(الفصل السادس)
رفعت عينيها اليه هاتفه :
ارجوك بلاش كده والله ما ينفع ماما مش هتسمحلي اخرج بليل اصلا
_ قوليلها انك هتشتغلي في مستشفي بليل اعرف واحده كانت مفهمه اهلها انها شغاله في ورديه مستشفي بليل والدنيا كانت ماشيه فل معاها
محت دموعها وهي تقول :
انت ليه بتعمل كده قولي هتستفاد ايه يعني لما تدمر حياتي بالشكل ده ؟! المكان ده في بنات معينه هي الي بتشتغل الشغلانه دي شوفهم وهاتهم وسيبني اروح لحالي انا محترمه وبنت ناس مش بتاعه الشغل ده ولا مكان ده
ضرب المنضده بقبضه يديه بعنف انتفض جسدها ليقول هو :
اهلا دي هتعمل فيها الخضره الشريفه هو انتو كلكم جامدين كده في التمثيل ؟!!!
حركت راسها بالنفي هاتفه :
انا مش بمثل عليك والله العظيم
_ ساعه 12 هستناكي لو مجتيش صورك هتبقي تريند
قالها ثم نهض ورحل تاركآ اياها لحقته وهي تقول :
طب استني بس نتفاهم مع بعض الكلام اخد وعطي
التفت اليها هاتفآ :
رغي النسوان انا مبحبهوش انتي فاهمه كلامي خلص
اكمل خطواته وتركها تفكر في تلك الكارثه التي وقعت بها ...
_______________
تجلس علي المقعد المقابل له في احدي المطاعم ودموعها تغرق وحنتيها بصمت
تنهد بحزن ثم هتف :
كفايه يا ليلي بقالك ساعتين علي الحال ده حتي الاكل مكلتهوش
_ ليه ماما وبابا يموتوا في حادثه وابقي تحت رحمه عمي بشكل ده !!!
قالتها ببكاء ليقول هو :
خلاص يا لولو كبري دماغك وان كان علي مصاريف الزياده الي انتي عايزها خديها مني يا ستي
حركت راسها بالنفي هاتفه :
لا يا سيف متوصلش لدرجه دي انا مش شحاته
_ شحاته ايه بس انا كلها فتره وهاجي اتقدملك وتبقي مراتي ووقتها هصرف عليكي وكل مليم هتاخديه مني
ابتسمت بسخريه ثم قالت ;
امتي بقي هتيجي تتقدملي ؟!! مبسمعش منك غير كلام هاجي هاجي ومبتجيش يا سيف كلام بتضحك عليا بيه وخلاص
_ انا يا ليلي بضحك عليكي ؟!!
اومات راسها بالايجاب ثم قالت بانفعال :
اه اهو بتسلي وتضيع وقت خروجات وكلام في الفون وصور ده غير الي بيحصل بينا علي الفون وكاني واحده شمال جايبها من النت مـ
قاطعها سيف بحزم :
متقوليش علي نفسك كده انا عمري ما شوفتك كده من يوم ما عرفتك شايفك احسن واحده في الدنيا ومش عايز اكمل حياتي مع حد غيرك حدديلي معاد مع عمك وانا هاجي اتقدملك يا ليلي
_ ونتجوز في خلال كام شهر ولا عندك اعتراض؟!!
ابتسم ثم هتف :
الي انتي عايزاه هيحصل مهم عمك ميقولش لا
________________
عادت الي منزلها وهموم العالم باكمله فوق راسها اخرجت هاتفها من الحقيبه ونظرت اليه بحسره واضحه حياتها انقلبت باكملها راسآ علي عقب بسبب ذلك الهاتف
تناولت لاصق الكهرباء الذي لونه اسود من الكوميدو الذي بجانبها ثم وضعته علي الكاميره الاماميه والخلفيه وهتفت :
اتفرج بقي كويس علي سواد الي قدامك ده
_ بتعملي ايه يا فريده بتلزقي بلاستر علي موبيلك ليه
قالتها والدتها
اجابتها ببرود :
ميخصكيش خليك في حالك يا تهاني معلش
_ عيب كده يا فريده انا امك
ضحكت بقوه ثم تمسكت بهاتفها وبعثت بيه لتقول تهاني
_ احمد كلمني وطلب اننا نرجع لبعض جهزي شنطتك عشان اسكندريه نعيش هناك لان صعب يسيب ولاده لوحدهم بعد وفاه امهم ويجي يعيش هنا معانا واختك كمان محتاجه تعيش مع ابوها
رفعت حاجبيه باستغراب ثم هتفت :
يعني يرميكي عشان مراته الاولي ولما تموت يحنلك ويقولك تعالي عيشي معايا
_ افهمي الي تفهميه المهم اننا هنسافر اسكندريه واورق كليتك انقليها علي هناك
_ سافري لوحدك خدي الغندوره بنتك وسافري
هتفت والدتها بانفعال :
وسيادتك تعيشي لوحدك هنا؟!! انتي هبله
_ لا انا ناويه اسيبلك البيت خالص تشبعي بيه ترجعي بقي لجوزك تجيبه هنا براحتك خالص خالص يعني
تناولت حقيبه يديها ثم تركت المنزل ...
وفي نفس اللحظه رن هاتفها لتجد المتصل الرقم الذي هاتفها صباحآ زفرت بقوه ثم هتفت بداخلها :
طبعا تلاقيك سمعت كل حاجه يارب خلصني من مصيبه دي
قامت بالرد عليه ليصل اليها صوته :
شاطره انك خبيتي الكاميره البنت المؤدبه تعمل كده عشان محدش يتجسس عليها بس في مشكله انا لسه بسمع كل حاجه
_ كويس انك سمعت كل حاجه انا سيبت البيت ومش هرجعله تاني النايت زفت بتاعك فيه مكان انام فيه ولا مفهوش غير المسخره وقله الادب بس
قهقه عاليآ ثم قال :
طب اهدي علي اعصابك بس لا فيه اوضه خاصه بتاعتي عشان عيونك بس هسبهالك تنامي فيها جاهزه من كله تكيف وتلاجه وحمام كل الي تحتاجيه موجود يا جميل
ابتسمت بسخريه ثم قالت :
وفيها كام كاميره مراقبه علي كده
_ اكتشفيهم بنفسك هستناكي بليل سلام
انهي المكالمه نظرت هي الي شاشه هاتفه بغضب واضح ثم قالت :
هكتشفهم بنفسي فعلا متخافش
القت الهاتف علي الارضيه ثم صغطت عليه بقوه حتي تحطم
__________________
علي الناحيه الاخري
