Ads by Google X
رواية الغربه الحلقة السابعه -->

رواية الغربه الحلقة السابعه

رواية الغربه الحلقة السابعه


     

    #رواية_الغربة

    الحلقة السابعة 👎


    انا مش سعيد مع مراتي وبكره الوقت اللي بقضيه معاها في مكان واحد 

    تتجوزيني ي أميرة  ..؟

    ازاي وانا اصلا متجوزه طب اقول له ولا اسكت دا عريس لقطة الصراحه اي بنت تتمناه ، اه لو كان اتقدملي زمان قبل جوزي كنت وافقت بيه وعيشت معاه متهنيه إنما دلوقتي للاسف ماينفعش 


    انا لازم اقول له واخلص من لفه ورايا الناس هتفهمني غلط 

    كمل معز قبل ما أميرة تعترض وتقول له بأمر جوازها .

    معز .. بشرط

    أميرة بترفع وشها من الورق اللي كانت بتسجل فيه عدد حالات الاطفال المصابه بالحمي للدكتورة ندي كعمل اضافي بتاخد مقابله منها هي برا حساب المستشفي : نعم !!

    معز … نتجوز عرفي 

    أميرة .. ياه دا عز الطلب يعني ورقة ولا من شاف ولا من سمع 


    معز .. قولتي ايه ؟

    أميرة بتسكت كتير وترد جواها مش عايزا تنطق وكأن الكلام رافض يطلع من حلقها مربوط بحبال قوية 

    معز .. ها 

    أميرة .. اديني مهله افكر 

    كملت مع نفسها ،، الله يخربيت شيطانك انتي كدا هتروحي في داهية راسمي وهتتفضحي في الجرائد وتتشردي 

    عقلها .. لا ماحدش هيعرف اصلا   هتجوزه كام شهر ولما محمد يقرب يرجع ابقي اطلب الطلاق 

    معز .. مسك أيدها خطف وباسها 

    مطمن شويه  شيفت  بالليل مافيهوش ناس كتير زي الصباحي ..

    أميرة خلصت شغلها ومروحه معز ظهر قدامها بعربيته المرسيدس اتوهمت 

    أميرة .. واووو عربيتك دي ؟

    معز .. لا مستلفها 

    أميرة ..  اتكلم جد 


    معز... ايوا 

    أميرة .. دا انت غني بقي 

    معز .. غني بس تعيس في حياتي الزوجية ماليش رفيقه توام روح تشاركني تفاصيلي ،نضحك سوا نخرج نلعب مراتي دكتورة ومأزمه الامور خالص 

    أميرة .. ايه اللي يخليني اوافق بيك ؟

    معز … الحب 

    أميرة .. هههههههه 

    معز مالك ..؟

    في حاجة ماقولتهاش ليك لحد دلوقتي 

    معز ايه هي ؟


    أميرة .. متردده اقوله ولا استغله شويه اكل وفسح ولبس وبعدين اسيبه !!!؟

    تأليف أماني عنان 

    وقف في إشارة مرور فأجلت الكلام بينهم شويه ،بصت من الشباك وشمت هواء عالي ومنعش مسلمه نفسها ومستسلمه للموجه باستمتاع ،قلبها بيموت سنة سنة كل واحد فينا اتولد نضيف وعلي الفطرة بس في حاجة غيرته ،قلة اصل وسخته ، ظلم قواه علي المعاصي قلة علم أو دين في علل كتير مختلفة بتدفعنا للغلط بس مهما كان الغلط مالوش مبرر ولا سماح عند الناس ،العار بيفضل لازق في ديل صاحبه سواء راجل ولا ست وانت مش لوحدك عشان تغلط في وراك أهل واخوات وولاد عم في ناس هتتبهدل لمجرد فرع منها خاب وذل 

    __________


    بعد مامحمد خلص شغل عدي علي محل دهب اشتري خاتم لجارته فاتن وراجع بيغني وحاسس أنه قرب من مناه يتجوزها هنا ولما يرجع مصر يلاقي أميرة منتظراه ..


    خبط ع الباب فتحت له بفستان أحمر قصير وشعرها مرفوع لفوق والعقد الدهبي نازل علي رقبتها ..

    محمد .. اللهم بارك ايه القمر دا ..!


    صوت فتح الباب للآخر .. مع كلمتها ميرسي لذوقك 

    محمد .. قمر بيقول سكر كدا كتير عليا 

    فاتن .. هههههه بطل مجاملة بقي 

    محمد .. انا عاجز قدام رقتك وجمالك ها هنتجوز امتي بقي ؟

    فاتن .. ابعد بس شوية وماتقربش كدا 

    محمد … اهو رجعنا هنعقد امتي خلينا نقرب براحتنا 

    فاتن .. يعني موافق علي شرطي 

    محمد.. موافق المهم نبقي سوا 


    باين اوي أنها بيعه وشروة والاحسن فيها أنهم الاتنين تجار أجساد مش اكتر محددين عايزين ايه من بعض بس بيحاولوا يحطوه في إطار شرعي ..

    فاتن .. بكره بالليل كويس 

    وقف محمد وهو بيفتح الخاتم وقال .. بكره ليه مالليله حلو وادي هديتك اهي 

    فاتن .. امممم ماشي انا هكلم مأذون اعرفه يجي ومعاه الشهود ..

    وتم فرح محمد وفاتن من غير ما صاحب محمد يعرف اي حاجة قضي معاها الليلة وروح تاني يوم لما فوزي سأله قال 

    : كنت بايت في الشغل ؟


    فوزي .. أميرة كلمتني 

    محمد التفت مستغرب .. ازاي وجابت صفحتك منين ؟

    فوزي .. لقتك مافتحتش ليك يومين خافت عليك فكلمتني عرفتني من هزارنا سوا علي اكونتك عادي ي محمد ..

    محمد بيحاول يهدي .. وقولتلها حاجة ؟

    فوزي دخل المطبخ بيجهز عشا رد .. هو انا اعرف حاجة عشان اقولها ..!

    محمد .. اه صح كويس 

    فوزي .. اللي هو ايه ؟

    محمد .. مش مهم جهز بس انت الأكل عشان انا جعان خالص 

    فوزي .. ماشي


     تاكل البيض مسلوق ولا عيون 

    محمد.. اي حاجة هدخل اخد دش واطلع

    فوزي … تمام 

    ____________________ 

    في بيت معالي الزغاريد في كل مكان والمباركات الكوافيرة جت لحد عندها ومعاها بنت بتساعدها قبل ما تخلص لبس والدتها طلبت تتكلم معاها وفي نص الحوار كانت بتوصيها علي حياتها الجديدة :

    معالي .. تقصدي ايه ي ماما بعارفه اللي هعمله لما ادخل الشقة 

    الام .. اولا تعرفي أن هناك بقي بيتك يعني خلاص سركم واحد حتي لو ليا مش كل حاجة تتقال .

    معالي بتضحك وتخبي بوقها

    الام .. بتضحكي ليه ؟


    معالي .. تفتكري انا البنت اللي تخبي حاجة ع امها طب دا انا حتي بنتك الوحيدة ي ام محمد 

    الام .. تتعودي لانكوا هتتصالحوا وتنسي وانا عمري ماهنسي غلطه أو اسائته ليكي

    معالي .. ماشي 

    الام … تاني حاجة الصلاة ماتنسيش تصلوا سوا عشان ربنا يبارك لكوا 

    معالي .. حاضر ربنا يخليكي ليا ي اجمل ام في الدنيا 

    الام .. ويحفظك ي بنتي ويجعله زوج العمر كله 

    معالي .. يارب 


    الام .. يالا كملوا لبس عشان زمان خالك جاي من مصر هو وكيلك بعد ابوكي وعمك الله يرحمهم 

    معالي .. طيب دخلي الكوافيرة 

    الام .. تعالوا العروسة مستتنياكم 

    خرجت الام تستني اخوها اللي اتاخر جدا والمعازيم زهقت من الانتظار ، حسن قاعد ومعاه اخواته قام حامد يسأل :

    في حاجة ي مرات عمي 

    الام .. ايوا مستنيه ناجي اخويا وكيل معالي ولحد دلوقتي ماجاش 

    حامد .. طب والعمل ،، اهو عربيته النبيتي دي ؟

    الام .. ايوا 


    حامد ياما انت كريم يارب فرجت 

    طلع يجري علي العربية عشان يسنده لانه راجل كبير بص لقي العربية فاضية ،سال السواق ..

    امال فين الحج ناجي ؟

    السواق .. ناجي بيه تعب فجأة وماقدرش يجي بعت الهدايا دي للهانم وبيعتذر

    حامد .. هانم ايه وبيه ايه بس ياراجل ي طيب 

    السواق .. الاحترام واجب ي بيه 

    حامد .. طيب ادخل انت اركن العربية وتعالي عشان تاكل لقمة 


    *******

    حسن قاعد مش ع بعضه لفت نظر حسين أخوه فسأله :

    حسين .. في حاجة ي عريس 

    حسن .. احم بص حواليه ووطي ع اخوه وقال 

    دي الاء نازله رن من الصبح خايف لتكون عرفت حاجة 

    حسين .. هتعرف منين ؟

    رد رد علي مانشوف اخو مرات عمك اللي ماسكه فيه دا جه ولا احنا مش قد المقام 

    حسن .. طيب هكلمها وارجع 

    عن اذنك ثواني بس ي شيخنا 

    هز المأذون رأسه وقال .. اتفضل ي ابني 


    خرج حسن برا البيت ووقف علي السلم فتح الخط ومالحقش ينطق :


    الاء .. انت فين يابيه بقالك تلت ايام ماعبرتنيش مالك ي حسن متغير ليه ؟ فهمني فيك حاجة ي حبيبي 

    حسن .. لا انا كويس 

    الاء ..  ولما انت كويس مابتكلمنيش ليه نزلت إجازة وماقولتليش نتقابل زي كل مره ليه ؟


    حسن .. يعني انتي كنتي بتوافقي ..!

    الاء بتراجع .. هوافق المره دي 

    حسن .. هههههه واشمعنا 


    الاء .. عشان وحشتني ي سونه 

    حسن .. وانتي كمان وحشتيني اوي 

    الاء .. طب ماتيجي 

    حسن .. انتي عارفه الساعة كام دلوقتي 

    الساعة تمانية ع ماوصل عندك هتكون بقت عشرة هلحق ارجع امتي ؟

    الاء .. بذمتك في حد بيحب يحسبها كدا 

    حسن .. ماهو 

    الف مبروك يا عريس 

    الاء سمعت .. مين دا ؟ انت فين ؟

    حسن 

    غور ي عم ابو شكلك قفل الخط قبل مايشتم صاحبه 

    صاحبه .. مالك ياض 

    التليفون رن تاني .. 

    حسن .. طب خش انت وانا هحصلك 

    رد عليها .. 

    حبيبتي 


    انت فين ي حسن ؟

    في فرح واحد صاحبي 

    الاء .. صاحبك 

    حسن .. ايوا امال هيكون فرحي ههههه

    الاء .. اكيد لا  سون سون مايعملش كدا 

    حسن .. عيب عليكي ، هقفل عشان العيال بتناديني عايزين أتصور معاهم 


    الاء .. ماشي ،باي 

    اول ماقفلت قالت وهي بتعض شفايفها

    كداب ي حسن والله كداب وانا لازم اتاكد بنفسي 


                     الفصل الثامن من هنا

    إرسال تعليق