(الفصل الخامس عشر)
جذبها ثائر من يديها عندما استمع الي دقات الباب والذي اسرعت لطيفه اليه وهي تظن بداخلها انها الاسعاف وسوف تنقذ زوجها
جذبت دنيا يديها منه هاتفه :
اوعي ابعد ايدك دي عني انا خدت حقي بنفسي
ليقول هو بانفعال وهو يدخلها احدي الغرف التي امامه :
اخرسي اخرسي خالص سيبيني اشوف هتصرف ازاي في المصيبه الي انتي عملتيها دي انتي هتترمي في السجن كده غبيه يا دنيا غبيه ضيعتي نفسك وضيعتي الكل معاكي
انتبهت حواسها باكملها عندما استمعت الي صوت والدتها وهي تقول بصوت جمهوري :
تعال شوف بنتك المجرمه عملت ايه في جوزي بنتك سفاحه يا انور سفاحه
خرج ثائر حتي يعلم ما يحدث بالخارج وخلفه خرجت دنيا وقدميها تتحرك ببطئ، والدها بالخارج !!!!
وفي نفس اللحظه حضرت عربه الاسعاف اما والدها وهادي ورامز ينظرون الي بعضهم البعض بصدمه وهما ينظرون الي صبري
لمحها انور تقف خلف ثائر وتنظر اليه والدمع ينهمر علي وحنتيها تمنت كثيرا من قبل ان تراه والان يقف امامها
هتف ثائر :
انتو مين وعايزين ايه !!!
ثم التفت الي لطيفه التي تساعد رجال الاسعاف في حمل زوجها :
وانتي يا طنط روحي معاهم وانا هحصلك
اومات راسها بالايجاب وهي تمحمو دموعها بعنف هاتفه :
اشبع من بنتك كام ساعه دول يا انور لاني هرمهالك في السجن
ليقول انور وعينيه مصوبه ناحيه تلك الواقفه خلف ثائر :
مش هتعرفي تعملي حاجه انا هعرف احمي بنتي منك ازاي
رمقته بنظره توعد وهي تقول :
هتشوف انا هعمل ايه
رحلت لطيفه مع زوجها اما انور اقترب من دنيا بعدما ابتعد ثائر عنها ثم هتف :
متخافيش مش هتقدر تعملك حاجه والله انا هحميكي منها
كانت صامته لم تنطق بحرف واحد تنظر الي ملامح والدها لم تراه من قبل
تدخل ثائر عندما وجد حاله دنيا هكذا :
خدوها وامشوا من هنا قبل ما طنط تنفذ تهديدها
ابتعدت دنيا عنهما وهي تحرك راسها بالنفي هاتفه بانفعال ;
انا مش هروح معاك مكان انا معرفكش اصلا انت مفكرتش تدور عليا سنين الي فاتت دي ونستني
قالتها ورحلت علي الفور ليقول انور وهو يدافع عنه نفسه :
استني اسمعيني انا دورت عليكي كتير بس ملاقتكيش امك خدتك وهربت بيكي معرفتش اوصل لمكانك
اختفت من امامه غير مهتمه بكلماته ليقول هادي باستغراب :
_ طب وهي عملت في راجل كده ليه اصلا
اكمل انور وهو يوجه حديثه الي ثائر :
دنيا عملت كده ليه
اجابه ثائر وهو يشير اليهم بالجلوس هاتفآ :
اتفضلوا اقعدوا وانا هفهكم كل حاجه
________________
لم تقدر ان تصعد الدرج باكمله جلست علي الصف الاخير وهي لا تصدق رات والدها !!!
وصل اليها صوت ثائر وهو يقول انا هفهكم كل حاجه
لمعت عينيها بالخوف ماذا لو اخبرهم حقيقه ما فعله بها عمه !!
_______________
هتف ثائر :
دنيا عندها حاله نفسيه وعايشه علي مهدات من وقت ما منعت الدواء وهي الحاله زادت عليها بشكل ده حاولت تقتل عمي قبل كده لما ضربته علي راسه ومره دي استغلت انها موجوده مع عمي لوحدها وانه فاقد بصره ومسكت السكينه وعملت فيه كده واكيد حضرتك لاحظت الجروح الي في وشها هي الي عملتها في نفسها وخربشت وشها بطريقه دي خدها وامشي من هنا هي لو بعدت عن امها والفيلا دي هتخف من حالتها النفسيه لطيفه من يوم ما دنيا اتولدت وهي بتعاملها بقسوه بتدفعها تمن طلاقك ليها خدها من هنا وانا هعرف اخلي عمي ميرفعش عليها قضيه
تابع وهو بقف :
انا هتكلم مع دنيا واخليها تجهز شنطتها
اما هي لم تصدق ما سمعته قام بحمايه عمه !! اتهمها بجنون حتي يحمي عمه ؟!!!!
ركضت الي غرفتها عندما استمعت صوت خطوات ثائر القريبه منها بحث عن اي شئ حاد لتجد مقص اداه لقطع الاشياء في احدي الادراج ...
تمسكت بيه وهي تهتف وتبتسم وتضحك :
انا هعرفك الجنان شكله ايه يا ثائر وديني لاقتلك
__________________
" الي حصل هنا مش عايزه يوصل لحد من البيت واولهم عماد كلامي واضح ؟!! "
هتف رامز الي والده :
مش هيوصل يا بابا متقلقش بس افرض عملت فينا حاجه واذتنا دي مريضه نفسيه زي الواد الي كان هنا ما قال
ليقول هادي ;
ممكن لما تبعد عن والدتها والجو الي هي فيه ترتاح نفسيتها ومظنش انها ممكن تاذيني يعني او ممكن نعرضها علي دكتور في اسكندريه
حرك راسه انور بالايجاب وهو يقول ;
ده الي انا ناوي اعمله بس مهم لطيفه وجوزها ميرفعوش قضيه عليها
___________________
جذب منها الاله الحاده هاتفآ :
انتي مجنونه عايزه تخلصي عليا انا كمان ما تهدي بقي
_ مالك ؟!! نسيت اني مجنونه وعندي حاله نفسيه ولا ايه يعني لو قتلتلك مش هاخد فيك سجن يوم حتي، انا سمعتك وانت بتقولهم تحت يعني مش واطي وبس لا وخسيس كمان عايز تحمي عمك
القي الاله الحاده من يديه ثم هتف :
وانتي فاكره لو قولت لابوكي الحقيقه هيصدقني محدش هيصدق يا دنيا وهيتهموكي انتي، انتي رافضه تجوزي حاتم وتبعدي عن هنا يبقي خلاص روحي عيشي مع ابوكي وانسي حياتك هنا والي حصل فيها انا مش واطي وخسيس يا دنيا انا عملت كده عشان احميكي ومتخافيش انا هعرف اتكلم مع عمي لو عاش اساسا واخليه ميرفعش عليكي قضيه واهو انتي خدتي حقك منه وبردتي نارك جهزي شنطتك وروحي مع ابوكي وشوفي عيلتك الجديده اكيد هيكون ليكي اخوات وقرايب ابدائي من جديد يا دنيا
_ طب وانت ؟!
نطقتها بلا وعي او شعور مازال عقلها وقلبها متعلقين بوجود ثائر في حياتها رغم ما حدث وما فعله بها!!
اجابها :
انا هرجع لندن تاني بعد ما اخلي عمي ميرفعش عليكي قضيه
ثم تابع بضيق :
وانتي ابقي سامحيني يا دنيا مطلعتش بصوره الي كنتي فاكراها واتخليت عنك بس والله ما حبيت ولا عمري هحب حد غيرك بس غصب عني والله ما كنت هقدر يلا جهزي شنطتك عشان تروحي مع ابوكي
_____________
