#البارت (٢٣+٢٤) من قصه ما بين الانتقام والعشق يوكا#
~بقلمي يوكا
~
~ نروح عند مايا تفتح باب البيت وتلاقي علبه كبيره جدا
مايا / تقرب تأخذ العلبه وتبتسم وتخش بيها
الام / اي ده ياحبيبتي
مايا / مش عارفه شكلها هديه من يوسف
الام / تبتسم شكله بجد راجل
مايا / ومش اي راجل
الام / طب افتحي يلا تيجي من وراهم نور تفتحوا اي من غيري جريمه بتحصل يا جدعان
مايا / تبتسم تعالي ياستي افتحي انتي
نور / تقرب من العلبه وتبدأ تفتح العلبه والكل يتصدم عندما يشوفوا فستان فرح يطير العقل ..
مايا / تتسع عيونها من جمال الفستان ده جميل اوي وغالي اوي
نور / واوو بجد هتكوني فيه اميره تتطلع نور الفستان من العلبه
مايا / تحط الفستان عليها وتبص في المرايا ..بجد يهبل
نور/ في فستان آخر في العلبه ..
كان مكتوب عليها ورقه ده بقا الي اميرتي الصغيره نور
نور / تبتسم ده جبلي فستان انا كمان يسلام
الام / تبتسم وتدعي الي بنتها أنها يدوم عليها السعاده والفرحه دي
نور / بجد شكل يوسف ده انا يطير العقل
مايا / يطير العقل بس ..ده يطير كل حاجه
نور /. تبتسم ..انا هدخل اقيس الفستان ده
مايا / تبتسم ويرن تلفونها برقم يوسف
يوسف / عاجبك الفستان ولا لا
مايا/ ده يعجب الباشا
يوسف / انا عارف ان المفروض انتي تختاري الفستان لكن فرحنا انهارده
مايا / تتسع عيونها بتقول اي انهارده ازاي انا مش جاهزه وناقص حاجات كتير اوي ازاي كده يا يوسف
يوسف / يبتسم كل حاجه جاهزه كمان نص ساعه هتجيلك بنت عشان الميك اب ..وحور هتيجي معاها
مايا / قلبها يقف من الفرحه انا مصدومه انت بتقول اي
يوسف / ماما وافقت ومحبنش اضيع وقت
مايا / تفرح وتنطط من الفرحه انا مش مصدقه نفسي انا حاسه اني في حلم بجد انا بحبك
يوسف / يبتسم وانا بموت فيكي يلا يا اميرتي كلها كام ساعه وتكوني ليا
مايا / تبتسم بجد.مش مصدقه
وتغلق الخط معاه
الام / اي
مايا / انهارده فرحنا
الام / بسرعه دي مايا ام يوسف وافقت يا ماما وانهارده هكون لي يسلام
الام / بس يابنتي حاجات كتير ناقصه
مايا / كل حاجه جاهزه يوسف قالي كده
الام / تبتسم وتحضن بنتها يعني خلاص انهارده اخر يوم ليكي في البيت وتنزل دموع الام بفرحه
مايا / لا مش عايزه حزن ده انهارده هكون جنب اجمل راجل في الدنيا
الام / تبتسم ربنا يسعدك يابنتي واشوفك سعيده دائما
مايا / كفايه اني جنبه انا هخش اشوف اعمل اي لحد.ما ما توصل الميك اب
الام/ تبتسم ماشي يا نن عيني
نور / اللي سمعته ده حقيقي انهارده اخر يوم ليكي هنا
مايا / اه يا صغيرتي معلش بقا ..
نور / مع انك هتوحشيني بس فرحانه لانك هتكوني مع واحد زي يوسف بحبك جدا يا اختي
مايا / تحضن اختها بحبك يا قلب اختك يلا نشوف هنعمل اي
____________________________________________
نروح عند يوسف وحور
حور / مش مصدقه انهارده فرحك بجد
يوسف / ممكن طلب بقا يا احلي اخت
حور / اومر يا حبيبي
يوسف / عايزك تكوني جنب مايا وتروحي تخليكي معاها
حور / تبتسم بس كده حاضر
يوسف / يبتسم انتي احلي اخت في الدنيا كلها
حور / تحضن اخوها يسلام بجد مش مصدق
يوسف / عقبالك يا حور
حور / تسرح وتبتسم
يوسف / علفكرة هو بيموت فيكي
حور / بجد.
يوسف / جد جدا مشوفتيش عيونه كانت بتأكلك ازاي
حور / تبتسم ولكن تحس بالزعل لما تفتكر ليله ..ويظهر عليها الحزن
يوسف / زعلتي علي ليله صح
حور / هاه انت عرفت منين
يوسف / للاسف يا حور انا عرفت ده متأخر جدا عرفته في اليوم اللي قولتلها فيه اني هتجوز سمعتها وهيه بتقول قد اي بتحبني في سر عايز اقولك عليه ..ليله اول واحده جت في بالي انها تكون مراتي . لكن كنت عارف انها استحاله تحب واحد صايع زيي كل يوم مع بنت ..وكنت عارف انها كتير عليا عشان كده خوفت اقولها ..مجاش في بالي ابدا انها تكون بتحبني صدقيني هيه بذات عمري ما فكرت اجرحها غلاوه ليله عندي كبيره اوي ولكن النصيب
حور / تنزل دمعه من عيونها نفس كلامها انتو الاتنين ليه ساكتوا ليه لو كنت اعرف كده من طرف فيكم كنت حاولت بأقصى ما فيا اني اخليكم مع بعض ..لكن للاسف جاين تقولوا كده دلوقتي
يوسف / بس اوعي تقولي حاجه ليها من الكلام ده مش عايز تأخذ أمل في شئ انتهي من قبل ما يبدأ
حور / مش عارفه هقولها ازاي انهارده فرحك مش عارفه
يوسف / طالما انتي معاها هتكون قويه حاولي انهارده خليكي معاها طول الوقت
حور / حاضر
يوسف / يلا هدخل انا عشان اجهز واشوف ناقص اي
حور / فين بابا وماما
يوسف / من بدري عاملين يجهزوا كل حاجه ناقصه
حور / طب هدخل البس واتصل اشوف الفستان لسه مجاش ليه لحد دلوقتي .. ليا ولي ليله
يوسف / يبتسم ماشي ..
حور. / تبوس اخوها من خده يلا يا احلي اخ
حور / تخش تلبس وتجهز نفسها والفساتين توصل تأخذ حور الفساتين وتروح الي ليله
ليله / تسمع خبط علئ الباب تروح تفتح
ليله / بحب حور
حور / اه حور ياقلبي جايه اخدك معايا بقا
ليله / فين
حور / بارتباك البسي الاول
ليله / قلبها يحس هو انهارده
حور / هو اي
ليله / فرحه
حور/. تتوجع عرفتي منين
ليله / عرفت من ده يا حور وتحط أيدها علي قلبه حتي وهو بعيد ده بيحس بيه وبيقولي كل حاجه وتخونها دموعها وتنزل
حور / تحضنها وترتب علي شعرها ..حبيبتي محدش عارف النصيب فين محدش عارف نصيبك أو نصيبه اي محدش يعلم شئ يا حبيبتي كل شئ لينا مكتوب ربنا مش بينسي حد من عباده خليكي قويه انا عارفه انه احساس يموت لما تشوفي حبيبك في ايد حد تاني عارفه انك بتموتي من جواه وبتحاولي بأقصى جهد فيكي انك تكوني قويه ..طلعي اللي جواكي يا ليله انا جنبك اهوه ابكي اضربيني اعمل اي حاجه المهم اوعي تشيلي جواكي انا جنبك اعرفي دائما أن اختك جنبك وعمرها ما هتسيبك طلعي كل اللي نفسك فيه
ليله / تبكي بكل وجع في قلبها تبكي بحرقه وبصوت يوجع القلب وشهقات تقطع القلب وصوت عيطها هز جدار البيت
حور / عيطت علي عياط ليله ..اللي يوجع القلب ويخلي الحديد يتألم ..
ليله / اه ياربي يارب كما زرعت حبه في قلبي انزعه من قلبي يا الله كما زرعت حبه في قلبي انزعه من قلبي يا الله وتبكي بقوة
حور / تفضل حاضنه ليله وترتب علي شعرها
ليله / تتضرب في ضهر حور ..يعني خلاص هو انهارده هيكون في حضنها هيه يعني خلاص انهارده هو هيكون ملك ليها هيه وهيكونوا لبعض انهارده يعني من انهارده مينفعش ابص عليه بنظرات اشتياق يعني خلاص هودعه انهارده يعني خلاص كده الحكايه خلصت ومافيش فيها ممكن حتي يعني خلاص هقفل قلبي وامشي يعني حبي انتهي من قبل ما يبدأ يعني خلاص انتهيت انا وحياتي انتهيت مع بعده عني طب هل هو هيكون مبسوط وهو في حضنها ..الحضن اللي كان نفسي بس في لمجرد لحظه ابكي فيه موافقه اموت بعدها الحضن اللي حلمت بيه سنين وايام وشهور هيه في يوم هيكون ملك ليها اه يا حور قلبي بينزف ..اه منك الله ياقلبي ليه وقعت فيه ياقلبي ليه حبيته ياقلبي ليه هو دون عن الناس وقعت فيه ليه ياقلبي محسش بيك وكأنك سراب
اه يارب ااااااااااه ياقلبي اه
حور /. تفتح في البكاء خلاص يا ليله انا اللي قلبي بقا ينزف من كلامك خلاص يا حبيبتي خليكي قويه انا عارفه أن الكلام سهل وبسيط عارفه أني سهل اقول انسي لكن صعب الفعل لكن طالما عندك أراده انك تنسي هتنسي يا ليله لو عندك قوه انك تستقوي هترجعي احسن من الاول وهتكملي من غير حبه لكن لازم يبقي في محاوله منك لازم يكون عندك عزيمه وانسي انك تعرفيه وحبتيه ..صدقيني عارفه أنه صعب بس حاولي وهتلاقي نفسك قدرتي من غيره تكوني اقوي زي ما هو هيعيش حياته من انهارده لازم انتي كمان مش من النهارده لا من الدقيقة دي تعيشي وتعرفيه انك قويه وأنه ولا حاجه يلا يا ليله ارجعي الي قوتك ارجعي قويه من تاني يلا يا حبيبتي عيشي حياتك هو مش اول ومش اخر واحد بالعكس هو اللي خسرك مش انتي هو خسر بنت لو فضل ميت سنه يدور عمره ما هيلاقي زيك عمره انتي كسبانه وهو خسر يبقي ليه نزعل وانتي الكسبانه صح انتي اللي يستهلك الكثير وانتي عارفه ده وتمد حور أيدها الي ليله
ليله / تمسك ايد حور وتبتسم صح انتي عندك حق من الدقيقه دي لازم اعيش هو انهارده هيكون احسن يوم في حياته والأسف انهارده هيكون اتعس يوم في حياتي ..يبقي لازم اكون قويه عشان اقدر اكمل انهارده بذات من غير ما اضعف قدومه وقدوم حبه هرقص واضحك
حور / تبتسم هيه عارفه أن الكلام سهل ومافيش اسهل منه بس لازم تحاول تعيش ..
حور / تقوم بالنسبه لرقص نرقص من دلوقتي ياروحي
ليله / تبتسم بس كده يلا بينا
حور / تبتسم وتشغل اغاني ويفضلوا يرقصون ويضحكوا وتفضل حور ورا ليله لحد ما تخليها تنسي انهارده ليله فرحه ..بالضحك والهزار ..ليله موجوعه لكن حابه تحاول تبقي اقوي من كده لان الحزن مش هيفيد بحاجه بالعكس الحزن بيأخذ مننا كتير اوي بيأخذ من صحتنا والحزن ياريت يرجع اللي راح كانت كل الناس حزنت عشان اللي راح يرجع .بس في حاجه احنا .دائما بننساها
انه لو كان خيرا لينا لكن بقا
حور / تنزل هيه وليله ويخدوا الفساتين عشان يلبسوها هناك وتوصل حور قدوم شقه مايا وتخبط حور وتفتح ليهم نور
نور / بابتسامة انتي شكلك اخت العريس صح لانك نفس لون عيونه
حور / تبتسم اه احنا الاتنين اخوات العريس
نور / بس انا عارفه انه عنده واحده بس
حور / تبتسم ليله تكون اختنا وصديقه عمرنا ياستي
نور / بابتسامة هيه فيها شبه منك بردوا
ليله / تبتسم وصلت الكوافيره ولا لسه
نور / اه لسه جايه خشوا العروسه في الغرفه دي
تخش / حور وليله الي غرفه مايا /
مايا / تبتسم عندما تشوف حور زي يظهر الغيظ عندما تشوف ليله
مايا / بابتسامة مجنون اخوكي
ده امبارح كانوا مع بعض والمفاجأة انهارده يكون فرحنا
حور / هو يوسف كده دايما
مايا / تبتسم عقبالك يا حور انتي وادم
حور / تبتسم يارب يسمع منك ربنا
مايا / تبتسم وعقبالك انتي كمان يا انسه ليله
ليله / بي بلا مبالاة مش فارقه وجود راجل في حياتي انا كده احسن عايشه بضحك اهزر واكل وبحب الحياه
حور / تتضحك علي ليله
مايا / تغير اه صح بس بردوا بنحتاج وجود راجل معانا في بعض الوقت عشان تحس بقيمه نفسنا
ليله / تؤ مش لازم راجل عشان تحس بقيمتي لاني واثقه في نفسي ومش هو اللي هيخليني اثق في نفسي اكتر ثقتي بنفسي من غيره ممكن اه يديني شويه ثقه لكن المبدأ اني بيه أو من غيره ثقتي موجوده
مايا / تكتم غلها عندك حق يلا نبدا الميك اب
حور / تفرح من ليله ومن كلام ليله ________________________________________
نروح / عند ادم
ادم / وهو ماشي يشوف خناقه كذا شاب علي شخص يقرب ادم منهم
ادم / مش رجوله كل دول علي واحد
شخص / منهم ملكش دعوه انت وامشي احسن اقلب وشك شوارع
ادم / زمان وانا صغير وقعت علي ودني ومبسمعش كويس .وكمان من وانا صغير اتعلمت حاجه تانيه اتعلمت لما اشوف شئ لازم اجيب حقه ..اتعلمت لما اشوف كذا شخص علي واحد اساعده .اتعلمتوا ده انتو ويدي ادم بوكس يوقع ذلك الشاب ..
يتلم / عليه باقي الشباب وبحركه غير مفاجاه من ادم يخليهم كلهم علي الارض ويبتسم بغرور ويعدل شعره ويقرب من الشاب اللي كانوا عليه
ادم / يرفع وش ذلك الشاب ويتصدم عندما يلاقيه فهد
ادم / فهد انت كويس
فهد / يبتسم شكرا يا ادم طلعت راجل / لكن نقول اي الكتره تغلب الشجاعه
ادم / يبتسم ده واجبي يا فهد واحنا اخوات
فهد / اخوات ده انا من ساعه ما شوفتك وانا بعاملك وحش
ادم / والمسامح كريم ياعم
فهد / يحضن ادم بألم شكرا ليك بجد
ادم / يبتسم وبردوا مافيش ما بين الاخوات شكرا ولا اي
فهد / يبتسم عندك حق
يسند ادم فهد وهو بيسنده يقوم شاب بمطواه عشان يضرب فهد لكن ادم يحميه والمطواه تعور ايد ادم
فهد / يضرب ذلك الشاب لحد ما يفقد وعيه
فهد / انت كويس
ادم / اه جرح بسيط مافيش حاجه
فهد / نروح المستشفى
ادم / لا واحنا ماشين اي صيدليه الف الجرح بس مافيش حاجه
فهد / انا اسف انا السبب
ادم / عيب عليك قولت
فهد / يبتسم عرفت كمال بيحبك ليه
ادم / واحنا ياعم نبقي ايد واحده بعد كده لأننا هنشوف وش بعض كتير
فهد / يضحك ويسند هو ادم
ادم / اه يا دنيا حالا كنت بسندك انا دلوقتي بتسند عليك
فهد / يضحك بقوة ويركب هو وادم العربيه ويعدي علي اي صيدليه تلف إليه الجرح يرن تلفون ادم وتبقي حور
حور / بصوت قلق حبيبي انت كويس
ادم / يبتسم لأنها حسيت بيه من غير ما تعرف اه يا حبيبتي كويس جدا كمان
حور /. بجد
ادم / اه ياحبيبتي بجد
حور / تبتسم علفكرة انهارده فرح يوسف
ادم /. باستغراب انهارده
حور / بعد ما وصلت لقيته قاعد.مع بابا وماما واتفقوا أن الفرح بكره اعمل حسابك عشان تيجي وهات معاك كمال وتسنيم
ادم / يبتسم وبصوت دافئ عقبالنا
حور / اه يارررب
ادم / يضحك وحشتيني علفكرة
حور / وانت كمان اوي علفكرة
ادم / يبتسم هشوفك بليل في الفرح ومتأكد انك هتكوني احلي من العروسه
حور / تبتسم لو جميله مش وراها حاجه ياريت تخليها تيجي بردوا
ادم / يبتسم هشوفها
حور / خلي بالك من نفسك حبيبي
ادم / حاضر ياروحي في رعايه الله
حور / لا اله الا الله
ادم / محمد رسول الله
فهد / علفكرة البنت دي بتحبك ساعه ما جت عشان تبرع بالدم كان باين عليها اوي انها بتحبك
ادم / حكايتي معاها طويله واكيد لينا قاعده مع بعض نحكي فيها مع بعض ..
فهد / اكيد يوصل فهد هو وادم الشركه ويطلعوا المكتب يبقي كمال فوق
كمال / اهلا بالشباب كل ده تاخير اي ده مالك وشكم اوعوا تكونوا اتخنقتوا مع بعض يشوف دم علي ايد ادم يتخض ويقرب من ادم مالك يا ادم في اي وانت يا فهد مال وشك لو طلعتوا اتخنقتوا مع بعض مش هيحصل ليكم كويس
ادم / يبتسم هو وفهد لا احنا اتخنقنا عشان بعض
كمال / حصل اي
يحكي فهد كل اللي حصل
كمال / يفرح منهم ويرتب علي كتفهم أيوة كده انتو رجاله كمال
ادم / طبعا احنا جنبك في اي وقت
فهد / احنا ايديك اليمين دائما
كمال/ فرحت لانكم عرفتوا بعض كنت خايف منكم
فهد / يبتسم الصراحه بعد الموقف ده نظري اتغير من ناحيته
ادم / يرتب علي كتفه دائما المظهر الخارجي خداع
فهد / عندك حق
كمال / صح شكرا جدا يا ادم
ادم / علي اي
كمال / من اللي حور عملته
ادم / بعدم فهم عملت اي
كمال / خلتني انا وتسنيم نرجع زي الاول
ادم / وفهد يفرحوا بجد
كمال / البركه فيها أقنعت تسنيم أن احنا مالناش غير بعض بجد البنت دي يا ادم لو عملت اللي في دماغك هتلاقيني انا في وشك
فهد / فعلا وانا معاك يا كمال لان واخيرا مدام تسنيم رجعت تاني من جديد لو زعلتها احنا اللي هنكون في وشك
ادم / يبتسم ويسرح
ادم / علفكرة كلكم معزومين انهارده علي فرح اخوها
كمال / يبتسم عقبالكم
فهد / عقبالكم يا ابو الرجال
ادم / وعقبالك انت كمان
فهد / لا انا ماليش في الجواز والكلام ده حلوة حياتي كده
ادم / لما تقع هتغير كلامك اسألني انا اي بيحصل لما الواحد يقع بتحس انك متكتف من اتجاه حبيبك متقدرش تشوفه زعلان لو زعل انت اول واحد بتزعل وبتكون عايز تعمل اي حاجه عشان تفرحه الحب بجد طلع جميل اوي
كمال / بالنسبه للحب قولتلها انك بتحبها
ادم / هاه لا لسه
كمال / وعشان هيه السبب في رجوعي لمراتي انا هقولك اعمل اي ..كمال ؟
ادم / يبتسم بجد شكرا جدا
فهد / أيوة بقا ياعم
ادم / عقبال لما نعملها فيك
فهد / يبتسم بعد كلامك خوفت اقع
ادم / يبتسم متقلقش هتقع
فهد / يمكن
كمال / يلا نشوف الشغل بقا وانت يا ادم انت وفهد هتكونوا مدير الشركه وصاحب الشركه كمان في غيابي مفهوم ..والشركه دي شركتكم انا ماليش غيركم امانكم علي نفسي وفلوسي وانا بثق فيكم جدا يا شباب
ادم / يبتسم ممكن طلب صغير
كمال.. اكيد
ادم / انا ليا صديق زيي بظبط ..وحابب يشتغل معانا هنا ممكن
كمال /./ طبعا ممكن انا قولت الشركه شركتكم وكل حاجه ليكم حق التصرف فيها
ادم / وفهد يحضنوا كمال بابتسامة بجد انت حضرتك زي ابويا
كمال/ يبتسم ويرتب علي كتفهم وانتو عيالي
فهد / يفرح من قلبه
ادم / هو لآخر يفرح
كمال / وحابب اسمع منكم كلمه بابا
فهد / وادم يبصوا لبعض حاضر يا بابا
كمال / يفرح يلا علي شغلكم يا شباب. وعايزكم في كل وقت ايد واحده
ادم / وفهد .حاضر
ويشوفوا شغلهم
__________________________________________
نروح /. عند جميله / تدخل التواليت وتمسك بطنها وترجع
جميله / تمسح وشها اه في اي وشي اصفر كده ليه تخرج جميله من التواليت
الام /. مالك يابنتي تعالي نروح عند الدكتور
جميله / شكلي خدت دور برد يا امي مافيش حاجه
الام / بجد يابنتي
جميله / اه يا امي اكيد دلوقتي هكون احسن
يخبط الباب ويكون مراد .تروح تفتح جميله إليه الباب
مراد / بحب جميلتي الجميله
جميله / تبتسم يا صباح الجمال
مراد / هو ادم هنا
جميله / خرج من بدري
الام / مين يابنتي
مراد / انا يا امي
الام / بابتسامة تعالي يابني يدخل مراد
ويسلم علي أم جميله
مراد / الصراحه كنت جاي اطلب من ادم اني اخرج انا وجميله هو اكيد حكي ليكي
الام / تبتسم اه قالي
مراد / وانا عايز انا وهيه نخرج مع بعض لو مافيش ازعاج
الام / بابتسامة ولا اي حاجه يابني
مراد / يبص الي جميله الفرح بعد ما تخلص العده
الام / ربنا يعمل اللي فيه الخير
مراد / يارب انا بردوا هتصل علي ادم اقوله
الام / ماشي يا حبيبي
مراد / يبوس أيدها ربنا يخليكي لينا ياست الكل
الام / بابتسامة يارب
مراد /. همشي انا عشان مينفعش أفضل هنا وانتو لوحدكم.
الام /. بابتسامة ماشي
مراد / عايزه حاجه يا جميله هاجي اخدك.بليل
جميله / تبتسم حاضر
مراد / سلام يا جميله ويغمز لها توصل جميله مراد الي الباب
مراد / الشويه دول هتوحشيني فيهم يا جميلتي
جميله / تبتسم يلا امشي
مراد /. حاضر ويمشي مراد تبتسم جميله وتخش
________________________________________
نرجع عند البنات
مايا / تلبس الفستان وتكون فيه مثل الاميره
ليله / تسرح في الفستان وتسرح وتشوف نفسها فيه تشوف أن هيه عروسته ومستنيه أنه يجي يخدها وتمسك في ايده قدوم كل الناس ..والفستان الابيض ده لفرحهم هما مش لفرحه علي بنت تانيه ..
حور / تحس بوجع ليله وتشوف نظراتها علي الفستان عامله ازاي ..ونشوف قد اي هيه بتحب اخوها بس للاسف مافيش في أيدها حاجه عشان تعملها
مايا /. تفرح لما تشوف حزن ليله ونظرات الوجع ده تحس بالنصر وتنظر ليها بتحدي وثقه
مايا / طالعه حلوة
حور / مثل الاميره
نور / بجد اميره يا حبيبتي
ليله / ماشاء الله عليكي حلوة جدا ربنا يسعدكم وعقبال ما اشيل النونو بتاعكم قريب
مايا / شكرا عقبالكم
مايا / بس بجد يا حور انتي طالعه حوريه فعلا طالعه مثل الملاك
نور / بصراحه موزه جامده جدا يعني
حور /. تبتسم عيونكم الحلوين
نور / يارتني كنت راجل كنت خدتك
حور / وليله يضحكوا بقوة
نروح / عند العريس جهز وكان معاه إياد ..يقف يوسف قدوم المرايا يربط جرافتته ..ويبتسم معقول انهارده فرحي علي حبيبتي معقول أنهارده هتكون ملك ليا انا وهتكون بين أيدي
إياد / يبتسم الف مبروك يا عريس
يوسف / بابتسامة عقبالك يا إياد
إياد / يتوجع قلبه لا انا حلو كده
يوسف /. يرتب علي كتفه الحياه مش بتقف علي حد يا إياد
إياد / لا بتقف لما يكون الحد ده اتحب من القلب بجد
يوسف / بحزن معلش اكيد ربنا هيعوض عليك
إياد / مش عايز كده احسن بكتير
يوسف / عنيد
إياد / مش عند حب يا يوسف ربنا ما يكتبها علي حد الفراق وحش اوي يا يوسف انت متعرفش الفراق ده عامل ازاي بتموت بجد من الوجع كفايه احساسك لما تحس انه مش ليك وأنه مع حد تاني وتفضل تتخيل طب بيقولها اي طب هيه حاسه اي معاه طب هيه قالت اي ويتنهد بوجع
يوسف /. يفتكر ليله وفي سره ياتري انهارده هتكون عامله ازاي ياتري هتقدر تشوفني مع حد غيرها ويظهر علي وشه الحزن
إياد / ليه حزنت
يوسف / افتكرت حاجه مؤلمه جدا
إياد / خير
يوسف / ولا حاجه هنزل اشوف الترتيبات واشوف الحاجه جاهزه ولا لا لحد ما يوصلوا هنا
إياد / يبتسم ماشي
نرجع تاني عند البنات
ليله / انا هروح اشوف الحاجه جاهزه ولا في حاجه ناقصه لحد ما تخلصوا وتيجوا انتو ماشي
حور / ماشي ياحبيبتي خدي مفتاح العربيه بتاعتي اهوه عشان مجتيش بعربيتك
ليله / لا خليه هأخذ تاكسي
حور /. هركب مع العروسه في العربيه بتاعت الزفه روحي انتي تأخذ ليله المفتاح وتنزل تركب العربيه وتنزل دموعها بحزن
ليله /. تمسح دموعها لا هكون قويه انا مش ضعيفه تسوق وتفضل سرحانه طول الطريق في يوسف وقدوم عيونها مايا وهيه لبسه الفستان وعماله تتخيل وتحزن توصل الي مكر الفرح وتنزل ليله من العربيه وكانت ليله صوره في الجمال .وتمشي بخطوات بسيطة لكنها كلها ثقه وتدخل ليله تلاقي كل حاجه جاهزه والمكان بجد يطير العقل كل ده لحق يتعمل في يوم ازاي تصدم من الجمال ..تفضل ماشيه تفرج علي ترتيبات تقف قدوم الكوشه ..وتشوف نفسها قاعده فيها ويوسف قاغد جنبها تسرح وتقف تتخيل أنهم هما فرحهم انهارده
تلف ليله تيجي تمشي تخبط في حد ويكون يوسف
ليله / تبلع ريقها بصعوبه ..وبصوت محشور الف مبروك يا عريس اخيرا بقيت عريس اخيرا هنخلص منك وتتتضحك بوجع
يوسف / يشوف وجعها بتعملي اي
ليله /.. جيت اشوف في حاجه ناقصه عشان اجهزها عشان تكون كل حاجه كامله لان انهارده فرح يوسف يا جدعان
يوسف / عارف انها بتكلم من ورا قلبها
يوسف /. عقبالك يا ليله
ليله / تبص علي يوسف وهو بالبداله وتسرح فيه بنظرات كلها حب وشوق واشتياق وشغف ومشاعر كتير كانت عايزه تقول باعلي صوت بحبك يا يوسف لكن حظي كده انا حلمت وهيه حققت حلمي
يوسف / شاف قد اي نظراتها اشتياق وحب وشغف وعيونها بتقول بحبك من كل قلبي
ليله / بتوتر هو ممكن طلب صغير انا عارفه الطلب ده مش من حقي وعارفه أنه مينفعش لكن من النهارده انت هتكون ملك بنت تانيه ومتسأليش ليه الطلب ده ممكن
يوسف / ينظر لها بحزن ممكن يا ليله
ليله / ضمني يا يوسف وتنزل دمعه هاربه انا عارفه أنه مش حقي وعارفه أنه غلط عارفه انت هتقول ليه الطلب ده بس ارجوك من غير ليله لان من النهارده نظرتي ليك لازم تتغير لازم اشوفك اخ ليا
يوسف / يتوتر وميعرفش يعمل اي لكن يلاقي نفسه بيشدها جواه حضنه
ليله / تحضنه بقوة وتنزل دموعها بغزاره وي وجع وتتضرب في ضهر يوسف ..انا اسفه علي الطلب ده مش حقي بجد اسفه بس ممكن يكون آخر حضن هو أول وآخر حضن
يوسف / يرتب علي شعرها الطويل ويحس بوجعها
ليله / بصوت لا يتسمع حققت حلمي اني احضنك حتي لو لمره واحده في حياتي كلها حققت حلم قلبي اللي كان نفسه يحس بدفاء حضنك وتنزل دمعه هاربه ويفضل ذلك الحضن فتره ولا كأنه حضن الوادع
تبعد ليله بعد ما تسيطر علي نفسها وعلي الوضع اللي هما فيه
ليله / اسفه بجد.
يوسف / انا عارف يا ليله من غير اسفه
ليله /. عارف اي
يوسف / مش مهم المهم عايزك تعيشي حياتك من انهارده النهارده انا هعيش حياتي وانتي كمان لازم تعيشي
ليله / تكلم وبشهقات من كتر البكاء اكيد هعيش اكيد هعيش حد قالك اني هموت مثلا انا عايشه اهوه ولسه هعيش
يوسف / يرتب علي أيدها اسف صدقيني
ليله /. هشش نصيبك هيصيبك مهما كان الثمن
يوسف / ليله انتي ليكي معزه وتقدير عندي كبير
ليله / اكيد طبعا يا اخي تقولها ليله بوجع وبقلب بينزف وجع وبيموت
يوسف / يحس بلهجه الوجع والنزيف الداخلي اللي جواها
ليله / بمرح يلا بقا ياعم العريس الف مبروك
يوسف /. الله يبارك فيكي
ليله /. انا هخرج اشوف عمي منصور تمشي خطوه وشعرها يطير كله علي وش يوسف ويغلق عيونه بوجع عليها تخرج بسرعه تجري تقف قدوم حمام السباحة اللي حاوليه ورود تتطير العقل وتأخذ نفس بقوة كله وجع
________________________________________
ادم /. يجهز نفسه ويطلب منه مراد أنه يخرج مع جميله وي يوافق ..ويجهز ادم ويطلع فعلا وسيم وجذاب جدا ويروح تاني لكمال ويقابل فهد
فهد / لا وسيم وسيم يعني
ادم / يبتسم انت اللي طالع جذاب جدا علفكرة
كمال / يجي من وراهم الله عليكم يا شباب
ادم / وفهد والله انت اللي لسه شاب
كمال / يبتسم وتيجي تسنيم من ورا تمسك في ايد كمال وتقرب من ادم تسلم عليه
تسنيم / تنظر لي ادم بقوة اخبارك ايه وتبتسم
ادم / بابتسامة الحمد لله
فهد / نورتي الدنيا من تاني يا مدام تسنيم
تسنيم / بابتسامة فهد ليك وحشه
فهد / يبتسم
يروحوا كلهم مع كمال ويوصلوا الي مكر الفرح
يوسف / يروح يجيب عروسته ويوصل الي مكر الفرح يدخل القاعه وهو ماسك في أيدها وكان شكلهم يخطف القلب
والكل بيسقف ليهم وكانت ليله عماله تبص عليهم يقعدوا العرسان علي الكوشه ..يقرب ادم من حور وينفخ في ودنها
ادم / بصوت دافئ اي الجمال
ده
حور / تلف بتوتر انت طالع وسيم بجد.
ادم / لا بجد شكلك انتي العروسه ويغمز لها
حور / تبتسم وانت العريس
ادم / يبتسم تعالي سلمي علي تسنيم وكمال و فهد
حور / تمسك في ايد ادم ويقربوا من كمال
تسنيم / تفرح لما تشوف حور
حور / تحضن تسنيم اي الجمال
ده
تسنيم / بابتسامة بجد جميله اوي يا حور
حور / تبتسم مافيش اجمل منك والله
كمال / بجد اهنئك يا ادم علي الجمال اللي معاك ده
حور / تبص الي ادم ويبتسموا
ادم / ده فهد يا حور
حور / تسلم عليه نورتنا بجد
فهد / بابتسامة بسيطه اكيد المكان منور بيكي
حور / تبتسم.المكان هنا مكانكم
كمال / اكيد
حور / هشوف ليله وارجع لكم
تمشي حور تشوف ليله واقفه علي جنب وسرحانه. وعيونها علي يوسف
حور / بحب وحزن ليله الحلوة سرحانه في اي
ليله / هاه
حور هاه اي
.بس
ليله / مافيش يا حبيبتي
حور /. عليا بردوا
ليله / تبتسم شكلهم حلو اوي بجد
يوصل في ذلك اللحظه المأذون ..ويكتب كتابهم وليله قلبها يتقطع الفرح كان في غايه الجمال بمعني الكلمه وكان كله صحافه وناس كتير جدا
حور / وليله يقربوا من يوسف
ليله / لولولوي الف مبروك يا عريس
يوسف / الله يبارك فيكي
حور / تحضن اخوها حبيبي الف مبروك ياروحي لولولوي
يوسف / يبتسم عقبالك يا فصعونه يا صغيره
حور /. تبتسم عروستنا الحلوة لولولوي الف مبروك
مايا /. تبتسم وتحضن حور الله يبارك فيكي
ويسلم ادم ويبارك ليهم وتشتغل اغاني رقص
حور / تشد ليله ويطلعوا علي الاستيدج. ونور معاهم .. ويروحوا يشدوا العرسان ..ويرقصوا كلهم وكانت للعيون كلها علي ليله وحور مش علي العرسان
ادم / يغير لما يشوف نظرات الشباب ازاي لحور يقرب منها ويقف قدومها
حور / تبتسم اي غيران
ادم / ينزل علي ركبته تسمحيلي حوريتي بالرقصه دي
حور /. تبتسم طبعا طبعا وتمسك في ايده
وتبدأ اغنيه لعرسان وحور وادم يرقصوا معاهم وكل.واحد يأخذ حبيبته ويطلع يرقص كمال يأخذ تسنيم ويرقصوا معاهم ورغد ومنصور علي اغنيه
( احضنيني حضن امي )
احضنيني حضن امي من سكات احضنيني ونعوض العمر اللي فات احضنيني ونعوض العمر اللي فات طمنيني لو في يوم حسيت بالخوف طمنيني واهزمي معايا الظروف
ادم / يبص في عيون حور ويهمس عندي ليكي مفاجاه
حور / تحضنه بقوة اي هيه
ادم / هشس مش دلوقتي
اعشقيني عشق تاني عشق في كل الحدود
حور / تبتسم وبهمس انت بدوب قلبي
ادم / بحب وانتي خطفتي قلبي
انما العرسان عيونهم في عين بعض
يوسف /. انهارده انتي بقيتي ليا
مايا / احنا الاتنين أصبحنا واحد
يوسف / بصي بقا هعمل حاجه وبلاش تقولي مجنون
يوسف /. يشيلها علي ايده ويلف بيها .
عن اذنكم انتم خليكم الفرح فرحكم ويطلع يجري بيها
الكل يضحك عليهم وليله عماله تتفرج والحزن باين عليها وتفضل عينها مراقبه لحد ما يختفوا من قدومهم
كمال /. يتعرف علي منصور ويسلموا علي بعض
ادم / تعالي معايا
حور / علي فين
ادم / هشش
حور / تمشي مع ادم وهما ماسكين ايد بعض
يركب ادم عربيته اللي كمال اديها لي ويوصل الي مكان معتم
حور /. احنا فين
ادم / دلوقتي هتعرفي ينزل ادم مع حور ويحط ايده علي عيونها واول ما تخش تصدم من ؟
ياتري اي
_______________________________________
نرجع في الفرح يخرج فهد وهو ماشي يخبط في حد وتكون ؟
___________________________________
نروح عند جميله ومراد
مراد / يأخذ جميله مكان هادئ جدا وجميل
ويقعدوا مع بعض ومره. واحده جميله تتعب
مراد / مالك
جميله ..هدخل التواليت
مراد /. ماشي تروح جميله التواليت وتفضل ترجع وتمسك بطنها بوجع ؟
ياتري مالها وياتري ممكن يحصل معاهم اي وياتري اي مصير كل الابطال
وياتري اي مصير ليله وممكن القدر يلعب معاهم
