الفصل الثالث
عند ليلى
_طلع بيخونى يا ندى طلع متجوز
ندى: وانتِ عرفتى منين الحاجات دى مش ممكن يكون حد بيوقع بينكم مثلا
_لاء دا كان ف ايدى دليل خيانته ليا وبدات الدموع تزيد كان نفسى يبقى بتاعى لوحدى كان نفسي يخصنى انا بس كنت عايزة اكون حبه الاول والاخير ورجعت بالذاكرة لورا شوية
فلاش باك
كنت عند الميكب ارتست وكنت بشوف الفستان عليا قبل ما ابدا ف المكيب لاقيت واحدة شكلها غريب وداخلة عليا
*حضرتك انسة ليلى
_ايوا انا مين حضرتك
*انا اللى انتِ هتخطفى جوزها منها
_جوز مين انتِ بتقولى اى انتِ اتجننتى ولا اى
*لا انا مش مجنونة انا جاية ومعايا الدليل على صدق كلامى
طلعت من شنطتها ورق وصور واديتهالى
_اى دا
*دا عقد الجواز ودا تقرير الحمل بتاعى ودى صورنا مع بعض احنا اتجوزنا من قبل ما يعرفك ولا انت تظهرى ف حياته
باك
_عمل فيا كدا لى دا هو الشخص الوحيد الل سلمته قلبى دا انا معرفتش الحب غير معاه حبيته وحبيت جنانه وف الاخر طلع بيخدعنى
ندى: طب اهدى يا ليلى بالله عليكى
_انا مش عايزة حد يعرف مكانى فين ماشى يا ندى
ندى: طب ومامتك ال زمانها هتموت من خوفها عليكى دلوقت
_روحيلها انتِ وطمنيها عليا وانا هقعد فى اى مكان يومين لحد ما شوف هعمل اى
ندى: ماشى زى ما انتِ عايزة
_خلى بالك من الشركة لحد ما ارجع واوعى حد يعرف مكانى صحيح هيا فين نهى
ندى: مش عارفة بقولك اى نهى دى انا مش برتحالها خالص
_بالعكس دى طيبة جدا انتِ بس ال مش بتحبيها وشايفاها كدا
قعدت ف اوتيل يومين كدا علشان اريح اعصابى واعرف ازاى هتعامل مع الموضوع
عند يحيى
انا مش عارف ليلى راحت فين ولا اى الل حصل خلاها تسيبنى وتمشى لحد ما جيت ندى
ماما: ندى قوليلى بنتى فين انتِ اكيد عارفة سرها كله معاكى
ندى: والله ياطنط انا مش عارفة مكانها هى بس قالتلى اطمنك عليها وهيا هتبقى تكلمك
يحيى: ندى انتِ كدابة انتِ اكيد عارفة مكانها
ندى: انا مش كدابة يا استاذ يحيى الكدب دا اتعمل لل زيك
يحيى: انتِ بتقولى اى
ندى: اتفضل دا سبب بعد ليلى عنك مش دى صورك ودا عقد جوازك لاء وكمان تقارير حمل مراتك
يحيى: مراتى مين وحمل اى اى دا
مامت يحيى: انت متجوز يا يحيى
يحيى: اى يا امى دا انتِ عارفنى اكتر منى
ماما: لى كدا كسرت قلب بنتى وحرقت قلبى عليها
يحيى: والله انا مش متجوز واكيد العقد دا مزور والصور دى كمان متفبركة والله دا كله كدب
مامت يحيى: ثوانى يا يحيى مش دى البنت بنت شريكك ال كان عايز يجوزهالك
يحيى: ايوا هيا بس معرفش عملت كدا لى والله لانتقم منها واسود عليها عيشتها
عند ليلى
عدى اليومين ورجعت على بيتى وشغلى
ماما: حبيبة قلبى كدا توجعى قلبى عليكى يا حبيبتى
_معلش يا ماما كنت بس عايزة اريح اعصابى واهدى من ال حصلى
ماما: طب تعالى ارتاحى ف اوضتك
_لا انا بس هاخد شاور علشان اروح الشركة واشوف الشغل ماشى ازاى
ماما: طيب يا حبيبتى زى ما تحبى
اخدت الشاور ورحت على شغلى
ندى:حمد الله ع السلامة يا قلبى
_الله يسلمك يا ندوش اخبار الشغل اى
ندى: يعنى كنت بمشيه على قد ما اقدر
_خلاص انا هراجع الشغل ولا يهمك
ندى: بقولك البت اللى اسمها نهى انا مش مرتحالها حساها بتعمل بلاوى
_تانى يا ندى ع العموم دلوقت هشوف الموضوع دا
وانا بكلم ندى لاقيت ال دخل علينا المكتب فجأة
يحيى: كنتِ فين كل دا انا كنت قلقان عليكِ
_انت اى ال دخلك هنا من غير اذن
يحيى: جاى اطمن عليكِ
_وفر قلقلك وخوفك لمراتك وابنك ال جاى ف الطريق
يحيى: انت لازم تسمعينى
_انت كمان لك عين تزعق فيا
يحيى: انت لازم تعرفى الحقيقة منى قبل ما تحكمى عليا
_وقتك معايا خلص وما اشوفش وشك هنا تانى لا ف الشركة ولا ف اى مكان اروح فيه سامعنى
كان لسه هيتكلم لاقيت ظابط دخل علينا
الظابط: انت الانسة ليلى الالفى
_ايوا انا ف حاجة
الظابط: حضرتك مطلوب القبض عليكى
_نعم
يحيى: هى مين ال مطلوب القبض عليها انا اتهبلت ولا اى
الظابط: لو سمحت يا استاذ خليك ف حالك بدل ما نعملك قضية انت كمان وحضرتك يا انسة اتفضلى معانا...
