Ads by Google X
روح الجزء الخامس -->

روح الجزء الخامس

روح الجزء الخامس


     

    #الجزءالخامس

    #روح 


    الساعة 7 الصبح خالد وصل روح بعربيته لكليتها ....


    خالد : مالك ؟!

    روح : ولا حاجة 

    خالد : لأ فيه متغيرة ليه ؟!

    روح : .....


    خالد : بتفكرى فى إيه ؟!

    روح : لو قولتلك هتصدقنى ؟!

    خالد : أكييد 


    روح : طبعا انت عارف انى بحب القصص والروايات الرعب 

    خالد : اه عارف انك مبتخافيش هههه

    روح : المهم انا جبت كتاب من عمو أحمد إسمه ( أنتى المختارة ) 


    خالد : كملى سامعك 

    روح : انا عادى قرأته بس الكتاب شكله غريب وقديم 

    خالد : عرفتى منين ؟!

    روح : وانا بجيبه من عمو أحمد قالى ان فيه كتير قروه قبلى وإنه مش للبيع وانا قولتله خلاص هقرأه وابقى أرجعه 


    خالد : وانتى اكيد قرتيه ؟

    روح : اه بس الفترة اللى كنت بقرأه فيها حصلى حاجات غريبة .....زى ......دا غير السكن .....


    خالد : ..............

    روح : سكت ليه أكيد بتقول عليا مجنونة 

    خالد : انتى معاكى الكتاب حالا ؟!

    روح : اه معايا بعد الكليه هرجعه لعمو أحمد 


    خالد : هاتيه كده ..

    روح : اهو ...

    خالد : قرتيه ازاى ده والكتاب عبارة عن ورق فاضى 

    روح : مش عارفة بس انا قريته وكمان انا اخترقت قاعدة من قواعد الكتاب 


    خالد : هو كمان ليه قواعد !!

    روح : اه ....مينفعش انى اقول لحد على اللى بقرأه ولا على اللى حصلى انا خايفة لحاجة تحصلى 


    خالد : ههههه

    روح : انا بتكلم بجد 

    خالد : بس كلامك مش داخل دماغى خالص 


    ★★★★★★★★★ نورا مصطفى ★★★★★★★★


    وصلوا الكلية ...


    خالد : يلا خلى بالك من نفسك وبعد ما تخلصى محاضرات نبقى نروح لصاحب محل الكتب واعرف منه ايه حكاية الكتاب ده ..


    روح : ماشى مع السلامة ..


    فى الكلية .....

    زينب : ازيك يا روح عاملة ايه ؟

    روح : الحمد لله انتوا عاملين ايه ؟

    إسراء : كويسين ......بقولكوا إيه انا مش فاهمة حاجة من دوكتر محمد ومش عارفة هنمتحن شفوى ازاى !!


    روح : وانا برده احنا نذاكر اللى هيحدده من الكتاب وخلاص 

    زينب : انا برده هعمل كده 

    إسراء : وانا اللى بكتب محاضرات وراه هههه


    روح : طب يلا بقى على السيكشن عشان منتأخرش ....

    فى المدرج ...


    زينب : الحقى روح نامت 

    إسراء : ههههه سبيها نايمة احنا يعنى فاهمين اللى هو بيقوله 

    زينب : هههه طب حطى الشنطة قدامها عشان الدوكتر مياخدشى باله .....


    بعد ساعة .....

    روح : اعاااااااااااا

    كل اللى فى المدرج بصوا ليها ....

    الدوكتر : إتفضلى اطلعى بره 

    روح خدت شنطتها وزينب وإسراء طلعوا معاها 


    فى كافتيريا الكلية ...

    زينب : ايه يا بنتى صرختى ليه ؟!

    روح : كنت بحلم ...حلم وحش اوى 

    إسراء : حلمتى بإيه؟!


    روح : كنت فى مكان كبير وانا كنت ماشية ....وكان فيه بوابة كبير ...ولما دخلت ...لقيت بنات كتير اوى هناك ....وكل واحدة فيهم بدأت تقولى اهلا بيكى وتقولى على إسمها ..


    زينب : وبعدين ؟!

    روح : وبعدين لقيتهم عاملين دايرة وماسكين ايدين بعض ...ولقيت عنيهم لونها اسود ....وكان فيه واحدة بتقولى هاتى ايديكى 


    زينب بتبص لإسراء ......

    روح : انا خايفة أوووى 

    زينب : متخافيش دا حلم 

    إسراء : هو حلم غريب بس فى الأول والآخر حلم مش حقيقة 


    زينب : خليكى هنا هروح أجبلك حاجة تشربيها 

    روح فى عقلها ...الأسماء دى قريتهم فى الكتاب قبل كده ......بتفتح شنطتها ...ايه ده هو الكتاب راح فين ؟!


    ★★★★★★★★ نورا مصطفى ★★★★★★★★★


    فى الشركة ..

    محمد : يا خالد الملف ده لازم يوصل لشركة العويسى ضرورى 

    خالد : ليه مش هتوافق على الديل معاهم 

    محمد : لا دا آخر قرار 


    خالد : حاضر هبلغهم باللى حضرتك قولته 


    وهو فى الطريق .....

    دا روح نسيت الكتاب بتاعها .....وجعتلى دماغى بكلامها اللى مش طبيعى ......

    فونه بيرن .....


    خالد : ألو 

    روح : هو الكتاب معاك 

    خالد : اه انتى نستيه فى العربية 

    روح : ماشى خليه معاك 

    خالد : تمام مع السلامة 


    الساعة 4 .......روح واقفة مستنية خالد قدام الكلية 

    بعد خمس دقايق 

    خالد بيوصل 


    خالد : معلشى إتأخرت عليكى 

    روح بتركب العربية 


    خالد : فين بقى يا ستى المحل ده ؟!

    روح : امشى وانا هقولك على الطريق هو مش بعيد ....


    وصلوا لمحل الكتب 

    روح : دا قافل 

    خالد : خلاص نبقى نعدى عليه بكره 

    روح : طيب 


    بعد ساعة 

    ......

    فى الڤيلا 

    غادة : وصلت قبلك النهاردة شو أخبارك ؟

    روح : ههههه منيحة 

    غادة : يارب دايما هو أنا كره 


    روح : هروح أغير هدومى وانتى روحى شوفى سعاد عاملة أكل إيه عشان انا جعانة موت 

    غادة : حاضر 


    بعد الغدا ...


    محمد : عاملة ايه يا روح ؟

    روح : الحمد لله يا عمى 

    سناء : ايوه كده ورينا ضحكتك 

    محمد : شدى حيلك كده عايزين امتياز 

    روح : ان شاء الله يا عمى 


    ★★★★★★★★ نورا مصطفى ★★★★★★★★★


    الساعة 8 بالليل ...

    روح وغادة قاعدين بيذاكروا ..


    روح : بقولك ايه انا لازم اشد بقى معدشى حاجة على الفاينل 

    غادة : ربنا معاكى ومعايا 


    الساعة 11 ...

    كفايا كده انا صدعت .....

    روح : وانا كمان كفاية كده النهاردة 

    قعدوا يتكلموا شوية ....


    غادة : يلا تصبحى على خير 

    روح : وانتى من اهله 


    الساعة 2 بالليل ...

    غادة راحت تجيب ازازة ماية عشان تشرب وهى راجعة الأوضة لقت نور الأوضة بيطفى وبيشتغل ....بيطفى وبيشتغل لقيت حد ايده على كتفى ببص ورايا لقيت .....


    عارفة ان الجزء صغير معلش 


         الجزء السادس

    إرسال تعليق