Ads by Google X
ضوء الجان الجزء الثاني والاخير -->

ضوء الجان الجزء الثاني والاخير

ضوء الجان الجزء الثاني والاخير


     الجزء الثانية والاخير من قصة(ضوء الجان)..



    بعد ما انا والشيخ رجعنا اللمبة للشقه المسكونه رجعت مراتى وابنى الشقه عده يومين ومفيش حاجه حصلت ورجعت كل حاجه زاي الاول.لحد ما فى يوم بليل واحنا نايمين حصل حاجه غريبه......

    فى اليوم التالت نايم عادي وفجاة اصحى على صوت صووويت مراتى جاي من اوضة الاطفال جريت على الاوضه قولتلها بتصوتى فى ايه.قالت

    مراتى:فى حد فى الشقه.

    انا:حد مين؟؟ايه اللى حصل.؟

    مراتى:انا كنت نايمه سمعت صوت خبط بره فى الصاله طلعت اشوف فى ايه شوفت راجل فى الصاله شفنى وضحك ودخل اوضة الاطفال بقوله انت مين ودخلت وراه ملقتش حد.

    انا:بتقولى بيضحك؟كان شكله ايه؟

    مراتى:مختش بالى اوي بس هو بدقن.

    انا:بس بس ده مش انسان ده شيطان.

    مراتى:يعنى ايه شيطان وعايز مننا احنا ايه.

    انا:شيطان جن يعنى عايز ايه بقى مش عارف.

    مراتى:انا خايفه اقعد فى الشقه لوحدي لروح عند امى او تقعد معايا متنزلش.

    انا:مش هتحرك لحد منخلص من الموضوع ده.

    مراتى:واقف وراك.

    انا:كان واقف هنااا يعنى ؟

    مراتى:لا الجن واقف وراك دلوقتى.

    لفيت جسم وببص ورايه ملقتش حد وفجاة لقيت مراتى بتخنقنى وبتشتمنى وبتتكلم باسلوب وصوت غريب اول مره اسمعه شلت ايدها ورمتها على السرير راحت على ابنى اللى كان نايم وبدات تخنق فيه جريت ومسكتها و شلتها ودخلتها الاوضه بتعتنا وقفلت الباب عليها بالمفتاح مش عارف فى ايه اتلبست يعنى من الجن ولا حاله نفسيه...

    قفلت باب الاوضه بالمفتاح وروحت انيم ابنى تانى اللى كان خايف وبيعيط وانا بنايمه بعد شويا راح فى النوم مش سامع اي صوت من مراتى خوفت ليتعمل فى نفسها حاجه الاوضه فيها حاجات كتير ممكن تنتحر وكان لازم ادخل اشوفها بتعمل ايه بس قبل ما اندخل كنت لازم اتصل بالشيخ واقوله على كل حاجه بس للاسف كان قافل تلفونه خوفى على مراتى كان اقوة من خوفى من الجن اللى لبسها وقرارت انى ادخل ...

    بقرب من باب الاوضه وبحط المفتاح فى الباب ملقتهوش مقفول اصلا بالمفتاح مع انى قفله.فتحت الباب وفتحت النور ملقتهاش فى الاوضة وفجاة لقيت اللى جاي من ورايه بيخنقنى مسكتها وكتفتها فى السرير وقاعدت على الكرسى جنبها كانت بتقول كلام غريب بصوت اغرب زاي.

    مراتى:الاضوء-قتل الطفل-ابن شيطان-طفلى-هقتلك.

    وفجاة امتنعت عن الكلام وغمضة عينها كنت مفكرها نامت بس اللى حصل محدش يصدقه مش بيحصل غير فى الافلام.

    قاعد على الكرسي وفجاة لقيت الكرسي بيترفع فوق وانا قاعد على الكرسي ومش قادر اتكلم ولقيت مراتى بتضحك الكرسي حدفنى على السرير وقعت جنب دراع مراتى المربوط مسكتنى من رقبتى بايد واحده وكانت الماسكه قوية فضلت اضرب فى ايدها وبعدت عنها واتصلت بالشيخ تانى بس تلفونه لسه مقفول...

    الساعه 3الفجر مش عارف اعمل ايه وخايف من مراتى جالى فكره انى اتصل بصحبى اللى يعرف الشيخ عشان يروح ليه البيت ويجيبه بس....

    بتصل بيه تلفونه مقفول اتصلت بصحبى التانى ساكن جنبه تلفونه مقفول فى حاجه غريبه بتحصل اتصلت باكتر من شخص كلهم تلفونتهم مقفوله العيب عنى انا مش عندهم طلعت عند باب الشقه لقيته مش عايز يفتح الموضوع كبر انا و ابنى محبوسين مع جن عايز يموتنااااااااااا.

    بدون اي مقدمات باب الشقه بيخبط بقول مين طلع الشيخ.

    انا:ايوه ياشيخ الباب مش بيفتح.

    الشيخ:ثوانى وحول تانى.

    انا: حاضر..

    فعلا الباب فتح سالته انت عملت ايه؟

    الشيخ:الملح رشيت ملح على الباب الجن اللى كان مسكه سابه الملح قوي.

    انا:انت عرفت انى عايزك ازاي؟؟

    الشيخ:انت عمال تتصل بيا اجى افتح انت تقفل.

    انا:كنت بتصل بيجبلى مغلق.

    الشيخ:المهم ايه اللى حصل؟؟

    انا:الجن اللى خلانى اخد اللمبة شوفته فى بلكونة الشقه المسكونه وبلكونة شقتى بس قولت تهيات دلوقتى مراتى بتعمل حاجات غريبه عايزه تموتنى وتموت ابنى انا ربطها فى السرير جوها وكنت قاعد جنبها على كرسي اترفع بياا واتحدفت من عليه.

    الشيخ:مراتك اتلبست من الجن ده مش هينفع اخرجه لانه هيأذينه كلنا لازم احرقه.

    انا:وانت هتحرقه ازاي؟؟

    الشيخ:بأيات فى القران بس هنتعب شويا ومراتك هتتعب اكتر..

    انا:ماشى يلا هنبدا ازاي.

    الشيخ:هات حبل كبير عشان نربطه كويس وشيل اي حاجه فى الاوضه ممكن الجن يحركه ويضربنه بيهاا زاي معمل فى الكرسي.

    انا:هى الجلسه بتاخد وقت اد ايه؟؟

    الشيخ:من سعتين ل3ساعات ويمكن اكتر.ابنك يخرج بره الشقه خالص.

    انا:حاضر هسيبه عند جارنا.

    خرجنا الحاجات من الاوضه وخرجنا ابنى من الشقه ودخلت انا والشيخ الاوضه عند مراتى بالحبل وبدا الشيخ يقراء من كتاب طلعه وكل ما يقراء مراتى تتخنق وتضايق وتغضب او ده الجن.

    عدا ساعة والشيخ بيقراء وبدا دم ينزل من عين ومنخير و ودان و دوافر مراتى انا خوفت عليها بكلم الشيخ مردش عليا الاوضه كلها فاضيه مفيهاش غير السرير والدولاب وبعد نص ساعه كمان بدا الارض بتتهز ده اللى كنت مفكره بس طلع الدولاب اللى بيتحرك جريت عليه وسندته والشيخ سرع فى القراء الحبل بيتفك واحده واحده الشيخ وهو بيقراء راح مسك الحبل وكمل قراء وبعد مرور نص ساعه تانى ووصلنا لسعتين بدا السرير كله يترفع لحد السقفوفجاة نزلت على الارض اتكسر ومراتى اتفكت والشيخ بيكمل قراء باسرع ما يمكن جريت اكتفها تانى فضلت ماسكها لحد ما الشيخ خلص..

    وكان لازم نفهم ايه اللى حصلهاا فى اول الليل واول ما فاقت الصبح حكت على اللى حصلهااا....

    مراتى:بليل دخلت الحمام عادي فجاة لقيت النور بيضعف بغسل واشي لقيت فى المرايا حد واقف ورايه ببص ملقتش حد ببص تانى فى المرايا لقيت شكلى متغير زاي ميكون محروق صوت واغمه عليا ومش فاكره حاجه تانى...

    انا:حمدالله على سلمتك. عايزك ياشيخ.

    الشيخ:الجن اتحرق خلاص ومش هتتاذي تانى.

    انا:انا عايز اعرف اشمعناا انا .

    الشيخ:يمكن عشان بعيد عن ربنا صلى وصوم وبلاش الحاجات اللى تغضب ربنا.

    انا:طيب وهو اي عاصى لربنا بيحصله كده.

    الشيخ:لا طبعا بس لو كنت قريب من ربنا مكنش عرف يعمل معاك حاجه مراتك لو امانه قوي مكنتش اتلبست فى الحمام.

    انا:شكرا ليك. واوعدك هنقرب من ربناا.

    الشيخ:متوعدنيش انا اوعد ربك وادعى يغفرلك.

    الشيخ:السلام عليكم.

    وبعد خروج الشيخ وبدات حياتى تتغير من صلاة وعباده ومفيش حد عارف ياذينى من انس وجن....


    إرسال تعليق