-->

روايه الجريمه الفصل الرابع عشر

روايه الجريمه الفصل الرابع عشر


     الفصل الرابع عشر.      من (الجريمه)


    دلفت رنا وياسمين الى المطعم ......

    رنا : اى رأيك بقى فى المطعم

    ياسمين : والله هو المنظر العام  بيوحى ان هو كويس بس بردو مش مرتحالك

    رنا : يابنتى ثقى فيا

    ياسمين وهى تضحك : مبخفش الا من الثقه دى 

    .....توجهو الى احدى الطاولات وطلبو طعامهم واثناء انتظارهم سمعت رنا صوت 

    رنا : الصوت دا انا سمعتو قبل كدا

    ياسمين بسخريه : بتنجمى حضرتك

    رنا : هشششش خلينى اركز

    ياسمين : تركزى فى اى يامجنونه 

    رنا وهى تنهض من مقعدها : مش معقول على الصدف اتفرجى بقى ياستى 

    ياسمين : رايحه فين يامجنونه

    .....لم تعطيها رنا اجابه ولكنها توجهت الى حسام ووضعت يديها على عينيه .....انا مين 

    حسام : مفيش غير الهبله رنا 

    رنا بتزمر : انا هبله يا حس طيب يرضيك كدا ياعمر 

    عمر بضحك : لا ميرضنيش ..عيب كدا يا حسام مينفعش تقول لاختك هبله وهى عبيطه

    رنا بغضب : عمرررررر 

    عمر وهو يتصنع الخوف : خلاص ياباشا

    رنا : ايوه كدا ....ثم وقفت فجاه ...اوبا نسيت ياسمين.......

    حسام : ياسمين مين

    رنا : اركن انت دلوقتى ...وتركتهم وتوجهت الى ياسمين لتجلبها للتعرف عليهم 

    عمر : اركن ..انت متاكد ان اختك دكتوره

    حسام : بدأت اشك فى الموضوع 

    ...اتت اليهم رنا مع ياسمين وقد سمعتهم

    رنا بغضب : سمعتكو على فكره 

    حسام : برئ يابيه 

    عمر : مش هتعرفينا 

    رنا : اه ً....بصى ياستى دا حسام اخويا ودا عمر المتطفل اللجأ عندنا ليل نهار .......قاطعها عمر قائلا 

    عمر : وبالنسبه انى خطيبك وكاتب كتابى عليكى دا بتسميه اى 

    رنا : ما دا تبع التطفل 

    عمر بغضب : رنااااا

    رنا بمرح : بهزر معاك مبتهزرش يا رمضان

    عمر : لا بهزر ياختى ...مين الاخت

    رنا وهى تلتفت الى ياسمين التى تحاول كتم ضحكاتها عليهم : اضحكى ياختى اضحكى ..دى ياسمين عصام زميلتى الى كانت بتدرس معايا فى لندن 

    حسام : انتى بقى ياسمين الى رنا مصدعانا بيها 

    ياسمين : ايوه انا الصداع 

    عمر : لا بس اى دا البت موزه يا رنا 

    رنا وهى تمسك السكين : بتقول حاجه ياعمر 

    عمر بخوف مصطنع : لا انا بقول اتفضلو اقعدو عشان ناكل

    حسام : جبت وراء

    عمر بخفوت : ربنا على الظالم 

    رنا : شكلك عايز تخرج من الدنيا ياعمر

    عمر : هو انا عارف ادخلها عشان اخرج منها

    رنا : انا ممكن اساعدك

    عمر : اى ادخل دنيا

    رنا : لا تخرج ياخفيف

    ياسمين لحسام الذى ياكل ولا يبالى : هما كدا على طول

    حسام : ايوه و عشان كدا انا بسيبهم هما هيخلصو لوحدهم

    ياسمين : بس شكلهم بيحبو بعض

    حسام : دول من ساعه اما عرفو بعض وهما كدا لحد اما كتبو كتابهم وبردو هما كدا

    ياسمين : ربنا يكون فى عونك

    حسام بحركه مسرحيه: يارب

    ضحكت ياسمين فالتفت اليهم عمر ورنا 

    رنا : بتضحكو على اى 

    حسام : عليكو

    عمر : جيبالنا الكلام من الى يسوى والى ميسواش

    حسام : عمررر

    عمر : انا زهقت منك انت واختك هو انا هتجوزها امتى صحيح

    حسام : هى عندك اهى اسالها واتفقو على ميعاد بس يبقى بعد الشغل الى عندنا 

    عمر : لا والله الشغل الى مش عارفين هيخلص امتى حسام : امال تتجوز وادهم يقطع عليك الاجازه

    عمر : تصدق معاك حق 

    رنا : خلاص لما تخلص شغل نبقى نتفق

    عمر : تمام

    اكملو طعامهم وسط ضحكات ومشاغبات عمر ورنا التى لم تنتهى 

    ___________________________________

    فى منزل فارس .....

    فارس : ها ياميرا البيت عجبك

    ميرا : تحفه يافارس مكنتش اعرف ان زوقك عالى كدا

    فارس بغرور مصطنع : طبعا يابنتى هو انا اى حد

    ميرا وهى تضربه على كتفه : بلاش الغرور دا دا انا حفظاك

    فارس : طيب اطلعى شوفى اوضه نامى فيها خدى الاوضه الى تعجبك ومتجيش جنب اوضتى

    ميرا : والله يافارس انا هدخل الاوض كلها حتى اوضتك والى يعجبنى هتبقى بتاعتى حتى لو كانت اوضتك

    فارس : نعم ..ياختى

    ميرا : اظهر يابيئه

    فارس وهى يجرى خلفها : انابيئه طيب تعالى بقى 

    اخذو يركضون خلف بعضهم الى ان تعبو وجلسو على الاريكه يضحكون فقال فارس 

    فارس : فاكره ايام زمان

    ميرا : اه لما كنا بنعمل نفس الموضوع ساعه اما عيلتى وعيلتك نقلو  فى بيت واحد وقالولنا اختارو اوضه 

    فارس : وحتى لما انتى بتختارى بتيجى تنامى جنبى 

    ميرا : اعملك اى يعنى 

    فارس وهو مقلدا اياها : فارس ابعد شويه عايزه انام عشان بخاف

    ميرا : كدا ..طيب امشى بقى شوفلنا حاجه تتاكل 

    فارس : على ما اعتقد بيتى فاضى من الاكل

    ميرا :ومالك فخور كدا ليه وانت بتقولها امال لو عندك اكل كنت عملت اى 

    فارس : كنت كلتو طبعا 

    ميرا : طيب اتصرف انا جعانه وعايزه اغير هدومى 

    فارس : انتى عندك حول امال الهدوم الى لففتينى ساعات عشان اجيبها ودفعتينى المرتب كله دا اى اطلعى البسى منهم

    ميرا : طيب هلبس منهم وهاكل منهم بردو

    فارس : قومى ياميرا عقبال ما تغيرى هدومك اكون كلمت اى مطعم يجبلنا اكل 

    ميرا : طيب ......

    ............صعدت ميرا بينما اتصل فارس ب المطعم ليجلب الطعام له ول ميرا مرت نصف ساعه واتى الطعام ولم تنزل ميرا 

    صعد فارس لكى يراها لماذا تاخرت وعندما صعد وجدها تنام فى غرفته ابتسم وتركها تنعم بالنوم ونزل الى الاسفل 

    ___________________________________

    ...عند ادهم .........

    ادهم فى الهاتف : متقلقش عليا انا كويس .....حاضر يا عمى ....حاضر هفضى وقت واجى لحضرتك....

    .تمام ياعمى ...مع السلامه..

         اغلق ادهم الهاتف ونظر وراءه وجد عمر يدلف له ادهم : فى اى ياعمر 

    عمر : فى مصيبه يا ادهم

    ادهم : مصيبه اى دى ما تكلم يا عمر 

    عمر : اللواء سعيد

    ادهم : مالو 

    عمر : هو الى بيساعد منير لتسهيل الشحنات المشبوه تدخل البلد 

    ادهم بصدمه : نعم !!!!

    عمر : دا الى عرفتو

    ادهم : عرفتو منين ...دى تبقى مصيبه

    عمر : لا مش دى المصيبه لوحده

    ادهم : هو فى مصايب تانى 

    عمر : مطلوب قتلك انت وميرا

    ادهم : ههههههههههه واى الجديد

    عمر : التنفيذ الليله

    ادهم : معنى كدا ان حياه ميرا فى خطر

    عمر : وحياتك انت كمان 

    ادهم : مش مهم المهم ميرا ...بس انت عرفت منين

    عمر : منى 

    ادهم : سكرتيره عصام

    عمر : اه انت ناسى انها تبعى 

    ادهم : خليها تاخد بالها كويس ولو حست انها هتتكشف تبعد 

    عمر : طيب هتعمل اى 

    ادهم : هبلغ اللواء محمد بالى وصلتلو دا وانت تتصل على فارس تعرفو كل حاجه وتخليه ياخد بالو من ميرا وممنوع انها تنزل الشارع لاى سبب من الاسباب

    عمر : تمام 

    ادهم : هو فين حسام 

    .....دلف حسام الى الداخل 

    حسام : انا هنا اهو

    ادهم : روح انت ياعمر شوف هتعمل اى ....تعالى ياحسام

    حسام : نعم 

    ادهم : عملت اى 

    حسام : التحريات على البنات طلعت ان فى بنات محترمه وملتزمه وفى بنات غير محترمه 

    ادهم : معنى كدا ان المجرم مش قاصد نوع معين من البنات

    حسام : بالظبط

    ادهم : وعملت اى فى الموضوع التانى 

    حسام : دا ملف فى الصفقات المشبوه الى قام بيها عصام السيوفى فى المرحله الاخيره والى كان بيساعدو فيها ابنو منير عشان ميتكشفش وكمان .....سكت فجاه

    ادهم : سكت ليه...كمل

    حسام : اللواء سعيد

    ادهم : اللواء سعيد متورط مع منير 

    حسام : بالظبط

    ادهم : عمر لسه واصل لكدا ...بس فى شخص بيحركهم 

    حسام : انا قولت ممكن يكون اللواء سعيد

    ادهم : لا مش اللواء الى بيحركهم حد تانى خالص 

    حسام : هو مين

    ادهم : معرفش ..بس هوصلو اكيد ........خليك وراء اللواء سعيد وعمر وراء منير ومنى عنيها على عصام التلاته دول هما الى هيوصلونا الى بيحركهم 

    حسام : فى حاجه كمان

    ادهم : متقولش موضوع قتلى 

    حسام : انت فعلا مطلوب قتلك بس دا كلو من وراء الباشا الكبير 

    ادهم : مش فاهم 

    حسام : الى وصلى ان الباشا الكبير مانع قتلك بس عصام ومنير وسعيد هما الى عايزين يصفوك من غير معرفه الرجل الكبير

    ادهم : وانت عرفت منين

    حسام : من منير وسعيد وعصام انا براقب مكالمتهم كلها وعصام عايز يعمل حادثه الموت حادثه عاديه زى حادثه موت اهل ميرا

    ادهم : دا اللعب كدا هيبقى على المكشف

    حسام : هما لسه ميعرفوش اننا كشفناهم

    ادهم : ومش لازم يعرفو ..ثم نهض

    حسام : رايح فين 

    ادهم : هروح للواء محمد لازم يبقى عندو خبر بالى بيحصل 

    حسام : تمام 

    ادهم : تابع وبلغنى بالجديد اول باول

    حسام : طيب بس انا هروح لفارس

    ادهم : عمر هيروحلو

    حسام : لازم كلنا نبقى معاه فارس متهور

    ادهم : تمام روحو وانا هحصلكو

    حسام : تمام

    _______________________________

    دلف ادهم الى مكتب اللواء محمد 

    اللواء : فى اخبار

    ادهم : اكيد يافندم

    اللواء : قول

    شرع ادهم فى قص ما توصل اليه من حقائق واخبره ايضا عن منير وسعيد وانتظر رده فعل ولكن لم يجد 

    ادهم : اى رأيك يافندم

    اللواء بابتسامه : احنا عارفين ان سعيد ليه شغل مشبوه مع عصام ومنير

    ادهم : طيب وساكتين عليهم ليه

    اللواء : عشان عايزهم متلبسين يوم اما امسكهم ميعرفوش يخرجو منها.....بس انت بتدور فى القواضى دى ليه 

    ...قدم ادهم ملف الجرائم التى تحدث وملف الصفقات المشبوه وميعاد تسليمها

    اللواء : انت تقصد

    ادهم : ايوه يافندم ..الجرائم بتحصل فى وقت تسليم الصفقات انا بقترح انها تكون ستار من خلاله يشغلو الرأى العام ويبعدو عيون الدخليه عنهم وفى نفس الوقت والدنيا مقلوبه عشان جريمه القتل الى بالطريقه البشعه دى يكون تم تسليم الصفقه وشحنها لوجهتها

    اللواء : ازاى مفكرناش فى كدا

    ادهم : يافندم انا من ساعه ما انا اشتغلت فى القضيه وانا عارف ان فى حلقه مفقوده 

    اللواء : خطوتك الجايه اى 

    ادهم :وقت ما اجهز ليها هبلغ حضرتك بس انا عايز اذن من حضرتك انى اراقب تليفون سعيد وعصام ومنير من غير مايعرفو

    اللواء : حولنا قبلك ومعرفناش لانهم اكتشفو دا 

    ادهم بابتسامه : انا عايز اذن حضرتك بس وسيب الباقى عليا

    اللواء : طيب يا ادهم اما نشوف اعمل الى انت عايزو بس عايز ابقى على اطلاع بالجديد اول ب اول 

    ادهم : تمام يافندم

    اللواء : ميرا.

    ادهم : مالها 

    اللواء : حمايتها مسئوليتك

    ادهم : متقلقش يافندم هعمل الى اقدر عليه

    اللواء : تمام اتفضل

    ادهم : بعد اذنك يافندم 

    ______________________________

    فى شركه الشناوى .......

    عماد : سهى .

    سهى : تحت امرك يافندم

    عماد : الناس وصلو 

    سهى : على وصول يافندم

    عماد : طيب حضرى نفسك هتحضرى الاجتماع دا 

    سهى : تحت امرك يافندم

    عماد : على مكتبك 

    ...............بعد فتره ....

    يدلف الى شركه الشناوى ينظر حوله بكبرياء وغرور واضح .

    سهى : عماد بيه الناس وصلو

    عماد : دخليهم اوضه الاجتماعات وانا هاجيلك

    سهى : تحت امرك يافندم 

    ....عدل عماد من مظهره ثم اتجهه الى غرفه الاجتماعات 

    عماد : السلام عليكم

    الرجل ومن معه : عليكم السلام عماد بيه

    عماد : نورت شركه الشناوى ياعصام بيه ......


    #يتبع

    الفصل الخامس عشر من هنا

    إرسال تعليق