Ads by Google X

رواية احببت زوجة اخي الفصل السادس عشر


 الفصل السادس عشر

وصلنا الفصل ال فات ع حسام عندما انقذ نور قال لها .. اهدي ... متخافيش انا معاكي
نور وهي تشهق بالبكاء. هو..... هو....😭😭
حسام.. نور اهدي متخفيش انا معاكي
نور.. هو عمل فيا 😭😭😭
كان عايز 😭😭😭
حسام بغضب.. اهدي طيب المهم هَ حاول يلمسك
نور ببكاء.. مل... حق... شي😭
حسام تنهد براحه وقال.. الحمدالله جيت ف الوقت المناسب
نور.. انا اسفه ياحسام كان لازم اصدقك او ع الاقل اسمعك حقك عليا 😭😭
حسام.. مش وقته يانور يلا بسرعه نمشي
خالد.. هنعمل اي ف البت دي
حسام بغضب.. ارميها هما ويلا بينا
ريهام ببكاء.. لا ارجوكم متسبونيش هنا معاه ده ممكن لو عرف اني قولتلكم مش بعيد يعمل فيا حاجه😭😭
نور.. انا عايزه امشي م هنا😭😭
حسام بضيق طيب اهدي ... خلاص بطلي عياط
خالد .. اهدي يا نور
وفجاه استفاق عصام ووجه السلاح اليها ليصيبها
ورأه حسام وقال بصراخ.. نوووووووووووووور
اطلق عصام الرصاصه واصابت هدفه
.. ريهام..
انها كانت تقف بجانب نور وخاف حسام عليها
وصرخ باسمها واقترب منها واحتضنها وابعدها ع ريهام
وبما ان الرصاصه جاءت ف رأسهل ماتت ريهام ع الفور
وهذا هو جزاءها
فمن حفر حفره لاخيه وقع فيها
بعد ما انتهى عصام م ريهام وجه السلاح ع نور لكي يخلص منها
لكن حسام شتته بالحديث معه
حتي توجه اليه خالد وضربه برجله ع يده فاوقع السلاح م يده
ودار عراك بين عصام وخالد
حتي جاءت الشرطه التي طلبها حسام قبل ان يأتي بعدما علم عنوان نور م ريهام وكمان سجل اعترافها ع الهاتف
اخذت الشرطه عصام واتحولت اوراقه للمفتي
وسوف يعدم بعد شهرين
ع فعلته
اما ع نور رجعت الي الفيلا مره اخرى
وعندما علمت حنان بما حدث مع ابنتها اخذتها بين احضانها وظلت تبكي فهي ظنت انها فقدتها
وعاتبت حسام ع عدم اخبارهم ع اختطاف نور
ــــــــــــــــــــــــــــــــــــــــــــــــ
مر اسبوعين ع هذه الاحداث
نور تقيم مع ساره
وحسام يقيم ف الفيلا
نور كل يوم تحاول الحديث معه والاتصال به لكنه يرفض ولا يعطي لها اي فرصه
فهو رغم كل ما حدث الا انه لا يسامحها
ع ظنها به انه يخونها
وعلي عدم اعطاه فرصه لتسمعه
في المساء وقفت نور في شباك غرفتها في بيت ساره
تتمني لو يخالف توقعاتها ويأتي حسام اليها
ف بعد هذه الحادثه وانقاذها لم يتكلم معها ابدا
ولا حتي قال لها ارجعي الي بيتك
ولكن تعلم انها جرحته كثيرا فأخذت هاتفها وبعثت له رساله وكان محتواها
" سامحني 😔 الحياه من غيرك هتبقي صعبه اووي 😪 مش هعرف اعيش من غيرك "
في الجهه الاخري كان يجلس حسام علي المكتب
حتي قاطعه صوت رنين هاتفه يعلن عن وجود رساله
ففتحها وقرأ محتواها ثم اغلق الهاتف وتنهد بضيق
اما عند نور كانت تتوقع انه سوف يقرأها ويبعث لها رساله
يرد بها عليها
لكنها انتظرت ساعات ولم ياتيها اي رساله او اتصال ظلت تبكي ع حالها
حتي دخلت ساره.. انتي مأكلتيش حاجه يا نور النهارده خالص
وانا واخده بالي منك مش بتاكلي خالص بقالك فتره
بالله عليكي خدي اشربي اللبن دا
نور بحزن.. شكرا يا ساره بس مش هقدر اشرب حاجه مليش نفس
تنهدت ساره بضيق ثم قالت.. مالك بس بقالك فتره تعبانه ومش بتاكلي وقولتلك نكشف وانتي رافضه وشك بقا اصفر ومخطوف فيكي اي يانور
ولو كل ده زعل ع حالكم
ف اعذري حسام يانور في اي حاجه يعملها انا مش عارفه اي ال حصل بس بنكم اي ال وصلكم لكدا ومين فيكم ال غلطان
بس ال اعرفه انك لازم تحاولي ترجعي جوزك مينفعش كده البعاد بينكم ذاد اوي
وكدا هتتعودا ع البعاد ومش هتكملوا مع بعض
نور ببكاء.. انا غلطت غلطه كبيره اوي ياساره
يارتني اديته فرصه اسمعه فيها
يارتني ما مشيت ورا عقلي
وكنت مشيت ورا قلبي
قلبي كان بيقولي لا ده بيحبك وعمل المستحيل عشان يتجوزك واستحمل ياما ليه يحب غيرك ويخونك متصدقيش
بس عقلي كان بيكدبي ويقولي صدقي ال شافته عيونك
انا عايزاه ياخد وقته علشان يقدر يسامحني
والله العظيم انا بحبه اوووووي😭
ياريته يعرف انا بحبه ازاي
ــــــــــــــــــــــــــــــــــــــــــــــــ
اليوم اول ايام الشهر الكريم
حنان.. حبيبتي ازيك
نور.. الحمدالله ياماما
حنان.. كل سنه وانتي طيبه اروحي
نور.. وانتي طيبه ياست الكل
حنان بحزن.. النهارده اول يوم ف الصيام يانور
واول مره متبقيش وسطينا
عشان خاطري يابنتي كفايه كدا بقا بعاد
تعالي ع الفطار نتجمع ذي كل سنه
نور.. حاضر ياماما هاجي
حنان بفرحه.. ربنا يخليكي ياحبيبتي
يلا سلام منتظراكي انتي وساره متتاخريش
نور.. حاضر.... سلام
ذهبت نور لتحضر نفسها بعد ما ابلغت ساره ان تجهز نفسها للذهاب لهناك
وفرحت جدا ساره بهذا الخبر منها ترى خالد حبيبها
ومنها تعطي فرصه لنور وحسام للرجوع لبعض
ــــــــــــــــــــــــــــــــــــــــــــــــ










ف الفيلا
دخلت نور مع ساره
ورحبت بيهم حنان بشده
وكذلك محمد وعاتبها ع طوله غيابها ورفضها ان تاتي تعيش معهم
رحب بهم خالد كثيرا فهو كان سعيد ع رؤيته ل سارره فقد اشتاق لها
مر وقت طويل ع رؤيتها
ف هو داذما مشغول مع حسام بسبب مرضه ومشكلته مع نور
اما ع حسام كان يقف بعيد ويضع يده ف جيب بنطلونه وينظر لهم ببرود
تمنت نور ان ترى نظرات حسام العاشقه لها ذي زمان و لكنه فعلا تغير
دخلت و سلمت على الجميع
حنان بفرحه.. اهلا يا بنتي الحمد الله انك جيتي
نور.. مقدرش ارفضلك طلب ياامي
محمد.. عامله اي ياساره
ساره.. بخير ياعمي
خالد بهمس .. وحشتيني 😁
ساره بخجل.. وانت كمان ☺️
نور بضحك.. لا انا اقول نجيب شجره لمون بقا هههههه
حنان.. احنا ف صيام بعد الفطار بقا ههههه
وضحك الجميع الا حسام
لاحظت نور عدم رغبته ف وجدها نظرت له بحزن ف هو تغير كثيرا
اصبح شخص لا تعرفه😔
ــــــــــــــــــــــــــــــــــــــــــــــــ
ذهب حسام بسرعه الى المكتبه
رأه خالد فتوجه الي المكتب خلفه
حسام بعصبيه.. اي ال جابها هنا😡
خالد.. اهدي ياحسام مش كدا
دي مراتك يا بني
مش عايزها تيجي ليه
وكمان ده بيتها ذي ماهو بيتك
حسام بحزن .. مش عايز اتعلق بيها ياااااخالد مش عايز افتكر ايامي معاها
خرجها من هنا ارجوك 😩
خالد.. لا مش هتخرج وانت لازم تعمل العمليه كفايه كدا بص لحالك بقا ياااخي 😡😤
نور والكل لازم يعرفوا الحقيقه النهارده
حسام.. انا مش هعمل العمليه
انا مش عايز نور ولا حابب انها تعرف عني حاجه
خرجها بره ارجوك انا مش مستحمل
خالد.. حسام انت وضعك مش عاجبني من امبارح مالك
حسام بالم.. مافيش حاجه دوخه بس جامده شويه
خالد.. تحب تطلع اوضتك و ترتاح
حسام.. مش هينفع بابا عايزنا نتغدى كلنا سوا
خالد بقلق.. طيب انت هتقدر تقوم عشان نروح السفره
حسام.. ايوا ان شاء الله هقدر بس حاسس اني بردان اوي 🥶
خالد و هو يلامس رأسه.. ياخبر انت سخن اوي من امته و انت كده 😰
حسام بعدم تركيز.. مش عارف
خالد.. انت لازم تروح المشفي ياحسام وضعك كده يقلق و بعدين انت معملتش فحوصات بقالك اد ايه؟
حسام بألم.. مش فاكر،
يلا بقا وبطل تحقيق الدكاترا ده عشان نروحلهم
وقف حسام بصعوبه و ساعده خالد على المشي و هو يحاول ان يظهر امامهم بصوره طبيعيه قدر الامكان حتي لا احد يلاحظ تعبه
ــــــــــــــــــــــــــــــــــــــــــــــــ
اجتمعو الجميع حول مائدة الطعام و هما يتبادلون اطراف الحديث بسعاده
اما عن نور كانت تنظر لحسام وهو يتجاهلها
ف كل منهما ف داخله خليط من المشاعر العشق و العتاب
الحب و الالم
و كل منهم يدور في رأسه مئات الافكار
محمد.. اي مالك يابني مبتكلش ليه
حسام.. انا باكل اهو يا بابا
خالد تدخل بسرعه.. ما انت عارف حسام ياعمي مبياكلش واكلته ضعيفه
حنان.. اه والله عندك حق يا بني
ده خاسس خالص ووشه اصفر طول الوقت
حسام.. اي يا ماما حنان
هتفضلي تخافي عليا لحد امته انا خلاص كبرت
حنان بسعاده.. لأخر يوم في عمري وانا عندي مين غيرك انت ونور اخاف عليه
نور.. ربنا يخليكي ياست الكل
محمد.. وبعدين يا عيال مش كفايه كدا
حسام.. كفايه اي يابابا
حنان.. ال انتوا فيه ده غلط لازم ترجعوا لبعض
نور.. والله ياامي انا م حقي اني اخد موقف وازعل لما اعرف انه بيخوني
ولما عرفت اني ظلمته وجرحته كلمته كتير واعتزرته وهو ال متقبلش كلامي
وقف حسام بصعوبه وقال بعصبيه.. حقك هههههههههههههه
حقك ف اي بالظبط انك تهنيني قدام اهلي وتتهميني بالخيانه
اه شوفتي بعينك بس موقفتيش تسمعيني
عمرك شوفتي واحد مع واحده ومصدوم م منظره وبيلبس بسرعه وعمال يكلم نفسه ومزهول م ال بيحصل
انا لو كنت بخونك كان ولا هيفرق معايا وفضلت ف حضنها وكنتي هتسمعي ضحكتنا م الباب
انا لو كنت بخونك كنت نسيتك م زمان وبطلت احبك
وشوفت غيرك
بس لا انا مش كدا ياهااانم
واخذ يضحك بشكل هستيري صدم الجميع م حال حسام ومن ضحكاته
انتي اصلا مدتنيش فرصه ادافع فيها ع نفسي وتسامحيني
ليه بقا عايزه فرصه اني اسامحك
ولا عشان انا الغلبان ال جاي دايما عليه الكل
منا اهبل بقا
فكراني عشان بحبك يبقا هرقع تحت رجليكي لما تقوليلي اسفه
نور ببكاء.. ياحسام الدين بيقول ان الله غفور رحيم ربنا بيغفر ويسامح
ليه انت متسامحش وتغفر
زمان الرسول صلي الله عليه وسلم كان بيعدل بين زوجاته ويحبهم جدا
ولما ف مره اتهمرا الناس اخد زوجاته بالخيانه والزنا هو زعل واخد موقف وهي كمان زعلت انه صدق الناس بس لما عرف انها بريئه راحلها وقالها سامحيني وهي غفرت لع وسامحته ع اتهامه بالخيانه
ليه انت بقا مش عايز تسامحني ع اتهامي ليك بالخيانه
حسام بعصبيه.. انتي تعرفي اي ع الدين
تعرفي اي ها قوليلي
ال بتقوليه ده غلط
انا هقولك ال حصل بالظبط
زمان خالص
الرسول صلي الله عليه وسلم ساعة حادثة الإفك لما بعض المنافقين اتهمّوا السيّده عائشه بالزنا وانها خانت الرسول
قعد شهر كامل بيسمع كلام الناس ومستحمل الأذى المعنوي ال واقع عليه
وكل ده عشان ميسألهاش مباشرة هل ده حصل ولا لا
فيكسر بخاطرها لو حسّت انه شاكك فيها
كان خايف ع مشاعرها لانه بيحبها
تعرفي السيده عائشه كانت بتقول اي
السيده عائشه كانت بتحكي ان الرسول كان بيخلّيها تاكل الأول أو تشرب من الإناء وبعدين ياخده منها ويشرب
او ياكل من نفس المكان ال هي أكلت أو شربت منه
وكان بيقول للناس على السيده خديجه: "إنّي رُزقتُ حُبها" من شدّة حُبه ليها
الرسول كان بيقعد علي الأرض ويثني ركبته للسيده صفيّة عشان تركب على ضهر الجمل بتاعها
وكان لما بياخد زوجاته معاه للحج والراجل ال بيقود القافله بيسرع كان بيقوله
"رفقاً بالقوارير" .. متسرعش يعني عشان معانا نساء وكده
في مرة في نص الطريق الجمل بتاع السيّده صفيه اتأخر عن باقي القافله وبرك عالأرض راحت معيطه
الرسول مزعقلهاش ولا قالها ايه ال بتعمليه ده ..
الرسول وقّف القافله كلها ورجعلها وقعد يمسح دموعها بايديه ويطيّب خاطرها
الرسول كان بيخرج مع زوجاته للتنزه، كان بيساعدهم في شغل البيت وبيخيّط النعْل ال بيلبسه والثوب اللي بيرتديه
الرسول عمره ما ضرب زوجه من زوجاته وقال على بنته السيده فاطمه "إنها بضعة مني يريبني ما رابها ويؤذيني ما آذاها"










في مرة الرسول كان خارج في قافله ومعاه السيده عائشه، فقال للناس تقدّموا وتسابق مع السيده عائشه فسبقته ..بعدها بفترة خرجت معاه في قافله تانيه فقال لأصحابه تقدّموا وقالها سابقيني، فتسابقوا فسبقها وقعد يضحك ويقولها هذه بتلك
الرسول لما نزل عليه الوحي وكان خايف ساب أصحابه وقرايبه ومراحش غير للسيده خديجه وحكالها
والعام ال ماتت فيه سُمّي بعام الحزن من شدة حزن النبي عليها
وكان لما بيدبح شاه يقولهم أرسلوا بها إلى أصدقاء خديجه وفاءً لها
الرسول كان بياخد حفيدته أُميمه بنت زينب ويصلّي وهو شايلها ولما كان يركع أو يسجد ينزلّها ويرجع يشيلها تاني
الرسول قال: "من كان له ثلاث بنات أو ثلاث أخوات أو ابنتان أو أختان فأحسن صحبتهن واتقى الله فيهن فلهُ الجنة
انا رعيت ربنا فيكي بما يرضى الله
وحبيتك وتجنبت بنات حواء جميعا عشانك
واي المقابل
انك تصدقي كدبه لعبه قذره
انا مش عايز اعرفك انا بكرررررهك
ياريت تبعدي عني انا ندمان ع الحب ال حبتهولك طول عمري
بكره هتوصلك ورقه طلاقك
حنان بصدمه.. يابني مش كدا اهدي وصلي ع النبي
حسام.. عليه افضل الصلاه والسلام
محمد.. حساااااام تعالي ورايا ع المكتب
خالد.. سيبه ياعمي انا ال عايز اتكلم معاه
ساره.. يا حول الله يارب والله ده شيطان ودخل بينكم
حسام كان يمر بأقصى حالات الانهيار لم يتوقف عن نظراته الي نور بكره
حتى اقترب منه خالد و بدون اي كلام ارتمى حسام في احضان صديقه
و انفجر بالبكاء و الضحك و الصراخ في نفس الوقت
محمد.. بطل بقا ال انت عامله ف نفسك ده خلاص موضوع حصل وخلص
وعرفنا انك معملتش حاجه مكبر الموضوع ليه
خالد صرخ صرخه عاليه جدا بمحمد فهو يعلم انه يضغط ع ابنه حسام بكلامه هذا وخاف ع صديقه.. اسكت بقا حرام عليك ياعمي سيبه ف حاله
محدش عارف هو بيمر بايه
احنا كلنا جينا عليه وكدبناه وانت هنته وشتمته ظنيت انه زنا وماشي ورا شهوته ومنحرف
لا ياعمي حسام طول عمره جدع وطيب ومحترم ويعرف ربنا عمره ما يعمل حاجه غلط وانا كنت عارف بالحوار م الاول والبنت دي كانت بتتصل بيه تهدده لو مرحلهاش هتكلم نور وتقولها ع كل حاجه وهو راح عشان يوقفها عند حدها مكنش يعرف انها بدبره ع مكيده
هي وال الزفت ال معاها
محمد.. تهدده بايه
وتقول لنور ع اي
كاد ان يتكلم خالد ويقول لهم حقيقه مرض حسام
لكن حسام امسكه واوماء براسه بالرفض ع الا يفعل ذلك
اقتربت نور من حسام رغم تحذير خالد لها ان لا تقترب منه الآن
نور.. حسام اهدى ارجوك
حسام دفعها بعصبيه و هو يصرخ.. ابعدي عني مش عايز اشوفك
انتو كلكم مبتحسوش بل فيا ولا ال بيجراري مش عايز حد فيكوا يلمسني😭😭
خالد.. اهدى بس يا حسام انا لازم اعرفهم على كل حاجه اهدى
حسام بصراخ.. لا لا مش هتقول مش عايز حد سيبوني ف حالي بقا
مش عايز حد معايا بكرهكوا كلكوا ابعدو عني
بدأ حسام يتراجع للوراء و هو يردد هذه الكلمات
كان يتصرف بشكل غريب و لا يدع احد يقترب منه
و هم غير مصدقين ما يفعله انها المره الاولى التي يشعرون انه فعلاً على وشك الانهيار و لا يعرفون كيف يتصرفون معه
نضر اليه خالد بقلق فهو يعلم كم هو مريض ويتالم الان
اما ع ساره فذهبت لتهدأ نور
حسام كان مستمر بالبكاء و الضحك في نفس الوقت انه غير مصدق ما يحصل معه لما كلهم ضده
ولكنه فجأه توقف عن ما كان يفعله و بدأ يدلك رأسه بعنف وهو يرتجف و قد عرف خالد ان حاله حسام تدهورت جدا
خالد بقلق.. حسام حسام بصلي مالك
الدوخه رجعتلك تاني و لا الصداع
حساااااام كلمني ارجوك 😰
حاسي بايه
لكن حسام لم يستطيع الاجابه على خالد و خلال ثواني فقد توازنه و كان مستلقي على الارض
اسرع الجميع اليه خائفين عليه
محمد بقلق.. هو مالوا يابني بيحصلوا كده ليه
حنان ببكاء.. ابني بيروح مني يا محمد
نور برعب.. هو ف اي انت مش بتتكلم ليه يا خالد ف اي
التفت خالد لساره وقال لها بصوت عالي.. اطلبي الاسعاف بسرعه
حسام كان في حاله لا توصف
كل هذه المده كان متماسك يخفي الالم عن الجميع و لايشعرهم بشئ و لكن هذه المره تغير كل شئ
تحول حسام المتماسك الى شخص يصرخ من شدة الالم
جسده يرتجف من البرد و هو يصرخ من شدة الالم😔
خالد بخوف.. الاسعاف جايه اصبر يا حسام ارجوك اهدى
حسام متمسك برأسه و يصرخ.. ااااااااااااااه مش قادر يا خالد انا بردان اوي الحقني
خالد.. انا عارف بس ارجوك مش عايز اشوفك يائس كدا اهدى شويه وانشاء الله خير
حسام وهو يرتجف تمسك بيد خالد.. انا مش موافق مش عايز عمليه
مش موافق يا........ ااااااه
في هذه اللحضه كان يقف والده ممسك بيده الاخرى و هو يبكي بكل ما فيه من قوه
اما نور فأقتربت منه و قالت ببكاء.. اوعى تسيبني يا حسام ذي ما احمد سابني
انا بحبك اوعى تسيبني والنبي 😭😭😭
حسام بالم.. سامحيني يا نور
نور ببكاء.. مسمحاك والله
وانت كمان سامحني
انا هفضل معاك طول العمر وبكره وبعده هنربي عيالنا سوا
اقتربت منه حنان و هي في غايه الخوف و القلق وظلت تبكي بشده ووضعت يدها على كتف حسام
حسام بصراخ.. ااااه ااااااااااااااه









ثم استرخت كل عضلاته و بدأ يرتجف بقوه
ثم فقد الوعي تماماً
و كانت هذه صدمة للجميع
فبدأو بمحاوله افاقته
و لكن لم يستطيعوا ابدا
حنان ببكاء.. حسااااام
حسااااااااااااااام رد عليا يا بني
متقطعش قلبي عليك يابني😭😭😭
خالد بصراخ ، ابعدو عنوا بقا عايزين منه اي تاني انتوا ال وصلتوه لكدا
ثم مسك يده ليقيس له النبض
يالهووووووي نبضوا بطئ جدا و لو حصلك حاجه مش هسامحك ابدا ياحسام طول عمري
نور ببكاء وهي متمسكه بيد حسام
هو هيبقى كويس صح يا خال
هو معندوش حاجه هيبقى كويس
صح
صح
لم يرد خالد على تسائلاتهم حتى سمع صوت
الاسعاف تعلن ع وصلوها
دخلو فريق الاسعاف و سألوا عن ما حدث و لكن خالد لم يخبرهم كي لا يعلم جميع من في المنزل ما يحدث الآن
و اكتفى بشرح ماحدث امامهم
في سيارة الاسعاف اصرت نور ان تكون مع حسام و باقي العائله ذهبوا بسياره محمد الى المستشفى
وصلت الاسعاف الي المشفي وتقدمت بسرعه للداخل حتي استقبلهم فريق م الاطباء والممرضين
وذهب معهم خالد ف هو يعلم حاله حسام ودخلوه الاستقبال
وتم تعليق محاليل واسلاك ف جسد حسام واخذوا منه عينه دم ليعملوا الفحوصات اللازمه
وبعد نصف ساعه ظهرت النتيجه
وصدمت خالد مما رائ
الورم منتشر بشكل كبير ولازم عمليه فورا ونسبه نجاح العمليه ١٠٪ 😰😓
خرج خالد اليهم واسرع اليه الجميع وقالوا ف لهفه.. طمنا ع حسام ياخالد
خالد بحزن.. ادعولوا ياجماعه
لازم يدخل غرفه العمليات بس هو رافض وعارف اني هخسر صاحبي بس مش هسمحله يموت
وهدخله العمليات غصب عنه بس للاسف نسبه نجاح العمليه ١٠٪
الجميع ف صدمه وفي بوق واحد.. يموت وعمليات هو ف اي
ماله حسااااااااااااااام
حنان ببكاء.. يابني طمني بالله عليك ماله ابني وليه عمليه وليه ممكن يموت
خالد بحزن.. م الاخر كدا ياجماعه حسام تعبان م فتره كبيره م قبل جواز نور واحمد
ولازمله عمليه ضروري
محمد.. ليه ماله
نور.. طمني ياخالد
ساره.. ما تنطق ياهالد ف اي حرام عليك اعصابنا باظت خلاص
خالد بالم.. حسام...... حسااااالم
عنده ورم ف المخ ولازم عمليه
الجميع ف صدمه.. ايـــــــــــــــــــــه😲
نور بصراخ.. حساااااااام 😭😭😭
✍️✍️✍️✍️✍️✍️✍️✍️✍️✍️✍️✍️





الفصل السابع عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-