رواية عشقي احيانا الفصل الثاني

 الفصل الثاني

خرجت من المكان ودموعي علي خدي قد اي كلمته جرحتني وسالت نفسي انا وحشه كده ومستهلش حب احمد ليا وانو خصاره فيا فعلا فوقت من افكاري علي ايد بتحاوط خصري انتفضت من مكاني وكنت هصرخ لاكن ايده كانت أسرع مني وكتمت صرختي وكان قوي جدا ومعرفتش اتحرك جرني علي الارض وكل دهه وانا مش شايفه وشه قد اي كنت مرعوبه وخايفه قعت اضرب فيه لاكن اتنين كمان جم مسكوني وخلاص حركتي اتشلت وكانو بيدخلوني عربيه كبيره وانا قولت خلاص هيا دي النهايه لحد مسمعت صوت احمد بينادي انا حسيت بروحي رجعتلي لما سمعت صوته والخوف الي كان مسيطر عليا راح في لمح البصر هوا بينادي لاكن مش شايفني لاننا كنا بعيد عنه ولو طلع لااقدام شويه خطواط هيشوفني....

هنا قعت اضرب فيهم علي قد مقدر مكنتش عارفه اتخلص منهم ازاي عضيت الايد الي كانت علي بوقي وهنا عرفت اصرخ صرخت بكل مافيا وقولت اسمه ثواني وكان أقدامي ....

احمد بعدم فهم : هوا اي الي بيحصل في اي ...

الشباب بيدخلوني العربيه بسرعه لاكن هوا جرا عليا وشدني من اديهم وبداو يتخانقو وانا اول معرفت انفد منهم جريت علي القاعه وبلغتهم والرجاله الي كانو جوه طلعو وساعدو احمد وضربهم وطلبو البوليس والشباب اتسجنو بصراحه انا لحد دلوقتي مش فاهمه كانو عايزين مني اي وكانو بيخطفوني لاانهي سبب باين عليهم ولاد أكابر ومتربين وكانو في مكان محترم جدا لاكن حقيقي ولاد الأكابر دول هما الي يتخاف منهم انا من كتر الخوف اغمي عليا ووقعت ....

احمد جري عليا كنت حاسه بلهفته وخوفه كنت حاسه بكل حاجه لاكن مكنتش قادره اقف ولا اتحكم في أعصابي ابداا شالني بين ايده واعتذر عن الي حصل ومريم كانت خايفه عليا جدا بس هوا طمنها انو هرجعني البيت وانو كل حاجه تمام ....

ركبني العربيه ورش مايه بارده عليا قطرات خفيفه كده فوقتني واتعدلت وانا دايخه شويه ...

احمد بصلي بعيون حمرا وعصبيته المره دي كان مش عارف يداريها ابدا ولا يتحكم فيها وانطلق فيا والغريب انو كان بصصلي وعينه في عيني ...

احمد : عجبك الي حصل دهه لو مكنتش خرجت ادور عليكي كان زمنهم دلوقتي ضيعوكي ومكنتش هعرف الحقك ابداا فكرتي امك سعتها هتعمل اي ولا هيكون موقفها اي فكرتي في نفسك مثلا انتي اصلا حياتك كلها غلط يفريده وكل حاجه عندك عادي اي البس الي انتي لابساه ده ضيق وهيتقطع من علي جسمك ولا القرف الي في وشك دهه مستنيه اي من الكلاب دول اكيد هيفكروكي واحده سهله بمنظرك دهه ...

فريده بعياط : بس انا مليش ...

احمد بعصبيه : متقطعنيش عارف ملكيش زنب ولبسك مش مبرر انهم يفكرو يعملو كده لاكن لبسك يهانم هوا الي بيعكس شخصيتك للي قدامك مش ببررلهم لاكن ...وكمل بعصبيه شديده مش عارف انا سمحت ازاي تخرجي بالنظر دهه انا الي غلط انتي مش غلطانه عيله تافه زيك مهياش فاهمه اي حاجه ومن النهارده يفريده هتشوفي احمد تاني خالص اما اشوف اخرتها معاكي اي

فريده بعياط وزقت احمد وكانت عايزه تنزل من العربيه

فريده : انتا مش امي ولا ابويا يااحمد عشان تكلمني بالأسلوب دهه وانا الي اقرر البس اي وملبسش اي وسبني بقا وشكرا علي انك سعتني ...

احمد بجنون : انتي رايحه فين مفكراني هسيبك تمشي لوحدك ....

فريده : ايوه ابعد عني وملكش علاقه بيا خالص ...

احمد بجنون شال فريده ودخلها العربيه غظب ودورها ومشا بيها بسرعه مخيفه وفريده كانت مرعوبه منو واول مره تشوفه بالمنظر دهه ...

فريده بعياط : انتا مش بتفهم قولتلك سبني نزلني وابعد عني ....

احمد بصوت حاد : اسكتي مش عايز اسمع صوتك لحد منوصل البيت ...

فريده بخوف سكتت لاكن مبطلتش عياط ...

وصلو البيت وفريده نزلت من العربيه وهيا بتعيط احمد مسك اديها ..

احمد : مش عايز اشوف وشك في الشارع انتي فاهمه ومفيش جامعه هتروحيها بعد النهارده اما اشوف هتتعدلي ولا لا ...

فريده زقت ايده بعد : مش هسمحلك تتحكم في حياتي ..

وسبته وطلعت فوق ودخلت الشقه كانت هند نايمه دخلت فريده غيرت هدومها ونامت علطول وهيا بتعيط...

________

احمد دخل اوضته وكان مخنوق جدا وفضل سهران ومش قادر ينام خرج من البيت جري شويه ورجع اخد دش وكان الفجر هياذن اتوضي وطلع المسجد وصلي وقعد يستغفر ربنا ..لمس وحده مش من محارمه و معرفش يتحكم في اعصابه وعمل حجات امبارح كتير مكنش المفرود يعملها قعد يستغفر كتير وحسم أمره .....

روح البيت بعد وقت طويل كانت الساعه 7 الصبح ومكنش نام طول اليل من تأنيب الضمير وانو قسي علي فريده غرته خلاته يحط كل الحق عليها ودهه غلط ...

وهوا داخل البيت وقف مصدوم من الي شافه فريده نازله ولابسه بنطلون جينز ضيق جدا وتيشرت ابيض بكم مبين مفاتن جسمها والطرحه ملهاش لازمه اصلا ولابسه شنطه ضهر احمد انصدم من المنظر مبقاش عارف يغض البصر من كتر عصبيته من منظرها وغرته انها هتخرج كده وان اكيد كانت بتخرج كده زمان ومكنش بيشوفها....

احمد بصوت ناري : انتي رايحه فين بالمنظر دهه انتي اتجننتي...

فريده بصتله بغيظ وديرت وشها وماشيه من غير مترود ودهه جننه اكتر ....

احمد راح وقف قدامها ومش عايز يلمسها...

احمد : من دون نقاش اطلعي فوق يفريده لان انا مش عارف ممكن اهبب اي دلوقتي..

فريده بعند: مش طالعه وملكش دعوه بيا وانا خارجه دلوقتي وهروح الجامعه يااحمد ..

احمد بنفاذ صبر شدها من درعها وشلها دخلها اوضته وقفل عليها فريده قعدت تخبط علي باب الاوضه وتزعق لاكن احمد سابها ومردش علي نرمين ودنيا مامته وأخته الصغيره الي بيسالوه اي الي بيعمله ده وطلع لخالتو هندفوق ...

احمد خبط علي الباب وهند فتحت ورحبت بيه ودخل قعد معاها..

احمد : خالتو انتي شوفتي فريده وهيا نازله ...

هند بتنهيده: ايوه..

احمد : وازاي تسبيها تنزل بمنظرها دهه...

هند : انتا عارف يااحمد ان فريده عنديه ومش ملتزمه بضوابط الدين وانا غلبت معاها اقولها دهه مينفعش ودهه ميصحش انا مش عاجزه اني اتاعمل معاها بعنف بس ياابني مش عيزاها تكره دنها نفسي هيا بنفسها تحبه وتفهمه وهيا الي تكون عايزه تغير من نفسها وانا بدعلها ديما والله.....

احمد بضيق : بس دهه مش مبرر ابدا لتصرفتها يخلتو لبسها طرقتها مينفعش اسبها كده...

هند بصتله بلوم شديد وسكتت..

احمد مفهمش بصتها وسألها في اي

هند : بوص يااحمد فريده كانت علي علاقه مع شاب وانا اكتشفت دهه من فتره ومريم صحبتها هيا الي قلتلي لأنها كانت خايفه عليها

احمد بعصبيه : اي الي بتقوليه دهه

هند : هيا دي الحقيقه يااحمد وفريده طول عمرها كانت بعيده عني وديما كانت في اوضتها لوحدها ولسه مقربه مني الفتره دي بعد موضوع الشاب دهه

احمد : وازاي متقوليليش

هند : اقولك اي يااحمد وانتا سبب كل الي بنتي فيه ده وكملت بتنهيده ..فريده من صغرها وهيا مجنونه بيك وبتحبك السبب انها تكلم وشاب غريب وتدخل في علاقه معاه عشان تنساك ولولا كرمتها وعزه نفسها كانت قلتلك من زمان انها بتحبك فريده طايشه ولسه صغيره ومش عارفه هيا بتعمل اي وان تصرفتها دي ممكن تئزيها بس انا والله مش عارفه اعمل اي معاها ....

احمد : انا عايز اتجوز فريده يخلتو تجوزهاني

هند بفرحه : اكيد يااحمد دهه يوم المني يحبيبي..

احمد : بس فريده مش هترضي توافق عليا حاليا لأنها زعلانه مني وعندها هيمنعها توافق ...

هند بتنهيده وهيا عارفه بنتها كويس : خلاص سيب الموافقه بتعتها عليا انا ...

احمد : تمام هجيب الماذون بليل وخدي المفتاح بتاع الاوضه اهوه وانا هروح شغلي واشوفك بليل

هند : اوضه اي

احمد بضحك وافتكر لما شال فريده غظب الصبح وحبسها : انزلي فريده تحت ..

هند بعدم فهم: يعني مش في الجامعه ...

احمد : لا

احمد نزل راح شغله وهند نزلت لنرمين اختها ...

هند : هيا فريده فين

نرمين : في اوضه احمد مش عارفه اي الي حصل واي الي خلاه يحبسها

هند راحت فتحت لفريده فريده بعياط

فريده: شوفي يماما ابن اختك عمل فيا اي انا مش هسمحله يتحكم في حياتي ابدااا ولا يفرض عليا تعقداته انا حبي ليه عماني ومعتش هسمع لنفسي احبه ولا افكر فيه تاني ...

هند باابتسامه هاديه : انتي بتضحكي علي نفسك يفريده احمد دهه اكتر من حب في حياتك وعارفه انك عمرك مهطبتلي تحبيه ....

فريده قعدت علي السرير بعياط : بس هوا عمرو محبني يماما وعايز يفرض سيطرته عليا وخلاص وانا كرامتي متسمحليش اوافق علي كده ..

هند : أحمد عايز يتجوزك يفريده ..

فريده بصدمه : ايه ..

هند : طلبك مني الصبح ..

فريده بعياط : عايز يتجوزني عشان يتحكم فيا براحته ومحدش يقدر يقوله حاجه صح ...

هند : انتي مفكره نفسك صح وانتي غلط يفريده ربنا يهديكي يبنتي و النهارده كتب كتابك علي احمد بليل ولو رفضتي لا انا امك ولا اعرفك انتي فاهمه

فريده سكتت ومردتش وهند سبتهاوطلعت ...

فريده بتوهان : مش عارفه افرح ولا احزن انا متاكده ان احمد مش بيحبني وانو جوازه مني دهه عايز يفرض سيطرته عليا بس انا للاسف بحبه جدا ومقدرش انكر دهه بس مش هسمحله يعمل كده وينا يهوا

بليل احمد جه فعلا ومعاه الماذون زي ماما قالت كنت زعلانه عشان كنت ديما بحلم أني البس فستان زي البنات وافرح بيوم مميز زي دهه بس الي كان مصبرني اني عارفه ان كل ده اصلا كذب في كذب واحمد مش بيحبني فااي لازم الفستان والفرح والكلام الفاضي ده مش هكدب كان في حاجه جوايا هتموت من الفرحه ومبسوطه جدا وفي نفس الوقت زعلانه عشان كان نفسي يكون في بنا قصه حب زي الي بسمع عنهم اليوم عدي عليا وجوايا صراع وخوف وحزن وفرح مشاعر كتير مضروبه كده في بعضها سعات كنت بقول قومي وقفي المهزله دي ازاي تقبلي علي نفسك تاخدي حد مش بيحبك فين كرامتك وسعات اقول لا دهه احمد حب عمري ودي امنيتي من صغري فضلت طول اليوم بعيط ومش عارف اخرتنا اي وهل انا صح ولا هما وفيها اي بلبس الي انا عيزاه واي الي يغضب ربنا في كده بصيت لنفسي في المرايه وحسيت بخجل لأني فعلا مش بصلي ومش منتظمه والفروض بتروح عليا وانا قاعده ومش بزعل ولا بحس بحاجه روحت في النوم وانا بفكر ومصحتش الا علي صوت دنيا وهيا بتقلي احمد والماذون جم ...

قمت لبست وحاولت إداري وشي الدبلان من العياط بالميكب ولبست درس ابيض علي قدي بالظبط وطرحه وطلعت وكانو قعدين كلهم وروحت قعت جمب ماما بصيت لااحمد وعنيا فيها دموع كتير وخوف من الي هيحصل ...

وبعد فتره كتبو الكتاب وبقيت مرات احمد ياااه طول عمري بتمني دهه يحصل بس عمري متخيلت اني هكون بالحزن والخوف ده صراحه كان جوايا فرحه بردو عشان مكنش كذابه المهم الماذون استأذن ....

بعد وقت من المباركه وفرحه ماما وخلتو نرمين الي كانت ظاهره جدا لينا وبصيت علي احمد حسيت بخوف ملامحه مش ظاهر عليها أي مشاعر وكنت خايفه جدا منو وفجاه احمد قام وبصلي وقلي...

احمد : يلا يفريده

مسكت ايد ماما وانا خايفه

فريده : يلا فين ..

احمد : هنروح شقتنا..

هند : اي يفري مالك قومي مع جوزك يحببتي

فريده : مش احنا هنقعد مع خالتو بردو ولا اي ؟!

احمد : لا هنقعد في شقتي انا..

فريده : فين دي ..

احمد : قومي يفريده انتي هتحققي معايا خلصي

احمد اخد شنطته الي خلتو حضرتها وطلع يستناني بره ودنيا نزلت من شقتنا بالشنطه بتعتي ..

دنيا : هتوحشيني اوي يفري

فريده : انا مش هسبكو وبصيت لماما : ماما انا اول مره اعرف عن الشقه دي انا خايفه ...

نرمين : يحببتي خايفه من اي ده احمد يفري متخفيش يحببتي روحي والف مبروك ...

فريده : الله يبارك فيكي يخلتو

خرجت بعد مسلمت عليهم وروحت لقيت احمد مستنيني في العربيه ركبت وانا حاضنه شنطتي وحاسه بخوف ....

احمد فضل ماشي بالعربيه فتره وانا من اسكنديه اصلا لحد موصل عماره بس هيا بعيده عن بتنا ووقف وقلي انزل واخد مني شنطتي وانا مشيت وراه طلعنا الدور التالت وهوا طلع مفتاح وفتح ...

احمد : ادخلي

دخلت وكانت شقه وسعه وحلوه جدا ومفروشه ومش نقصها حاجه استغربت انا اول مره اعرف موضوع الشقه ده فضلت واقفه مكاني اتفرج علي الشقه ...

احمد : هتفضلي واقفه كده كتير ..

فريده : عايزني اعمل اي يعني ..

احمد: ادخلي غيري هدومك لحد مجيب اكل واجي ...

فريده : ماما ادتني اكل في الشنطه بتعتي ..

احمد راح يفتح شنطت فريده ..

فريده بصرخه: هتعمل اي ..

احمد بخضه : اي هاخد الاكل ..

فريده بخجل : لا انا هجيبه لأنها فيها كل حاجه خاصه بيا ..

احمد بتفهم رجع لورا وفريده اخدت الشنطه ودخلت الاوضه حطتها وطلعت منها شنطه صغيره كان فيها اكل ليهم ...

فريده : الاكل اهوه ...

احمد : روحي غيري هدومك وتعالي كلي ...

فريده دخلت الاوضه وكانت متوتره من المكان ومش عارفه هوا اجوزها لي وحيتهم هتمشي ازاي وفي اسئله كتيره عايزه تعرف اجبتها ...

فريده أخده شور ولبست بجامه عباره عن برموده فوق الركبه وتيشرت نص كم وفردت شعرها البني الطويل علي ضهرها وخرجت لااحمد ....

فريده : انا خلصت

احمد بصلها وعيونه جات في عيونها وبعدين نزل نظره

احمد : تعالي كلي

فريده : أحمد في اسئله كتيره عايزه اعرف جوبها منك

احمد : اقعدي كلي الاول يفريده

فريده قعدت واكلت وبعد مخلصو احمد قام اخد شور ولبس ترنج واتوضي وصلي العشاء وفريده متبعاه وبعد مخلص راح قعد جمبها

احمد : كنتي عايزه تساليني اي ؟

فريده بتوتر بعدت شويه عنه وبلعت ريقها قلبها كان بيدق بسرعه ومعرفتش تتكلم ووشها احمر ...

احمد ابتسم ابتسامه خفيفه وقام من جمبها وراح يجيب لها كوبايه مايه وادهلها...

فريده بتوتر خدتها وشربت ...

فريده : شكرا ..

احمد :العفو ..

فريده : انتا اجوزتني لي يااحمد؟

احمد: عشان عايز كده ...

فريده : ازاي عايز كده انا مش الزوجه المناسبه ليك وانتا عارف كده كويس لي اتجوزتني ...

احمد بصلها وسكت...

فريده بدموع : اقولك انا لي عشان تفرض سيترتك عليا صح عشان تمشيني علي دماغك انتا عمرك محبتني وانا عارفه ده كويس ....

احمد بصلها بصه غريبه مفهمتهاش ...

احمد: يعني انتي بتحبيني..

فريده ومسحت دموعها: لا مش بحبك ..

احمد رفع حواجبه وحط ايده علي خدها مكان الدموع وهيا قلبها بدا يدق بسرعه مش معقوله

احمد: امال الدموع دي لي

فريده بتوتر : عادي يعني

احمد : انتي بتحبيني وانا عارف ده كويس ...

فريده : اي الكلام ده انا مبحبكش اصلا ...

احمد قام من مكانه وراح جمبها وقرب منها وحط ايده علي شعرها فريده قلبها دقاته زادت ووشها احمر وقامت من جمبه بسرعه وجرت علي الاوضه وقفلت الباب ...

فريده بتوتر : يلهووي انا مش عارفه اتحكم في أعصابي ابدا وببان ضعيفه قدامه مش عارفه اتحرك بتوتر مجرد ميبوصلي اكيد عرف اني بحبه طبعا طب اعمل اي انا مش فاهمه حاجه ومش عارفه اي الصح واي الغلط......

احمد بيخبط علي الباب بالراحه وهوا بيضحك...

فريده بغيظ: انتا بتضحك علي اي ...

احمد : افتحي الباب ...

فريده بعند : مش فاتحه...

احمد : متعندنيش يفريده عشان انا زعلي وحش وانتي عارفه ده كويس ....

فريده بخوف : عايز اي يعني مش فاتحه ..

احمد : طيب انتي حره وشوفي بقا لما امسكك هعمل فيكي اي ...

فريده فتحت الباب احمد بيدخل مش لاقيها ضحك وراح علي الدولاب فتحه لاقاها فيه ومغمضه عيونها وخايفه ....

احمد : لسه فيكي الخصله دي بردو ..

فريده بطفوليه: عايز مني اي يااحمد ...

احمد بخبث : لا مش عايز حاجه خالص وشلها من الدولاب وطلعها ....

فريده وهيا بتضرب فيه .

فريده : نزلني...

احمد بضحك ونزلها علي السرير ..

فريده : بطل ضحك انتا مستفز ..

احمد وقعد جمبها : فاكره وانتي صغيره كنتي لما تعملي غلط تجري تستخبي في الدولاب عشان معقبكيش ...

فريده باابتسامه : ايوه فاكره وفاكره اني مكنتش بقول ليك غير بابا وكملت بدموع : لي بعت عني يااحمد انا طول الفتره دي كنت بتعذب طول حياتي من صغري وانا بعيط عليك فاجئه حبك حنانك والأمان الي اتعوت عليه انسحب مني عشان انا كبرت ومعتش صغيره دهه مش ظلم يعني ....

احمد : الدين مفهوش ظلم يفريده مينفعش كان يفضل بنا اخطلات لانك مش من محارمي وده الصح ودلوقتي انا اكتشفت اني غلط عشان سحبت كل ده منك مره واحده وعارف انك عانيتي كتير ...

فريده بعياط: انتا بتحبني ولا لا ...

احمد دير وشه الناحيه التانيه ..

احمد : لا

فريده بدموع : اما هوا لا بتجوزني لي ...

احمد: عشان حاسس بالذنب من نحيتك وحاسس اني وصلتك لحجات غلط كتير انا السبب فيها نظرت خلتو ليا الي كلها لوم انا مش مرتاح وشايل زنبك

فريده وحست انها هتنفجر من العياط قدامه ####

الفصل الثالث من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال