قصه خيانه مشروعه كامله بقلم ابويزن

انا دينا عندى26سنه متجوزه من 4سنين معايا ادم عنده3سنين ونور عندها سنه متجوزه احمد كان جارى فى بيتنا القديم واتقدملى ووافقت عليه معروف بأخلاقه وحنيته والناس كلها تشهدله بكل خير طبعا مافيش واحد زى ده يترفض)بابا اتوفى بعد مااتجوزت ب3سنين من ساعتها واحنا واخواتى بنتلم مره فى الاسبوع عند ماما لانها رفضت تقعد عند اى حد مننا لكن احمد ماكنش بيرضى ابدا ييجى معانا بيقولى علشان نقعد براحتنا لان زوجات اخواتى طبعا بييجوا (عندى اخين اكبر منى متجوزين من هند ومنه)كنت بحترم ده جدا فى احمد وكان دايما ييجى ياخدنى واحنا مروحين يخلينى اتصل بيه واول مايوصل يرن عليا ويخلينى انزله وكان بيزور امى فى ايام تانيه غير اليوم بتاعنا وده يخلينى احمد ربنا دايما على وجوده فى حياتى لحد اليوم اللى اتغير فيه احمد مابقاش طبيعى كان جاى ياخدنى ونور كانت نايمه هى وادم ومش عارفه انزل بيهم فطلع فوق ياخد ادم منى وكان اخواتى مشيوا الا محمد ومراته هند كانوا لسه بيرتبوا البيت..احمد اخد ادم ونزل من غير ولا كلمه وفضل سرحان طول اليوم ومش بيتكلم ولما سالته قال انها مشاكل فى الشغل مش اكتر وان شاء الله تتحل فضل كده فتره لحد الاسبوع اللى بعده لاقيته بيقولى انا هجهز علشان اروح.معاكى عند حماتى اطمن عليها وابقا فى وسطكم استغربت اوووى ده دايما بيتكسف ازاى فجأه كده عايز يروح بس ماركزتش اوووى فرحت انه هيبقا معانا ومع عيلتى واهو يندمج شويه معاهم...كانت تصرفات هند غريبه اوووى من ساعه ماجه احمد وهى بتقدمله الاكل بنفسها حتى ادم وقع العصير على لبسه خدت هى القميص تغسله وانا قاعده ومارضتش تسيبه خالص ماوقفتش عند الموضوع ده قولت يمكن عايزه تريحنى علشان انا كنت شايله نور فعديت الموقف عادى لحد ماجينا نروح وهند نادت على اجمد ووقفت معاه بعيد ولما نزلنا بقوله كانت عايزه ايه كان شكله متوتر وقالى عايزه واحد يصلحلها التكييف قولتله ماتقول لمحمد اخويا هو جوزها هيرفض قالى علشان الراجل قريب من شغلى بس ..سكت ومااتكلمتش وانا بفكر طيب ماتقوله قدامى ليه تخبى كده الموضوع كان غريب خصوصا ان احمد بقا لما الفون يرن يقوم يرد بعيد وعمره ماكان بيعمل كده ابدا ولما اسأله يقول شغل فضلنا كده اسبوعين لحد ماجه الوقت اللى قولت لازم اكشفهم و لازم احافظ على بيتى وعملت........

قولت هطلع اراقب احمد بعد مايطلع من البيت الصبح لانه بقا يطلع بدرى عن ميعاد الشغل وبيقولى انه عنده مشاوير قبلها ودى ماكنتش عوايده كنت لابسه وجاهزه بس لابسه لبس البيت فوقيه علشان ماياخدش باله واول ماطلع طلعت وراه وودين ادم ونور عند جارتنا على اساس انى نازله السوق واخدت تاكسي وراه لحد ماوصل عند عماره كده ونزل نزلت بعد ماطلع وسألت البواب قالى انه بيطلع عند محامى خوفت يكون عاوز يطلقنى بس هو لو هيطلقنى مش مختاج كل ده رجعت تانى على البيت بسرعه واشتريت حاجات وانا راجعه علشان جارتنا بس مش فاهمه حاجه...فكرت شويه قولت يمكن بيكلمها تليفون اول مايرجع من شغله هشوف الفون بعد وقت جه احمد على ميعاد رجوعه حضرتله الحمام واخدت الفون لاقيته عمله باسورد ده عمره ماعمل كده ابدا شكوكى خلاص بدأت يقين استنين شويه وقفلت تليفونى ولما طلع قولتله عايزه تليفونك ارن على ماما اطمن عليها لانها كانت تعبانه شويه المره اللى فاتت وفونى فاصل شحن اخدت منه الفون وكتبت رقم هند مرات اخويا لاقيته مسجله ب اسم مهمه شغل قلبى وجعنى اوووى شوفت بينهم رسائل واتس وهى بتقوله وحشتينى نفسي اشوفك مش هقظر استنى الاسبوع يعدى وكلام من ده كتيير و اكتر حاجه وجعت قلبى لما لاقيته كاتب انه مستنى الفرصه بس انه ياخد منى ميراثى اللى ورثته عن بابا لانه كان كبير وبعدين يطلقنى ويتجوزها للدرجه دى اتخدعت فى احمد ازاى كل السنين دى ده عمره مااخد منى فلوس وبابا كان عايز يمسكه شغله واحمد رفض يبقا مسؤل عن كل حاجه ورفض ان بابا يعمله توكيل لان بابا كان بيثق فيه جدا انا مش مستوعبه اللى بيحصل فعلا اكيد فيه حاجه غلط فوقت من توهانى ده واتصلت بماما بسرعه واطمنت عليها ورجعتله الفون وقولت هفضل ماحسسهوش بحاجه لحد ماافهم كل حاجه بتحصل هو علشان كده كان رايح للمحامى طيب ليه ماطلبش كل فلوسي ماكنتش هرفض ابدا مش عايزه ابينله حاجه بس قلبى وجعنى اوووى وبدأت ابعد عن احمد واتحجج بانى تعبانه مع الاولاد ومره انى ببقا قلقانه على ماما وهكذا اى حاجه تمنعه يقرب منى لان خلاص مابقتش حتى قادره اشوفه وفضلنا على الحال ده تقريبا اسبوع واحمد قلقان عليا فعلا وباين فى عيونه الخوف وعايز يطمن عليا وطلب منى اروح للدكتور وانا رفضت وبيبقا عايز يقعد معايا وياخد اجازه من الشغل بس انا اللى كنت برفض ازاى جوه عنيه الحب ده كله وفى الاخر يخونى انا عمرى ماقصرت معاه فى حاجه وكان صعبان عليا محمد اخويا اللى مراته بتخونه فضلت طول الفتره دى افكر ومش لاقيه حل لحد مااحمد دخل عليا فى يوم وطلب منى اللى كسرنى فعلا.........

احمد طلب منى اعمله توكيل عام بكل حاجه مش عارفه ليه اتصدمت كده رغم ده المتوقع حسيت انى اتشليت عن التفكير فضلت بصاله كده وهو يقولى عايز اشغلك فلوس واحافظلك عليها فجأه دخلت فى انهيار عصبى وماقدرتش اسيطر على نفسي واتكلمت اخيرا...تحافظ على فلوسي يااحمد علشان كده بتخونى مع هند مرات اخويا ومستنى التوكيل علشان تطلقنى عايز تستغنى عنى بعد كل ده طيب قولى انا قصرت معاك فى ايه ده انا امانه بابا قالك تحافظ عليا وفضل يوصيك عليا قبل مايتوفى ده كان بيثق فيك اكتر من ولاده شخصيا وقال انت اللى هتحافظ على المال من بعده تبعنى كده بالرخيص تسيب مراتك واولادك علشان فلوس ماتروح الفلوس هى هتعملك ايه ولااحنا ناقصنا ايه انت انانى ومابتفكرش غير فى نفسك يااحمد انا لو حد كان اتكلم عنك مش هصدقه لكن شوفت بنفسي كلامكم وراقبتك وانت رايح عند المحامى مخطط لكل حاجه علشان ترمينى بره انا هعملك اللى انت عايزه يااحمد ماحستش بنفسي اخدت الورق اللى كان معاه ومضيت على التوكيل وماحستش بالدنيا بعدها اغمى عليا فوقت فى المستشفى وماما جنبى قالتلى انى فى غيبوبه قاديلى اسبوع بسبب الانهيار العصبى اللى جالى كان نفسي يكون كابوس وافوق منه سالت على الاولاد وعرفت انهم مع منه مرات امجد اخويا التانى كان نفسي اسأل على احمد اووى بس لسانى ماطوعنيش قولت اسأل عن محمد ولازم اعرف محمد كل حاجه رد ماما عليا صدمنى"محمد اخوكى اتقبض عليه يادينا احمد جوزك بلغ عنه محمد كان عايز ياخد كل فلوسك وطلع بيسرق من الشركه اللى انت مساهمه فيها معاه انتى وامجد اخوكى واحمد اكتشف كل ده بس مش عارفه ازاى كان عنده كل التفاصيل مارضيش يقول وبالتوكيل اللى انتى عاملهوله فسخ عقد الشراكه مع محمد واخد فلوسك كلها باسمك فى البنك وبعدها بلغ عن اخوكى محمد طول عمره طماع انا مش زعلانه من اللى عمله احمد لانه انقذك انتى وامجد ولولاه كان زمان محمد سرقكم كان عنده حق باباكى يثق فيه كده وكان عايز يمسكه كل حاجه بس هو قال دلوقتى انه هيعملك شركه باسمك وهيمسك كل حاجه علشان يحافظ على فلوسك"انا كنت مصدومه يعنى احمد عمل كل ده علشان يحمينى واخويا هو اللى كان هينصب عليا يعنى انا ظلمت احمد مش عارفه ازاى هبص فى وشه وهيرضى يسامحنى ولالا...قطع تفكيرى دخول احمد ومعاه ادم ماما اخدت ادم وطلعت بره انا فضلت باصه فى الارض مش عارفه اورى وشى لاحمد هو اللى بدأ الكلام"امم طالما مش قادره تبصيلى يبقا طنط عرفتك الحقيقه وطبعا مكسوفه ومش قادره تتكلمى بس عموكا ياستى انا مسامحك لانك ماكنتش فاهمه واللى حصل كان كتيير عليكى انا ماردتش اقولك من البدايه علشان ماتتصدميش فى اخوكى بس كان لازم يقف عند حده"مااتكلمتش انا بس اترميت فى حضنه بابا كان اختياره صح هو ده الراجل فعلا اللى اطمن وانا معاه..

."ياحلم بعيد ..

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم