(الفصل الخامس والعشرون)
نزلت من السياره معه وهي تنظر امامها بانبهار هاتفه :
المكان ده كله بتاعك انت لوحدك
_ لا انا وصحبي شركاء فيه لسه هيعجبك اكتر من جوه
دلفت معه الي داخل وهي تلتفت حولها وتنظر باعجاب شديد ..
_ يا بختك الفندق بتاعك اي وقت تحب تنزل حمام السباحه تيجي وتنزل من غير ما حد يكلمك وتلف في مكان براحتك انت ممكن كمان تاخد اوضه وتقعد فيها وهما يجبولك الاكل لحد عندك
ابتسم ثم قال برقه :
ايه رايك تشتغلي معايا اكيد عمو مش هيرفض
رفعت حاجبيها باستغراب وهي تقول :
اشتغل ايه هنا انا معرفش اعمل اي حاجه ومش معايا شهاده كمان فندق بتاعك ينفع يقبل يشغل حد معاه شهاده اعداديه؟!
_ مكملتيش ليه تعليم مامتك رفضت؟
حركت راسها بالنفي وهي تقول :
لا بس انا معرفتش انجح في ثانويه عامه سقطت فيها
_ شكلك مكنتيش بتذاكري كويس
اجابته بضيق واضح :
مكنتش عارفه اذاكر لوحدي ثائر هو الي دايما كان بيذاكرلي ولما سابني وسافر انا معرفتش اذاكر حاجه خالص
لم يدري لما شعر بالغيره من ثائر هذا... ربما لانها لم تنطق سؤي اسمه
تابعت هي بتساؤل :
هينفع تشغلني معاك بشهاده اعداديه ؟!
_ لو حابه تشتغلي مفيش مشكله اختاري عايزه تتوظفي تبع قسم ايه في فندق
زاغت بعينيها حولها اكثر من مره ثم قالت بتفكير :
امممم ينفع تبع قسم الاستقبال الي هما بيتسقبلوا ناس الي نازله في فندق ويقولوا اه في حجز باسم حضرتك يا افندم ينفع يا هادي ؟!
ابتسم للمره الثانيه وهو يقول :
ينفع يا ستي
انتبه الي هاتفه الذي يرن ثم اخرجه من سترته وقام بالرد علي متصل :
فينك يا بيه باقي ربع ساعه علي افتتاح وحضرتك مش موجود
_ اهو خلاص وصلت يا عم هادي انت فين
التفت هادي حوله يبحث عنه وعندما لمحه اشار اليه وهو يقول :
شوفتك اهو
ضيقت بين حاجبيها وهي تري حاتم قادم اليهم ويهاتف هادي ....
لم يصدق حاتم انه يري دنيا امامه منذ اخر مقابله للطيفه فقد الامل في الوصول اليها والان هي امامه ولكن لما هي بجانب هادي !!!!
هتفت هادي :
دايما مواعيدك زفت يا حاتم
اجابه وهو مصوب عينيه علي دنيا :
معلش طريق كان مليان ازيك يا دنيا اخبارك ؟!!
_ ايه ده انتو تعرفوا بعض
قالها هادي بدهشه كبيره لتقول هي :
انا هروح اتفرج علي فندق يا هادي ينفع ؟!
حرك راسه بنعم لترحل هي علي فور هتف هادي وهو يري نظرات حاتم المصوبه ناحيتها :
انت تعرف دنيا منين
انتبه علي صوت هادي ثم قال :
يعني معرفه قديمه وخلاص انت بقي تعرفها منين
_ بنت عمي انور
رفع حاجبيه الاثنين لاعلي وهو يهتف باستغراب :
بنت عمك !!!!!
_ ايوه متسغرب كده ليه قولي بس معرفه قديمه ازاي يعني
هتف هو :
اونكل صبري جوز مامتها صاحب بابا وفيه مشاريع بينهم
نظر اليه هادي بشك ثم اردف :
بس كده ؟!
ليقول هو بتلعثم :
اه بس كده
اي قدر اسود هذا الم يكفي عليه ثائر والان حاتم !!!!
___________________
سوف يرحل اليوم حجز علي اول رحله الي لندن ويغادر دنيا لم تتركه ستظل هكذا تهاتفه وتتوسله تاكد انها فقدت عقلها باكمله انهي حجزه في الفندق المقيم به واستعد للرحيل الي الابد دون عوده ...
_________________
فتحت الباب لتجده امامه ينظر اليها بشراسه ويقول :
دعوه خلع انا ترفعي عليا دعوه خلع يا غرام !!
_ اه مش عايز تطلقني بذوق يبقي تطلقني بالعافيه ورجلك فوق رقبتك
دلف الي الداخل وهو يقول بصرامه :
مش هطلقك
اجابته بغضب :
يا اخي خلي عند اهلك دم بقي انا مش طايقه اعيش معاك مش طايقاك يا عمااد مش طايقااااااااااااك انت ايه
قبض علي خصلات شعرها بقوه وهو يهتف :
ليه يا روح امك ده انا صبرت عليكي سنه بحالها وقولت معلش بكره تنسي
صرخت مستنجده بوالدها وهي تحاول ازاحت يديه عن خصلات شعرها
_ عـمـــاد
قالها والدها بغضب واضح وهو بقترب اليهم ابتعد عماد عن غرام وهو يقول :
بنتك يا عمي رافعه عليا قضيه خلع شايف الفضايح ؟!!!
لتقول هي باكيه وهي تتحامي في والدها :
خلي يطلقني يا بابا انا تعبت منه مبقتش قادره كل يوم بيمد ايده عليا بطريقه دي ومحبتش اقولك عشان متضايقكش بس انا خلصت جبتي اخري خلصني منه يا بابا
_ نعم يا اختي كل يوم بمدي ايدي عليكي؟!!! تصدقي انا راجل عره اساسا اني سبتك علي مزاجكك واستحلمتك سنه
هتف محمد بانفعال :
طلقها يا عماد زي ما دخلنا بالمعروف نطلع بمعروف غرام مش قادره تعيش معاك طلقها وخلص نفسك من الفضايح ومحاكم
واخيرآ هتف عماد وهو يرمقها بنظره خاليه من اي شئ :
بنتك طالق
__________________
استغل حاتم انشغال هادي وبحث عن دنيا ليجدها تقف في احدي الاماكن الهادئه ابتسم بارتياح واخيرآ وجدها !!!
_ مبسوط اني شوفتك النهارده
التفتت الي مصدر الصوت هذا اغمضت عينيها بنفاذ صبر ثم عادت تنظر الي الفراغ الذي امامها
_ ده انتي مش طايقه تبصي في وشي حتي !!
ثم تابع وهو يقف بجانبها :
انا سالت عليكي انطي لطيفه وحاولت اوصل لعنوانك بس معرفتش هي رفضت تعرفهوني
_ وانت عايز تعرفه ليه مش هتقدر تجوزني غصب عني ماما وجوزها ملهمش حكم عليا خلاص
ليقول هو بهدوء :
اول مره شوفتك فيها عجبتيني حسيتك مختلفه عن اي واحده عرفتها وفي نفس وقت صعبتي عليا لما شوفت طريقه معامله مامتك وجوزها اتقدمتلك واونكل صبري رفض وقالي انك بتاعه علاقات ومينفعش تشيلي اسمي وتبقي زوجه ليا وقتها اتصدمت فيكي ازاي واحده زيك يطلع منها كده وميبانش عليها كان جوايا اصرار غريب اتجوزك خليت بابا يتكلم معاه ووعده بنص مول لو وافق وفعلا وافق وشرطه ان جواز يبقي عرفي وافقت عشان الدنيا تمشي وفهمني كمان انك مش بنت انا مش هكدب عليكي وهكلمك بصراحه انا صدقته وراقبتك لقيت انك مش بتخرجي من باب الفيلا اصلا ولاحظت خوفك منه شكيت انه ممكن يكون هو عمل فيكي حاجه كنت في حيره كبيره ومش قادر اوصل لاجابه تريحني وشك كبر في دماغي يوم ما ضربتيه علي راسه وو
قاطعته دنيا وهي تقول :
هو انت رغاي كده ليه ؟!!
_ انا اسف بس كنت عايز اوضحلك صورتي قدامك انا مش وحش يا دنيا واسف علي طريقتي معاكي اخر مره اتكلمنا مع بعض فيها اما قولتلي افكر في موضوع جوازي منك تاني
اقترب منهما هادي بعدما لمحهمها بعينيه هاتفآ :
في حاجه ولا ايه
اجابه حاتم بسرعه :
لا خالص انا بشوف الفندق عجبها ولا ايه
هتفت دنيا الي هادي :
هو احنا هنمشي امته الافتتاح مخلصش لسه ؟!!
_ لحقتي تزهقي من فندق امال هتشتغلي فيه ازاي بقي ؟!
ليقول حاتم بعدم تصديق :
بجد هتشتغلي ايه يا دنيا معانا
وكلمات حاتم تضيق خلقها بقوه كم تمنت ان يصمت،، يصمت الي الابد ...
اجابه هادي عندما وجد تجاهل دنيا اليه وقال :
هتشغل في قسم الاستقبال
______________
