Ads by Google X
رواية حب بالاجبار الجزء الاخير -->

رواية حب بالاجبار الجزء الاخير

رواية حب بالاجبار الجزء الاخير


     

    ج.27 والأخير حب بالاجبار


    خدت احمد وطلعنا على فيلا عدلى و قولتله فين مها وسارة يا عدلى

    انت جاى تسألني ليه 

    مفيش غيرك إللى عمل كده ، قولى هما فين

    معرفش يا مصطفى صدقنى ، بس ممكن اساعدك

    واضمنك منين

    مصطفى ده مش وقت هزار ابوك كان اعز صديق عندى


    حسيت بوجع جوايا لما قالى كده ، وابويا خانه مع مراته 


    يلا يا مصطفى نتحرك 

    تمام يا احمد ، هتروح فين يا عدلى انت تعرف حاجه

    أيوة نمر كان مستحلفلك يحسرك عليهم لما عرف أن جمال هو إللى قتل بنته

    وعرف منين وكمان ده مسجون

    مش وقته يلا دلوقتي وهحكيلك فى الطريق

    خدنا بالعربية وطلع على فيلا اخو نمر ، حسين التميمي

    الخادمه فتحت الباب

    مين حضراتكم

    فين حسين التميمي

    موجود دقيقه اقوله

    زقناها ودخلنا لقيناه فى مكتبه


    اول ما شافنا ابتسم بخبث وقال كنت مستنيكم اتفضلوا

    فين مراتى واختى

    مش بالسهولة دى يا مصطفى تاخدهم

    انا قدامك اهو ومتدخلهمش وسطنا

    وابوك لما قتل بنت اخويا كان ليه وانت حبست أخويا كان ليه برضوا

    اخوك اذانى كتير عشان كان جشع وباصص فى إللى مش له انا لما طلعته من الشركة اديته فوق حقه وزياده لكن مع ذلك كان متعمد ياذينى

    ابوك ضحك عليه

    ابويا نمر قتله وخد حقه خدت مراتى واختى ليه مقابل ايه

    الفلوس وخدها حقه وخده ولو هو فى السجن دلوقتى فبيدفع تمن إللى عمله وشغله الشمال

    حسين اتفاجئ بكلامى وبص لعدلى وقاله

    هو الواد ده بيقول ايه يا عدلى

    بيقول الحقيقه يا حسين 

    حقيقه ايه يعنى أخويا عمل كل ده ؟

    أيوة

    طب ليه قالى كده ، هو بيشتغلنى

    نمر كله شر يا حسين زى ما خدعنى انا كمان وخلانى اعادى ابن جمال ووقع بنا

    حسين وشه اتخطف وجرى يركب عربيته وبيحاول يتصل لحد لكن مش عارف يوصله

    قولت لأحمد يلا بسرعه نلحقه

    عدلى قال يلا وانا وراكم بالعربيه


    دخلنا فى مدينه من المدن الجديدة وبيت شبه مهجور

    كرم اتصل بيا

    قولتله ها لقيت فارس

    أيوة معايا

    تمام هاته وتعالى

    قالى تمام احنا فى الطريق


    نزلت من العربية انا واحمد وعدلى نزل من عربيته

    قرب منى وطبطب على كتفى وقالى متقلقش حسين مش قاتل

    قولتله ده مراتى واختى ازاى مقلقش و يا عالم حسوا بايه

    حسين فتح الباب وندهلنا قال ادخلوا


    دخلنا البيت قولتله هنا فين

    قالى الحمد لله لحقتهم وبجد انا اسف عشان صدقت أخويا

    عدلى بصله وقاله كلنا كنا بنثق فى نمر وهو مش محل ثقه الله يرحمك يا جمال كان هو الوحيد إللى عرفوا على حقيقته

    حسين قاله العشرة بتعرفك مين عدوك من حبيبك يا عدلى

    قولتله لو سمحت هما فين ولحقتهم من ايه

    قالى انا مش عارف اقولهالك ازاى بس نمر قالى زى ما قتل بنتى اقتل إللى فى بطن مراته

    و انا كلمت دكتورة تقولى على برشام وحقن تقتل الجنين

    اتجننت قولتله طب ليه حرام عليك ليه كده

    قالى بص يا مصطفى احنا صعايده وحقنا لازم نجيبه بايدينا

    قولتله وده يديك حق تاذى واحده حامل حرام عليكم والله يا رب ما يرضيك إللى بيحصل ده حسبي الله ونعم الوكيل

    طلعت بصيت على سارة كانت خايفه بتترعش مش قادرة تتحكم فى أعصابها

    ومها قاعده على الارض ومنكمشه فى نفسها 

    جريت على سارة وخدتها فى حضنى فضلت تعيط طبطبت عليها

    متخافيش انا معاكى

    كنت عارفه انك مش هتسيبنى كنت متاكده انك هتيجى

    وانا أقدر اسيبك يا سارة قلبي

    خدنى من هنا عايزة امشي

    طب بطلى عياط

    بصيت لأحمد يشوف مها

    فضل يكلمها مبتردش

    اتخضيت عليها وكلمتها برضوا مبتردش

    سألت سارة هى مالها

    قالتلى من وقت ما جينا وهى كده

    فضلت تحرك فيها عشان تقوم مبتتحركش

    شليتها وسارة نزلت مع احمد

    عدلى قالى مش محتاج مساعدة يا مصطفى

    قولتله كل إللى عايزوا انكم تطلعوا برا حياتى

    حسين قالى لو ده هيخليك تسامحنا يا مصطفى ماشي

    قولتله مش هسامح اطلعوا كلكم برا حياتى

    بصوا فى الارض هما الاتنين وانا طالع حسين  ندهلى

    مصطفى

    عايز ايه

    رضوان الحارس بتاعك هو إللى قالنا ان ابوك قتل زينب


    مردتش عليه و خدتهم وروحت المستشفى

    مها طلع عندها صدمه نفسيه ومحتاجه تتعالج

    وسارة كويسه الحمد لله

    خدت سارة على البيت ومها فضلت فى المستشفى تحت الملاحظة لأنها ممكن تاذى نفسها

    سهرت طول الليل جنب سارة كل ذنبها أنها دخلت حياتى

    احساسي بالذنب قاتلنى فى حق عمر وفى سارة واللى اتعرضتله


    صحيت الصبح وروحت المقابر

    عند عمر ، دعيتله بالرحمه ، اترجيته يسامحنى وسالته يا ترى كنت عارف ان ابويا كان على علاقه بامك يا ترى هو ده إللى شقلب كيانك كده

    وبعد أسأله كتير منى مش لاقي ليها جواب

     قرأتله الفاتحه ومشيت...


    اتصلت بكرم

    انت فين

    فى شقة العزوبية انا واحمد وفارس معانا

    تمام انا جايلكم


    ركبت العربية وطلعت على هناك...


    هو فين

    جوا فى الأوضه

    حكالكم حاجه؟

    لا مش راضي يتكلم

    انا هخليه ينطق


    دخلت وانا مستحلف له


    بس بقا يا عم فارس انا طول عمرى وانا بثق فيك وكنت بعتبرك فى مقام ابويا

    لكن بعد إللى انا عرفته بقى زيك زى الكلب ، دلوقتي بقا هتقولى الحكاية كلها ولا هتستحمل إللى هعمله فيك وانت رجل كبير كده وتتهزق


    بصلي وهو متردد وسكت شوية وقالى

    خلاص هقولك

    قولتله انجز 

    قالى الحج جمال الله يرحمه كان بيحب أم عمر من زمان

    وبعدين 

    قالى كان هو وعدلى بيه أصحاب وعدلى بيه مكانش يعرف اى حاجه عن علاقتهم

    ها وبعدين

    عدلى بيه عرض عليها الجواز وهى وافقت لان الحج جمال كان رافض يتجوزها عشان امك وانت ، وفضلت علاقتهم مستمرة حتى بعد جوازها من عدلى واستمرت سنين طويله

    لحد ما عمر فى مرة اكتشف أنها بتخونه

    وعرف أنها على علاقه بابويا

    أيوة عرف وشافهم مع بعض

    وقتها هى مستحملتش وهاجرت برا مصر ومن بعدها عمر اتدمر وشال الهم لوحده ومقدرش يحكي لحد حاجه


    اول ما قالى كده كأن خنجر اتضرب فى قلبي


    كمل كلامه وقالى

    ابوك بعد ما سهير هانم هاجرت برا مصر بقا عدائي ومش طايق حد ولما شاف علاقة علاء بزينب ومن كرهه فى نمر لانه كان عايز يطلعه من الشركة وحاول اكتر من مرة يقتله

    قالى اقتل بنته زينب لان مستحيل يوافق علاء انه يتجوزها

    قولتله وانت قتلتها بدم بارد كده

    قالى انا عبد المأمور

    ضربته و طلعت غلى فيه كله

    قولتله وعلاء عرف كل ده منين

    قالى كان شاكك فى ابوه لحد ما عرف كل ده وكان بيراقبنا واحنا منعرفش


    قولتله لان ربنا بيمهل ولا يهمل كرم خدوه على القسم والفيديو ده وريه للظابط اعتراف بكل كلمه قالها وقوله مفيش حاجه من القضيه دى تطلع فى الصحافه تمام

    قالى تمام

    شافوا الفيديو هو واحمد

    اتصدموا نفس صدمتى وخدوه ومشيوا

    أما انا فضلت على الكنبه وحاطت ايدي على راسي ومتدمر وضميرى هيقتلى بذنب عمر

    لحد ما قررت اعمله صدقه جاريه عشان ضميرى يرتاح


    وبعد شهور كنت فيها مركز فى شغلى خصوصا ان اخدنا الصفقه من الوفد الامريكي  والمصانع عندنا بدأت فى انتاج الاصدار الجديد من العربيه


     كمان تجنبت سارة مش حابب تسالنى اى حاجه وهى حامل مش هتقدر تتحمل اى صدمه جديده


    أحمد وريهام كانوا حددوا معاد فرحهم كمان اسبوع

    كرم ومها اتطلقوا لكن كان بيطمن عليها من وقت للتانى لأنها بقت تتعالج نفسي


    ....


    سارة

    مصطفى بعد عنى جدا الايام دى وبقى يوحشنى ووحشنى حضنه اوى لكن اتشغلت عنه شويه لانى كنت مع ريهام وهي بتجهز الفيلا بتاعتها

    فرحانه اوى أنها بقت جارتى

    اه نسيت اقولكم فيلا احمد جنب فيلا مصطفى


    لحد يوم الفرح خلاص النهارده


    وانا بطنى قدامى شبرين وبقيت شبه الكورة هههههههههههه بتكسف اوى وانا ماشيه ببطنى دى

    صحيت بدرى وخدت معايا الفستان إللى هلبسه وطلعت على ريهام 

    ايه يا عروسه قومى بقا 

    ردت مامتها قوليلها يا سارة طول الليل سهرانه بتكلم أحمد

    خلاص يا جماعه قايمه اهو

    يلا يا بنتى عشان تلحقى لسة قدامك بيوتى سنتر وسيشن وفرح

    اممممم طيب طيب 

    الحقى يا طنط دى بتحلم هههههههههههه

    شدتها من على السرير قومى يا بت

    خلاص قومت قومت

    خرجت للمطبخ وجبت كوباية ميا ودلقتها عليها

    ااااه حرام عليكى يا سارة

    وطنط بتضحك هههههههههههه


    لبست وطلعنا بقا على البيوتى سنتر


    .....


    مصطفى

    ايه يا عريس منور

    بنورك يا باشا

    كرم بيضحك و بيقول يارب امتى بقا اعمل انا كمان فرحى

    أحمد قاله ربنا يرزقك ببنت الحلال يا ابو الكرم

    يارب يا أخويا زهقت بقا الدنيا بقت ناشفه ، دقيقه سيرين بتتصل

    ايه يا سيرين عامله ايه


    واد يا احمد

    ايه واد دى يا عم شايفني عيل قدامك

    هههههههههههه اه عيل مش عجباك واد

    لا خلاص عجبانى

    مش ملاحظ ان كرم علق مع سيرين اوى

    لا خالص ما هى قدامه من زمان 

    بس انا واخد بالى ، استنى لما يجي هزنقه

    دخل كرم وقال ها يا شباب مش يلا عشان سيرين عايزانا فى الفندق هتسالك يا احمد على شوية حاجات فى القاعه

    قولتله وانت هتروح ليه

    احم احم مش اخويا ولازم أقف معاه

    اممم لا واضح

    طب يلا بينا


    طلعنا على الفندق وبقيت واخد بالى من اهتمام كرم وسيرين ببعض وقولت ربنا يوفقهم 


    كله جهز واحمد جاب عروسته والمعازيم جت


    وام أحمد وابوه جم من كندا عشان يحضروا فرح ابنهم


    وسارة قربت منى وقالت لى فاكر يوم فرحنا

    خدتها فى حضنى وقولتلها فاكر 

    وحشتنى اوى يا مصطفى مش ناوى تنسى إللى حصل

    اوعدك هحاول

    لا من دلوقتي نبدأ صفحه جديده مع بعض ومفيهاش اكشن تانى

    هههههههههههه حاضر يا قلب مصطفى

    بص أحمد وريهام لايقين على بعض اوى ، ريهام مش مصدقه نفسها من فرحتها

    واحمد برضوا فرحان ربنا يسعدهم

    ايه ده عماد ، ازيك يا صاحبي مجتش ليه من بدري واتصلت بيك مش بترد

    لا ابدا يا حبيبي انت عارف لما ببقى فى الكافيه ببقى عامل الموبايل سايلنت

    ماشي يلا عشان نرقص مع العريس

    مبرووووك يا ابو حميييد

    الله يبارك فيك يا حبيبي 

    بقولك يا مصطفى مها مالها 

    ولا حاجه يا عماد تعبانه شويه

    أصل قاعده بعيد يعني هى وامك

    أيوة تعبانه شوية


    الفرح خلص وكان حلو جدا وطلعت فى اوضه فى الفندق انا وسارة 

    و يا دوب اول ما دخلنا صرخت

    فى ايه يا بت مالك الحقنى بولد

    ب ايه يا اختى وده وقته

    هو بمزاجى اااااااه مش قادرة

    يخربيتك هتفضحينا

    اااااااااه الحقونى

    هو انا بعذبك انجرى قدامى

    مش قادرة ااااااه

    يا لهوى على الفضايح


    الناس خرجت كلهم من اوضهم على صريخ سارة

    واحمد خرج بالبدله وكان قالع الجاكيت بس وريهام خرجت بفستان الفرح وكانت قالعه الطرحه وكله مخضوض

    شيلتها وركبت بيها واحمد وريهام طلعوا ورانا على المستشفى

    وسارة نازله صريخ فرجت علينا الدنيا بصريخها

    وتعض فيا 

    يا بنتى انا مالى

    انت السبب ااااااااه الحقونى


    ودخلت ولدت اخيراااا

    وغصب عنى كنت يضحك على منظر سارة واحمد هههههههههههه


    واهلها جم وعماد رجع تانى هو وكرم وامى ومها

    وقامت بالسلامه وجابت احلى بيبي

    حمد الله على السلامه يا حبيبتى

    الله يسلمك يا مصطفى ، فين علاء

    قولتلها علاء مين

    ابننا

    عيني دمعت من الفرحه وريهام حضنتها قالتلها بوظتيلى الفرح بس كله فداكى

    امى حضنتها عشان سمت علاء والممرضه جابته

    وكان نسخه من أخويا علاء الله يرحمه


    ومها زى ما هى ملتزمة الصمت


    قاطعنا أحمد طب عن اذنكم انا يلا يا ريهام


    كلنا بصناله وضحكنا


    انتهى....

    إرسال تعليق