Ads by Google X
رواية الغربه الحلقة الحادية عشر -->

رواية الغربه الحلقة الحادية عشر

رواية الغربه الحلقة الحادية عشر



     

    #رواية_الغربة

    ح الحادية عشر 👎


    ممكن اعرف مابتكلمنيش ليه ؟

    مش عايز يا اخي ، وبعدين لك عين تتكلم وانا شايفك طالع من شقة جارتنا المطلقة ..!!

    محمد .. ماتتسرعش في الحكم عليا وتعالي نشرب لنا سيجارتين في البلكونة 

    بيشد دراع فوزي وهو ثابت مابيتحركش ،ايه يابني ؟

    فوزي … مش حاسس اني عايز اسمعك 

    محمد .. هههههه حاسس مالك بتتكلم زي الحريم كدا 

    فو زي .. ليه هي الحريم بس اللي بتحس للاسف تربية الذكور في مجتمعنا العربي غلط وبتفرق بشكل مميت للمشاعر وللانسانية كمان بتخليك تفتكر نفسك مخلوق فرز اول واي حاجة بعد منك درجة تانية اقل منك هي مراتك دي مش لها نفس الحقوق اللي ليك وعندها نفس المشاعر والرغبة زيك 


    محمد .. انت بتخرف تقول ايه ؟ قولتلك انا راجل واعمل اللي اعمله وعلي فكرة فاتن تبقي مراتي 

    فوزي سقف علي أيده وقال .. برافو كدا انت نفذت شرع ربنا واتجوزت في الحلال مش كدا ،هي بقي تعمل ايه ؟

    محمد بلجلجه  .. مانا بكلمها فيديو وبسال عليها وسنة كمان وهنزل اقعد معاها شهرين 

    فوزي ..  ودا عدل ربنا اسمها زوجتك ومحجوزة في مصر لحضرتك وانت عايش هنا ومقضيها 

    محمد.. يوووه انت خنيق اوي ومخك مقفل 

    فوزي .. فعلا يمكن عشان حسيتها اختي اللي جوزها ظلمها ورماها من ساعتها وانا مقهور من جوايا صعبان عليا حال الست الضعيفة اللي بكلمة طيبة هتعيش وتستحمل ومع ذلك مابتسمعهاش بتتهان وتتبهدل والوحشه الخبيثه اللي بتعرف تدلع عايشه ست الستات ..

    محمد. . قصدك مين بالكلام دا 

    فوزي .. ماقصديش انا بتكلم عموما 

    محمد … لحد هنا وكفاية انا وفاتن بنحب بعض وحياتنا مستقرة اطلع منها ي فوزي 


    فوزي .. من غير ماتقولي انا خلاص اتصرفت في سكن مع اتنين زمايلي وهنقل من اول الاسبوع أن شاء الله 

    محمد شوح بأيده وقال .. يكون احسن 

    زعل فوزي شويه وبعد كدا دخل اوضته ومادخلش علي المطبخ كالعادة وهو بيفكر 

    " اللي بيطمع في كل حاجة مابيحصلش حاجة وبكره الزمن يثبت لك يا صاحبي انك كنت غلط " 

    تأليف أماني عنان 

    محمد تظاهر بأن فوزي مش فارق معاه إلا أنه للحظة قال بصوت مسموع .. الله طب لما يمشي مين هيغسلي هدومي ويعمل الاكل 🤔🤔🤔

    ___________ 

    حسن طلع عليه النهار وهو نايم بالبدلة في صالة شقته اللي كان هيتجوز فيها الشمس بتدخل بشويش وكأنها محرجة من اللي حصل ليلة أمبارح ويمكن زعلانه منه ومش مسامحه بدأ يفتح عينه علي رنة تليفونه قام مفزوع وقال .. معالي 

    بص في التليفون لقي أنها الاء كنسل المكالمة ،، مابقيتش حسن بتاع زمان للاسف بقيت زوج وعندي مسؤولية تجاه مراتي اللي ماعرفتش اقول لها كلمة واحده من قلبي تفتكرها لي ..


    نفخت الاء ورمت التليفون وفضلت حابسه نفسها لفترة وقافلة علي قلبها لحد ما اتقدم لها عريس صالونات وافقت فورا وهي مقتنعه أن الحب دا استثناء مش دايما بيصدق ويتم 🤫✋


    غير هدومه ونزل من غير مايصحي حامد اللي شافه بالصدفه وهو نازل نايم في اوضة الاطفال ..


    أم معالي قلقانه علي بنتها ومانامتش اصلا عماله تتقلب في سريرها وصحيت كام مره وكل ما تصحي تسمع صوت خبط في المطبخ قامت براحه تشوف في ايه لاقت مرات حامد نازله اكل في كل حاجة بتكشف الحلل بفجعة وتاكل وقفت شويه وبعد كدا راحت لها :

    الام.. بتعملي ايه علي الصبح 

    تغريد .. بوقها مليان اكل ومش عارفه ترد ،ب ب باكل لاقيت نفسي جعانه

    الام .. طب ماتسخني وتقعدي علي الترابيزة تأكلي انتي وعيالك حد منعك 

    تغريد مرات حامد .. ههيههي هه لا ماهو انا باكل علي البارد عادي 

    سكتت ،مش واقته واضح أن تغريد قاعدة عشان تفطر وتتغدا وتتعشي وتحلي باكل الفرح كله ..!

    ________________

    طلع النهار علي معالي ولما صحيت اتخضت 

    معالي .. ايه دا لااااا 

    بصت كويس وافتكرت اللي طلبه منها السواق امبارح 


    الطلب 👇 الساعة ١٢مساءا 

    السواق .. ممكن تلبسي لبس هاني ابن خالك وتيجي تدي لناجي بيه الدوا 


    معالي .. بتهزر صح 

    السواق .. ابدا ي بنتي والله خالك بقت حالته صعبه من ساعة ما ابنه سافر ايطاليا واتعرف علي واحده خواجايه هناك وهو مابينزلش قلبه قسي علي أبوه ومع مرور السنين ناجي بيه تعب وجاله زيهايمر بس مش فاكر غير أنه ليه ابن اسمه هاني 

    معالي .. يا حرام 

    السواق كمل .. جبت بنت من الحارة عندنا تساعدني وكنت بلبسها لبس ابنه وتديله الدوا مرتين في اليوم 


    معالي .. امممم وهي كلمتك من شويه واعتذرت 

    السواق .. ايوا 

    معالي .. دا عمل إنساني عظيم والراجل المريض دا خالي مهما كان لازم اساعده 

    السواق .. الله يكرمك ي ست العرايس

    معالي .. بلاش سيرة العرائس والنبي 


    السواق جري علي اوضته اللي في الفيلا وجاب لها اللبس وفعلا لبست راجل ودخلت عطته الدوا وهو طلب تحكيله حدوته افتكرته زمان في شبابه لما كان بيودهم ويشتري لها عرايس وهدوم ،قلبها حن وحكت له فعلا حدوته نام جامبها وهي قاعده جانبه علي سريره وطلع عليهم النهار كدا هو فاكرها ابنه الوحيد اللي برغم مرضه مانسيهوش وهي افتكرت حنانه عليها وأنه حته من امها كأنها هي …

    صحيت قبله قامت بصت في المرايا وضحكت … اخيه شكلي وحش اوي بالشنب

    هههههه 

    لفت شمال ويمين قدام المرايا وبعد كدا دخلت المطبخ تحضر فطار ،بعد ماخلص طلعته في الجنينه يفطر في الشمس ماسكه أيده وهو ماشي براحه 

    معالي .. يالا يا خا بابا انت بابا 

    خالها .. ربنا يخليك ي هاني ي ابني 

    معالي .. شد حيلك كدا ي حج دا احنا عايزين نجوزك 

    خالها .. هههههه لا انا عايز افضل عازب بعد ما امك سابت البيت كرهت صنف الحريم كله .

    معالي .. بصت لعم عوض اللي بيعدل في الترابيزة والكراسي قام مشاور لها 

    عم عوض بصوت واطي .. اسمعي وماتدقيش دا المرحومه ميته من خمس سنين 


    معالي .. ي خبر 

    السواق .. هو الزهايمر كدا بيخلي صاحبه يقلب في الذكريات وكأنها حصلت امبارح 

    معالي .. ربنا يشفيه يارب 

    سابتهم ياكلوا ودخلت فتحت تليفونها وكلمت والدتها طمنتها عليها وقالت لها انا ف بيت خالي هو تعبان شويه ماتقوليش لا مخلوق وانا يومين كدا وهخليكي تكلميه ..

    وش ام معالي رد وراحت بقي تربي تغريد مرات حامد علي رواقه 😀

    __________________


    بعد مرور شهرين والحال ثابت حسن خلص خدمة وطلع من الجيش بعد ماتم المدة راح غصب عنه بعد هروب معالي عشان يقضي اخر فترته حامد قاله بلغ البوليس لكن حسن رفض بحجة أنها مشيت بمزاجها مش مخطوفه ولا متغيبه هيبلغ يقول ايه ؟

    امها اطمنت وعرفت انها عند خالها وكلمت اخوها وعرفت حالته ..


    محمد عايش مع فاتن ولسه مكمل تحت تأثيرها ومش عارف ينفصل ولا ياخد قرار صح مابقاش مركز في  شغله وفي مناقشه حول إنهاء عقده وهو غافل عن مستواه اللي بينزل يوم عن يوم 


    أميرة قعدت فعلا من الشغل وعاشت ٦٠يوم سعادة مع الدكتور معز اللي بدأ علاقته بيها رغبة واتحولت لحب وتعلق فجأة حست بدوخه قررت تعمل اختبار حمل وبعد تلت ساعات ظهر موجب ..

    أميرة .. ي خبر اسود حامل ازاي دا انا استبعدت فكرة الحمل دي خالص 

    خدت الورق وروحت بعد تفكير رمت الورق علي الركنة في الصالة وقالت … الجنين دا لازم ينزل وفورا 


    خدت مفتاح العربية ونزلت من غير ماتكلم معز ولا تقوله علي حاجة معتقده أنه اكيد مش عايز منها عيال وأنها جوازة مؤقته ..

    معز جاي لها بالليل رن الجرس مافتحتش فتح هو ودخل …

    معز .. أميرة مرمر حبيبتي 

    ماسك ورد ابيض في أصفر وجاي متفائل ومزاجه رايق الحب بان علي تصرفاته 


    مرمر .. بص في البيت كله مش موجودة خرجت تاني حط الورد علي الترابيزة ومسك التحاليل قربها من عينه عشان يتأكد أنها حامل 

    معز.. مستحيل دا يكون حقيقي 

    خد الورق ونزل جري علي بيته التاني محتاج يتأكد من الدكتورة مراته أنه بعد خمس سنين جواز كان عايش في كدبة ولا أميرة خائنة قلبه كان عايز يصدق أنه رجولته كاملة وأنه بيخلف ماعندهوش مشاكل ..

    رن الجرس فتح له الخدام كريم ابنهم بيلعب علي الارض والدكتورة بتتكلم في التليفون

    معز .. عايز اتكلم معاكي 

    الدكتورة .. شاورت له استني 

    معز .. سناء انا بخلف ..!


    رفعت الفون من علي ودنها بخضه وقالت .. انت عرفت 

    معز .. شدها من دراعها بعنف : يعني صحيح 

    الدكتورة .. ماهو كنت مضطرة اعمل كدا عشان تفضل معايا 

    قربت منه وحطت أيدها علي صدره .. انا بحبك ي معز ومستحيل اسيبك تبقي لست غيري 


    زقها ع الكرسي وقال بغضب .. غشاشة دا مش من حقك كان لازم تقوليلي وانا اللي اختار شكل حياتي اكمل معاكي ولا لا مش تكذبي عليا وتخليني اتبني طفل مش من صلبي وانا اقدر اجيب غيره عشره 

    طلع علي فوق يلم هدومه وهي قعدت تعيط قام كريم يطبط عليها 

    كريم .. هو بابا رايح فين ياماما

    الدكتورة شالت أيدها من علي وشها  وقالت بعيون واسعة وبتعض علي أسنانها 

    مش هيلحق 

    وقامت ….

                   الحلقة الثانية عشر من هنا

    إرسال تعليق