#البارت_التالت
- صورتي بتعمل اي هنا
= قلتلك مريض بيكي يا فيفي .....مريض بتفاصيلك ..ب ضحكتك ..عياطك .....شقاوتك....انا مهووس بيكي يافريده
-عاوزه اروح ..روحني
=هتروحي بس نتغدي سوا الاول واعرفك عليا
*جه فريق من الخدم وجهزوا الغدا السفره كلها كانت مليانه اكل انا بحبه جدا ...*
=دي الاكلات اللي انتي بتحبيها ...يلا اتغدي عشان تعوضي الدموع اللي نزلت منك دي
-عرفت ازاي اني كنت بعيط
=مع الوقت هتعرفي
*بدأت اكل وفعلا الاكل كان حلو جدا جدا *
-تعرفني من أمته!
=من لما كان عمرك عشر سنين
-انا عندك كام سنه اصلا
= خمني كدا ...ولو صح هنفذلك طلب ولو غلط هطلب منك طلب
-مش اتفقنا ع كدا *وضحكت*
=ضحكتك حلوه اوي يافريده
- احم احم ...نقول عمرك ٢٥ ٢٦ سنه كدا
*ضحك جدا * = عندي ٣٢ سنه
- نعم!!!! مش باين عليك خالص
= عشان انا مش اي حد
- نينينينينينينيني مغروور اوي
=بحبك والله
- بس انا عندي ١٩ وانت ٣٢ فرق ١٣سنه ....انت متخيل
= قلبي اختارك انتي اعمل اي
-عرفتني ازاي
=يوم ما---
*وفجاه قطع كلامه صوت الحارس بتاعه ومعاه بنت ملامح وشها مش باين من كتر الضرب ودموعها مغرقه وشها*
-باااشاا
=تؤ تؤ ياامحسن ....تعمل كدا ف وش القمر بتاع ابويا
✓ احمد ....ساامحني والله مكنش قصدي اعمل كدا ..ابوس ايدك ارحمني
*مسك السكينه بتاعت الاكل وقام من ع السفره وقرب ليها وحط السكينه ع رقبتها ف اللحظه دي انا اتفزعت*
°لااا يااحمد.....ارجوك....مهما حصل مش تعمل كدا
✓ ايوا قوليله...قوليله مش يقتلني والله هعيش خدامه تحت رجلك بس مش تقتلني
= فيفي....تقريبا انتي خلصتي اكل يلا
* وشدني من ايدي خرجني وركبني العربيه وطول الطريق ساكت وانا كنت بفكر ف البنت دي واني لازم اعمل حاجه عشانها .....
فضلت افكر واقول معقول الشخص اللي مهووس بيا يطلع عامل فيها كدا وياتري عمل فيها كدا لي ....ثانيه ثانيه .....مهوس!!! اي يافريده انتي صدقتي ولا اي دا طول الوقت انتي قاعده مرعوبه وخايفه منه ....وبعدين لو بابا سألني هقوله اي ....فريده بابا اي اللي يسالك دا شكله مخدش باله اصلا انك نزلتي .....قطع تفكيري صوته*
-وصلنا....
=شكرا *ونزلت وانا قلبي بيرقص من الفرحه اني رجعت بيتي سليمه وفضلت اشتم نفسي ع تصرفي الغبي دا *
- هينفع اشوفك بكرا يافيفي؟!
*ابتسمت وطلعت شقتنا جري....
دخلت شقتنا ومش لقيت بابا حسيت ب كرهه ليا دموعي نزلت غصب عني وفجاه محستش ب نفسي*
--------------------------------------
-يوسف....البت الحقيره دي كانت عنده ف البيت فعلا زي ما الحرس بيقول؟؟!!
= وحشتيني ياا ياسو *وقرب يوسف منها عشان يحضنها وف دفعته بعيد عنها ب عنف*
-مش وقته محن ياايوسف ........ رد عليا هي فعلا كانت ف بيته
=اوووف منك....ايوا ايوا جاابها ڤيلته يااا ياسمين ...ها هتعملي اي؟!
- دا بتاعي انااا ولو وصلت اني اقتلها هقتلها
= انتي هبله تقتلي مين ياامجنونه انتي .....حتي لو قتلتيها مش هتعرفي تدخلي قلبه مش هتعرفي تخليه يحبك
*بدأت تصرخ بهستريا ف وش يوسف *
- لي ياايوسف ....لي مش هعرف هو ليا انا
=لا يا يااسمين مش ليكي......وانا تعبت من جنانك دا ....من زمان وانتي عارفه أنه اختارها هي ..هي وبس اللي هتكون له أو محدش هيكون له.....
اللي بيحصل فيكي نفس اللي عملتيه فيا ....انا مجنون بيكي وانتي اختارتيه هووو
-محدش له سلطه ع قلبه ...
=خلاص يبقي ارضي واقتنعي أنه ملهوش هو كمان سلطه ع قلبه ...وهو بيحبها
-لا يااايوسف انا بحبه ...وهو كان بيحبني ....بس هي جت وخدت كل حاجه....هي لازم تموت لااااااازم
=فوقي من جنانك دا .....وهي ذنبها اي دي كانت لسه طفله لما اختارها ....فوقي احمد لو عرف بتخطيطك دا هيقتلك ومش هيرحمك.....
-لي حبها هي ياايوسف ....ما انا قدامه من صغري ...لي اختارها هي *وقعدت ع الارض وتعيط ف قرب منها يوسف وحضنها *
= محدش فينا له اختيار القلب هو اللي بيختار وهو قلبه اختار واتهوس بيها....فريده مش هينفع تكون لحد غيره ولا هو هينفع يكون لحد غيرها .....
#كأنها_دعت_الا_تفارق_عقلي_وكأن_شعوب_الارض_رددت_أمين
بدل ماتدور وتبحث علي الروايات خليها علي تليفونك وحمل تطبيقنا
