قصة خذلان كامله بقلم مجهول
انا منه ف كليه طب سنه تانيه شاطره اوي ف دراستي مش بهتم بأي حاجه غير دراستي وبس أو ثواني انا كنت شاطره قبل مايوسف يدخل حياتي هو كمان ف طب قدي بق يومنا كله خروجات ومكالمات وسعات خناق انا دحيحه اوي وهو فاشل اوي معرفش ازاي دخل طب بس قلبي متعلق بيه لاكن عقلي رفضه تماما ف حياتي بيتصل بيا نتفق ع الخروجه وببق مبسوطه بعد دقيقه ارجع أكلمه أقوله متيجي نأجلها انا عندي مذاكره كتير من هنا تبدء خناقنا ويقولي متعيشي حياتك بقا اصلا اخرك هتبقي زوجه وام وتقعدي ف البيت تجهزي اكل زي امي وامك انسي المذاكره بقا مش هتطلعي بروفسيره يعني كان بيقتل كل طموحي وكنت بمشي وراه ديما لان قلبي متعلق بيه اوي بس انا كان نفسي ديما بحبيب يشجعني ع مستقبلي الي يوسف بيضيعهولي يوسف كان مهم عنده الخروجات والفسح واللبس ويشوف الامتحان المتسرب ويعدي السنه لاكن انا التقدير كان بيفرق معايا جدا يوسف كانت عيوبه كتير بس كان حنين اوي بيحبني وكان سعات بيغير من المذاكره ويقولي دي بتاخد نص وقتك طب انا فين أقوله ده مستقبلي ييوسف قالي احنا هنتجوز قولتله لم نخلص كليه الأول قالي انا مش قادر اصبر كل السنين دي احنا لسه ف ثانيه يوسف كان شهواني كنت بخاف من بصاته جدا معأنه عمره ما اذاني ولا ضيقني بس عنيه كانت ديما فضحاه اتقدم لاهلي ووافقوا وعمالنا فرح صغير واول ما دخلنا بيتنا مسك ايدي وقالي تعالي نتكلم شويا يامنه بصي عارف اني فاشل ومجنون وجوازنا جه بسرعه ويمكن نندم عليه بعدين سبت ايده وقومت وقفت وقولتله انت حسيت بده دلوقتي يايوسف ماقولتليش كده لي قبل مانكتب الكتاب وادخل بيتك انا عايزه امشي من هنا قالي انتي بتقطعيني لي متسمعي الكلام للآخر قولتله لم ده أوله اخره هيكون اي بص وديني بيت اهلي وبعدين نتفاهم قالي يابنتي هتغير علشانك بس اسمعيني انا هشتغل جنب الكليه وهذاكر وهنسا كل حياتي القديمه علشانك بس انتي كمان هتتنزلي زيي وعندي ليكي شرط هو الي هيحدد هنكمل سوا ولا لاء قولتله مستحيل اسيب كليتي انا ببق الأولي ع الدفعه قالي هو انا جبت سيره كليتك انا اصلا فخور بيكي قولتله امال اي قالي شرطي الوحيد ع استمرار جوازنا هو أن ميبقاش ف ولاد لمده 6سنين نكون خلصنا دراسه وبعدين شغلنا اتظبط وعيشتنا قولتله طب لو جه غلطته من غير ماخد بالي قالي ساعتها حياتنا سوا هتكون خلصت مفيش بنا غلطات يامنه لازم تعملي حسابك كويس جدا صراحه اقتنعت اصلا انا مش هبق قد بيت وزوج ودراسه وكمان طفل صغير انا الي كسبانه كده مش هو قولتله موافقه يايوسف باسني ف دماغي وقالي ربنا يهديكي ليا انسا كل الارف ده بقا وانتي النهارده ملكه عدت الليله وكانت من اجمل ليالي ف حياتي كنت فرحانه بيوسف اوي كنا ديما سوا ف الكليه والخروجات والبيت بس يوسف كانت شخصيته قويه وعصبي اقل غلطه بنا كان بيشتكي لاهلي وصوته بيعلا كنت بخاف منه اوي ومن الفضايح الي بيعملها لو عملت غلطه تافهه أو حتي مقصدهاش يوسف طيب وحنين بس عيوبه كتير اوي وكانت ديما بتداري ع اي مميزات فيه سعات كنت بكرهه من طريقته وسعات قلبي يحن ليه بس كنت عايشه وراضيه عدت سنه بحالها واحنا سوا يوم حلو ع وحش ع مشكله صغيره لازم اهلي وأهله يعرفوها طبعا اصلا معندناش اسرار والموضوع ده كان بيضايفني جدا بس ف يوم واحنا ف الكليه تعبت اوي وفضلت ارجع صحبتي قالت تعالي نروح لدكتور قولتلها بس ماتقوليش ليوسف قالتلي لا انا وانتي بس روحنا من وراه بس الدكتور قالي مبروك يا مدام انتي حامل قولتله يالهوي وعيط جامد قالي اي ده انتي مش متجوزه قولتله ااه قالي طيب خايفه لي شيئ طبيعي اي اتنين متجوزين ربنا يرزقهم قولتله بس انا عامله حسابي كويس جدا ومستحيل يحصل حمل قالي بس ربنا عايز كده قولت لصحبتي انا خايفه اوي من رد فعل يوسف ده اكيد هيبهدلني ده كل يوم بيحزرني من موضوع الحمل قالي ده مجنون ربنا يهديه أو ياخده انا عارفه انتي مستحملاه وعايشه معاه ازاي ده قوليله وزاي ماتيجي تيجي بقا روحت البيت وطفيت النور كله وولعت شمع وعملت اكله هو بيحبها واستنيتوا وانا قلبي بيدق جامد وجسمي كله بيترعش من الخوف دخل وقالي اي ده عندنا عيد ميلاد ولا جواز انا ماجبتش هدايا مسكت ايده وقعدتو الاكل قالي الله كمان الاكله الي بحبها لا ده الموضوع كبير وشمع كمان لا دنتي ترقصيلي بقا قولتله تعبانه قالي سلامتك بقالك كام يوم متغيره وتعبانه فعلا قولتله غمض عينك راح غمض عينه وحطيت ايده ع بطني وقولتله فتح ييوسف فتح عينه وهو حاطت ايده ع بطني وانا مبتسمه قالي اي ده قولتله ربنا بعتلك هديا هتقبلها ولا هترفضها بصلي بصه عمري ماقادره انساها وزق ايدي وقالي انتي بتستعبطي صح قولتله مش بأيدي والله قالي بقالي سنه بحالها كل يوم انبهك وتقولي مش باأيدي كلميلي ابوكي يشوف الوكسه الي انا فيها قولتله متعرفش حد اسرارنا هنشوف حل سوا قالي حالها الوحيد انك تنزليه ازاي وامتا ولي مليش في انا قولتله ولم انت مش عايز عيال بتتجوزني لي بتلمسني كل يوم لي انت اناني اوي رميت كل حاجه ع كتفي وتقولي مليش ف انا سيبهالك خالص
بعد مالدكتور ماقالي مبروك انتي حامل انا اتصدمت وخرجت من عند الدكتور وقولت لصاحبتي هعمل اي دلوقتي يوسف هيبهدلني قالتلي معرفش انتي مستحملاه ازاي ده بنأدم لا يطاق يابنتي قولتلها نصيبي ياستي كده قررت افجأه وانا هموت من الرعب من رد فعله جبتلوا شمع وعملت اكله بيحبها واستنيتوا لم دخل قالي اي ده عندنا عيد ميلاد قولتله لا تعالا قعد وبعد ماخلص اكل قولتله جيبالك هديه فرح قولتله غمض عينك وحطيت ايده ع بطني وقولتله فتح فهم عالطول وقالي اي ده انتي بتستعبطي صح قولتله ده رزق وجالك قالي مش عايزه ومنبه عليكي ميت الف مره انتي غبيه لي قولتله انا عملت كل احتيطاتي علشان ميحصلش حمل بس ربنا عايز كده اعمل اي طيب مش بأيدي قالي لا انتي بتعاندي فيا علشان ماتسمعيش الكلام انتي غبيه قولتله هي دي مبروك وخدي بالك من نفسك قالي وكمان ليكي عين تتكلمي بعد الغلطه الكبيره الي مش هغفرهالك دي قولتله ف اي غلطه اي انا مغلطش انا مش جيباه من الشارع ده ابنك وانت عليك واجبات ولو انا غلطانه مره انت غلطان عشره انت ف اي قالي والله لاكلم ابوكي ع بجاحتك دي رن ع بابا وقاله عجبك الي منه بتعمله ده ياعمي قاله خير بس يابني كل يوم شكوا شكوا دنا عمري ماسمعت بنتي بتشتكي خالص ماتعقل كده قاله بنتك حامل ياعمي قاله الف مبروك يابني ربنا يرزوقكوا بالخلف الصالح قاله صالح اي وخره اي ياعمي انا متفق مع بنتك مفيش خلفه قبل ست سنين دي بتدبسني قاله بص يايوسف الخلفه دي رزق وانت رزقك جالك متقولش لا علشان ربنا مايزالش النعمه من وشك ولو ع المصاريف انا حفيدي هيبق لي مني مرتب ع شهر ومش هتشيلو همه يوسف قاله فلوس اي ياعمي احنا مش قد مسؤليه طفل قاله طيب يوصل حفيدي بالسلامه وبعدين هاخدو عندي هربيه زي ماربيت منه بالظبط بس يابني متعملش اي حاجه تغضب ربنا قاله مش فاهم ياعمي انت ازاي بتهون الموضوع كده قاله يوسف لو اأذيت بنتي نفسيا أو جسديا انا مش هرحمك والوش الطيب الي انت شايفه ده هيتغير قاله انا غلطان اني بشتكيلك افتكرتك هتاخدها المين وتقولها نفذي كل كلام جوزك قاله بنتي مغلطتش انتو متجوزين يا بنأدم طبعا كلام ابويا مكانش بيرضيه فقفل معاه وشوفت حتت ليله معاه كلها نكد وزعيق وصوته جايب لسابع سما وانا مسالمه جدا لاني تعبت من كتر الخناق تاني يوم بابا كلمنيى وقالي متزعليش يابنتي بكره هيروق وحقك عليا انا قولتله لا يابابا مفيش حاجه قالي طيب بنتي حبيبتي نفسها ف اي ابعتهولها قولتله مش عايزه حاجه قالي قولي بس نفسي مره اقولك تطلبي حاجه وتطلبي قولتله فعلا مش عايزه حاجه يابابا رضاني وجبر بخاطري وبليل جه يوسف قالي انا حجزتلك عند دكتور وهتروحي بكره ودفعت 5000وهتعملي العمليه وهنرجع حياتنا زي ماكانت قولتله انا خايفه يايوسف قالي متخافيش يامنه ده دكتور كبير قولتله طيب تعالا معايا قالي يامنه خدي صحبتك انا شغل الحريم ده مليش ف قولتله هو انا بقولك تعالا معايا الكوافير اعمل تاتو دي عمليه قالي انا حجزتلك وجهزتلك كل حاجه بكره تكوني جاهزه وخدي صحبتك معاكي كسر قلبي وخاطري وفضلت طول الليل اعيط وخايفه اوي من بكره والي هيحصلي في كلمت صحبتي وروحنا للدكتور يوسف كان حاجز ودافع الفلوس دخلت اوضه العمليات وانا ماسكه ايد صحبتي جامد قالي سبيها بقا علشان هنعمل حبه اختبارات قبل العمليه قولتلها لا والنبي متسبنيش خليكي جنبي وفضلت ماسكه ف ايديها الدكتور عملي اختبار وقالي انتي عندك حساسيه من البنج هنعمل اي قولتله مش عارفه صحبتي قالتلو هي اي مضاعفات الحساسيه دي قالي ربنا هيستر متخافيش قالتله بقولك اي مضاعفاتها انت فاكرني بتاعه بطاطا انا دكتوره زيك بالظبط قالها ممكن نزيف أو غيبوبه بس ربنا هيستر قالتله يستر ربنا يخربيتك دنيا واخره ياشيخ لو لمست صحبتي هصوت والم عليك العماره كلها وهكلم البوليس واحبسك يادكتور تحت السلم انت واسمك هيتشطب من نقابه الاطباء الدكتور خاف وقال أنا مش فاضي للعب العيال ده هتعملو العمليه ولا لاء صحبتي قالتله هات الفلوس الي اتدفعت واحنا مش هنعمل عمليات الدكتور خاف منها واداها كل الفلوس وخدتني ومشينا قولتلها لي عملتي كده كان زماني خلصت قالي اي الارف الي انتي في ده اي الضعف والاستسلام ده يابنتي انتي متجوزه هو المتخلف ده سيطر عليكي بكلامه الغبي زيه انتي هتروحي دلوقتي تلمي كل هدومك وتسبيلو البيت وهو هيحس بالنعمه الي ضاعت منه ويرجعلك ورجله فوق رقبته وهيرضا بالأمر الواقع ومش هتنزلي ابنك مشيت معاها حتي يوسف مارفعش سماعه تلفون عليا روحت لميت كل هدومي وسبتلوا ورقه كبيره بكل التفاصيل الي حصلت وإني كنت هموت بسبب تخليه عني وسبت جنب الورقه الفلوس الي كان دافعها..
بعد مالدكتور قالي عندك حساسيه من البنج وكان لا مبالاه عادي هيعملي العمليه وبيقولي ربنا هيستر صحبتي قالتله استنا هو اي مضاعفات حساسيه البنج قالها نزيف أو غيبوبه بس متخافيش صحبتي زعقت جامد وقالتله نزيف أو غيبوبه انت مستوعب انت هتعمل فيها اي علشان حبت فلوس لو لمست صحبتي انا هصرخ والم عليك الناس وهطلب البوليس كمان الدكتور خاف وقالها خدي فلوسكوا وامشوا قولتلها لي بس عملتي كده ربنا كان هيستر قالتلي انا بحب طيبتك اه لاكن تبقي عبيطه لا هتموتي يابنتي ومحدش هينفعك ياغبيه قولتلها موتي اهون كتير من معاشره يوسف والله يابنتي قالتلي خلاص يغور ف داهيه قولتلها بحبه اوي قالتلي يبق تستاهلي بقا كل الي بيعمله فيكي روحت البيت لميت كل هدومي وسبتلوا ورقه اني كنت هموت بسبب تخليه عني وإني مليش سند وإني وقعت ومحدش كان واقف جنبي وإني همشي وخلاص يخرجني من حياته بس انا من جوايا كان نفسي اوي يرضا بالأمر الواقع ويقولي متزعليش انا محتاجلك وانا كنت هنسا والله كل الي عمله فيا روحت عند بابا وفضلت ست شهور بحالهم كل ما تلفون يرن اجري عليه واقول يمكن وحشت يوسف كل ما الباب يرن اجري وماما تقولي براحه يابنتي هتوقعي كنت بفتكر أنه هيرجعلي خلاص وتعب من الغياب زي مانا هلكت بس كل يوم كان بيخذلني عن اليوم الي قبله عارفين احساس كلبه وراحت يوسف كان بيحسسهولي بالظبط نسي عشره سنه خوفي عليه وقوفي جنبه وقت تعبه وضحكه ورماني لمجرد غلطه انا اصلا مغلطهاش قررت اروحله الجامعه يوسف كان ملوش موعيد خالص علشان معرفش اوصله أو اشوفه حتي صدفه كل يوم استنا بالخمس سعات وبردو مبيجيش وف يوم شوفته جريت عليه بشتياق وحشتني كل حاجه فيه ست شهور بحالهم بعيده عنه وحشني صوته رحته ضحكته جريت عليه وقولتله يوسف اذيك ضحكت جامد بصوت وقالي اي ده يبنتي شكلك يموت من الضحك بطنك قدامك مترين وتخنتي بذمتك مش مكسوفه من نفسك مش كنتي سمعتي كلامي احسن وقتها كاأنك رميت عليا لوح ثلج كبير اوي ف عز الشتا بعد ماكنت هقوله تعالا نرجع بقاااا تعبت لقيت نفسي بقوله طلقني قالي نعم قولتله كرهتك كرهه مش قادره ولا عارفه اوصفهولك طلقني بدل مارفع عليك قضيه اصلا مش طايقه ابص ف وشك من يومها وقررت أن قلبي ده ياخد بالجزمه وكرامتي بس هي الي تتحكم فيا والي يبعني خلاص بقا مبقاش لي ثمن عندي عده التسع شهور ويوسف طلقني لا حضر ولادته ابنه ولا يعرفني اصلا قررت اسمي ابني مالك ع اسم بابا وللاسف أن يوسف اسمه ف شهاده ميلاد ابني جارنا كان محامي عنده 35سنه هو الي عملي كل ورق ابني وقالي منه انا عايز اتجوزك صراحه مسؤليه مالك كانت كبيره اوي عليا سعات بيتعب بليل وبابا راجل كبير وبيتبهدل معايا قررت اتجوز وقولت اصلا حياتي كده كده باظت وافقت ع جوازي من محمد المحامي بس طلع أن عوض ربنا ده كبير اوي كل يوم ذل عشته مع يوسف ربنا عوضني بيه مع محمد كان شايلني انا وابني جوه عنيه الايام الي كان بيبق عندي امتحان كان بياخد اجازه وطول اليوم شايل ابني كان بيحسسني أنه ابنه فعلا ويقولي مالك ابني زي ماهو ابنك بالظبط كل يوم ابني بيكبر وهو شايف محمد قدامه اول يوم ابني نطق فيه قال بابا وهو بيقابل محمد وهو راجع من شغله يومها كان كأنه عيد عندنا كنا فرحانين اوي أن مالك بيتكلم كنت أقوله ماما يامالك بس كانت تقيله اوي عليه كان يبص لمحمد ويقول بابا ومحمد ياخده ف حضنه ويقول روح قلب بابا ابني ربنا حرمه من أبوه بس عوضه بخفه دم وضحكته تخطفك كده اليوم الي كنت بنزل ف الجامعه صحابي كانو بيتجننوا ع مالك ويقلولي ابنك شبه الملايكه ف حاجه بتشدك ف يوم روحت الجامعه وكان محمد معايا وصحابي البنات اتلموا علشان ياخدو مالك من محمد ومالك يقول بابا بصيت بعيني لقيت يوسف واقف بعيد وبيراقب نظرات مالك وبيضحك ع ضحكتوا يومها قولت لمحمد هجيب حاجه لمالك يأكلها مشيت اجيب لمالك اكل ولقيت يوسف بيشد ايدي ويقولي منه انا عايز ابني قولتله روح للدكتور الي دفعتلوا خمس الاف وهو يجبلك ابنك انت ملاكش ولاد عندي قالي المفروض ابني يقولي انا يابابا مش الي انتي سحباه وراكي ده قولتله الزم حدودك انا مش ضعيفه زي زمان انا ورايا راجل يأكل عظمك قبل لحمك لو جيت جنبي انا ولا ابني وسبتوا وانا مش خايفه منه خالص زي زمان بس ماقولتش لمحمد ومبقتش عايزه انزل الجامعه علشان ماشفهوش بس الحيوان جالي البيت وزق الباب وقالي فين ابني قولتله هصرخ والم عليك الناس شد مالك وباسه ابني خاف منه وقعد يعيط سابهولي بس شد سلسله من رقبتي كان محمد جيبهالي رجع جوزي وبردو محكتلوش ع حاجه تاني يوم يوسف كلمني وقالي عايزين نرجع قولتله هو انت فاكر اننا مخطوبين وفركشنا احنا اتطلقنا وانا اتجوزت وبحب جوزي جدا ابعد عني بقا قالي لو ماتطلقتيش بمزاجك انا هبعت السلسله لجوزك وهقوله انك بتتحيلي عليا كل يوم علشان اجيلك البيت وكل مره بتديني فيها فلوس ولم فلوسك خلصت ادتيني السلسله دي وطبعا هو هيبق فاهم انا هجيلك البيت لي اكيد مش هلعبك كوتشينه يعني عيط وقولتله ربنا ينتقم منك وقفلت ف وشه يوسف رجع كابوس تاني لاحلامي رجع شبح بيطاردني ف يومي رجعت اخاف تاني ...
باب بيتنا رن بفتح لقيت يوسف ف وشي اتصدمت وقولتله عايز اي زقني وقفل الباب وقالي عايز ابني انا عارف ان جوزك مش هنا وشد مالك وباسه وابني اصلا اول مره يشوفها وسامعني وانا بزعق قعد يعيط ويصرخ لم يوسف شاله سبهولي وانا قولتله هصوت والم عليك الدنيا كلها شد سلسله من رقبتي وخرج خدت ابني ف حضني وفضلت اعيط يربي انا ماصدقت أن حياتي اتظبطت ومبقتش بنام دمعتي ع خدي وقلبي المكسور اتجبر لي ترجعه ليا تاني يكسرني انا مش عارفه اعمل اي ومحمد لو عرف هيعمل اي هرجع تاني لوحدي عده يوم ف التاني وجوزي ماعرفش اي حاجه بس انا متغيره وخايفه وكل مالباب يرن قلبي يدق جامد وجسمي كله يرتعش بس تلفوني رن ويوسف بكل بجاحه بيقولي اذيك وحشتيني ايوه كده رجعتني تاني حلوه زي زمان قولتله انت عايز اي قالي عايزك قولتله انت مجنون انا متجوزه وبحب جوزي جدا قالي لا منتي هتطلقي وهنرجع تاني وابني هيتربا بنا قولتله ده لم تمسك نجوم السما عمري مارجع لسجنك تاني وعمري ماسيب محمد الي وقف جنبي ف اكتر وقت كنت مكسوره في قالي ماهو لو مرجعتيش بمزاجك هترجعي غصب عنك انا هبعت لجوزك السلسله وهقوله انك انتي الي بتكلميني كل يوم اجيلك البيت وبتديني فلوس علشان اوافق اجي ولم فلوسك خلصت ادتيني السلسله الدهب دي وحوش مراتك عني ياسي محمد علشان زهقت اول ماقالي كده عيط وقولتله ربنا ينتقم منك وقفلت تلفوني خالص يوسف رجع تاني كابوس لاحلامي رجعت انام معيطه رجع يومي وحش اوي لاني بفكر فيه وهو بالنسبالي شبح موصر يدمرني كل يوم يرن وماردش عماله ارتب ف افكاري علشان غلطاتي متزدش اكيد هييجي يوم ونتحاسب انا ومحمد وياترا رد فعله هيبق اي لم يسمع أن مراته زباله كده وبتجيب واحد البيت كلمت يوسف وقولتله اذيك قالي وحشتيني قولتله انت عايز اي يايوسف مني احنا مش اتطلقنا وانا خلاص نسيتك رجع يوسف قررلي نفس الكلام أنه هيضحك ع جوزي ويفهمه أنه بيجيلي البيت وكل الكلام القديم بتاعه بس انا كنت بسجل المكالمه ويوسف بيعترف بلسانه ع نفسه رجع جوزي من الشغل وانا قعدت جنبه قولتله اني شوفت يوسف يوم الجامعه وان جالي البيت مردتش ادخله زقني وشد سلسله من رقبتي وسمعتوا تسجيل المكالمه ويوسف بيقول لو ماتطلقتيش بمزاجك هطلقك انا محمد مسك التلفون كسره وقالي الحيوان ازاي يتجرأ ويدخل بيتي قولتله طيب انت مصدقني قالي اصلا من غير تسجيل انا بثق فيكي جدا ولو كنتي حكيتيلي بردو كنت هصدقك بس غلطتك الي بجد يامنه انك خبيتي عليا اتأسفتلو كتير وقولتله نفسي اعيش ف هدوء لوحدي ف حالي انا وابني وجوزي وبس لي الدنيا كل شويا تيجي عليا كده لي مش مكتوبلي افرح محمد قالي طيب اهدي بصي هتكلمي يوسف بكره وتقوليله ييجي البيت هنا قولتله لا طبعا مستحيل قالي اصبري بس انا هعمله كمين محترم هنقول أن البيت كان في 200الف جنيه وأنه داخل يسرقهم وان هم كانو اتنين وهنكسر حبت حاجات ف البيت اول مايوسف ماهيدخل هتزعقي وتلمي الجيران وانا هكون مستني تحت وهتقولي حرامي هتقولي أنهم كانو اتنين واحد هرب بالفلوس وده التاني الي احنا مسكناه هياخدلو خمس اوست سنين سجن علشان يقرب لحرمه بيوت الناس تاني وافقت وكلمت يوسف ومحمد رتب لكل حاجه وكسرنا حاجات ف البيت علشان يوسف يدخل الكمين جاهز بس يوسف أتأخر اوي ومجاش ف ميعاده وعدا يوم ف التاني ومفيش صوت ليوسف خالص كلمت حد قريب منه قالي أنه عمل حادثه وحالته صعبه اوي تقريبا عمل الحادثه وهو جيلي ف الطريق ده كان انتقام محمد لمراته ومحصلش الي حصل كان انتقام ربنا بس ربنا انتقم من يوسف لأنه كان جبار ومبيرضاش بأي حاجه ف ايده بس الحاجه دي لو راحت لابد غيره بتحلا تاني ف عنيه يوسف الحادثه جت ف ظهره ف العمود الفقري أثرت ع رجله وعمالتلو شلل مكدبش لو قولت اني مفرحتش وقولت ياااه يرب انت منتقم جبار وجبتلي حقي منه يوسف بعد الشلل بتاعه اختفا من حياتي تماما ورجعت اضحك تاني ومحمد طلب مني نجيب اخ لمالك قولتله المسؤوليه تقيله اوي عليا البيت والجامعه ومالك لسه صغير قالي هشيل معاكي ف كل حاجه بس نفسي ف ولد منك وافقت وحملت وبعد تسع شهور بالظبط ربنا رزقني بتؤام دانا وتاليا محمد كان بيعامل ولاده الثالثه زي بعض ويمكن حبه لمالك كان اكتر كان بيخاف ع مشاعري جدا حرفيا ربنا عوضني بيه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
