Ads by Google X

رواية العاهره الفصل العاشر

 


رواية العاهره 

الجزء العاشر 


الكاتبه / مي علي 



جمعت الفلوس 

ال ١٠٠ ألف جنيه عشان اديهم لزيزي واخلص شمس من شرها 


بس خليت بوسي معايا كارت أمان عشان لو حاولت تلعب بديلها تبقي بوسي شاهده علي اللي حصل ونجيب عاليها واطيها 



كان فاضل بس عشر تلاف جنيه وهيوصلولي ف حواله ف نفس اليوم علي البيت 

وكانت بوسي معايا ف الشقه ومؤمن ف الشغل 


وانا أخدت اجازه ف نفس اليوم 


والباب خبط وانا كنت ف الاوضه جوه 

وبوسي كانت بره وراحت فتحت الباب 


فخرجت انا اشوف مين 

ومكنش ف حسباني ابدا 

ومصيبه وطبلت علي دماغي 


لقيت ابويا ف وشي وداخل وباين عليه الغضب 


اول ما شوفته حاولت ابتسم واداري التوتر لأني عارف أنه هيفهم غلط 


- ابويا اهلا اهلا وسهلا 

ليك وحشه والله يا ابويا 


- ابعد عني يا واطي يا دون هيا حصلت تجيب ستات البيت 


- في اي يا ابويا بس مش كده اهدي وبعدين ستات اي انت مش فاهم حاجه 


- استعبط عليا يا ولا 

انا لما قالولي مصدقتش وقولت لا مستحيل ابو الحسن يعمل كده 


- قالولك اي واعمل اي 

في اي يا ابويا فهمني 


- في اني وصلي جواب من حد بيقولي ابنك داير يتصرمح مع نسوان شمال وبطالين 



- مين اللي بعتلك كده يا ابويا 


- مش مهم مين اللي بعتلي المهم انو طلع حقيقه 

وانا اللي كنت مفكر انك هنا بتشتغل اتاريك داير ورا النسوان يا واطي 

والله واتخدعت فيك 



- يا ابويا افهم بس الموضوع انت ظالمني 


- اخرس مسمعش حسك 

انا كدبت نفسي بس أخوك حكالي علي كل حاجه 


- قول كده بقي يحيي اللي قالك الكلام ده وملا دماغك بيه 

واكيد جه هنا معاك مانت مستحيل تعرف العنوان لوحدك 

وخايف يطلع يقابلني 


- اخرس متجبش سيرته علي لسانك 

امسك الجواب اهو اللي وصلني 

وكلام أخوك اكدلي 

لا وكمان اجي الاقيها عندك ف البيت وتقولي افهم 

والفلوس اللي داير تلمها والأرض اللي رهنتها 

اي كل ده اعمل اعمي ومشوفهوش



- يابويا اقسم بالله الموضوع ما كده خليني اشرحلك 


بص للبت وقال...

انتي يا بنت الرافضي يلي مش لاقيه أهل يلموكي ولا شوفتي ريحة التربيه 

انجري من هنا بدل منزلك بفضيحه 


- يا ابويا مش هتمشي هيا ولا انت كمان الا لما تفهم الحكايه بس 


- انت بتعصاني يا ابو الحسن 


- يا ابويا 


- طب يمين بالله لا انا ابوك ولا اعرفك لو ما اتعدلت ورجعت نضيف زي ما كنت 

ولو متعدلتش مشوفش وشك تاني ويحرم عليك بيتي ولا تقف ف عزايا ولا ف جنازتي 

انت سامع 



وخرج ورزع الباب وراه


ليك كده بس يا ابويا 

انا مش عارف بيحصل فيا ليه كده 

ده انا حتي نيتي خير 



جت بوسي جنبي وقالت ...


معلش يا ابو الحسن متزعلش 


- انا مش زعلان 

بس نفسي مره واحده يفهمني ويسمعني 


- هو اكيد سممو دماغو بكلام ضدك 

معلش 


- اه صح 

مين اللي بعتلو الجواب 

استني أما نقراه



لقيته مكتوب فيه ...


إلي عمدة البلد وأكبر مشايخها 

انت نايم علي ودانك وسايب ابنك داير مع البنات الشمال وصارف فلوسه عليهم 

إلحق ابنك قبل الفاس متقع ف الرأس 


الامضاء ..

فاعل خير 



بوسي قالت ...

انا شامه ريحة زيزي ف الموضوع 


- طب وهيا تعمل كده ليه 


- عشان تزيحك من سكتها ومتوصلش لشمس 


- كده 

طيب ماشي 

والله مهتطولي مليم واحد ولاخدها بردو 



- هتعمل اي يا ابو الحسن 


- هعمل كتير 

انا كنت فاكر أن الموضوع هيمشي ودي 

بس طلاما عملت كده يبقي اخرتها علي ايدي 


- طب ناوي علي اي 


- انا فكرت كويس اوي ف خطه هتوديها ف داهيه 


- اي هيا 


- هيا محميه من ناس 

صح 


- اه 


- هخلي نفس الناس اللي حمينها هما اللي يودوها ف داهيه 



- لا بص انا مش فاهمه حاجه خاااالص 


- بصي

هما بيحموها مش عشان سواد عيونها 

لا عشان أسرارهم معاها 

ف لو اتمسكت وحسو أن اسرارهم هتتفضح هيزيحوها 


- يابن ال ايه 


- فهمتي 


- اه بس طب هنعمل كده ازاي 


- بصي يا ستي 

هيا الحكومه لما كانت بتطب عليكم كان بيبقي في حد جوه  

من الناس الكبيره أو زباينها


- الصراحه لا 


- حلو الكلام ده 

اللي انا عاوزو منك بقي 

انك توصلي لواحده من البنات وتكوني بتثقي فيها جدا 

لانك طبعا مش هتقدري توصلي لشمس 

وتخليها تراقب لحد ما يجي لها زبون من الناس التقيله 

وساعتها هكون انا ببلغ وانتي كمان بتبلغي والبنت التالته بتبلغ علي اللي بيحصل 



- طب وهنقول اي للحكومه 

دول هيقبضو علي بقية البنات ويحبسونا 


- لا ما احنا هنبلغ انها بتعمل كده بلوي الدراع 

وانا بدل مهديها الفلوس دي 

هرفع بيها محامي يدافع عن بقية البنات



- طب والله فكره جامده اوي 


- ساعتها بقي مش هيطلعوها لا هيتاووها عشان فضيحه راجل مهم 


- طب ولو حصل العكس يا ابو الحسن 


- انشالله متقلقيش كله هيمشي بأمر الله طلاما نيتنا خير 


- خلاص ماشي 

انا هحاول اوصل للبت شروق دي غلبانه اوي وزيي انا وشمس 

وبتحبنا وهيا كمان مش عاجبها الحال 



- طيب شوفي كده بقي وقوليلي 



وفعلا ظبطت الدنيا وشاركت مؤمن معانا ف الموضوع 

وهخليه يروح يبلغ هو كمان 

وكل أما البلاغات تكتر

كل اما نخلص أسرع 



واتصلت بوسي بشروق وفهمتها 

والبنت ما منعتش 

وبعدها بيومين بالظبط 

اديتنا تليفون أن في راجل مهم اوي جاي الساعه اربعه وموقفه البيت كلو علي رجل 

عشان مهم ومتريش 


وفعلا روحنا انا ومؤمن وبوسي وشروق 

بلغت بالتليفون 


وكل واحد فينا بلغ من مطرح 


وشرحنا للظابط كل حاجه وبوسي قالت إنها كانت شغاله معاهم ودلوقتي بتحاول تنقذ زمايلها 


وطبعا زيزي كان ليها سوابق وبلاغات كتير اوي اتحفظت ضدها 


والظابط كان ابن حلال 

وف خلال دقايق كان جايب اصلها وفصلها 


واتجهت قوه للڤيلا ونزلوهم علي البوكس 

بس الراجل المهم ده 


مشي بعربيته واتجه الاسم 

وخرج ف يوميها 


وطبعا انا كنت وراهم 

ولازم اوقف محامي يدافع عنهم 


ووقت الجد لما زيزي لقت الراجل خلع 


هددت انها هتتكلم بكل حاجه 


وفضلت تقول ....

لا انا مش لوحدي 

ده انا هطربقها فوق دماغكو 

كلملي فلان بيه وعلان بيه 



وف خلال ساعه كان الكلام انتشر ف كل حته 


وانا توقعت أنهم هيخرجوها 


بس اللي حصل كان عكس كده 


ووكلت محامي ولأخر لحظه وهو بيقول موقفهم ضعيف 


بس ف لمح البصر حولوهم من غير محاكمه علي سجن ليمان طره 

بتاع الحريم 


سجن النسا يعني 


انا مبقتش فاهم ازاي ده 


بس لقيت البنات خرجو وشمس معاهم 

من غير اي إجراءات 


والاخبار اللي كانت ماليه الجرايد ومنتشره 


اتسحبت واتقال عنها إشاعات للتشهير بناس عظماء 


بيفيدو البلد 


وأخدتهم علي شقتي 

ملهمش مكان تاني 


وعرفنا تاني يوم أن زيزي طلعت هيا كمان 


وبقيت هتجنن طلعوها تاني ليه 


بس يشاء القدر وأعملها السوده 

وان خلاص ريحتها فاحت 

فقررو يشيلوها خالص من علي وش الدنيا 


ولقوها مقتوله ومرميه ف الطريق الصحراوي 


انا فرحت اوي والبنات كلهم فرحو 


ده اللي كان متوقع طبعا والحمدلله خلصنا منها 


وحررتهم كلهم من غير ما ادفع ولا مليم 

غير شوية اتعاب بسيطه 


والبنات تاني يوم راحو الشقه 

وادو قرشين للعساكر اللي كانو هيفضوها وهيشمعوها 


ودخلو جابو حاجتهم 

ولبسهم وفلوسهم 


وجم عندي عشان يودعو شمس 

ويدوها هدومها 


بس هيا قالت ...


خلاص مبقتش عوزاها 

وهتوحشوني اوي يا بنات 


بوسي قالت ....

هنشوفك تاني متقلقيش ومتنسيش تعزمينا ع الفرح 


شروق قالت ...

هتوحشينا اوي يا شمس 

ومش هنتفرق ابدا 


شمس قالت ...

وانتو كمان هتوحشوني وهنتقابل قريب جدا 

بس خلو بالكو من نفسكو 

واوعو والنبي ترجعو للسكه دي تاني 

أوعدوني 



وعدوها بأنهم خلاص توبه 


بس شمس قالتلي أن دول بس هيا واثقه انهم مش هيرجعو للطريق ده تاني 


بس بقيت البنات لا 

هما كيفهم كده 

وبيحبو الموضوع ده 


واخيرا بقيت انا وشمس مع بعض 


ونزلت اشتريتلها هدوم وبقينا نتفسح ونخرج 


وطبعا كنت ناوي خلاص اننا نتجوز 


بس كنا لازم نظبط الشقه 

ولازم احاول أعرف والدي بيها 


وهيا كمان كان لازم ترجع البلد عشان أهلها 

وتمهدلهم الحكايه 


وفضلنا مع بعض بالظبط شهر 

شوفت معاها كل الحنيه ومعني الحب 


وكانت رقيقه اوي 


وانا كان لازم انزل البلد 

عشان خلاص بجد مش قادر وعاوز اتجوزها بقي 


وظبطت نفسي علي أخر الأسبوع اني هاخد اجازه يوم واروح 


وبعتت هيا حواله لأهلها عشان يعرفوا يعيشو


وقبل مسافر بيوم 

كنا خارجين بنتفرج علي العفش وكده 


فجأه لقيت وشها اتحول وتعبت ووقعت ف الارض 


- شمس مالك فيكي اي 


- اااه مش عارفه في نغز جامد اوى ومش قادره اتنفس 


- طب قومي قومي 

نروح للدكتور 


- مفيش لزوم انا هبقي كويسه 

ااااه



- قومي يا شمس تعالي اسندي عليا 


ووقفت تاكس بسرعه وركبنا 

لأقرب مركز طبي 

ودخلنا لدكتور باطنه وصدر 

انا مش عارف هيا عندها اي 


كشف الدكتور عليها وقال...


لا سليمه انشالله 


- طب هيا مالها يا دكتور 


- ده مجرد ضعف مش أكتر 

بس لازم نعمل شوية تحاليل وفحوصات واشعه عشان نتأكد أن مفيش اي أثر لحاجه تاني 



- يا دكتور لو في حاجه قولي 


- متقلقش انا عاوزك تطمن 

اعملي بس الاشعه والتحاليل وتعالي عشان اشوف 

الاشعه هيا اللي هتحدد إذا كان في حاجه تانيه ولا لا 


وأخدتها ومشيت 

وكانت اتحسنت شويه 


بس الوقت كان اتأخر وعدت الساعه ١١بليل وف المنطقه مكنش في معامل أو مركز اشاعه


فقلت بكره هوديها 


وروحنا 

وفضلت جمبها لحد ما نامت 


والصبح بدري صحيت ولقيتها صاحيه قبلي كالعاده 

ومجهزالي الفطار 


وقعدت فطرت وقولتلها ....


انا هروح أخلص حبة حاجات وساعة زمن هكون جاي 

وهاخدك عشان نعمل التحاليل والفحوصات 


- ملوش لزوم انا بقيت كويسه 


- لا لازم وبعد أذنك متقاوحيش 


- حاضر 


- انا ماشي بس راجعلك تاني يا قمرايتي 


ومشيت وسبتها 

وروحت الشركه 


مؤمن طبعا كان ساب الشقه ورجع يسكن تبع الشركه 

بس هو دراعي اليمين 

وبقي المساعد بتاعي بدل مكان صنايعي 


انا سلمتله الشغل ومشيت علي طول 


مكملتش ساعه 

وروحت 


رنيت الجرس محدش فتح 


اتخضيت 

يانهار ابيض ليكون حصلها حاجه 


فتحت بالمفتاح ودخلت جري 


- شمس شمس 


دورت عليها ف كل الشقه 

مفيش لها أثر 


بصيت ع الدولاب لقيته فاضي 


وقفت دقايق أجمع اللي بيحصل 


لا لأ يا ابو الحسن 

مش معقول تكون سابتني و مشيت 


طب هتكون راحت فين وأخدت حاجتها معاها كمان 


يا شااااااااامس 



اااااه يا ابو الحسن مش مكتوب عليك تفرح ابدا 


بس لأ أكيد هيا راحت مشوار وجايه 


يعني اي سابتني وهربت 

بعد كل ده 


طب ليه 

انا عملتلها اي 


خرجت للصاله وانا دماغي بتخبط ف الحيطه 


فضلت واقف والدنيا بتلف بيا 


عيني جت علي الترابيزه بتاعت السفره 


لقيت ورقه مطويه 

مسكتها وانا أيدي بتترعش 


وقريت المكتوب ......


       الفصل الحادي عشر والاخير من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-