الفصل التاسع
وصلنا الفصل ال فات عندما افاق حسام
وهو يتكلم بصعوبه.. هو اي ال حصل
ساره ببكاء.. خضتنا عليك يا حسام انت كويس
خالد.. حسااام انت حاسس بايه
انت اغمى عليك فجأه
نور.. لازم نروح المستشفى
حسام وهو لا يريد ان يفضح امره فنظر لصديقه وقال.. لاء انا عايز اروح البيت
ففهمه خالد ع طول
خالد.. خلاص هو بقت كويس ناخده ع البيت وانا هكشف عليه
نور.. بيت ايه انت تعبان و لازم تروح المشفى
صممت نور وبالفعل حسام استند ع خالد وخرجوا خارج السينما
ماعدا نور فهي نسيت حقيبتها ورجعت لتاخذها
وخرجت اليهم بعد ان احضرتها
وكانت تنظر ل حسام وتجري اليه ليسرعوا للذهاب للمشفي
حسام كان يشاور لها بيده ان تقف.. نووووووووور
نظرت نور بجانبها واغمض عيونها
وفجاه خبطتها سياره وطارت نور لبعيد
حسام.. لاااااااااااااا
ــــــــــــــــــــــــــــــــــــــــــــــــ
في غرفة الانتظار البارده الممتلئه ف المستشفى جلسو الجميع بأنتظار نور
جاءت حنان مع محمد وهي تبكي بحرقه ع ابنتها
حنان.. طمني يا حسام بنتي عامله اي هتروح ذي ما راح احمد
حسام.. باذن الله هتبقا بخير كويس انها اتنطرت بعيد ومرحتش تحت السياره
ثم تكلم بعصبيه.. انا مش عارف هما اتاخروا كده ليه
هي المستشفى دي مفيهاش حد يرد علينا
محمد بحزن.. زمانهم جايين و انشا الله هيطمنونا عليها
حسام.. انا ابتديت ايأس خلاص حاسس اني هخسرها يابابا 
محمد.. يابني مش كدا
خلي املك بربنا كبير افتكر دايما قوله - على بن أبي طالب.. رضى الله عنه قال
ولا تيأس فإن اليأس كفر، لعل الله يغنى من قليل.. وان العسر يتبعه يسر، وقول الله أصدق كل قيل.
حسام.. ونعم بالله
يارب اشفيها وعافيها 
حنان.. يارب تقومهالي بالسلامة
ساره وخالد ومحمد وحسام.. يااااارب
خالد.. كلام عمي محمد صح
وكمان ذي ما قال الشيخ الشعراوي زمان
اذا تمنيت شيء من الله فاسجد وقول له
"ربي اني احببت شيئاً فارني عجائب قدرتك فيما احببت."
اسجد لربك ياحسام وادعي لمن احببت لعل الله يلطف بها ويشفيها
حسام.. عندك حق ياخالد
واستاذن منهم حسام وتوجه للحمام وقام بالوضوء
ثم دخل ف الغرفه المجاوره لهم
وسجد لربه داعيا اليه وهو يبكي ع حبيبته 
ــــــــــــــــــــــــــــــــــــــــــــــــ
ظلوا واقفين وسط قلق وخوف ورعب ينتظرون خبر واحد عن نور
خالد جاء اليه هاتف يطلبونه ف العياده
فاستأذن وذهب بسرعه
اما عن حسام بعد ان انتهى م الصلاه
خرج و ذهب ليقف في زاويه بعيدة قليلا عن الجميع
و يتخيل كيف سيكون حال اهله لو كانوا جالسون على تلك المقاعد و هما ينتظرون منه ان ينجو من موت محتم
تسارعت الافكار في خياله ثم شكر الله كثيرا انه لم يخبر والده او والدته او نور بأي شئ قاطع شروده صوت الطبيب
الطبيب.. للاسف حاله مدام نور مطمنش
الصدمة جعلت الجميع يصمت ثم تسارعوا بالاسئله عن صحتها
الطبيب.. احنا عملنالها اللازم وجبسنا يدها
بس للاسف عندها حاليا نزيف داخلي واحنا بنحاول نوقفه
و عشان كده هي في العنايه المركزه دلوقتي بس هي هتحتاج دم تاني
حد فيكوا فصيلة دمه.. o..
حسام بلهفه .. ايوه انا
الطبيب.. يبقى حضرتك اتفضل معايا بسرعه عشان تتبرعلها بالدم
محمد.. دكتور يعني نور حالتهه خطر اوي
الطبيب.. مش هاكدب عليك الحاله خطر و لسه مش عارفين هتحتاج دم اد ايه
و جايز النزيف يوقف و تبقى كويسه وجايز لا
حنان ببكاء.. يا عيني عليكي يابنتي
ونظرت لمحمد زوجها.. بنتي هتروح مني يا محمد
مش هقدر اخسرها ذي ما خسرت احمد
محمد كان متوتر و خائف على ابنته و لكنه يحاول ان يتماسك .. وحدي الله يا حنان قلبي بيقلي انها هتبقى كويسه باذن الله
ساره.. يارب يارب انا مليش غيرها دي اعز صديقه ليا وذي اختي بالظبط
يارب اشفيها وقومهلنا بالسلامه
ــــــــــــــــــــــــــــــــــــــــــــــــ
بعد ان تبرع حسام بالدم لنور طلبت منه الممرضه ان يبقى جالس في مكانه
ثم اخذ يتذكر ذكرياته مع نور وانه ممكن ف اي وقد يفقدها للابد
واخرج المقوله التي كان يمشي بها
.. لاَ تدخل حَياة من لا يحتاجگ ، ولا تفرض ذاتگ على من يرفضگ فمَن أرادگ سَيفعل المستحيل .. ليگسَب قلبگ ..
انا لا اريدها ان تفعل المستحيل او تكسب قلبي
لاني قلبي ليس ملكي انه ملكها هي
وعهد ع نفسه لو قامت بالسلامه هيصارحها بحبه لها مهما كان رد فعلها
تسارعت دموعه بالنزول عندما تذكر ان نور بخطر يهدد حياتها
و هو لا يستطيع حمايتها اليوم كما كان في السابق
عندما كانت تقع وهي صغيره او عندما كبرت وكان احد يتعرضلها وكان يحميها
ـــــــــــــــــــــــــــــــــــــــــــــ
عاد حسام الى غرفة الانتظار
حنان.. الحمد الله ان فصيله دمكوا واحد يا حبيبي
حسام.. الحمد الله ياماما
انا من يوم متجوزت نور و بقت هي كل حياتي مقدرش اتخيل الدنيا من غيرها مكنتش مصدق انها خلاص اصبحت زوجتي وحلمي تحقق اخيرا
لكن خلاص حلمي بيضيع م قبل حتي ما اقولها انا بحبك واصارحها بشعوري
حاسس اني عاجز و مش قادر اعملها اي حاجه
اقترب اليه ساره وطبطبت ع كتفه.. نور هتبقى كويسه انا حاسه بكده
وهتعرف اد اي انت بتحبها وانشاء الله هتجبولنا نونو صغير يملى علينا حياتنا
وباذن الله هتربوا ابنكوا مع بعض
حنان ببكاء.. ياريت يا ساره
شرد حسام ف ما قالته ساره
كيف ينجب طفل وهو ع عداد الموت
هل ياتي به الي الدنيا كي يحرمه م الاب ويصبح يتيم م قبل ان يولد
هل انا هعيش لحد ما اشوف بنتي ولا ابني ع ايدي
ـــــــــــــــــــــــــــــــــــــــــ
خرج الطبيب مسرعا
الطبيب.. الحالة تدهورت فجأه و محتاجين دم تاني لازم تلاقوا حد يتبرعلها بسرعه
حسام بلهفه.. انا هتبرعلها تاني
الطبيب.. مينفعش احنا خدنا منك دم كتير و كده خطر عليك
حسام.. ملكش دعوه يا دكتور انا موافق
حنان ببكاء.. استنى يا حسام ليحصلك حاجه انت كمان
حسام.. متقلقيش ياماما
ساره.. بلاش ياحسام والنبي
الطبيب.. استاذ حسام لازم تمضي انك بتتبرع على مسؤليتك و انا مبنصحش بكده لان الخطر كبير عليك
حسام.. انا موافق همضي ال انت عايزه بس بسرعه ارجوك
الطبيب.. طيب اتفضل معايا
ذهب حسام مع الطبيب
حنان ببكاء.. بنتي بتروح مني يامحمد وابني كمان
محمد.. اهدي ياحنان باذن الله خير
ــــــــــــــــــــــــــــــــــــــــــــــــ
ساره بحزن .. ادعيلها يا ماما حنان بدل مانتي بتعيطي كدا
ارجوكي هدي نفسك مش كدا
ثم لم تتحمل بكاء حنان
وجلست ساره على الارض و انفجرت بالبكاء خوفا على نور
و بدأ محمد وحنان بمحاوله ان يهدئوها
عاد حسام اليهم فركضت حنان لتطمئن عليه
حنان بلهفه.. انت كويس يا حبيبي
حسام بابتسامه .. متقلقيش انا تمام
ساره.. تحب اجيبلك عصير او حاجه تشربها
حسام.. لا شكرا
بعد فتره عاد خالد اليهم
خالد.. ها ياجماعه اي الاخبار
ساره.. الحمد الله ع كل حال اكيد هتبقا كويسه
اصل حسام اتبرعلها بالدم مرتين
و بيقولوا لسه النزيف موقفش
خالد بصدمة وسحب حسام بعيدا عن الجميع .. ازااااي تعمل كده يا حسام انت اتجننت ده خطر عليك
حسام بحزن.. عايزني اعمل اي ها
اسيب نور تموت عشان خطر عليا
و بعدين انا كويس مفيش حاجه
خالد.. ال عملته ده اكبر غلط انت اصلا تعبان و مكنش المفروض ياخدو دم منك بس انت اكيد مقلتش لحد على موضوع تعبك ده م الممرضين
حسام.. بص كده لاهلي يااخالد
شوف بيحصلهم ايه بسبب مرض نور وقلقهم عليها وبكائهم
تخيل لو انا مكانها ازاي اسيبهم يتعذبوز و انا فأيدي اني امنع العذاب ده عنهم
خالد بعصبيه.. حرام عليك يا اخي انا خايف عليك جدا انت لازم يتعملك فحص شامل دلوقتي
حسام.. ياااخي سبها ع ربك
انا عايز اتطمن على نور
سيبني ف حالي ياخالد والنبي
و قبل ان يكملو حديثهم خرج الطبيب من العنايه
الطبيب.. الحمدالله الخطر زال
وهي حاليا كويسه والنزيف وقفناه
احنا نقلناها ل غرفه عاديه
الفرحه كانت عارمه و الجميع كانو يحتضنون و يهنأون بعضهم
الطبيب.. استاذ حسام انت حاسس بحاجه
حسام.. لا انا كويس
الطبيب.. انا قلقان عليك بصراحه ال انت عملته النهارده ده خطر جدا
حسام.. المهم نور تقوم بالسلامة
ممكن نشوفها
الطبيب.. اه اتفضلوا بس ارجوكم بلاش تعمل مجهود وتتكلم
محمد.. حاضر يادكتور
وامسك ب حنان ودخلوا الغرفه التي بها نور
وخالد امسك يد ساره ودخل ورائهم
اما عن حسام فكان يمشي بخطوات بطيئه
خالد.. خضيتينا عليكي ياجميل
محمد.. حمدالله ع سلامتك يابنتي
ساره.. نورتي حياتنا م جديد ياقلبي كده توقعي قلبي عليكي
حنان بدموع.. انا كنت فاكره اني مش هشوفك تاني يا نور عيني
نور بصوت ضعيف.. متقلقوش انا كويسه بفضل ربنا و حسام انا عرفت ال حصل وال عمله عشاني
حسام بصوت مخفوض.. انا كنت هموت لو جرالك حاجه
لم يسمعه احد الا نور
صدمت م هذه الكلمه وكانت سعيده ف نفس الوقت
فاقت م شرودها ونظرت له رأته ينظر لها ويضحك ع احمرار وجهها
نور بتوتر.. ماما هو مفيش ماء هنا
حسام.. خاليكي هنا ياماما انا هجيب ليها الماء
و فور قيامه من الكرسي سقط بسرعه البرق و هو مغمى عليه
ركض الجميع الى حسام
و هم يحاولون افاقته و لكن لاجدوى فأبعدهم خالد
و نادى على الممرضه بسرعه ووضعوه على السرير المجاور لنور ثم علق له ماسك الاوكسجين لياخذ نفسه الذي تقطع فور وقوعه
خالد.. هاتيلي محلول
انا عارف انه ماخدش العلاج بقاله يومين
غبي
الجميع كانو مصدومين من ما يحصل لان خالد بدأ و كأنه يعلم شيئا لم يعلمه الاخرين
محمد بفزع.. علاج ايه ال بياخدوا ياابني
حنان.. ابني مالوا الحقوا يا خالد يابني ابوس ايدك
اما نور كانت لا تقدر ع الحركه وتبكي بحرقه ع حسام ماذا حل به
انا السبب لقد تبرع لي بدماء كثيره
انها بجوار غرفته و دموعها لم تتوقف
خالد.. لم يرد على اسئلتهم فهمه الوحيد كان ان ينقذ حسام
خالد ضغطه واطي جدا و تقريبا مفيش نبض ايه ال انت بتعمله ف نفسك ده يا حساااااام
وجه كلامه للممرضه .. هاتيلي العلاج ده و الحقنه دي...
ثم قرر انه لن يقولها فكتبها للمرضه على الورقه حتي لا يعرف الاخرين مرض حسام
الممرضه بأستغراب.. هو عندو ...
قاطعها خالد بسرعهوتكلم بصوت عالي.. اعملي ال بقولك عليه حالا
اعطاه خالد الحقنه التي تعتبر بديل للعلاج الكيميائي و علق له محلول كلوكوز و ماسك الاوكسجين
محمد.. رد عليه يا خالد حسام مالوا ياابني
خالد.. مكانش ينفع انه يتبرع بالدم مرتين و كمان الكميه كبيره و دلوقتي ضغطه واطي جدا و لازم يرتاح شويه ارجوك يا عمي بالراحه عليه هو مش مستحمل
حنان.. هو ايه العلاج ال قلت انه مش بياخدوا بقالوا يومين
خالد بأحراج و تردد.. اصله عندو فقر دم و كان لازم ياخد الدوا بس هو مبيلتزمش فيه
حنان.. يا عيني يا بني ده شكلو تعبان اوي
خالد.. ارجوكم يا جماعه لازم نسيبوا يرتاح كام ساعه و بعد كده هو هيفوق و يقدر يروح البيت
ــــــــــــــــــــــــــــــــــــــــــــــــ
افاق حسام بعد كم ساعه ليجد نفسه في سرير المرضى و مربوط باجهزه كثيره و يشعر بالتعب الشديد ثم وجد محمد بجواره و هو ممسك بديه
محمد.. حمد الله على السلامة
حسام.. هو انا فين ايه ال بيحصل
محمد.. انت اغمى عليك من كام ساعه و وضغطك كان واطي جدا بس الحمد الله خالد لحقك
حسام بقلق.. هو الدكتور قال حاجه
محمد.. لا قال انك هتبقى كويس و انك مبتاخدش العلاج
حسام بهلع.. علاااااج اي ده
محمد.. علاج فقر الدم
انت ليه مقلتليش انك بتاخد علاج
حسام.. الحكايه مش مستاهله يابابا
انا كويس الحمدالله
ثم اكمل قائلا.. بابا انا عايز اخرج من هنا
محمد.. ف الاول انا هنادي عليهم عشان يتطمنوا عليك
حسام بالَم.. ماشي
دخلو الجميع الى الغرفه و هما فرحنين بسلامة حسام
حنان و هي تقبله.. ربنا يخليك لينا يا حبيبي سلامتك الف سلامه
ساره.. سلامتك ياحسام انت كويس
حسام.. الله يسلمكوا متخافوش عليا دي حاجه بسيطه انا خلاص هروح البيت
خالد بعصبيه.. تروح البيت ازاي و انت تعبان كده
اه معلش نسيت من امتى اصلا بتسمع الكلام م حد
ده لو انت بتموت مش هتتكلم
حسام.. انا خلاص بقيت احسن و بعدين عايز اروح اشوف نور قبل مروح البيت
حنان.. دي ياكبدي يابنتي انهارت من ساعة مشافتك مغمى عليك
حسام.. طب انا عايز اروحلها
وقف حسام ليذهب لغرفة نور و مشى كام خطوه و لكنه شعر بالدوار و فقد توازنه ولكن امتد له يد سريعا لتلتقطه
بدل ماتدور وتبحث علي الروايات خليها علي تليفونك وحمل تطبيقنا
