الفصل الرابع
كاميليا :(بصدمه) ايييييه!
لبني: ادخلي جوا يا كاميليا واقفلي الباب ومتخرجيش الا اما اقولك
كاميليا:بس ي ما...
لبني: اسمعي الكلام يا كاميليا
كاميليا: حاضر يا ماما
ودخلت وقفلت الباب
لبني : كامليا اي يا بدر اللي عايز تتجوزها دي عيله عندها ١٦ سنه يا بني وبعدين دي لسا بتدرس ومفيش جواز قبل دراستها يا بدر!
بدر: بصي يا خالتو هو طبعا مش هيحصل جواز قبل ما تتم السن القانوني بس عايز اخطوبها من دلوقتى لاني خايف متبقاش ليا وابقا استنيت كل دا علي الفاضي وبعدين هتبقا الفتره دي تعارف بس
لبني: بس البنت معندهاش اي خبره ف اي حاجه ولا حتي تعرف عنك اكتر من اسمك ولو حتي لو انا وافقت ابوها مش هيوافق
بدر: طيب الفتره دي نتعرف علي بعض انا وهي، ولو علي موضوع عمو عاشور انا هتكلم معاه ونحلو سوا ها قولتي اي
لبني: طب ي بني ودراستها كدا هتتشغل عنها
بدر: متقلقيش يا خالتو من الناحيه دي خالص
لبني: طب يا بني سيبني اخد رأيها ورأي ابوها وافكر.
نيره: خدي وقتك يا حبيبتي هستني ردك
لبني :ماشي يا حبيبتي نورتوني الحبه دول والله
____________________
كاميليا : يا مريم زي مابقولك كدا بالظبط.. دخلت عليهم فجأه لقيتهم بيقولو كدا
مريم : طيب اهدي بس يمكن فهمتي غلط
كامليا: لا انا متأكده.. طب بقولك ايه اقفلي دلوقتي ماما شكلها بتنادي سلام
مريم :سلام
كاميليا : نعم يا ماما
لبني : بصي يا بنتي خالتك نيره هي وابنها بدر جم النهارده وطلبو ايدك وانا عارفه انك صغيره اوي ع الكلام دا وحاولت افهمهم كدا بس هما قالولي انها هتبقا الفتره دي تتعرفو فيها علي بعض لحد ما تخلصي دراستك وبعد كدا تتجوزو
كاميليا : انا متلغبطه اوي يا ماما مش عارفه اقول ايه ولا اعمل ايه
لبني:والله يا بنتي ولا انا.. بس هشاور الموضوع مع ابوكي ولو كدا هنقرأ فاتحه بس عشان تبقو تتعرفو علي بعض وكدا كدا الاجازه جايه كمان شهر هتبقا فرصه مش بطاله
كاميليا: خلاص يا ماما اللي تشوفيه
________________
نيره: مش مصدقه ان القاعده دي عدت علي خير انا كنت خايفه ترفض واخسرها بقيت عمري يا بدر
بدر: الحمد لله يا أمي.. نفسي توافق اوي انا فعلا معجب بالبنت جدا
نيره:ربنا يجعلها من نصيبك يا بني
__________________
عاشور :اي اللي بتقوليه يا لبني بس دا، دا جنان طب افرضي ساب البت وكسر قلبها، ليه تجرب شعور زي دا ف سن زي دا
لبني: الواد شاكلو عايزها بجد يا عاشور وبعدين الواد محترم ومتربي وبيحبنا وبعدين دا هتبقا فتره تعارف بس، وبعدين بنتك عاقله ورزينه وهتعرف تتصرف ف اي موقف يقابلها
عاشور: خلاص خليني ماشي وراكو بس مفيش اي حاجه هتم قبل الاجازه بتاعتها
لبني : خلاص اللي تشوفو وهكلم نيره اقولها
ولبني كلمت نيره وقالتلها والوقت هيعدي والامتحنات هتيجي وتخلص ويوم نتيجه كاميليا
كاميليا : يا ولاااااااااد يااااااا اهل البيييييييييت الناجح يرفع ايدو هييييه وهيهيهيهي
لبني: في اي ي بت عملتي اي
كاميليا : ناجح ومنقول للصف الثاني الثانوااااااااااااي
والبيت كلو ابتدي يبارك لكاميليا والكل كان فرحان
بعد شويه امها دخلت لكاميليا
لبني:قومي اجهزي بقا خالتك نيره وبدر وكريم ومروه ولادها جايين عشان يقرو فاتحتك
كاميليا :فاتحتي!!!! هو مش الموضوع دا اتنسي اي اللي فكركو بيه تاني
لبني: لا متنساش احنا كنا ماجلينو بس للاجازه وبعدين اقعدي معاه وف الاول والاخر الرأي رأيك مش رأي حد تاني
كاميليا :طيب يا ماما اما نشوف اخرتها
___________________
والناس جم وقعدو شويه وبعدين سابو بدر وكاميليا يتكلمو شويه
بدر: ازيك يا عروستي
كاميليا :(بخفوت) اهلا
بدر: مش عايزه تقولي حاجه ؟
كاميليا :ايوه... اشمعني انا؟!
بدر:.......
