الحلقة 4
ادهم:ايه ده انتو تعرفوا بعض
مراد:هي دي اللي كنت لسة بحكي لك عنها
مراد لسيليا:شوفتي بقي اننا اتقابلنا تاني وكمان عرفت اسمك ودراستك وكل حاجة عنك يا للقدر سبحان الله
سيليا وهي تنظر له بخجل:انا اسفة علي الموقف اللي فات انا فعلا مكنتش اقصد اعمل كدة حقيقي انا متأسفة ولو عايزني امشي انااا....
قاطعة مراد:تمشي فين بس ده انا ماصدقت شوفتك
لم ترد سيليا بل ظلت تنظر له بخجل شديد
ادهم:طب ايه نشوف شغلنا بقي
مراد بغيط:اه يا هادم اللذات ومفرق الجماعات ما انت كنت ساكت ايه دخلك دلوقتي ده انت خنيق صحيح
صمتت سيليا واكتفت بابتسامة مشرقة
مراد بتسبيل:الله ايه الابتسامة الحلوة دي.
مراد وهو ينادى على زينب عن طريق السكرتيرة وعندما دخلت وجدت مراد وادهم وسيليا وقفت بجانب سيليا
مراد:ايه يا زينب كنتي فين من بدري مش عيب لما تبقي بنت عمك مهندسة كبيرة كدة وتخبيها عننا
زينب....معلش بقي يا مستر مراد مجتش فرصة.
مراد.....طب عموما ادهم كان عايزك في شغل كدة فممكن تتفضلوا وتروحوا المكتب بتاع اي واحد فيكو وتخلصوا اللي وراكوا علي اقل من مهلكوا احنا مش مستعجلين
ادهم وهو ينظر له بهمس....انت بتوزعني علشان تستفرد بالبت
مراد بهمس هو الاخر......ده انا بظبطك يا عبيط
ادهم.... احممم اتفضلي معايا يا انسة زينب.
زينب وهي تنظر له بخجل.... اتفضل يا مستر ادهم
مراد لسيليا:نبدأ الانترفيو بقي
سيليا:اتفضل يا افندم
وبعد وقت طويل في الاجتماع
مراد....طيب يا انسة سيليا انتي من بكرة معانا في الشركة واتمني تكون بداية سعيدة ليكي معانا.
سيليا بفرحة....شكرا جدا يا مستر مراد انا مش عارفة اقول لحضرتك ايه
مراد....متقوليش حاجة ولو في اي حاجة هتحتاجيها اتمني تبلغيني بيها علي طول
سيليا بحرج...احم طب مستر مراد انا كان عندي سؤال
مراد....اوي اوي اتفضلي
سيليا...... هو مفيش سكن للموظفين اللي في الشركة.
مراد.....لا في للناس اللي بعيدة وكدة بتحتاج مكان سكني والشركة هنا موفرة منتجع سكني لاي مهندس او موظف في الشركة
سيليا.....طب لو ينفع ممكن اخد فيها شقة
مراد.... اوي اوي تحبي تستلميها امتي
سيليا......هو لو ينفع من دلوقتي
مراد ......اكيييد اتفضلي معايا
سيليا..... شكرا اتفضل.
ذهب مراد معها واعجبت بالشقة الخاصة بها
مراد....ايه رأيك حلوة
سيليا.... جدا بجد انا مش عارفة اقولك ايه
مراد...... متقوليش حاجة
سيليا.....انا اسفة علي سوء التفاهم اللي كان بينا ده
مراد...ولا يهمك.
بدل ماتدور وتبحث علي الروايات خليها علي تليفونك وحمل تطبيقنا
