روح : بفكر شوية 


غادة : اممممم عاملة ايه فى  الكلية ايه ويا ترى بتذاكرى ولا زيى ههه


روح : الحمد لله 

غادة : للدرجادى انا تقيلة عليكى مالك يا روح ؟!

روح : مفيش 


غادة : مش ملاحظة انك متغيرة

روح : ....

غادة : احنا مش صحاب ولا ايه ...؟

روح فى عقلها اقولك ازاى بس وانا معرفشى ايه اللى ممكن يحصل لو قولتلك ....


غادة : براحتك ....انا هروح اذاكر شوية 


★★★★★★★★ نورا مصطفى ★★★★★★★★★


الساعة 12 بالليل ...

انا لازم اخلص قراءة الكتاب ده وبكده اخلص من اللى أنا فيه .....كويس فاصل صفحتين وأرجع لحياتى الطبيعية ....


آخر صفحة ....(لقد تخطيت كل الصعاب ...وأدركت أن لا مثيل لكى ....مرحبا بكى فى عالمى المختار ) 


اخيرا ....كده اقدر أرجع لحياتى الطبيعية ..


غادة : احم احم 

روح : حرام عليكى يا غادة خضتينى ...


غادة : سورة ....كنت بحسبك بتذاكرى 

روح : خلصتى انتى مذاكرة ؟

غادة : اه ....يلا تصبحى على خير 

روح : وانتى من اهله 


غادة : ايه ده ايه ده ما انتى بتضحكى زينا اهو 

روح : هههه نامى 


الساعة 3 بالليل ...

غادة : روح اصحى ....اصحى 


روح : ايه ...!!!

غادة : انتى بتتكلمى وانتى نايمة 

روح : ايه !!


غادة : اه ....وكان صوتك متغير دا انا خوفت حرام عليكى 

روح : .....

غادة : كنتى بتحلمى ولا ايه ؟!

روح : كنت بقول ايه ؟

غادة : كلام غريب كده ...وكنتى بتضحكى كمان 

روح : .........


      الجزء الخامس


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-