الجزء الثالث
حمزه = سامع صوت الرنين دا يا مراد
مراد يركز مع الصوت ثم يصرخ في حمزه وندي
مراد بصريخ = انزلوا من العربيه حالا دي قنبله
يخرج حمزه وندى ومراد بسرعه من السياره
وبعد خروجهم بعدة ثواني تنفجر السياره
تأتي قوات الشرطه و المطافي والأسعاف
خالد = حمزه انت كويس
حمزه انا الحمد لله بخير لولا مراد اكتشف وجود القنبله كان زمانا ميتين
ينظر خالد الي مراد
حمزه = مراد دا خالد صاحبي وشريكي في الشركه
مراد = تشرفنا... معاك المحقق مراد أمن دوله
يقطع صوت هاتف مراد الحديث
مراد = الو مين
المجهول = ابعد عن حمزه احسنلك وتفجير العربيه دا قرصة ودن ليك علشان تبعد يا إما هتموت..
مراد= انت مين
و ينهي المجهول المكالمه
حمزه = في ايه يا مراد
مراد = دا واحد بيقولي إبعد عن حمزه وبيقول انه فجر العربيه
حمزه وخالد ينظران الي مراد في حاله من الصدمه
ندى ببكاء = مين دا وعايز مننا ايه مش كفايه ياسر
خالد = ياسر مين
حمزه = ياسر صاحبنا اتقتل دلوقت في شقته
خالد = انت بتقول ايه
حمزه = امسك نفسك يا خالد
مراد = حمزه احنا لازم نتحرك على شقه ياسر دلوقتي
حمزه = طب وندى
مراد = انا هخلي القوات توصلها للمكان اللي عايزه وهخلي في حراسه على الشقه
حمزه = تمام
خالد = انا هاجي معاكم
مراد = ماشي
يتجه حمزه وخالد ومراد الي سياره حمزه ويتجهون ناحية شقه ياسر ويجدون قوات من الشرطه أمام المنزل
يتجه مراد وخالد وحمزه الي الشقه فيجدون قوات الشرطه في الداخل
مساعد مراد = مراد باشا لما وصلنا لقينا باب الشقه مقفول ومكنش في اي آثار لكسر الباب دا دليل على أن الضحيه كانت عارفه القاتل
مراد =قدرتوا تحددوا وقت الوفاه
مساعد = الطب الجنائي في الطريق يا بيه
مراد = اتصل بيهم خليهم يجوا بسرعه
ينصرف المساعد ويترك حمزه وخالد ومراد في حيره
مراد يتجه ناحيه غرفه ياسر
ينصدم عند دخوله الغرفه
يجد ان راس ياسر قد فصلت عن جسده وكذلك الأطراف و وجد رساله على الحائط وهي نفس الرساله الموجوده على الصوره
مراد = حمزه الشخص دا عارفك انت وياسر وخالد وفي علاقه بينكم في الماضي زي ما هو قال
حمزه = انا مش قادر افكر مين ممكن يكون بالوحشيه دي علشان يعمل كدا
مراد = احنا لازم نقعد ونفكر
خالد = انت بتقول ان الشخص دا ليه علاقه بينا ازاي
يخرج مراد الرساله التي كان قد ارسلها المجهول إلى حمزه ويعطيها لخالد
خالد= مين الشخص دا احنا عمرنا ما اذينا حد لدرجة الوحشية دي
مراد = خالد انا عايز منك تروح الشركه وتجيب سجلات الموظفين اللي سابت الشركه وايه الأسباب
خالد = حاضر انا هروح دلوقتي
ينصرف خالد ويترك حمزه الذي ظل صامتا
مراد = حمزه
حمزه لا يجيب
مراد ينادي عليه مجددا
حمزه = نعم يا مراد
مراد = اهدى يا حمزه علشان نعرف نفكر
حمزه = انا محتاج اروح وانت لو وصلت لحاجه جديده اتصل بيا
مراد = استنى اوصلك
حمزه = انا هاخد تاكسي
مراد = استنى انا هوصلك لغايه البيت
ينزل حمزه ومراد وأثناء نزولهم على السلم من خارج الغرفه ينادي احد افراد الشرطه على مراد
مراد = نعم يا ابني
شرطي = احنا لقينا الجواب دا في الاوضه جنب الجثه ومتغطي بالدم
يعطي الشرطي الجواب لمراد
يفتح مراد الجواب لكنه ينصدم عند رؤية مضمون الجواب
