الحلقه_السابعه
البريئه والاوغاد ﺁﺩﻡ : ﻭﺩﻩ ﺯﻣﻴﻞ ﻣﻬﺎﺏ … ﺍﻟﺪﻛﺘﻮﺭ ( ﻭﻗﺒﻞ ﺃﻥ ﻳﻨﻄﻖ ﺁﺩﻡ ﺍﺳﻤﻪ )
ﻣﻴﺎﺭ ﺑﺬﻫﻮﻝ : ﺃﻧﺖ .
ﻫﺸﺎﻡ ﻣﺘﻔﺎﺟﺌﺎً : ﻣﻴﺎﺭ
ﻣﻬﺎﺏ : ﺇﻳﻪ ﺩﻩ ﻳﺎﺇﺗﺶ ﺃﻧﺖ ﺗﻌﺮﻑ ﻣﺮﺍﺕ ﺁﺩﻡ ﻭﻻ ﺇﻳﻪ .
ﻋﻨﺪﻣﺎ ﺭﺃﺗﻪ ﻣﻴﺎﺭ ﺷﻌﺮﺕ ﺑﺮﺟﻔﺔ ﻓﻲ ﺃﻃﺮﺍﻓﻬﺎ ﻭﺗﻤﻠﻚ ﺍﻟﺘﻮﺗﺮ ﻣﻨﻬﺎ،، ﻓﺎﺳﺘﻨﺪﺕ ﻋﻠﻰ ﺁﺩﻡ
ﻣﻴﺎﺭ : ﺗﺸﺮﻓﻨﺎ ﻳﺎﺩﻛﺘﻮﺭ ﻫﺸﺎﻡ .
ﺁﺩﻡ : ﻣﻴﺎﺭ ﺃﻧﺘﻲ ﻛﻮﻳﺴﺔ؟؟
ﻣﻴﺎﺭ : ﻛﻮﻳﺴﺔ … ﺑﻌﺪ ﺇﺫﻧﻜﻢ … ﻭﺍﺳﺘﺪﺍﺭﺕ ﻣﻴﺎﺭ ﻭﺫﻫﺒﺖ ﺇﻟﻰ ﻏﺮﻓﺔ ﺁﺩﻡ .. ﺃﺭﺍﺩﺕ ﺃﻥ ﺗﺨﺘﻠﻲ ﺑﻨﻔﺴﻬﺎ ﻓﺎﻟﻐﺮﻓﺔ ﺍﻷﺧﺮﻱ ﺑﻬﺎ ﺃﻳﺘﻦ .
ﺧﻠﻌﺖ ﺣﺠﺎﺑﻬﺎ ﻭﺍﺳﺘﻠﻘﺖ ﻋﻠﻲ ﺍﻟﺴﺮﻳﺮ ﺗﻔﻜﺮ ﻓﻲ ﻫﺬﻩ ﺍﻟﺼﺪﻓﺔ ﺍﻟﻌﺠﻴﺒﺔ .. ﻟﻢ ﺍﻵﻥ؟؟ … ﻭﻟﻢ ﻫﻨﺎ؟؟؟ … ﻣﺎﻟﺬﻱ ﻳﺨﺒﺄﻩ ﻟﻬﺎ ﺍﻟﻘﺪﺭ ﻭﻟﻢ ﺗﻌﺮﻓﻪ ﺣﺘﻲ ﺍﻵﻥ؟؟
ﺃﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻲ ﺻﻮﺕ ﺁﺩﻡ : ﺇﻳﻪ ﻳﺎﻣﻴﺎﺭ ﻣﺒﺘﺮﺩﻳﺶ ﻟﻴﻪ؟
ﻣﻴﺎﺭ : ﻫﺎﺍﺍ … ﺁﺳﻔﺔ ﻣﺤﺴﺘﺶ ﺑﺪﺧﻮﻟﻚ … ﻛﻨﺖ ﺑﺘﻘﻮﻝ ﺣﺎﺟﺔ؟؟؟
ﺁﺩﻡ : ﺑﺴﺄﻟﻚ ﺇﻳﻪ ﺍﻟﻠﻲ ﻋﻤﻞ ﻓﻲ ﺭﺟﻠﻚ ﻛﺪﻩ؟؟
ﻣﻴﺎﺭ : ﻣﻔﻴﺶ ﺩﻱ ﺣﺎﺟﺔ ﺑﺴﻴﻄﺔ …
ﺁﺩﻡ : ﻛﻞ ﺩﻱ ﺣﺎﺟﺔ ﺑﺴﻴﻄﺔ … ﺃﻗﻮﻝ ﻟﻤﻬﺎﺏ ﻳﺸﻮﻑ ﺭﺟﻠﻚ؟
ﻣﻴﺎﺭ : ﻻ ﻣﺶ ﻣﺴﺘﺎﻫﻠﺔ … ﺍﻧﺎ ﺟﻬﺰﺕ ﻛﻞ ﺣﺎﺟﺔ ﻭﺍﻟﻐﺪﺍ ﺟﺎﻫﺰ ﻋﺸﺎﻥ ﺿﻴﻮﻓﻚ … ( ﻭﺣﺎﻭﻟﺖ ﺃﻥ ﺗﺨﻔﻲ ﺗﻮﺗﺮﻫﺎ ) ﻭﻟﻮ ﺍﺣﺘﺎﺟﺖ ﺣﺎﺟﺔ ﻋﺮﻓﻨﻲ .
ﺁﺩﻡ ﺑﻤﻜﺮ : ﻟﺴﻪ ﺑﺘﺤﺒﻴﻪ؟؟؟
ﻣﻴﺎﺭ ﺑﺪﻫﺸﺔ : ﺍﻳﻪ … ﻫﻮ ﻣﻴﻦ؟
ﺁﺩﻡ : ﺩﻛﺘﻮﺭ ﻫﺸﺎﻡ .
ﻣﻴﺎﺭ ﻭﺑﺪﺃﺕ ﺗﻨﻔﻌﻞ : ﻳﻌﻨﻲ ﺍﻧﺖ ﻛﻨﺖ ﻋﺎﺭﻑ … ﻭﺭﻏﻢ ﻛﺪﻩ بعت ﺗﺠﻴﺒﻪ … ﻋﺎﻳﺰ ﺗﻮﺻﻞ ﻹﻳﻪ … ﻓﻬﻤﻨﻲ .
ﺁﺩﻡ : ﻣﻤﻜﻦ ﺗﻬﺪﻱ ﻋﺸﺎﻥ ﻧﺘﻜﻠﻢ … ﺃﻭﻻً ﺃﻥ ﺃﻭﻝ ﻣﺮﺓ ﺃﺷﻮﻓﻪ ﻭﻣﻜﻨﺘﺶ ﺃﻋﺮﻓﻪ … ﺃﻧﺎ ﺍﻟﻠﻲ ﺃﻋﺮﻓﻪ ﺃﻧﻪ ﺻﺪﻳﻖ ﻣﻬﺎﺏ … ﺑﺲ .
ﻣﻴﺎﺭ : ﺃﻣﺎﻝ ﺇﺯﺍﻱ ﻋﺮﻓﺖ ﺇﻥ ﺩﻩ ﻫﺸﺎﻡ ﺧﻄﻴﺒﻲ .
ﺁﺩﻡ : ﻳﺎﻣﺪﺍﻡ ﻣﻴﺎﺭ ﺍﺳﻤﻬﺎ ﻛﺎﻥ ﺧﻄﻴﺒﻚ … ﻭﻋﺮﻓﺖ ﺍﺯﺍﻱ … ﻣﻼﻣﺤﻚ ﻭﻋﻴﻮﻧﻚ ﻗﺎﻟﺖ ﻛﻞ ﺣﺎﺟﺔ ﺍﻣﺎ ﺷﻮﻓﺘﻴﻪ … ﻭﺑﺼﺮﺍﺣﺔ ﻛﺪﻩ ﺷﻐﻠﺖ ﺫﻛﺎﺋﻲ ﻭﺭﺑﻄﺖ ﺍﻷﻣﻮﺭ ﺑﺒﻌﻀﻬﺎ .
ﻧﻈﺮﺕ ﻟﻪ ﻣﻴﺎﺭ ﺑﺬﻫﻮﻝ ﻭﻟﻢ ﺗﺘﺤﺪﺙ .
ﺍﺳﺘﺄﻧﻒ ﺁﺩﻡ ﻛﻼﻣﻪ : ﻭﺍﻗﻮﻟﻚ ﺍﻟﺼﺮﺍﺣﺔ … ﺍﻧﺎ ﻛﻨﺖ ﺑﻮﻗﻌﻚ ﻓﻲ ﺍﻟﻜﻼﻡ … ﺑﺲ ﺍﻧﺘﻲ ﻣﺠﺎﻭﺑﺘﻨﻴﺶ … ﻟﺴﻪ ﺑﺘﺤﺒﻴﻪ؟؟
ﻣﻴﺎﺭ ﺑﻨﻈﺮﺓ ﻫﺎﺩﺋﺔ ﻣﺜﻞ ﺻﻮﺗﻬﺎ : ﻻ ﺃﺑﺪﺍ … ﺑﺲ ﺍﻣﺎ ﺷﻮﻓﺘﻪ ﺍﺗﻔﺎﺟﺄﺕ .
ﺃﺣﺲ ﺁﺩﻡ ﺑﺒﻌﺾ ﺍﻟﺮﺍﺣﺔ ﻻﻋﺘﺮﺍﻓﻬﺎ ﺑﻌﺪﻡ ﺣﺒﻬﺎ ﻟﻬﺸﺎﻡ … ﻻﻳﻌﻠﻢ ﻟﻤﺎﺫﺍ؟؟؟ ... ﺭﻏﻢ ﺃﻧﻪ ﻳﻌﻠﻢ ﺟﻴﺪﺍً ﺃﻥ ﻃﺮﻗﻬﻢ ﻣﻔﺘﺮﻗﺔ .
ﻣﻴﺎﺭ ﺃﺣﺴﺖ ﺑﺸﺮﻭﺩﻩ : ﻓﻴﻪ ﺣﺎﺟﺔ؟
ﺁﺩﻡ : ﻻ ﻣﻔﻴﺶ .. ﺑﻌﺪ ﺇﺫﻧﻚ ﺃﻣﺎ ﺃﺷﻮﻓﻬﻢ .
ﻓﻲ ﺍﻟﺼﺎﻟﺔ .. ﺃﺧﺬ ﺁﺩﻡ ﻣﻬﺎﺏ ﻭﻫﺸﺎﻡ ﻟﺘﻨﺎﻭﻝ ﺍﻟﻄﻌﺎﻡ ﻓﻲ ﻏﺮﻓﺔ ﺍﻟﺴﻔﺮﺓ .
ﺃﺛﻨﺎﺀ ﺗﻨﺎﻭﻟﻬﻢ ﺍﻟﻄﻌﺎﻡ ﻻﺣﻆ ﺁﺩﻡ ﺃﻥ ﻫﺸﺎﻡ ﺷﺎﺭﺩﺍً ﻭﻳﻌﺒﺚ ﻓﻲ ﺍﻟﻄﺒﻖ ﺃﻣﺎﻣﻪ ﻭﻻ ﻳﺄﻛﻞ،،،
ﺁﺩﻡ : ﻓﻴﻪ ﺍﻳﻪ ﻳﺎﺩﻛﺘﻮﺭ ﻫﺸﺎﻡ … ﻣﺒﺘﺎﻛﻠﺶ ﻟﻴﻪ … ﺍﻷﻛﻞ ﻣﺶ ﻋﺎﺟﺒﻚ ﻭﻻ ﺍﻳﻪ ..
ﻫﺸﺎﻡ ﺑﺘﻮﺗﺮ : ﻻ ﺃﺑﺪﺍ ﺑﺎﻟﻌﻜﺲ … ﺍﺳﻔﻴﻦ ﺗﻌﺒﻨﺎﻙ ﻣﻌﺎﻧﺎ
ﻳﺎ ﺑﺸﻤﻬﻨﺪﺱ ﺁﺩﻡ .
ﻣﻬﺎﺏ ﻭﺍﻟﻄﻌﺎﻡ ﻳﻤﻸ ﻓﻤﻪ : ﻻ ﻳﺎ ﺇﺗﺶ … ﺍﻧﺖ ﺗﺎﻛﻞ ﻭﺗﻤﻠﻲ ﺑﻄﻨﻚ ﻣﺘﺘﻜﺴﻔﺶ … ﻭﻛﻤﺎﻥ ﻣﺎﺗﺸﻴﻠﻮﺍ ﻳﺎﺟﻤﺎﻋﺔ ﺍﻷﻟﻘﺎﺏ ﺩﻱ ﺑﻼﺵ ﺩﻛﺘﻮﺭ ﻭﺑﺸﻤﻬﻨﺪﺱ ﻭﺧﻠﻮﺍ ﺍﻟﺒﺴﺎﻁ ﺃﺣﻤﺪﻱ .
ﺁﺩﻡ : ﺍﻟﻠﻪ ﻳﻘﺮﻓﻚ ﻳﺎﺷﻴﺦ … ﺍﻃﻔﺢ ﻭﺃﻧﺖ ﺳﺎﻛﺖ .
ﻣﻬﺎﺏ : ﺳﺎﻛﺖ … ﺑﺘﻜﻠﻢ ﺃﻫﻢ ﺣﺎﺟﺔ ﺃﻛﻞ … ﺩﺍ ﺃﻧﺎ ﻛﻨﺖ ﻫﻤﻮﺕ ﻣﻦ ﺍﻟﺠﻮﻉ ﻳﺎﺟﺪﻉ .
ﺁﺩﻡ : ﻟﻮ ﻛﻨﺎ ﻧﻌﺮﻑ ﻛﻨﺎ ﺳﻴﺒﻨﺎﻙ ﺟﻌﺎﻥ … ﻳﻤﻜﻦ ﻛﻨﺖ ﺗﻤﻮﺕ ﻭﻧﺮﺗﺎﺡ .
ﻣﻬﺎﺏ : ﺳﻴﺒﻮﻧﻲ ﺍﺩﺧﻞ ﺩﻧﻴﺎ ﺍﻷﻭﻝ … ﺍﺗﺠﻮﺯ ﻳﺎﻧﺎﺱ .
ﺁﺩﻡ : ﻭﻃﻲ ﺻﻮﺗﻚ ﻳﺎﺟﺪﻉ بدل ما ﺍﻟﺒﺲ ﺭﺍﺳﻚ ﻓﻲ ﺍﻟﻄﺒﻖ ﺍﻟﻠﻲ ﺃﺩﺍﻣﻚ … ﺟﻨﺎﺯﺓ ﺗﺸﻴﻠﻚ .
ﺩﺧﻠﺖ ﻧﻮﺍﻝ ﻋﻠﻴﻬﻢ : ﻫﺎ ﻳﺎﺷﺒﺎﺏ ﻣﺤﺘﺎﺟﻴﻦ ﺣﺎﺟﺔ ﺍﺟﻴﺒﻬﺎ …
ﻣﻬﺎﺏ : ﻻ ﻳﺎﻃﻨﻂ ﺍﻟﺨﻴﺮ ﻛﺘﻴﺮ ﺑﺲ ﺍﺑﻌﺪﻱ ﺍﺑﻨﻚ ﺩﻩ ﻋﻨﻲ … ﻣﺶ ﻋﺎﺭﻑ ﺁﻛﻞ ﻣﻨﻪ .
ﻧﻮﺍﻝ : ﺳﻴﺒﻪ ﻳﺎﺁﺩﻡ ﺩﻩ ﺟﺎﻱ ﻣﻦ ﺳﻔﺮ ﻭﺯﻣﺎﻧﻪ ﻳﺎﻗﻠﺐ ﻋﻤﺘﻪ ﻣﻦ ﺍﻣﺒﺎﺭﺡ ﻣﺎﺃﻛﻠﺶ .
ﺁﺩﻡ : ﻭﻫﻮ ﺍﻧﺎ ﻣﺎﺳﻚ ﻓﻴﻪ ﻳﺎﻣﺎﻣﺎ … ﺩﺍ ﻧﺎﻗﺺ ﻳﺎﻛﻠﻨﺎ ﻭﻳﺎﻛﻞ ﻋﻔﺶ ﺍﻟﺒﻴﺖ … ﻧﻔﺴﻲ ﺍﻋﺮﻑ ﺍﻻﻛﻞ ﺩﻩ ﺑﻴﺮﻭﺡ ﻓﻴﻦ ﻭﺍﻧﺖ ﻋﺎﻣﻞ ﺯﻱ ﺍﻟﻘﻠﻢ ﺍﻟﺮﺻﺎﺹ ﻛﺪﻩ .
ﻧﻮﺍﻝ : ﺑﻄﻞ ﻧﻘﺎﺭ ﻓﻴﻪ ﻳﺎ ﺁﺩﻡ … ( ﻭﻧﻈﺮﺕ ﺇﻟﻲ ﻫﺸﺎﻡ ) ﻣﻨﻮﺭﻧﺎ ﻳﺎﺑﻨﻲ ﻣﺒﺘﺎﻛﻠﺶ ﻟﻴﻪ .
ﻫﺸﺎﻡ : ﺩﺍ ﻧﻮﺭ ﺣﻀﺮﺗﻚ .. ﺍﻧﺎ ﺍﻛﻠﺖ ﺍﻟﺤﻤﺪ ﻟﻠﻪ .
ﻧﻬﺾ ﻣﻬﺎﺏ ﻣﻦ ﻣﻘﻌﺪﻩ ﻭﺫﻫﺐ ﺑﺤﺠﺔ ﺍﻟﺤﻤﺎﻡ … ﺑﺤﺚ ﺑﻌﻴﻨﻴﻪ ﻭﻫﻮ ﻓﻲ ﻃﺮﻳﻘﻪ ﻋﻦ ﻣﻌﺸﻮﻗﺘﻪ … ﻣﻦ ﻋﺎﺵ ﺣﺎﻟﻤﺎً ﺑﻬﺎ ﻭﺑﻘﺮﺑﻬﺎ ﻛﻞ ﻟﻴﻠﺔ … ﻣﻦ ﻳﻤﺘﻠﻲﺀ ﻫﺎﺗﻔﻪ ﺑﺼﻮﺭﻫﺎ ﺍﻟﺘﻲ ﺗﻨﺸﺮﻫﺎ ﺩﺍﺋﻤﺎً ﻣﻊ ﺃﺻﺪﻗﺎﺋﻬﺎ ﻋﻠﻲ ﻣﻮﺍﻗﻊ ﺍﻟﺘﻮﺍﺻﻞ … ﻟﻘﺪ ﻓﻌﻞ ﺍﻟﻤﺴﺘﺤﻴﻞ ﻟﻜﻲ ﻳﺤﺼﻞ ﻋﻠﻲ ﻓﺮﺻﺔ ﺳﻔﺮ ﺣﺘﻲ ﻳﻜﻮﻥ ﺑﻘﺮﺑﻬﺎ ﺑﻌﺪ ﺃﻥ ﻋﻠﻢ ﻣﻦ ﺃﻣﻬﺎ ﻓﻲ ﺇﺣﺪﻱ ﻣﻜﺎﻟﻤﺎﺗﻪ ﻟﻬﺎ ﺃﻧﻪ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﺃﻥ ﺗﺠﻌﻠﻬﺎ ﺗﺒﻌﺪ ﻋﻨﻬﺎ ﻭﺗﺴﺎﻓﺮ ﻭﺗﺘﺮﻛﻬﺎ … ﺣﻴﻨﻬﺎ ﺻﻤﻢ ﻣﻬﺎﺏ ﺃﻥ ﻳﺄﺗﻲ ﻫﻮ ﻭﻳﻌﻴﺶ ﻣﻌﻬﺎ … ﻓﻤﻦ ﻟﻪ ﻓﻲ ﻣﺼﺮ ﺣﺘﻲ ﻳﻌﻴﺶ ﻣﻌﻪ … ﻣﺎﺗﺖ ﺃﻣﻪ ﻭﻫﻲ ﺗﻠﺪﻩ ﻭﺃﺑﺎﻩ ﻓﺎﺭﻕ ﺍﻟﺤﻴﺎﺓ ﻣﻨﺬ ﺧﻤﺲ ﺃﻋﻮﺍﻡ … ﻭﺃﺧﺘﻪ ﺍﻟﻜﺒﺮﻱ ﺗﻌﻴﺶ ﻓﻲ ﺩﻭﻟﺔ ﺃﻭﺭﻭﺑﻴﺔ ﻣﻨﺬ ﺳﻨﻮﺍﺕ ﻃﻮﻳﻠﺔ ﻣﻊ ﺯﻭﺟﻬﺎ ﻭﺃﻭﻻﺩﻫﺎ .
ﻟﻤﺤﻬﺎ ﺗﺨﺮﺝ ﻣﻦ ﺍﻟﻤﻄﺒﺦ ﺣﺎﻣﻠﺔ ﻃﺒﻖ ﻓﻲ ﻳﺪﻫﺎ ﻭﻓﻲ ﻃﺮﻳﻘﻬﺎ ﻟﻐﺮﻓﺘﻬﺎ … ﻗﺎﻃﻌﻬﺎ ﻣﻬﺎﺏ : ﺍﻟﻠﻲ ﻳﺎﻛﻞ ﻟﻮﺣﺪﻩ ﻳﺰﻭﺭ …
ﻓﺰﻋﺖ ﺃﻳﺘﻦ ﻣﻦ ﻇﻬﻮﺭﻩ ﻓﺠﺄﺓ ﺛﻢ ﺍﺑﺘﺴﻤﺖ : ﺍﺗﻔﻀﻞ ﻣﻌﺎﻳﺎ .
ﻣﻬﺎﺏ : ﻭﺍﺧﺪﺓ ﺍﻟﻄﺒﻖ ﻭﺭﺍﻳﺤﺔ ﻋﻠﻲ ﻓﻴﻦ .
ﺃﻳﺘﻦ : ﻫﻤﻮﺕ ﻣﻦ ﺍﻟﺠﻮﻉ … ﻗﻮﻟﺖ ﺃﻛﻞ ﺃﻧﺎ … ﺍﺻﻞ ﺍﻧﺎ ﺑﻌﺸﻖ ﺍﻷﻛﻞ .
ﻧﻈﺮ ﻣﻬﺎﺏ ﻟﻌﻴﻨﻴﻬﺎ ﺍﻟﺴﻮﺩﺍﺀ ﺍﻟﺴﺎﺣﺮﺓ ﺑﻬﻴﺎﻡ ﻭﻗﺎﻝ : ﻭﺃﻧﺎ ﻛﻤﺎﻥ ﺑﻌﺸﻘﻪ .
ﺍﺣﻤﺮﺕ ﻭﺟﻨﺘﻲ ﺃﻳﺘﻦ ﻭﻗﺎﻝ ﺑﺘﻠﻌﺜﻢ : ﻫﻮ ﻫﻮ ﺇﻳﻪ؟؟
ﺍﻗﺘﺮﺏ ﻣﻨﻬﺎ ﻭﻗﺎﻝ : ﺍﻷﻛﻞ .
ﻓﺰﻋﻪ ﺁﺩﻡ ﺑﻤﺴﻚ ﻳﺎﻗﺘﻪ : ﻋﻴﺸﺘﻚ ﻃﻴﻦ … ﺑﺘﻌﻤﻞ ﺍﻳﻪ ﻫﻨﺎ ﻳﺎﺣﻴﻮﺍﻥ … ﺍﻧﺎ ﻫﻘﺘﻠﻚ .
ﻫﺮﻭﻟﺖ ﺃﻳﺘﻦ ﺇﻟﻲ ﻏﺮﻓﺘﻬﺎ ﻭﻭﺿﻌﺖ ﻳﺪﻫﺎ ﻋﻠﻲ ﺻﺪﺭﻫﺎ ﻣﻦ ﻓﺮﻁ ﺗﻮﺗﺮﻫﺎ … ﻭﺍﻏﻠﻘﺖ ﺍﻟﺒﺎﺏ ﻭﻭﻗﻔﺖ ﺧﻠﻔﻪ .
ﺭﺃﺗﻬﺎ ﻣﻴﺎﺭ ﻓﻨﻬﻀﺖ ﺑﺨﻮﻑ : ﻣﺎﻟﻚ ﻳﺎﺃﻳﺘﻦ … ﻭﺷﻚ ﺍﺻﻔﺮ ﻟﻴﻪ … ﺗﻌﺎﻟﻲ … ﺗﻌﺎﻟﻲ … ﻭﺍﺧﺬﺕ ﺍﻟﻄﺒﻖ ﻣﻦ ﻳﺪﻫﺎ ﻭﺿﻌﺘﻪ ﻋﻠﻲ ﺍﻟﻤﻜﺘﺐ ﺍﻟﺼﻐﻴﺮ ﺑﺠﺎﻧﺐ ﺍﻟﺴﺮﻳﺮ … ﻭﺍﺟﻠﺴﺘﻬﺎ ﻋﻠﻲ ﺣﺎﻓﺔ ﺍﻟﺴﺮﻳﺮ .
ﻣﻴﺎﺭ : ﻣﺎﻟﻚ ﻳﺎﺃﻳﺘﻦ ﻗﻠﻘﺘﻴﻨﻲ ﻋﻠﻴﻜﻲ … ﺭﺩﻱ ﻳﺎﺑﻨﺘﻲ .
ﺃﻳﺘﻦ ﺑﺘﻮﺗﺮ : ﻗﻠﺒﻲ ﻫﻴﻘﻒ ﻳﺎﻣﻴﺎﺭ …
ﻣﻴﺎﺭ : ﻟﻴﻪ ﻳﺎﺣﺒﻴﺒﺘﻲ … ﺑﻌﻴﺪ ﺍﻟﺸﺮ ﻋﻨﻚ .
ﺃﻳﺘﻦ : ﻣﻬﺎﺏ ﻳﺎﻣﻴﺎﺭ … ﻣﻬﺎﺏ .
ﻣﻴﺎﺭ : ﻋﻤﻞ ﻓﻴﻜﻲ ﺍﻳﻪ … ﻣﻬﺎﺏ .
ﺃﻳﺘﻦ : ﻳﺎﺭﻳﺘﻪ ﻛﺎﻥ ﻋﻤﻞ … ﻳﺎﺭﻳﺘﻪ … ﺩﺍ ﺁﺩﻡ ﻟﻮ ﻛﺎﻥ ﺍﺗﺄﺧﺮ ﺩﻗﻴﻘﺔ ﻭﺍﺣﺪﺓ كنت ﺍﺗﻬﻮﺭت ﻭﺟﻪ ﻣﺴﻜﻨﻲ ﺑﻔﻌﻞ ﻓﺎﺿﺢ .
ﻣﻴﺎﺭ : ﺍﻳﻪ ﺍﻟﻠﻲ ﺍﻧﺘﻲ ﺑﺘﻘﻮﻟﻴﻪ ﺩﻩ ﻳﺎﺃﻳﺘﻦ .. ﺍﻧﺘﻲ ﺍﺗﺠﻨﻨﺘﻲ !!!
ﺃﻳﺘﻦ : ﻻﺯﻡ ﺍﺗﺠﻨﻦ ﻳﺎﻣﻴﺎﺭ … ﺳﻨﻴﻦ ﻃﻮﻳﻠﺔ ﻛﻞ ﺍﻣﺎ ﺍﺗﺨﻴﻞ ﻓﺘﻲ ﺍﺣﻼﻣﻲ ﻣﺎﺑﺸﻮﻓﺶ ﻏﻴﺮﻩ ﺑﻨﺤﺎﻓﺘﻪ ﻭﻧﻈﺎﺭﺗﻪ ﻭﻣﻨﺎﺧﻴﺮﻩ ﺍﻟﻄﻮﻳﻠﺔ .…
ﻗﺎﻃﻌﺘﻬﺎ ﻣﻴﺎﺭ ﺿﺎﺣﻜﺔ : ﺍﻧﺘﻲ ﻛﺪﻩ ﺑﺘﻤﺪﺣﻴﻪ ﻭﻻ ﺑﺘﺰﻣﻴﻪ .
ﺃﻳﺘﻦ : ﺑﺸﻮﻑ ﻋﻴﻮﺑﻪ ﻣﻤﻴﺰﺍﺕ ﻳﺎﻣﻴﺎﺭ … ﺍﻧﺎ ﻣﻦ ﻭﻗﺖ ﻣﺎﺟﻪ ﻭﺍﻧﺎ ﻣﺶ ﻋﻠﻲ ﺑﻌﻀﻲ .
ﻣﻴﺎﺭ : ﻳﺎﺍﺍﺍﻩ … ﺍﻧﺘﻲ ﺑﺘﺤﺒﻴﻪ ﺃﻭﻱ … ﻃﺐ ﻣﺎﻣﺎ ﻭﺁﺩﻡ ﻋﺎﺭﻓﻴﻦ ﻛﺪﻩ؟
ﺃﻳﺘﻦ : ﻻ ﻃﺒﻌﺎً … ﻭﻣﻘﺪﺭﺵ ﺍﺗﻜﻠﻢ ﻓﻲ ﺣﺎﺟﻪ ﻣﻦ ﺩﻱ ﻣﻌﺎﻫﻢ .
ﻣﻴﺎﺭ : ﻃﺐ ﺍﻟﺴﺆﺍﻝ ﺍﻷﻫﻢ … ﻫﻮ ﺑﻴﺤﺒﻚ ﻛﺪﻩ ﺯﻱ ﻣﺎﺍﻧﺘﻲ ﺑﺘﺤﺒﻴﻪ؟
ﺃﻳﺘﻦ : ﻣﻌﺮﻓﺶ … ﻋﻤﺮﻩ ﻣﺎﻗﺎﻟﻲ … ﺑﺲ ﺍﻟﻠﻲ ﺑﺸﻮﻓﻪ ﻣﻨﻪ ﻛﻠﻪ ﺣﺐ ﻭﺣﻨﺎﻥ .
ﻣﻴﺎﺭ : ﻭﻣﻤﻜﻦ ﺗﻬﻴﺆﺍﺕ ﻣﻨﻚ ﻭﺃﻭﻫﺎﻡ ﺃﻧﻪ ﺣﺐ .. ﻳﻤﻜﻦ ﺑﻴﻌﺎﻣﻠﻚ ﻛﺄﻧﻚ ﺃﺧﺘﻪ ﺍﻟﺼﻐﻴﺮﺓ .
ﺃﻳﺘﻦ ﺑﺨﻮﻑ : ﻳﺎﻟﻬﻮﻱ … ﺑﺠﺪ … ﻭﻛﻞ ﺍﻷﺣﻼﻡ ﺍﻟﻠﻲ ﺑﺒﻨﻴﻬﺎ ﻣﻦ ﺳﻨﻴﻦ ﺗﺘﻬﺪ … ﻟﻴﻪ ﺍﻹﺣﺒﺎﻁ ﺩﻩ ﻳﺎﻣﻴﺎﺭ .
ﻣﻴﺎﺭ : ﻳﺎﺣﺒﻴﺒﺘﻲ ﻣﺶ ﺍﺣﺒﺎﻁ … ﺑﺲ ﺧﺎﻳﻔﺔ ﻋﻠﻴﻜﻲ ﺗﻮﻫﻤﻲ ﻧﻔﺴﻚ ﻭﺑﻌﺪﻳﻦ ﺗﺘﺼﺪﻣﻲ … ﻋﺸﺎﻥ ﻛﺪﻩ ﻻﺯﻡ ﺗﺘﺄﻛﺪﻱ؟؟
ﺃﻳﺘﻦ : ﺇﺯﺍﻱ؟
ﻣﻴﺎﺭ : ﻫﻮ ﺑﻴﺘﻮﺍﺻﻞ ﻣﻌﺎﻛﻲ … ﺑﻴﻜﻠﻤﻚ؟
ﺃﻳﺘﻦ : ﻛﻞ ﻓﺘﺮﺓ ﺑﻴﻜﻠﻤﻨﻲ ﻳﻄﻤﻦ ﻋﻠﻴﺎ … ﺍﻭ ﺍﻣﺎ ﺍﻧﺰﻝ ﺣﺎﺟﺔ ﻋﻠﻲ ﺍﻟﻨﺖ ﺑﻴﻤﺪﺣﻨﻲ …
ﻣﻴﺎﺭ : ﺧﻼﺹ … ﺍﻧﺸﻔﻲ ﺷﻮﻳﺔ ﻛﺪﻩ ﻭﻟﻮ ﻋﺎﻳﺰﻙ ﻳﻄﻠﺒﻚ ﻣﻦ ﺍﺧﻮﻛﻲ .
ﺃﻳﺘﻦ : ﻭﻟﻮ ﻣﻄﻠﺒﻨﻴﺶ ﺍﻋﻤﻞ ﺍﻳﻪ؟؟؟
ﻣﻴﺎﺭ : ﺗﻨﺴﻴﻪ .
ﺃﻳﺘﻦ : ﺍﻧﺘﻮﺍ ﺍﻟﻠﻲ ﺗﻨﺴﻮﺍ … ﻋﺸﺎﻥ ﺳﺎﻋﺘﻬﺎ ﻫﻄﻠﺒﻪ ﺃﻧﺎ .
ﻣﻬﺎﺏ : ﺳﻴﺒﻨﻲ ﻳﺎﺁﺩﻡ ﻓﻴﻪ ﺍﻳﻪ … ﺍﻧﺖ ﻫﺘﻔﺮﺩ ﻋﻀﻼﺗﻚ ﻋﻠﻴﺎ .
ﺁﺩﻡ : ﺍﻧﺖ ﺍﻳﻪ ﺍﻟﻠﻲ ﺟﺎﻳﺒﻚ ﻫﻨﺎ ﻭﻛﻨﺖ ﺑﺘﻌﻤﻞ ﺍﻳﻪ ﻓﻲ ﺃﻳﺘﻦ؟
ﻣﻬﺎﺏ : ﻫﻌﻤﻞ ﺍﻳﻪ ﻳﺎﻣﺠﻨﻮﻥ ﺳﻴﺒﻨﻲ … ﻛﻨﺖ ﺑﻬﺰﺭ ﻣﻌﺎﻫﺎ .
ﺗﺮك ﺁﺩﻡ ﻳﺎﻗﺘﻪ : ﺑﻜﻠﻤﻚ ﺟﺪ ﻳﺎﻣﻬﺎﺏ … ﺍﺑﻌﺪ ﻋﻨﻬﺎ .
ﻣﻬﺎﺏ : ﻣﺒﺒﻌﺪﺵ ﻳﺎﻋﻢ … ﻫﻮ ﺍﻧﺎ ﺟﺎﻱ ﻣﻦ ﺩﻭﻟﺔ ﻟﺪﻭﻟﺔ ﻋﺸﺎﻥ ﺗﻘﻮﻟﻲ ﺍﺑﻌﺪ … ﻻ ﻳﺎﺁﺩﻡ؟
ﺁﺩﻡ : ﺃﻳﺘﻦ ﺍﻟﻠﻲ ﻟﺴﻪ ﺑﺎﻗﻴﺎﻟﻲ ﻳﺎﻣﻬﺎﺏ .
ﻣﻬﺎﺏ : ﺍﻓﻬﻢ ﻳﺎﺣﻤﺎﺭ … ﺑﺤﺒﻬﺎ ﻭﺟﺎﻱ ﺍﺧﻄﺒﻬﺎ ﻭﻫﻈﺒﻂ ﺍﻣﻮﺭﻱ ﻫﻨﺎ ﻭﻫﺘﺠﻮﺯﻫﺎ .
ﺁﺩﻡ : ﺑﺲ ﺃﻧﺎ ﻣﺶ ﻣﻮﺍﻓﻖ .
ﻣﻬﺎﺏ : ﺷﺎﻟﻠﻪ ﻋﻨﻚ ﻣﺎﻭﺍﻓﻘﺖ … ﺍﻧﺎ ﺧﻼﺹ ﻗﺮﺭﺕ … ﻭﺍﺑﻌﺪ ﺑﻘﻲ ﺍﻣﺎ ﺍﺭﻭﺡ ﺍﻗﻌﺪ ﻣﻊ ﻋﻤﺘﻲ ﺷﻮﻳﺔ .
ﺁﺩﻡ : ﻃﺐ ﺍﺧﻠﺺ ﻋﺸﺎﻥ ﺍﻭﺻﻠﻜﻢ ﺷﻘﺘﻲ ﺗﺒﺎﺗﻮﺍ ﻓﻴﻬﺎ ﺍﻟﻨﻬﺎﺭﺩﺓ ﻋﻠﻲ ﺍﻣﺎ ﺗﺴﺘﻠﻤﻮﺍ ﺷﻐﻠﻜﻢ ﺑﻜﺮﺓ ﻭﺍﻟﺴﻜﻦ .
ﻣﻬﺎﺏ : ﺣﺎﺿﺮ .
ﻋﺎﺩ ﺁﺩﻡ ﻟﻐﺮﻓﺔ ﺍﻟﻀﻴﻮﻑ ﻭﺟﺪ ﻫﺸﺎﻡ ﺟﺎﻟﺴﺎً ﻭﺳﺎﻧﺪﺍً ﺭﺃﺳﻪ ﻋﻠﻲ ﻇﻬﺮ ﺍﻟﻜﺮﺳﻲ ﻭﺭﺍﻓﻌﺎً ﺑﺼﺮﻩ ﺇﻟﻲ ﺍﻟﺴﻘﻒ .
ﺟﻠﺲ ﺁﺩﻡ ﻋﻠﻲ ﺍﻟﻜﺮﺳﻲ ﺍﻟﻤﺠﺎﻭﺭ ﻟﻪ : ﻣﺎﻟﻚ ﻳﺎﺩﻛﺘﻮﺭ … ﻣﺶ ﻣﺮﺗﺎﺡ ﻋﻨﺪﻧﺎ ﻭﻻ ﺇﻳﻪ؟؟؟
ﺍﻧﺘﺒﻪ ﻫﺸﺎﻡ ﻟﻪ : ﻻ ﺃﺑﺪﺍً ﻳﺎ ﺑﺸﻤﻬﻨﺪﺱ … ﺑﺎﻟﻌﻜﺲ ﺍﻟﺒﻴﺖ ﻫﻨﺎ ﻛﻠﻪ ﺣﻴﻮﻳﺔ ﻭﺭﻭﺣﻪ ﺟﻤﻴﻠﺔ ﻭﺫﻭﻗﻪ ﻋﺎﻟﻲ … ﻭﺑﺼﺮﺍﺣﺔ ﺍﻧﺘﻮﺍ ﻋﻤﻠﺘﻮﺍ ﺍﻟﻮﺍﺟﺐ ﻭﺯﻳﺎﺩﺓ .
ﺑﺎﻏﺘﻪ ﺁﺩﻡ : ﺍﻇﻦ ﺍﺗﻔﺎﺟﺄﺕ ﺍﻣﺎ ﺷﻮﻓﺖ ﻣﻴﺎﺭ ﻫﻨﺎ .
ﺟﻠﻲ ﻫﺸﺎﻡ ﺣﻨﺠﺮﺗﻪ : ﻣﺶ ﻓﺎﻫﻢ؟
ﺁﺩﻡ ﺑﺜﻘﺔ : ﺍﺗﻜﻠﻢ ﺑﺮﺍﺣﺘﻚ ﻳﺎﺩﻭﻙ … ﺍﻧﺎ ﻣﺮﺍﺗﻲ ﺣﻜﻴﺎﻟﻲ ﻛﻞ ﺣﺎﺟﺔ ﻭﻣﺒﺘﺨﺒﻴﺶ ﻋﻨﻲ ﺣﺎﺟﺔ …
ﻫﺸﺎﻡ : ﺭﺑﻨﺎ ﻳﺴﻌﺪﻛﻢ … ﻣﻴﺎﺭ ﻃﻴﺒﺔ ﻭﺗﺴﺘﺎﻫﻞ ﻛﻞ ﺧﻴﺮ
ﺁﺩﻡ : ﺃﻛﻴﺪ طبعا ﻣﻴﺎﺭ ﻣﻔﻴﺶ ﻣﻨﻬﺎ … ﺃﻣﺎﻝ ﺳﻴﺒﺘﻬﺎ ﻟﻴﻪ؟؟
ﻧﻈﺮ ﻟﻪ ﻫﺸﺎﻡ ﻧﻈﺮﺓ ﺛﺎﻗﺒﺔ : ﺍﻧﺖ ﻣﺶ ﻗﻮﻟﺖ ﺣﻜﺖ ﻟﻚ … ﻳﺒﻘﻲ ﺃﻛﻴﺪ ﻋﺎﺭﻑ .
ﺁﺩﻡ : ﻃﺒﻌﺎً ﻋﺎﺭﻑ … ﻭﺑﺼﺮﺍﺣﺔ ﻣﻦ ﺣﺴﻦ ﺣﻈﻲ ﺃﻧﻚ ﺳﻴﺒﺘﻬﺎ .
ﻗﺎﻃﻌﻬﻢ ﻣﻬﺎﺏ : ﻳﺎﻟﻼ ﺑﻴﻨﺎ ﺑﻘﻲ ﻳﺎﺍﺗﺶ … ﻋﺸﺎﻥ ﺍﻧﺎ ﻫﻤﻮﺕ ﻭﺍﻧﺎﻡ .
ﺁﺩﻡ : ﻳﺎﻟﻼ ﺑﻴﻨﺎ … ﺃﻧﺎ ﺗﺤﺖ ﺃﻣﺮﻛﻢ .
ﻧﺰﻝ ﺁﺩﻡ ﺑﻬﻢ ﻭﻣﻜﺚ ﻣﻌﻬﻢ ﻓﻲ ﺷﻘﺘﻪ ﺣﺘﻲ ﺗﺄﺧﺮ ﺍﻟﻮﻗﺖ ﺛﻢ ﻋﺎﺩ … ﻭﺑﻌﺪ ﺃﻥ ﻓﺘﺢ ﺍﻟﺸﻘﺔ ﺳﻤﻊ ﺃﻧﻴﻨﺎً … ﻣﺸﻲ ﻳﺨﻄﻲ ﻫﺎﺩﺋﺔ ﺣﺘﻲ ﻭﺻﻞ ﻟﻤﺼﺪﺭ ﺍﻟﺼﻮﺕ ﻭﺟﺪ ﻣﻴﺎﺭ ﺗﺠﻠﺲ ﻓﻲ ﻏﺮﻓﺔ ﺍﻟﻀﻴﻮﻑ ﻭﺣﺪﻫﺎ ﺗﺘﺄﻟﻢ ﻭﺍﻟﻀﻮﺀ ﺧﺎﻓﺖ ﻳﻜﺎﺩ ﻻ ﻳﻜﻮﻥ ﻣﻮﺟﻮﺩﺍً .
ﺃﺷﻌﻞ ﺁﺩﻡ ﻝ : ﻣﻴﺎﺭ ﻗﺎﻋﺪﺓ ﻟﻮﺣﺪﻙ ﻟﻴﻪ … ﻣﺎﻟﻚ؟
ﻣﻴﺎﺭ ﺑﺘﺄﻟﻢ : ﻣﻔﻴﺶ ﺣﺎﺟﺔ .. ﺃﻧﺎ ﻛﻮﻳﺴﺔ .
ﻧﻈﺮ ﺁﺩﻡ ﺇﻟﻲ ﻗﺪﻣﻬﺎ ﻭﺟﺪ ﺍﻟﺤﺮﻕ ﻗﺪ ﺃﺯﻳﻞ ﺍﻟﺠﻠﺪ ﻣﻦ ﻋﻠﻴﻪ ﺷﻌﺮ ﺑﻮﺟﻌﻬﺎ : ﺍﻳﻪ ﺍﻟﻠﻲ ﻋﻤﻞ ﻓﻲ ﺭﺟﻠﻚ ﻛﺪﻩ .
ﻣﻴﺎﺭ : ﺍﻧﺎ ﻛﻨﺖ ﺭﺍﻳﺤﺔ ﺍﺟﻴﺐ ﻣﺎﻳﺔ ﺍﺷﺮﺏ .. ﻭﺍﺍﻧﺎ ﺧﺎﺭﺟﺔ ﺍﻟﺼﺎﻟﺔ ﺍﺗﺨﺒﻂ ﺍﻟﻜﺮﺳﻲ ﻓﻲ ﺭﺟﻠﻲ ﺍﻟﻤﺤﺮﻭﻗﺔ … ﺟﻴﺖ ﻫﻨﺎ ﻋﺸﺎﻥ ﺃﻳﺘﻦ ﻧﺎﻳﻤﺔ ﻭﺧﻔﺖ ﺃﻗﻠﻘﻬﺎ .
ﻓﻲ ﻟﺤﻈﺔ ﻛﺎﻥ ﺁﺩﻡ ﻳﺤﻤﻞ ﻣﻴﺎﺭ ﺑﻴﻦ ﻳﺪﻳﻪ .…
ﻣﻴﺎﺭ : ﺷﺎﻳﻠﻨﻲ ﻟﻴﻪ … ﻣﻮﺩﻳﻨﻲ ﻓﻴﻦ .
ﻟﻢ ﻳﺮﺩ ﻋﻠﻴﻬﺎ ﺁﺩﻡ ﻭﻓﺘﺢ ﻏﺮﻓﺘﻪ ﻭﺩﺧﻞ ﺑﻬﺎ ﺛﻢ ﺃﻧﺰﻟﻬﺎ ﻋﻠﻲ ﻓﺮﺍﺷﻪ .……
بدل ماتدور وتبحث علي الروايات خليها علي تليفونك وحمل تطبيقنا
