Ads by Google X

رواية دماء في ليلة الحنه الجزء التاسع والاخير

 





قصه دماء فى ليله الحنه 


الجزء التاسع والأخير 



الكاتبه // كوكى سامح




ولقيت ايد مسكت رقبتى من ورا والست اللى 


لابسه النقاب مدت ايدها بالسكينه وانا شديت 


النقاب ولقيتها راجل 😭 غريب عنى انا معرفوش


ولقيت نفسى بصرخ وهو بيقرب السكينه


وفجأه الست إللى كانت ماسكه رقبتى من ورا 


شدتنى عليها ووقعت على الارض انا استغربت 


من من اللى عملته تقريباً دى نقذتنى من ايده 


ولقيت الراجل بيقولها بصوت مخيف تانى 


يا خرابه البيوت العمرانه ومسك فيها وانا 


قعد اصرخ وكان انور نزل ووراه منار واخواته 


وهما ماسكين فى بعض انور قرب منى وخدنى 


فى حضنه وصالح ومعتز مسكوا الست والراجل 


اللى محدش فينا يعرفهم ولقيت منار بتقول 


هى دى الست اللى سابت ليكى الورقه يا هاجر 


رد انور وقال ورقه ايه رديت وقولت هقولك 


على كل حاجه بس لقينا صالح بيقول يلا 


كلكم على شقتى فوق وخدوا الست والراجل 


وهما متربطين وكان معتز بيضرب فيهم ويقول 


يلا على فوق يا ولاد الكلب ولما كلنا طلعنا 


على شقه صالح والراجل والست دخلوا وكانوا


زى الفيران معتز رماهم على الارض بكل غيظ 


بس انا قولت لأنور الست دى هى اللى نقذتنى


من الموت رد وقالى ايوه انا شوفتها بتزوقك 


على الأرض رديت وقولت باستغراب معقول 


لما انا صوت انتى سمعت صوتى رد وقالى 


لا لما دخلتى عليه الاوضه وانا نايم انا حسيت 


بيكى انا مكنتش نايم يا هاجر هو فى حد فينا


عارف ينام ولما حسيت بيكى نزلت اتسحب 


وراكى من غير ما تحسى رددت منار وقالت 


وانا كمان لما قومتى من جمبى حسيت بيكى 


وشوفت انور وهو نازل وراكى وبصراحه 


خوفت روحت خبط على كل شقه وصحيت 


اخواته كلهم ونزلنا كلنا والحمد لله انك بخير 


ولقيت منار بتقرب من الست وقالت انتى 


صاحبت الورقه وانا فاكره كويس انك قولتيلى 


اوصلها للعروسه اختى منار رددت وهى منكسره


وقالت : ايوة انا رددت منار وقالت : طيب ليه 


والورقة كان معناها ايه رردت عليها وقالت :


كان نفسى انقذ جوزى من دمكم ودم غيركم 


بس للأسف العروسه معملتش حاجه انا كنت 


فاكره انها هتبلغ الشرطه وتاخد اجراء بس هى 


مهتمتش واستهترت بالكلام المكتوب وابتدت 


تنهار وقالت : انا حاولت اشوفك كذا مره


علشان انبهك وتقولى لأختك إنما للأسف 


انتم ولا عملتوا اى حاجه لحد ما جوزى 


ايده بقت كلها دم بس صالح قرب منها وقال 


مين جوزك رددت وقالت المتلقح جمبى ده 


ولقيتها بتبص ليه وبتقول احمدى ربنا كان 


زمانك مدبوحه زى غيرك وهنا معتز ابتدى ينهار 


وقرب منهم وبقى يضرب الراجل بالرجل فى بطنه


وهو يصرخ ومراته عينها مكسورة وكأنها بتقول


خلاص دى نهايتنا وصالح طلب من معتز يهدى 


علشان نعرف ايه السبب والحقيقه فين؟ 


وصالح ابتدى يسألها وقالها ليه جوزك قتل امى


ومرات اخويا؟ 


رددت وقالت ممكن تفك ايدى علشان اعرف اتكلم


وفعلا صالح فك ايدها وقامت من على الأرض 


وكان فى صوره لحماتى متعلقه على الحيطه 


قربت منها وقالت الست دى هى السبب 


سعاد هى اللى بتقتل كله بسببها وهنا خرجت 


ساره وكان على ايدها ابن ندا وبصت لساره 


وقالت انتى ساره صح كده هههههههههههه


رددت ساره وقالت ايوه انا يا تهمه انتى رددت 


الست عليها وقالت انا بردوا اللى تهمه شكرا


رد صالح وقال بذهول انتى تعرفى ساره 


منين رددت وقالت ما كله بسببها هى والأستاذ 


اللى نازل ضرب فى جوزى ده رد وقال معتز 


رددت وقالت ايوه هما الاتنين دول السبب


ولسه بتحكى رد الراجل وقالها اوعى تفتحى 


بوقك بكلمه هيكون فيها موتك رددت عليه 


وقالت ياريت اموت احسن من عيشتى معاك 


وابتدت ساره تبعد بالولد بس هى قربت منها 


وقالت فاكره يا ساره يوم انتى والمرحومه ولدتك


كنتوا عندنا رددت ساره وقالت مش فاكره مش 


فاكره رد صالح وقال انا مش فاهم حاجه هى 


سارة تعرفكم منين؟! 


والكل واقف فى ذهول ومستغرب من كلام الست 


وقالت انا هوضح لكم كل حاجه وابتدت تحكى 


وانا كنت ملاحظه ان الراجل بيبص ليها بغيظ


ولو قادر لولا متربط كان قتلها ولقيت الست عينها


فى عين ساره وبتقول احنا من بلد بعيدة 


وحماتى صيتها مسمع كان بيحرسها جن وبينفذ 


كل طلبتها انا عمرى ما شوفته بس كنت بسمع 


عنه 🖤 كانت بتجوز اللى قطر الجواز فاتها 


وكمان تعمل عمل لواحده تخلى الراجل يشوفها


ملكه حتى لو مش طايق يشوفها والعكس صحيح 


ساعات كانت تعمل عمل بفك الحب وممكن الراجل


يشوف حبيبته قرده وترجع الراجل لمراته 


والعكس بردوا ممكن تبعد راجل عن بيته ومراته 


من الاخر كان ليها فى كل حاجه بس بشروط 


وبفلوس كتير فى يوم دخلت علينا ست ومعاها 


بنتها وطلبت من حماتى تعمل عمل لسلفتها انها 


توافق على جواز بنتها من ابنها رد صالح وقال


واحنا شأننا ايه فى الموضوع ده ردت وقالت 


ما سلفتها دى سعاد امك والبنت ساره والولد 


كان الاستاذ معتز انا فاكره صورته كويس 


وساعتها مامت ساره قالت إن سلفتها معارضه 


علشان السن وبصراحه مطلتبش غير كده وبس 


وفعلا حماتى ابتدت الشغل على صوره معتز 


وطلبت قطره اى حاجة من هدومه ساعتها


مامت سارة اتلجمت وقالت هتجيب هدومه 


منين بس لما مشيت قالت إنها هتتصرف 


وخدت ساره ومشيت ودفعت فلوس بس 


مش المطلوب بعدها بشهر ساره مجتش 


ولا مامتها بس اللى جت سعاد ومعاها صوره 


ساره ومعتز بس كانت معاها بنت اسمها ندا 


ولما دخلوا الاتنين وقعدوا مع حماتى ندا 


قالت انا بحب معتز من زمان ونفسى اتجوزوا 


رددت سعاد وقالت اللى فى الصورة ده معتز 


ودى سارة بنت عمه انا عاوزاه يشوفها قرده 


وميبقاش طايق وشها وبصت ل ندا وقالت :


انا عاوزاه يتجوز القمر دى ندا بنت زينب 


وطبعا حماتى بم انها شاطره جدا عرفت ان 


دى سلفت مامت ساره ومتكلمتش فى حاجه


خالص وابتدت تعمل العمل وحماتى طلبت منها 


مبلغ كبير وحته ارض وقالت لها أن دى طلبات 


الجن وطبعا سعاد فى الاول رفضت وقالت هجيب 


ارض منين بس قالت انا عندى بيت صغير فى 


الريف دور واحد ممكن تاخدوه هو ميلزمناش 


وبعد ما وافقت على الطلبات قالت هناخد النص


وبعد لما الجوازه تتفشكل ومعتز يغير رأيه 


ويخطب ندا هتكمل باقى المبلغ وتكتب البيت 


الصغير بأسم حماتى وكان واضح ان سعاد لو 


هطول تدفع عمرها كله علشان معتز يسيب سارة 


هتدفعه علشان كده حماتى طلبت منها كتير  وقبل 


ما سعاد وندا يمشوا قالت لها ده عهد مع الجن ولو 


رجعتى فيه هيكون فيه موتك بس هى خدت ندا 


ومشيت وقالت لما يتم المراد هترجع تانى 


وفعلا المحروس جوزى كان على طول بيراقب 


سعاد ويعرف أخبارها اول بأول لحد ما ندا 


 اتخطبت لمعتز وبعدها عرفنا ان صالح 


اتجوز ساره وكمان ندا اتجوزت معتز والمراد تم


وحماتى ابتدت تكلم سعاد علشان تطلب باقى


حقها بس كانت بتقول ان فى طلبات كتير


لما تتنفذ هتكتب الأرض لحماتى وتديها باقى 


المبلغ لان سعاد بعد جواز صالح كانت بتتردد


علينا كتير ومعاها ندا علشان تعمل عمل لصالح 


ميخلفش من بنت عمه ويتجوز عليها 


 وفعلا حماتى عملت العمل وساره


وقف حالها ومخلفتش من ابن عمها واتجوز عليها


ولما حماتى طلبت منها باقى الفلوس والبيت


قالت فى طلب اخير وكان معاها صوره هاجر


وقالت انها عاوزه ابنها يشوفها قرده بس حماتى


رفضت وقالت لما تدفع وتكتب لها البيت أو تبيعه


وتبعت فلوسه وهنا بقى المشكله قامت ما بينهم


وكان يومها معاها مرات ابنها ندا وشتموا


حماتى واتهموها بالنصب ومشيوا وحماتى حلفت


وقالت انهم لازم يموتوا وده قليل عليهم بس بعد 


ما مشيوا لقينا نسخه مفاتيح واقعه من سعاد 


وطبعا كان فيها مفتاح العمارة لانه كان واضح 


ومعاه مفتاح تانى بس قولنا يمكن مفتاح شقتها


وابتدى جوزى يراقب سعاد وعرف ان اصغر ولادها 


هيتحوز خلاص واليوم ده حماتى حلفت ان


سعاد لازم تموت واتفقت مع ابنها اللى هو جوزى


انه يدبحها ويرميها فى العماره ويفتح باب شقتها


ويرميها جواها وهنا بقى انور ابتدى ينهار 


ويقول اه يا ولاد الكلب بس الست بتكمل كلامها


وقالت قبل الحنه بيوم حماتى كلمت سعاد 


واتصالحت معاها لدرجه انها عزمتها على الحنه 


واتفقت مع جوزى انها هتروح الحنه تستدرجها


وهو يدبحها وفعلا ده اللى حصل سعاد كانت 


قاعده على الكرسى وحماتى راحت وكانت من 


المعازيم ومشيت معاها وندا كانت عارفه وشافتهم


بس مكانتش تعرف انها هتقتلها هى كانت فاهمه


طبعا الخلاف وقالت انهم بيتصالحوا وسابت 


حماتها سعاد تمشى مع حماتى والدنيا حلوه


وحماتى طلبت من سعاد مبلغ بسيط بس 


قالت لها الفلوس فى البيت وخدتها وراحوا على 


العماره وكان جوزى مترصد لها وفتح بالنسخه 


اللى معاه وقعد على باب شقه سعاد ولما دخلت 


هى وحماتى قرب منها وحماتى أصلها قويه حاجه 


كده تخينه وطول وعرض ما يقدر عليها غير 


ربنا قامت مسكتها وهو دبحها وشدها من ايدها


ولما حاول يفتح باب شقتها المفتاح مفتحش


وقال هيسبها مرميه فى المدخل بس حماتى


قالت يطلع يحاول يفتح كل الشقق اللى فى


العماره واللى تتفتح منهم يرميها فيها


وطبعا العماره كلها كانت فاضيه كلهم


مشغولين فى الحنه وفعلا جوزى طلع وحاول


يفتح كل باب بس اخر شقه هى اللى اتفتحت


وخد جثه سعاد فى الاسانسير ورماها فى اوضه


النوم وقفل الشقه ونزل ولقينا مفتاح باب العمارة


واقع اللى سعاد فتحت بيه تقريبا كانت عملاه


بديل اخدناه منها ورمانا ونسخه المفاتيح بتاعتها 


جوزى رماها فى مدخل العمارة


 علشان اللى يشوفها يلبس الجريمه ويقول


ان الجانى من العماره وكله يشك فى بعضه


رد صالح وهو منهار وقال يا ولاد الكلب يا جزارين


 رددت الست وقالت انا حاولت اساعد 


وبعت الورقه ل هاجر وحاولت احذرها علشان 


تعمل حاجه لانى كنت عارفه ان حماتى 


مش هتسبهم وهتقتلهم بس هى للأسف 


مهتمتش اما بالنسبه ل ندا كل اللى اعرفه 


انها كانت طماعه وطلبت فلوس من حماتى 


مقابل انها متعترفش عليها وتقول انها القاتله 


لأنها طبعا عارفه الخلاف اللى بينهم 


رد معتز وقال لا لا ندا مراتى بريئه وراحت


ظلم وغدر وانا مش هسيب حقها انا مراتى 


الله يرحمها متربيه وبنت ناس رددت الست 


وقالت ههههههه مكانتش تعمل أعمال 


عمل ليك علشان تتجوزها وتكرهه ساره وعمل 


لسلفتها علشان متخلفش وكانت بتساعد حماتها  


بس قرب منها وحاول يخنقها وصالح مسكه 


ولحقه والراجل ابتدى يتكلم وقال ايوه مراتك 


شيطان ماشى على الأرض احمد ربنا انى 


خلصتك منها يا جدع الوليه من بجاحتها مش


خايفه على نفسها وكلمت امى وقال ايه عاوزه


نص فلوسنا والله تستاهل انا فاكر كانت بتكلم 


امى بلهفه ومن رقم مش رقمها احنا اصلا 


مكناش هنقتلها بس مراتك دى عامله زى 


الدبور اللى بيزن على خراب عشه 


خليت امى اتفقت معاها تقابلها بس هى قالت 


تقابلها عند مقلب الزباله اكمنى المكان فاضى 


ومهجور وفى الاول خوفنا تكون عامله فينا 


مقلب بس عرفت انها طماعه ومش اصيله


وكمان باعت حماتها عارفه القاتل وساكته


زى الشيطان وعاوزه فلوس وليه جاحده صحيح 


وتستاهل القتل رد معتز وقال كذاب رد الراجل


وقال هديك إمارة لما امى كلمتها وقالت لها 


احنا واقفين كانت مش على بعضها ولما جت 


كان فى ايدها طبق فى رز باللبن ومغطياها 


زى الحراميه ولما طلبت من امى الفلوس انا 


قومت بالواجب ودبحتها ورميتها مكانها تستاهل


والله وهنا بقى معتز قال : فعلا اليوم ده جالها


تليفون ولقيتها خدت الرز باللبن وقالت إن هاجر 


نفسها فيه رددت هاجر وقالت انا محصلش بينى 


وبينها اى كلام اصلا رد وقال ودخلت المطبخ 


وخدت طبق وخرجت جرى وقالت إنها طالعه 


ل هاجر وانور وبعدها سمعت خبرها 


ردت ساره وقالت كانت شيطان منها لله 


ردت الست وقالت بس الغريبه انك انتى ومامتك 


بعد ما طلبنا قطر معتز انتوا بعدتوا ولقينا 


بعدها حماتك هى اللى جت 


ساره بتعيط وبتتكلم وبتقول انا ضحيه مرات 


عمى والله وقربت


 من هاجر وانور وقالت صدقونى


وبصت لمعتز وقالت انا كنت بحب معتز 


اوى والكل كان عارف حتى صالح نفسه 


علشان كده كنت هعمل عمل توافق ومكنتش


ناويه أذيه إنما عرفت بالصدفه لما كانت ماما 


عندها ودخلت اوضه نوم معتز وهى فى المطبخ 


وخدت فانله من دولابه واليوم ده كان مصيبه 


بجد وفضحت ماما وقالت لها انها هتقول لبابا


وبابا راجل صعب ماما خافت منها اوى 


وقالت لها انها مش بتعمل شر ده خير 


علشان توافق على جوزاى من معتز بس 


طلبت منها علشان متقولش لبابا على موضوع 


العمل عنوان الست اللى بتعمل اعمال وماما 


من طيبتها قالت وخافت منها اوى وقالت 


ليه انى ابعد عن معتز بس انا رفضت 


ومن يوم ما مرات عمى جت بيتنا تطلبنى 


لصالح ماما وافقت من خوفها منها 


ومع الوقت عرفت ان مرات عمى ليها يد 


فى قتل امى سمعتها بتتكلم فى التليفون 


مع الدجاله عرفت انهم قتلوا امى رد الراجل 


وقال ايوه هى طلبت منى اساعدها 


وحصل سعاد دى كانت مفتريه 


وانا قولت لسارة والمفاتيح رددت وقالت وهى 


منهاره سامحونى انا من قهرتى عملت كده 


لقيت نسخه المفاتيح فى المدخل وخدتها 


وخبيتها علشان اضلل العداله انا كنت عاوزه 


اخد حق امى وحقى وشالتها فى دولاب المطبخ 


رديت وقولت يبقى انتى اللى فتحتى شقتى 


رددت وقالت ايوة وسبت ليكم ورقه ان انور


مش هيدخل عليكى غير لما يحرق الورقه 


عليكى وعليه علشان اعجزه ونفسيته تتعب 


وميقدرش يعمل حاجه ويحس انه عاجز ومش 


راجل وده ابسط حقوقى انى اخد حقى 


وان ابنها يتعذب زى ما انا اتعذبت وقولتلها


وكان فى مفتاح زياده ده مفتاح ايه بالظبط 


ردت وقالت : ده مفتاح شقه صالح التانيه 


انا لقيت دبله ندا واقعه ورميتها فى شقته


علشان التهمه تلبس غاده وانتقم منهم كلهم 


وتتحبس شوية انا كنت عارفه ان براءتها هتظهر


بس قولت يتعذبوا شويه بعذابى بس اللى 


غير خطتى وبوظها لما هاله اتخطفت 


رديت وقولتلها وانا كنت هروح فى داهيه بسببك


رددت وقالت الشيطان لعب بيه 


اللى غير المفاتيح نقذك يا هاجر سامحينى 


رد انور وقال معقول يا بنت عمى 


تعملى فينا كده رددت وقالت انت سليم وراجل يا 


انور انا بس خليت الوهم سيطر عليك 


انت راجل يا ابن عمى بس العيب انكم 


رجاله بس عيال سعاد صالح قرب منها ونزل 


فيها ضرررب وهنا بقى انور اتصل بالشرطه وفى 


نفس الوقت هاله ظهرت وكانت خطه من انور 


واخواته ان هاله تتخطف علشان الجانى يظهر 


وبعد نص ساعه كانت العماره كلها والشارع 


محاط بالشرطه وخدوا الست وراجل بعد 


اعترافهم بكل الجرائم والشرطه عرفت طريق 


الام الدجاله وتم القبض على اكبر دجاله 


هى ورجالتها...


وبعد مرور خمس شهور فى منزل هاجر.... 


الام بتقول والله يا هاجر الحى ابقى من الميت 


انا كلمت انور كتير يكلم معتز انه يتجوز ساره 


ما خلاص هى بقت ارمله اخوه وبعدين 


هى أوله بأبنه تربيه ما هى بنت عمه رددت 


هاجر وقالت : يا ماما موت صالح مأثر على الكل


وخصوصا بعد ما غاده عرفت انها حامل  وسقطت 


نفسها وقالت إنها مش عاوزه حاجه من العيله 


دى بعد ما اتحبست وبعد موت صالح 


رددت منار وقالت : ده مات بسكته قلبيه بعد 


القبض على الدجاله بأسبوعين يعنى من فتره 


جامدة وبعدين ده قضاء وقدر امر ربنا ونفذ 


رددت هاجر وقالت : متنسيش ان انور واخواته


كلهم بيقولوا ان ساره السبب فى موته هو اتصدم


فيها رددت الام وقالت يعنى اتصدم فى ساره 


ومتصدمش فى سعاد وعمايلها يا اختى 😁 


البت معملتش حاجه رددت هاجر وقالت : 


انا غلبت مع انور يا ماما وبيقول كفايه أن 


محدش منهم وجه ليها اى اتهام علشان خاطر 


عمه وبس 🖤


جرس الباب رن وكان انور ومنار فتحت الباب


ولما دخل خد هاجر فى حضنه وقالها ابننا 


عامل ايه رددت وقالت وليه متقولش بنتنا


رد وقال السونار قال ولد رددت وقالت كل اللى 


يجيبه ربنا كويس المهم يا حبيبى انك جمبى 


رد وقالها انا بخير طول ما فى ست جدعه 


واقفه فى ضهرى انت السند والضهر يا احلى 


زوجه رددت وقالت وانت حبيبى ربنا ما يحرمنى


منك رددت الام وقالت ربنا ما يحرمكم من بعض


يا حبايب قلبى رددت منار وقالت عقبالى يارب😍


رددت الام وقالت ربنا يرزقك بالزوج الصالح 


وقربت من انور وقالت يا أنور انا عاوزه 


اطلب منك طلب رد وقالها قولى يا ماما رددت 


وقالت ساره وحدانيه يا ابنى رد وقالها 


ما دى المفاجأه اللى كنت جاى اقولكم عليها


معتز طالب منك كلكم تحضروا كتب كتابه 


على ساره يووم الخميس الجااى 


الام رقعت زغروطه بس انور بص وقال 


معلش يا ماما موت صالح لسه فى قلوبنا 


ياريت بلاش رددت بكسوف وقالت اسفه يا ابنى 


والله من فرحتى أصلها اتظلمت وكانت ضحيه 


رد وقال كلنا اتظلمنا يا أمى الموضوع كان صعب


وخصوصا لما باعنا العماره بتاعتنا اللى امى وابويا 


شقيوا فيها علشان نعيش فى مستوى كويس 


رددت هاجر وقالت : معلش يا حبيبى مكنش


ينفع نقعد فيها بعد موت مامتك وكمان صالح 


وبعدين العماره الجديده جميله وان شاء الله 


يكون وشها حلو علينا كلنا ❤️❤️


وبعد مرور اسبوع وكان يوم الخميس 


الكل اتجمع فى كتب كتاب سارة ومعتز 


ودخلت ساره العماره الجديده وفى ايدها 


ابن معتز وبعد شهور هاجر ولدت ولد 


وفى يوم سبوع الولد سارة قالت للكل 


وهى فى عز فرحتها انها حاامل وكان معتز 


طاير بحب عمره وتمت القصه 😍


نصيبك هيصيبك غصب عن الكل 😁 


ما هى مش بالسحر ولا الشعوذه 


انت بس مجرد اداه بيحركها رب العباد 


لحكمه هو بس العالم بيها أجرى وارسم وخطط


بس ربك هو اللى بيدبر 🤚🏼


بلاش تأذى غيرك لأن الأذيه رجعالك رجعالك👌


وخلى بالك كل ساق سيسقى بما سقى ولا يظلم ربك احدا🤚🏼


لأى يوم أجلت، ليوم الفصل" فى محكمة الله ستحسم كل القضايا فأحذر الظلم وأعراض الناس

وحقوقهم واعلم انه كما تدين تدان ويدور عليك الزمان 

واستعن بالله واعلم ان الامه لو اجتمعت على ان ينفعوك بشئ لم ينفعوك الا بشيئ قد كتبه الله لك 

ولو اجتمعوا على ان يضروك بشئ لم يضروك الا بشيء قد كتبه الله عليك


ضع تعليق علشان يوصلك اشعار القصه الجديده 


وياريت عاوزه اعرف رأيكم في تعليق

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-