Ads by Google X

روايه حب بالاجبار الجزء العشرون


 

ج.20 حب بالاجبار


من النهاردة انتى ملكيش أخ انتى فاهمه ملكيش اخ

مصطفى انا اسفه سامحنى

اسامحك على ايه انا ؟ على ابن الحرام إللى فى بطنك ولا دم ابوكى إللى راح هدر ولا عشان رميتى نفسك لواحد رخيص زى ده قوليلى يا مها اسامحك على ايه ردى عليا

سامحنى عشان انا اختك يا مصطفى مفيش كلام تانى اقوله

مها هو سؤال واحد إنتى اتجوزتيه ولا عشتى معاه فى الحرام

اتجوزته والله اتجوزته

فين قسيمة الجواز

لا ده عرفى

انتى بتقولى ايه انتى مغيبه يا مها 

حبيته يا مصطفى حبيته غصب عنى وصدقته

يارب صبرنى عشان مقتلهاش اخلصي يلا عشان نمشي من هنا واقلعى القرف إللى عليكى ده

تمام دق هلبس

لبست ونزلنا نروح البيت عشان امى تطمن عليها


.......


سارة 

كنت مضايقة اوى عشان مصطفى ومامته طلعت اقعد معاها لقيتها بتصلى 

الباب بيخبط فتحت لقيت دينا....


دينا ؟!! فى حاجه ولا ايه

فين جوزك ولا امه اى حد هنا

طب ادخلى طيب عشان البيبي إللى شيلاه ده

انا مش جاية اتضايف هنا هما فيييييين

خرجت ام مصطفى على الصوت كانت خلصت صلاة ، فى ايه يا سارة ومين دى

دى دينا يا ماما مرات عمر

خير عايزة ايه

وهنا دخل مصطفى ومها 

اول ما دينا شافتها جابتها من شعرها على الأرض وبتضرب فيها

قولتله يا مصطفى الحق مها بصلها وسابها

لحد ما امه شالت دينا من عليها

راحت دينا بصيتلها وقالتلها انا صبرت عليكي كتير عشان تبعدى عنه كلمتك بدل المرة الالف لحد ما حملتى منه وعملت إللى فى دماغك

مها عيطت وبقت تصرخ الحقونى بنزف برضوا مصطفى مالوش اى رد فعل وواقف بيتفرج عليها

قولتله الحق اختك يا مصطفى بتنزف

سندتها امها وقالتلها كمان حملتى منه عوضي عليك يارب قومى يا مها قومى

مصطفى خدهم وطلع على المستشفى

وانا كلمت ريهام تجيلى ...


........


مصطفى

طلعنا للدكتور وقال مع الأسف الجنين نبضه وقف وده برشام هينزل الجنين وربنا يعوض عليكم

عينك مها راحت ماما بصتلها وقالتلها لو هتعيطى عيطى على حالك وعمرك إللى ضيعتيه

الدكتور كان واقف قالها البرشام ده كمان مسكن عشان الوجع

قولتله يا دكتور ينفع نمشي دلوقتي

قال طبعا طبعا مفيش مانع


نزلنا ركبت العربيه وكلمت كرم قولتله هات مأذون وتعالى على الكافيه

مانا قالتلى مأذون ليه يا مصطفى

هتعرفى دلوقتي

روحنا الكافيه ودخلت لعمر

قولتله المأذون جاى وهتكتب على مها حالا انت فاهم

بصلي بغيظ قالى ايه ده معقول مصطفى باشا جاى يترجانى اتجوز اخته ، بس اسف واحده زى اختك ميشرفنيش اكتب عليها

ضربته وقولتله برضاك أو غصب عنك هتكتب شايفه يا هانم إللى بيعتى نفسك له رافض يخليكى على زمته

قالى اصلها رخيصه زيك

ضربته تانى قولتله رخيصه دلوقتي اومال لما اتجوزتها عرفي وضحكت عليها وحملت منك وقتها مكانتش رخيصة

قالى غريبه اوى كنت فاكرك اذكى من كده يا باشا ده كان انتقام منك مش اكتر

هنا دخل كرم وقالى المأذون برا يا مصطفى يلا

عمر قال مش هتجوزها بقولك وع فكرة الورقتين قطعتهم من زمان 

مها بصتله بصدمه وقالتله كنت بتضحك عليا يا عمر

هاهاهاها وانتى عبيطة وصدقتى

كرم قالى تعالى يا عمر عايزك

قولتله ايه يا كرم فى ايه

لو موافق انا هكتب على مها

لو ايه يا ابنى وانا هلاقى احسن منك فين

تمام قولها وانا قاعد برا مستنيك

سألتها قالتلى موافقه

عمر قال تمام العروسه للعريس والجرى للمتاعيس استاذنكم انا

قولتله وحيات امى يا عمر ما انت خارج منها اربطه يا عماد ، هتفضل زى الكلب هنا

خرجت برا وكتبت كتاب مها على كرم...


......


سارة 

قلبي يا  رورو وحشتينى

انتى اكتر والبيبينو عامل ايه قلب خالتو

الحمد لله بيخليني انام كتير اوى

ربنا يقومك بالسلامه 

قوليلى بقا عملتى ايه مع احمد

مبسوووووووطة

حصل ايه بقا

هقولك


فلاش باك

ازيك يا ريهام اتفضلى

ميرسي يا احمد

تحبي تاكلى ايه 

عادى اى حاجه

لا قولى بتحبي السي فوود

اممم تمام

اوك

وطلب العشاء

قالى فى موضوع حابب اكلمك فيه

اتفضل

بصراحه كده انا معجب بيكي وحاسس ان انا وانتى هيبقى بنا علاقة كويسه 

اممممم

بصي انا مش مستنى منك رد دلوقتي بس الابتسامه إللى على وشك دى ريحتنى

تمام الاكل جه 

واحنا بناكل

بيقولى عجبك الاكل

اه حلو جدا

مش احلى من عيونك

ميرسي


باك

وانتى ايه رايك فيه يا ريهام

بصراحه حلو ذوق ولطيف وضحكته جميله ورومانسي وشيك و....

ايه واحده واحده مالك حبتيه

اووووووى يا سارة

طب من يوميها مردتيش عليه

لا بس كل يوم بيكلمنى وبيطمن عليا وبيقولى عايز اكلم بابا

طب ما تحددى معاك

خايفه

من ايه يا نكد

لان بعد الجواز الحلم الجميل ده هفوق منه على كابوس

هههههههههههه لا والله بس لو متفاهمين هتبقوا زى الفل وبعدين فى فترة خطوبه

خطوبه ايه أحمد عايز نتجوز على طول

يعنى الرجل بيكلمك فى جواز وانتى لسه مردتيش عليه وتقوليله موافقه يا فقر

هههههههههههه لا لسه


(طبعا قعدة الصحاب مش بتخلص من الرغى والنميمه فنسيبهم بقا مع بعض و نروح لمصطفى)


فى الكافيه

مصطفى

سيبت كرم ومها مع بعض عشان يتكلموا براحتهم

للكاتبه منة الله فؤاد


(هكتبلكم الحوار بينهم)


كرم: متبصليش كده يا مها وانتى عارفه انا ليه عملت كده

مها:--------

كرم: مش عايزة تقولى حاجه

مها: ليه وافقت تتجوز واحده زيي

كرم: انتى عارفه ليه وعارفه انى من زمان حبيتك عارف انى غلطت وانتى غلطتى بس ان الله غفور رحيم ، وربنا يسامحنا جميعا لو مستعده نقوم بعض انا وانتى من الوحل إللى وقعنا فيه قوليلى وانا جنبك بس مترديش عليا دلوقتى لان انا كمان محتاج وقت انسى، عن اذنك


على فين يا كرم

محتاج ابقى مع نفسي شوية يا عماد

ماشي يا صاحبى ، تفتكر لسة بيحبها يا مصطفى

أيوة بيحبها بس مش عارف بعد كده هيحصل إيه

سمعنا ضرب نار فى الكافيه من جوا دخلت اشوف فى ايه لقيت مها بتجرى عليا هى وامى

الزباين قامت تجرى خافت من الصوت

دخلت اوضه عمر لقيت......


 الجزء الواحد والعشرون هنا


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-