Ads by Google X

رواية منقذى الفصل الثاني


 الفصل الثاني


ادهم بص لي سليم بصدمه وقال: سليم انت بتعمل ايه معقول هتصدق حتة فيديو زاي ده
سليم بغضب : انت الي الي فيه ولا ولا
ادهم بغضب : مش انا والله مانا
سليم بغضب : مش مصدقك
نور بصت لي نجمه بستحقار وقالتلها : علشان كدا كنتي سرحان فيه اول ما شوفتيه
ادهم بضيق : الموضوع مش ناقصك والله يانور
ادم : ازاي ياسليم ترفع سلاح علي صحبك انت مش عارفو ولا ايه
ادهم : والله انا اول مره اشوفها انهارده
حكيم بغضب : اقتلها ياسليم يابني ولا هات اقتلها انا حطت راسي في طين مستحيل اسيبها عايشه
حكيم قرب من نجمه وفضل يضربها وهي تصرخ ادهم قرب منو بغضب وزقو : متمدش ايدك عليها بنتك معلتش اي حاجه غلط
حكيم : ايوا ماانت عشقها هتقول ايه غير كدا
سليم كان واقف محتار مش قادر يصدق أن حب عمرو وصاحب عمرو خانوه
نجمه وقفت بألم وقالت : سليم والله انا عمري ماشوفت ادهم غير انهارده والله مش انا الي فيديو صدقني
ادم : مصدقينك لاني واثق في ادهم
قمر : حبيبتي اهدي أنا واثقه انك مستحيل تعملي كدا
نور بغضب : بس انا مش مصدقاها
ادهم بغضب : قصدك انك مش واثقه فيا
نور بتوتر : لا بس اكيد هي لعبت عليك لأنها حقيره
نجمه بغضب : اخرسي بقا
سليم قرب منها ومسك أيدها جامد وهي صرخت من الالم
سليم : وليكي عين تكلمي عملتك ايه علشان تعملي فيا كدا وتخونيني
ادهم زق سليم علشان يبعدو عن نجمه
ادهم : سليم احنا ظباط واعدائنا كتير اكيد عايزين يفرقونا علشان احنا تلاته اكبر خطر عليهم افهم الحكايه دي مترتبه انت بس علشان متعصب مش حاسس ولا مركز فلي عايزين يوصلولو
ادم : ايوا ياسليم استهده بالله كدا
سليم بصلهم بحيره وحزن ونفسو كل ده يطلع حلم
حكيم قرب من سليم وخد مسدس من ايدو وصوبو ناحية نجمه نجمه اول ما شافت كدا مصدقتش أن ابوها عايز يموتها حكيم ضرب نار علي نجمه بس ادهم أنقذها في اخر لحظه وشد نجمه نحيتو ورصاصه جت في الحيطه
ادهم بغضب : انت اتجننت ياراجل انت انت عايز تقتل بنتك
حكيم : اخرس انت خالص سبني أموتها
ادهم بص لي سليم وقالو : اتجوزها ياسليم والله العظيم ماقربتلها اتجوزها ونقذها من ابوها
سليم بصلو بغضب وقال : مبتجوزش واحده خاينه
ادهم ونجمه بصولو بصدمه وبعدين ادهم بص لي نجمه ونجمه بصتلو بحزن وانكسار
ادهم بهدوء : تمام مش حكمت عليها وعليا وقولت أن احنا خاينين طب خيانه بخيانه بقا وانا الي هتجوزها
الكل بصلو بصدمه أما هو بص لي نجمه بعيونو الزرقه الي كل ما تشوفها تفتكر اخوها بصاتو ليها حسستها بلأمان
ادم ببرود : عين العقل مهو صحبنا مطلعش راجل ولا واثق في حبيبتو ولا صحبو
نور بغضب : انت هتجوز عليا انت اتجننت ياادهم
ادهم بضيق : كان نفسي تبقي واثقه فيا وتبقي معايا في قرار ده
حكيم : تمام المهم تسترها
نجمه بدموع : كدا يابابا كدا تشك فيا وعايز تموتني كمان طب سليم لسا عرفني من سنه أما انت يابابا الي ربتني ازاي تشك فيا
حكيم ببرود : مش عايز رغي كتير يلا انزلو فرح دلوقتي الناس زمانها بيتكلمو علينا
قمر وقفت جمب نجمه وقالتلها : بصي يانجمه متكسريش ولا تضعفي اجمدي وكملي للاخر انا واثقه فيكي ثقه عمياء
نجمه حضنتها وانفجرت من العياط
اما نور قربت من ادهم
نور بدموع: انت بجد هتعمل كدا وتجوز عليا
ادهم : تخيلي نفسك مكانها هتكوني محتاجه اي حد ينقذك انا مستحيل اسيب ابوها يقتلها
نور بغضب : وانا ذنبي ايه
ادهم مسح دموعها وبصلها بحب : بصي يانور انا عمري ما هحب غيرك وعارف الموقف ده صعب عليكي بس صدقيني لازم أنقذها انا ظابط واكيد انتي فاهمه يعني ايه ظابط مينفعش اطنش موضوع ده انتي واثقه فيا صح
نور بدموع : ايوا وعارفه انك مش انت ده الي في فيديو
ادهم باستغراب : غريبه
ادهم حضنها جامد وهي دخلت في حضنو وهي بتعيط ومش قادره تصدق انو هيبقا لي غيرها حتي لو لساعه واحده
ادم بص لي ادهم وابتسملو بمعنه انو عمل الصح
أما سليم كان قاعد علي سرير ومش مصدق أن حبيبت عمرو هتجوز غيرو
سليم في سرو :معقول اسبها تجوز غيري اه مهي خاينه دي كانت لازم تتقتل بس ازاي تخوني ازاي قدرت تكذب عليا كل ده لا وبتخوني معا صحبي
سليم بص لي نجمه الي كانت بتبصلو بحزن
ادهم قرب من نجمه ومسك أيدها وهي مشيت معاه وهي سرحانه وحزينه ونزلو القاعه وكان فيه ناس كتير اوي اهل سليم وأهل نجمه انصدمو لما شافو ادهم معا نجمه ادهم خد نجمه وقعدها عند المأذون وهو كمان قعد وحكيم قعد قدامو أما قمر كانت واقفه جمب نجمه وماسكه أيدها وادم كان واقف معا ادهم اما نور كانت واقفه بعيد وهتموت من الغيظ وسليم كان واقف جمبها وعينو كانت كلها شر وحقد وكره
المأذون كتب الكتاب وبدأو يشغلو اغاني ادهم قرب من نجمه ومسك أيدها علشان يقومها لقها مش قادره تقوم
نجمه بدموع: مش قادره اقوم رجلي حسها اتشلت
ادهم نزل لمستوها ومسح دموعها وقالها: انهارده فرحك مفروض تنبسطي
نجمه بحزن: انبسط ازاي مش قادره حتي اقوم
ادم ابتسم وقال: يعني دي حجتك طيب ياستي
نجمه بصتلو باستغراب وادهم شالها وهي انصدمت
ادهم بأبتسامه: اهو ياستي شلتك وممكن ارقص بيكي وانا شايلك
نجمه ابتسمت ابتسامه حزينه
أما سليم لما شاف موقف ده اتأكدت انهم خاينين وقرار انو ينتقم من ادهم نور كانت واقفه ومتعصبه اوي وقرارت تمشي من فرح كلو
أما قمر كانت واقفه بتعيط علي صحبتها ادم قرب منها
ادم: ايه ياعالم يانكد
قمر : الصراحه انا مشوفتش حد راجل كدا زاي ادهم
ادم بهدوء: ادهم ده طيب وجدع معأنو ميعرفهاش بس أنقذها من ابوها مجنون ده
قمر بغل: اه وزفت سليم ده محاولش يعرف الحقيقه
ادم بحزن: انا مش عارف سليم عمل كدا ليه محاولش يفكر ثانيه
قمر :حيوان
ادم ابتسم وقالها: ماتجي ارقصك ياميمو
قمر بغيظ : ايه ارقصك دي وبعدين ايه ميمو دي
ادم بخبث وهو بيقرب منها وماسك ايديها : بدلعك ياميمو
ادم مسك أيدها وفضلو يرقصو وهما مبتسمين
أما ادهم حاول يفرح نجمه وفضلت يرقص بيها وهو شايلها
نجمه: احم ممكن نمشي بقا
ادهم: اه ممكن
نجمه: طب هو انت هطلقني امتا
ادهم بسخرية :هو انا لسا اتجوزتك
نجمه : ها نعم يعني قصدك ايه
ادهم ابتسم : قصدي يلا بينا نمشي
نجمه: تمام نزلني انا همشي
ادهم : اوك






ادهم نزل نجمه ودور بعينو علي نور وتأكد أنها مشيت
ادم من وراه: يلا بينا نمشي ياادم شكل سليم مش هيسكت
ادهم بضيق: انسان غبي
ادهم خد نجمه وقمر وادم مشي وراهم وركبو عربية ادهم ومشيو من الاوتيل
نجمه كانت قاعده ومش مصدقه الي حصلها قلبها موجوع علي حب حياتها الي مصدقهاش وعلي ابوها الي حاول يقتلها وكانت زعلانه علي امها وأخوها الي ماتو وسبوها وحيده
أما ادهم كان بيسوق العربيه وهو سرحان سرحان في حياتو الجديده وفي الخطوه الي عملها دي
ادهم في سرو : انا مش عارف الي عملتو ده صح ولا غلط بس كنت لازم أنقذها بس انا بلحركه دي جرحت نور بس نور لو بتحبني بجد هتسامحني علشان دي جوازه علي ورق يومين وهطلقها يارب الخطوه الي عملتها دي تبقا خير علينا كلنا
ادم وقمر كانو قاعدين ورا
ادم : ميمو
قمر بضيق : يخربيت ده اسم
ادم بأبتسامه: معندكيش عروسه ليا
قمر بضيق : هو انت معندكش نظر عروسه وانا موجوده
ادم بصلها من فوقها لتحتها وقال: عايزني اتجوز طفله
قمر بصدمه: طفله
ادم : طبعا طفله دانتي كل لبسك لونو وردي دانتي لسا لغيت دلوقتي بتركبي مرجيح العيال الصغيره وبتعملي شعرك زايهم
قمر بغضب : علفكره دي احلا حاجه فيا
ادم بسخريه: انا عايز واحده تكون كلها انوثه بنت كدا تكون حلوه وتحليني اصل في ست بتحلي الراجل وفي ست بتوحشو
قمر بصتلو بغضب وقربت منو وضربتو بوكس في وشو
ادم بزعيق : اهااا يابنت مجنونه
ادهم ونجمه فاقو من شرودهم علي صوت ادم
ادهم بضيق : عاملين دوشه ليه
ادم : بنت عمك بقت تمد أيدها عليا
نجمه : اكيد زعلتها
ادم : لا وحياتك ماعملتلها حاجه بقولها في ست بتحلي راجل وفي ست بتوحشو
نجمه بأبتسامه: وفي راجل بينور الست وفي راجل بيطفيها
قمر بسعاده : برااافو قصفتي جبهتو
نجمه بحزن : بص لازم اول حاجه تختار ست الي توثق بحبك حتي لو شافتك معا وحده تانيه ست تكون مش بتهتم بكلام الناس ست تبقا جمبك مش مهم تبقا كلها انوثه وكلام ده اهم حاجه اخلاقها
ادهم : ازاي سليم شك فيكي وانتي شخصيتك كدا
نجمه بحزن: علشان حبو اعما هو بيحبني مش هنكر بس اعمل ايه بحب مفهوش ثقه
قمر بخبث: طب ماتقولولي انتو الاتنين هتعملو ايه لو في مكانو
ادهم وادم بدأو يفكر
ادهم بتفكير: انا كنت اكيد هتعصب وضايق بس هكون عندي ثقه في حبيبتي وكمان صحبي حتي لو انا معنديش ثقه فيهم انسانيتي مش هتسمحلي اسيب ابوها يموتها ممكن اتجوزها وبعد كدا ربنا اكيد هيظهر الحقيقه
ادم : انا بقا انسان عصبي بس مش معنه كدا اعمي عنيه عن الحقيقه انا ظابط وعارف كويس الحركات دي وعارف ان دول فيديوهات متفربكه وبذات بقا واحنا مسكين قضيه الصياد
قمر : مين الصياد ده
ادهم : ده راجل معندوش رحمه انسان كدا بيشتغل في كل حاجه ودماغو سم وذكي جدا وكل ما ظابط يمسك القضيه دي يااما يموت يأما يسبها علشان بيهددتو
ادم : بظبط كدا ومن اسبوع كلفونا بلقضيه دي انا وسليم وادهم وطبعا دي اقل حاجه يعملها فين
قمر بخوف : بس ده ممكن يموتكم
ادهم : متخافيش مش هيقدر يموتنا علشان خايف مننا عارف ان احنا مش سهلين
نجمه : هو اسمو ايه في الحقيقه
ادهم : لا منعرفش اسمو ايه علشان منعرفش شخصيتو الحقيقه ولا شكلو
قمر : ياااه دا القضيه دي شكلها صعبه اوي
ادهم : لا لا مش صعبه علينا
وصلو قدام قصر العزيز نجمه وقفت تتأملو
قمر بسعاده : واخيرا هتعيشي معايا ياحب ادهم انا هخدها معايا اوضتي
ادهم : اكيد
نجمه : هو انت هطلقني امتا
ادهم بنفاذ صبر : خلاص عرفنا انك مش طيقاني
نجمه بأبتسامه: لا والله بس انا خايفه انت ومراتك تحصل بنكم مشكله وتبقا بسببي
ادهم : لا متخافيش انا طالع اصالحها وهي قلبها طيب وهتفهم
ادم بضيق : كفايه رغي عايز ادخل اتخمد
قمر بضيق : ماتغور حد ماسكك
ادم غمزلها بخبث وقال: ماتجي معايا
قمر بغضب : قليل الادب يلا يا نجمه نمشي
قمر ونجمه دخلو القصر كان هادي
قمر : تعالي نطلع بسرعه قبل ماحد يصحا ويقعد يسأل حصل ايه
نجمه : تمام يلا
قمر ونجمه طلعو الاوضه اما ادم راح اوضو ونام وادهم راح
اوضتو لقه نور واقفه وبتلم هدومها في شنطه
ادهم : ايه الي بتعمليه ده
نور ببرود : سيبالك بيت انت وهي علشان تعرفو تخدو راحتكم
ادهم بصلها بخبث: اه احسن علشان اخد رحتي معاها
نور بغضب : نعم
ادهم بابتسامه: وياريت تبعدي شهر شهرين سنه سنتين
نور بغضب : ادهم
ادهم قعد علي سرير وقال : اصل نجمه دي مزه الواحد مش هيشبع منها شوفتي البراءه الي في عينها ولا شوفتي شعرها طويل ولا شوفتي شفايفها عايزه تتباس والله
نور بصتلو بغضب وهو ابتسم بأنتصار علشان نجح انو يخليها تغير
نور قربت منو وقالت: وحياة امك فيروز مانا سيباك معاها ثانيه
ادهم ابتساملها وحضنها جامد وقال : مهو ده المطلوب يابيبي
نور بضيق : وسع ياادهم وسع
ادهم بخبث :خلاص هروح احضن نجمه
نور بغضب: ادهممم
ادهم : عيونو
نور : هطلقها امتا
ادهم : شهر واطلقها
نور : ليه شهر يعني كتير
ادهم : هيقولو ايه لو هي اطلقت بعد يومين ها
نور : اوووف طيب
ادهم : معلش ياحبيبتي استحملي
نور : طيب هحاول
ادهم بخبث : ماتجيبي بوسه
نور : نوو لما تطلق البنت دي ابقي بوسني
ادهم بضيق : مهو ليلة سوده من اولها
نور راحت نامت علي سريرها وادهم كان لازم يتكلم معا نجمه
طلع من اوضو وراح اوضة قمر وخبط عليها وقمر فتحتلو
ادهم : نجمه فين
قمر : بتغير فستان بس ليه
ادهم بخبث : ليه ايه مش انهارده دخلتنا
قمر بضيق : انا عرفت ادم طلع قليل الادب لمين
ادهم بتمثيل : بت اندهي مراتي يلا
قمر : امشي من هنا لضربك بوكس في وشك
ادهم قرب من قمر وشالها وطلعها برا الاوضه وقفل الباب بلمفتاح قمر انصدمت
قمر : افتح يازفت
ادهم من ورا الباب : واحد ومراتو انتي اشحشرك بنهم
قمر : والله لقول لنور
ادهم :اتفضلي هتلقيها في سابع نومه وغوري اتخمدي الاطفال بينامو ساعه 7
قمر بغضب : يعني انا طفله ماشي ياادهم
قمر مشيت وادهم دخل وقعد علي سرير ونجمه كانت في الحمام وبعد 5 دقايق طلعت وهي لبسه فستان احمر طويل
نجمه : بصي ياقمر هو حلو ولونو حلو بس من بكرا بقا تشوفيلي حاجه مناسبه
ادهم بصلها بخبث وقال : الله الله ايه القمر ده
نجمه اتخضت وقالت : انت ايه الي جابك هنا
ادهم : مش انهارده دخلتنا ياعروسه
نجمه بضيق : ايه الهبل ده
ادهم ابتسم : طب تعالي اقعدي جمبي اقولك حاجه
نجمه بغضب : مستحيل
ادهم : خلاص انا الي هاجي
نجمه : ها لا لا انا الي جايه
نجمه قربت من سرير وقعدت بس كانت بعيده شويه عن ادهم
أدهم : بصي انا علطول بحب اهزر كدا اصلي مبحبش النكد ولا العصبيه ولا الجو الجادي ده
نجمه : وانا حلو يبقا كدا هنفهم بعض
ادهم : تمام بصي انتي من هنا ورايح تبقي صحبتي وبعد شهر هطلقك اوك
نجمه : شهر كتيررر
ادهم باستغراب : اي واحده مكانك تتمنا تبقي مراتي وانتي مستعجله تطلقي
نجمه بأبتسامه: ايوا لاني مش من نوع ده وانت مش حلو اوي علشان اموت فيك
ادهم بغضب : نعمممم بجد انا مش حلو
نجمه : اه






ادهم بضيق : وبنسبه لي عيني الي سرحتي فيها
نجمه بتوتر :ها
ادهم بابتسامه : اوعي تكوني مفكره اني مخدتش بالي
نجمه بحزن : اصلك بتفكرني بحد
ادهم بفضول : حد مين
نجمه : اخويا يوسف عينك نفس عينو
ادهم : اه طب هو فين
نجمه : طيب انا هقولك حكايتي لان ده من حقك أنك تعرف حكاية البنت الي اتجوزتها وانا عارفه انك جيت علشان كدا
ادهم : بحب اوي الي بيفهمني
نجمه : بص انا اسمي نجمه حكيم وعندي اخ واحد اسمو يوسف حكيم ومامتي اسمها ماجي المهم كنا عايشن عيله عاديه معا بعض مش كلها فرح ولا كلها حزن بس في مره بابا اتخانق معا ماما خناقه كبيره اوي وضربها اخويا يوسف مستحملش وزعق لي بابا لانو سعتها ضرب ماما في وشها لدرجها أن وشها اتغرق دم بابا طرد ماما ويوسف برا بيت يوسف كان عايز يخدني بس بابا رفض كان سعتها عندي 13 سنه ويوسف 21 سنه رغم الفرق سن الي بنا بس هو كان الوحيد الي بيفهمني المهم يوسف خد ماما بعربيتو وراحو مستشفي وبعد كدا عاملو حادثه كبيره والعربيه انفجرت ووقعت من جبل ماقدرناش حتي ندفنهم علشان مش لقيلهم اثر وقالولنا اعتبروهم ماتو علشان مستحيل يكونو عايشين بعد الحادثه دي جالي حاله نفسيا بعد الي حصل ده وبقت 3 سنين مش بتكلم معا حد لغيت لما عرفت قمر في مدرسه كانت اكبر مني بسنه بس قدرت تخليني اتكلم ووقفت جمبي لغيت لما بقا عندي 20 سنه وقبلت سليم في جامعه لما كان جاي يوصل قمر وشافني وشويه شويه كان حابب يتعرف عليا وفعلا اتعرفنا وجاه طلب ايدي وبعد كدا اتخطبنا وكان كويس جدا معايا وكان شبه يوسف في كل حاجه علشان كدا حبتو
نجمه سكتت وبعدين انفجرت من العياط وبعدين كملت وقالت
نجمه : بس في الاخر سبني وشك فيا
ادهم بحزن : اهدي
نجمه بدأت تعيط جامد وادهم لقه نفسو بيحضنها وبيطبط عليها
ادهم : اعتبريني يوسف اخوكي
نجمه : مانت فعلا شبهو
ادهم بمرح: لا اسمحيلي انا احلا منو
نجمه بابتسامه حزينه :انت مغرور اوي
أدهم بغرور : طبعا أنا ادهم عزيز قاهر قلوب النساء
نجمه بصتلو وفضلت تضحك وادهم ابتساملها وقال في سرو : سليم غبي علشان ساب كنذ زاي ده يضيع منو وظلمها اكتر مهي مظلومه
ادهم طلع من عند نجمه وراح اوضو ونام وهو بيفكر ازاي ينتقم من الصياد
_______________________________
في مكان تاني خالص كان واقف الصياد وكان لابس اسود وحاطت قناع لونو دهبي غامق
الصياد : عملتي الي قولتلك عليه
ساندرا : اه عملت وادهم باشا هو الي شال شيله وتجوزها
الصياد بخبث: انتي اكيد عارفه الخطه تانيه
ساندرا بابتسامه : طبعا وجارا تنفيذ
الصياد : طيب امشي دلوقتي
ساندرا مشيت وسابت الصياد وهو قعد علي الكرسي ومسك صورة مامتو وبتسم وقال : انا عارف لو عرفتي حقيقتي هتزعلي مني اوي بس اعمل ايه مكنش عندي طريق غير ده تعرفي ياماما بحس أن قلبي مربوط بحد ومش عارف مين الحد ده ولا عارف هو فين
الصياد شال مسك ووقف قدام مرايتو وقال : نفسي اعرف حياتي كانت عامله ازاي قبل الحادثه نفسي اعرف مين عيلتي الحقيقيه اول انا مين ............



الفصل الثالث والرابع من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-