الثانيه وعشرون
جالس امام وكيل النيابه بيدلى باقواله حول وقعه الاعتداء الذى اتهمفيه ... بانه اعتدى جنسيا على زوجه سليم الرفاعى
ممكن اقول حاجه يا فندم
اه اوى اوى اتفضل
واحنا محتجزين فى المكان اللى لقتونا فيه الاشخاص بقى الملثمين دول واحد فيهم قالى ان سليم هو اللى اجبرهم بانهم يخطفونا وكمان انهم يدلو بشهادتهم بانى على علاقه مش شريفه بزوجته
الكلام ده خطير يا دكتور .... متاكد من الكلام ده
وانا هكذب على حضرتك ليه
يضغط على زر جانبى ليأتى العكسرى له : تحت امرك يا فندم
هاتلى من الحجز المتهمين ..... و.....
وبعد ما ذهب العكسرى لاحضارهم تحدث وكيل النيابه بشكل ودى مع يوسف : ممكن اسالك سؤال يا دكتور يوسف
اه طبعا اتفضل حضرتك
ليه مش عاوز الزوجه نفسها تشهد مع انها لو شهدت هتقلب القضيه كلها ومش هيكون فيه من الاساس قضيه
بكلام بسيط جدا هرد بيه على حضرتك :: انا عندى اخوات بنات وبخاف عليهم من الكلام الكتير وما تنساش حضرتك انهم سمعه ماشيه
تمام ... يسمع طرقات الباب يأذن بالدخول
ينهض ويقوم ويتمشاً قليلاً ويستند على مكتبه وهما واقفين امامه
هااااااااا ايه رايكم فى كرم ضيافتنا
ينظر لبعضهم البعض ثم : ياباشا احنا مظلومين والله وعبد المأمور
تمام اوى اكتب يا يسرى ... اتفضلوا قولو كل حاجه وبرااااااااااااحه وع اقل من مهلكم
الرجل الاول : بص يا باشا انا هقولك كل حاجه ... بس اوعدنى انك هتحمينى من سليم باشا
ينظر الى يوسف ثم اليه مره اخرى : تمام اتكلم
سليم باشا هو اللى حرضنا على اننا نراقب مراته ونبلغه تحركتها لحد ما من كام يوم راحت فرح فى الفيلا بتاعه حضرته ( وبينظر الى يوسف)
تمام كمل
قولنا لسليم بيه على ان الهانم هناك بس والله ما نعرف حاجه غير كده هو قالنا انه مراته وهربت منه وانها خيانه وتستحق الموت عشان كده حبينا اننا نساعده مش اكتر
هااااااا وبعدين كمل
قالنا اخطفوها وودوها اى مكان وبلغونى لما الكلام ده يحصل وفعلا ده اللى حصل لكن اللى مكنتش متوقعه ان البيه ده يجى وراها ليلتها فعشان ميعملناش قلق ضربته على راسه ووقع كلمنا الباشا قالنا هاتوه هو كمان عشان ده ععععع
ععععع ما تقول
عشقيها
كل هذا ويوسف يجز على اسنانه من حديثه
كمل وبعدين
ودناهم مكان جنب المطار لحد ما كان المفروض يوصل سليم باشا وهو بقى اللى كان هيقولنا ساعتها هنعمل ايه معاهم
تمام اوى واللى حصل فى الشقه بقى ايه
الرجل ينظر الى صديقه ثم الى وكيل النيابه مره اخرى ليبتلع ريقه
الباشا هو هو
ايوه هو ايه
هو اللى طلع الاول فوق عند مراته وبعديها بشويه جه البيه وطلع هو وواحد تانى وسمعنا ساعتها تكسير وصويت عالى بعد شويه لقينا اللى كان مع البيه جرى وجاب البوليس
اااااه روحتو انتو بقى بلغتوا الباشا بتاعكم مش كده
ياباشا احنا عبد المأمور
قصدكم عبد الفلوس اللى دولتكم وخليتكم مش بنى ادمين ولا عندكم احساس باى حاجه
صباح الخير يا سيمو
صباح النور يا بابا احضرلك الفطار
لا ماليش نفس هروح اقرا فى المصحف شويه
طيب
هى صحبتك هتيجى امتى
هى جايه مع اخوها فى السكه
طيب لو عوزتى حاجه انا جوه فى الاوضه
حاضر ... وقبل ما يتركها سمعت طرقات باب منزلهم
شكلها وصلت
لا مش هى لانها قالتلى فاضلها نص ساعه على بال ما توصل
تقولها وهى متجه الى باب المنززل لترى من القادم فافوجئت بــ
السلام عليكم
وعليكم السلام ورحمه الله وبركاته
ايه هفضل على الباب كتير
نعم
اقصد يعنى عم ابراهيم مش هنا
بابا كلم محمود ... ثم تركتهم واتجهت نحو المطبخ لتعد وجبه غذاء لصديقتها فيفيان
اهلا يا حوده ادخل ياابنى
شكلى جيت فى وقت مش حلو
ما تقولش كده البيت بيتك ياابنى ادخل ... الست الوالده عامله ايه
الحمدلله بخير بتسلم عليكم
الله يسلمها ويسلمك اقعد واقف ليه
استيقظت ألفت من نومها وهي تمسك برأسها... لِما تشعر به من صداع شديد من ليله امس .... فــ اتجهت نحو شرفه حجرتها تتأمل ما يحصل فى الطبيعه ... سمعت طرقات باب الحجره وكانت (الهاوس كيبنج)
صباح الخير يا فندم
صباح النور هى الساعه كام دلوقتى
الساعه 12 يا فندم
يااااه انا نمت ده كله
تؤمرى بحاجه يا فندم
اه ياريت فنجان قهوه واى قرص للصداع
ثوانى والقهوه والقرص يكونوا عندك يا فندم بعد أذنك
تبحث عن هاتفها لكى تحدث زوجها مسعد به لكن هاتفه كان غير متاح
شبكه دى ولا ايه ... شويه واكلموا تانى
اما هو فكان بداخل بنك القاهره الدولى امام احدى الموظفين به وبيده فنجان قهوته ...
حضرتك المبلغ كله نحوله الى بنك .... بــ النمسا
ايوه كل المبلغ الــ 4 مليون جنيه كلهم من فضلك ... اصلنا ناوين نصفى اعمالنا كلها هنا ونسافر النمسا
بالتوفيق يا فندم ان شاء الله
يرسم على شفتاه ابتسامه عريضه : متشكرا
امضتك يا فندم هنا
ويوقع مسعد للموافقه على تحويل المبلغ المذكور الى بنك .... بالنمسا
وبعد قيل نجده خارج البنك بابتسامه عريضه واخرج نظارته الشمسيه من جيبه ووضعها على عيناه واوقف سياره وانطلق بها الى الفندق التى تقطن فيه الفت هذه الفتره ......
ها يا يوسف عملت ايه يا حبيبى
كل خير يا عمتى
طمنى طيب ايه اللى حصل
العيال اللى خطفونا اعترفوا بان سليم هو اللى حرضهم على عمليه الخطف
حلو اوى طيب وموضوع الاعتداء
برضه اعترفو بيه بانى جيت بعده وطلعت ومعايا عماد وبعدين عماد نزل وجاب البوليس يعنى مفهومه
يا منت كريم يا رب ... سبحان الله يمهل ولا يهمل
الحمدلله يا عمتى
كنت حاطه ايدى على قلبى لاحسن يحبسوك مع المجرمين والبلطجيه
الحمدلله قدر ولطف ... بس برده ممنوع من السفر
ليه بقى مش خلاص كده
لا لسه هيستدعو سليم عشان يدلى بااقوله بااقول المتهمين التانين
ان شاء الله ربنا هينصرك ياابنى مدام بتعمل خير دايما وبتستر على بنت ربنا يسترك دنيا واخره
اللهم امين يارب العالمين
ياسمينا لسه قافله معاها من شويه ... وكانت بتقولى انها عاوز ترفع قضيه خلع
ينظر اليها بدون ان ينبت بشفه
وانا قلتلها كويس اوى ويارب هى كمان ربنا ينصرها
يطلق زافره قويه : ان شاء الله
ها قولى هتروح معاها
فين ؟؟
عشان تقدموا القضيه سوا
وانا مالى ومال الموضوع ده يا عمتى
مالك ازاى بقى مش انت هتبقى الشاهد الوحيد للواقعه اللى حصل يومها بينها وبين جوزها المتوحش ده
يشرد قليل ويتذكر هذا اليوم ... عندما وجده يعتدى عليها اعتداء فاحش ... افاق نفسه واستغفر ربه كثيراً ... ثم قام من مجلسه مع عمته
رايح فين يا يوسف
هصلى ياعمتى هصلى ركعتين بعد أذنك
اتفضل يا حبيبى
ازيك يا جو وحشنى
تقولها نبيله لاخاها الذى لم ينظر اليها او يرد عليها بل اكمل سيره الى حجرته
هو مالو يا عمتو
مالوش يا نبيله مالوش ... بقولك ايه فين هدى
فوق مع نيللى عاوزاها
اه روحى اندهى عليها
ليه هه ليه
يابت انتى ما بتتهديش روحى بسرعه ناديها
حاضر هروح بس خدى بالك هعرف برده
هههههههههه هم يبكى وهم يضحك ... ربنا يهديكم يا ولاد نبيل
تفتح ذراعيها لصديقتها التى أتت من الاسكندريه الى المنصوره لكى تراها : حبيبه قلبى يا فيفى
فيفى : لو حبيبه قلبك زى ما بتقولى كنتى كلفتى نفسك ورنيتى رنه بس كده
والله لو تعرفى ايه اللى حصل هتعذرينى
منا جيت اهو اول ما قلتيلى فيه مواضيع مهمه خير
طب ادخلى هنتكلم على الباب كده
اه هههههههه سورى يا ياسو
اتفضلوا اتفضل يا هانى ازيك عامل ايه
تمام جدا يا ياسمينا ازيك انتى
انا الحمدلله بخير ... اتفضلوا واقفين ليه
بيتكم حلو يا مضروبه
ههههههههه مش هتبطلى كلامك ده
لا مش هبطل ها عامله ايه وحشانى
انتى كمان اوى اوى والله
ابوكى فينه نسلموا عليه
بيصلى العصر وجاى
ها احكيلى بقى فيه ايه وكنتى فين المده اللى فاتت دى كلها
هقولك كل حاجه بس الاول نعمل الواجب معاكو
ياستى احكيلى الاول وبعدين اقوم بنفسى اساعدك انا على نار اصلا من ساعه ما قلتيلى الكلام مش هينفع فى الفون
ياستى سيبها ترحب بينا الاول وتأكلنا ... ها يا ياسو عملنا اكل ايه
فيفيى تضرب اخاها بمديح : انت ايه ع طول كده همك ع بطنك ياخربيتك فضحنى ف كل مكان
ههههههههههههه سيبه سيبه الاكل ع النار ياسى هانو وع فكره اول ما عرفت من فيفى انك جاى معاها عملتلك طاجن الرز المعمر اللى بتحبه
الله عليكى يا صاحبه اختى ادى الصحاب ولا بلاش
ياواد اتهد بقى لما اطمن علي البت يخربيت بطنك دى اللى مليانه وحوش مفترسه
ظريفه يا بت
فيفيان ياخويا
هههههههههههههه وحشنى نقاركم ده والله
ها احكى بقى
ماشى هجكيلك على بال ما بابا يجى وبعدين نحضر الغدا سوا اوكيه
اوكيه يا حبى احكى بقى
مسعد كنت فين برن عليك وفونك غير متاح
تلاقيها شبكه ولا حاجه خير في حاجه
كنت هسألك عملت ايه قابلت رجل الاعمال اللى قلت عليه ده
باندهاش : مين ده
اللى انت قلتلى عليه انه هيشاركك ف الشركه الجديده
بمكر : اه اه اه قابلته اه قابلته
ها وايه الاخبار اتفقتوا
اتفقنا ع كل حاجه
طيب شىء كويس ربنا يوفقك دايما يا حبيبى ... لازم نحتفل بقى
اكيد لازم نحتفل
ايه رايك انهارده وتعزم صحبك ده
خليها بكره يا حياتى علشان عندى مشوار مهم اوى اوى انهارده بالليل
اوكي يا حبيبى يبقى بكره وتقوله ونروح كلنا ونحتفل بالشراكه الجديده
ينظر اليها بخبث وبسخريه يقول : بالشراكه الجديده
وابوكى عامل ايه يا فيفيان يا بنتى
يقولها ابراهيم والد ياسمينا وهم على مائده الطعام )
كويس يا عمو بيسلم عليك اوى اول ما عرف انى جايلكم قالى سلميلى ع عمك ابراهيم
الله يسلمه وصحته بقت احسن
اهو شويه كده وشويه كده
انا سمعت انه عملوا علاج للفيروس الكبدى ده
اه فعلا عملوا بس مش للحاله بتاعه بابا لانه اتاخر اوى
ربنا يشفيه ويعافيه ليكو يا بنتى
تسلم يارب يا عمو
ما تاكل يا هانى ياابنى ايه مش عجبك اكل ياسمينا ولا ايه
فيفى : يأكل اكتر من كده ايه بس يا عمو لا كفايه كده عليه لاحسن ينام منى ف الطريق واحنا راجعين
راجعين فين باتوا معانا انهارده يا فيفى
مش هينفع يا ياسو ما قلتش ليهم وكمان ممكن بابا تجيلوا الغيبوبه ف اى وقت وماما مش هتعرف تتصرف لوحدها
كنت لسه عاوزه احكى معاكى
وانا كمان بس يلا بقى مره تانيه
ان شاء الله
الدور بقى هيكون عليكى المره الجايه جيبى عم ابراهيم وتعالو شرفونا ... ماشى يا عم ابراهيم
ان شاء الله يابنتى ... ما تنسيش تسلمى ع ابوكى وامك كتير معلش هستأذنكم علشان صلاه المغرب وجبت
اتفضل يا عمو وادعلنا الله يخليك
ان شاء الله يا بنتى شرفتم ونورتم
قوليلى صح يا فيفى مفيش جديد
تتذوق قطعه حلوى : حلو اوى البسبوسه دى ... جديد ف ايه
تنغزها : فيفى مش عليا هه
هههههههه ماشى اه فيه ياختى بعد كام يوم كده هيجى هو وامه عشان يتقدمو
هييييييييييييييييييييييه ايوه بقى فرحينا
بت اترزعى اقعدى محدش يعرف الكلام ده لسه هس بقى
والله فرحانه كتير عشانك يا فيفى
طب اسكتى بقى ووطى صوتك
يجلس امام وكيل النيابه مره اخرى لكن هذه المره تختلف عن السابقه ... فنرى ابتسامه كبيره على شفاه وكيل النيابه
خير يا فندم حضرتك طلبتنى
خير طبعا يا دكتور يوسف اظاهر كده الوالد والوالده بيدعولك دايما
الله يرحمهم ويرحمنا برحمته الواسعه ... خير
خير اكيد ... سليم الرفاعى رجل الاعمال الشهير اللى كان متهمك بالاعتداء على زوجته ياسمينا ابراهيم
اه ماله فيه جديد
جتلنا اخباريه من هناك بان سليم الرفاعى وجدوه فى شقته ميت
ايــــه مات !!
وبنفس التوقيق ... يرتجل من سياره اجره امام مطار القاهره مسعد ... واتجه نحو المطار ومعه حقيبته وقبل ما يدخل الى المطار القى نظره تودعيه الى القاهره ... الى مصر كلها
بيباى يا الفت ههههه ابقى سلميلى عليكى بقى
ها يا بابا كنت عاوزنى ف ايه
اقعدى طيب الاول
وادى قاعده .. خير حاسه كده من امبارح انك عاوز تقول حاجه وحاجه ضروريه كمان اوى
بصراحه انا كنت هاجل الكلام ف الموضوع ده دلوقتى لما نشوف الاول هيحصل ايه فى قضيتك اللى هترفعيها على سليم ده بس قلت اديكى فكره عنه يعنى عشان لو هتفكرى وتاخدى وقتك
موضوع ايه يا بابا قلقتنى وهفكر ف ايه
محمود ابن خالتك
تطلق زافره قويه : مالو محمود ده كمان عاوز ايه
عاوز يتجوزك يا ياسمينا
الحلقه الثالثه والعشرون من هنا
بدل ماتدور وتبحث علي الروايات خليها علي تليفونك وحمل تطبيقنا
