#البارت الثالث
_اى إلى جابك هنا
حسيت بصوتها ورايا إلى هو يختاى يختاى يختاى معقول تفكر انى حرامى؟ طب اى اخبطها بإزازة ولا اعمل اى من غير مفكر خبيت المذكرة في جيبي ولفيت
_اى دا هى دى مش شقتى؟
=لا والله.. انت اى إلى جابك هنا
_اهو دى آخرة القهوة تهيقات وهلاوس وساعات حالات إغماء بس متخافيش متخافيش شقتك في امان مع عمر كل شئ تحت السيطرة
سيبتها وطلعت أجرى زى الأهبل ودخلت الشقه وقفلت عليا الباب.. معقول شكت انى ممكن اخدت حاجة ربنا يستر يرب دا انا غلبان ومكسور الجناح ووحدانى
غيرت هدومى وانا بغيرها وقعت المذكرة
_اى دا انا اخدها؟ خلصانة لو حد شافنى هيقول عليا مبرشم ضارب استروكس حاجة في الرينج دا
فتحت المذكرة وبدأت اقرأ
(كله بيقول عليا انى مش طبيعيه، يمكن يكون عندهم حق بس انا مش عاوزة ابقي كده نفسي كلهم يبصولى انى انسانة عاديه، بخاف من كل حاجة من الاذى من المرض والأصعب من دا كله الحب)
دا كان مكتوب في الصفحة الأولى.. بتخاف من الحب!! متعرفنيش ولا اى اكيد لو عرفتنى هتحب الحب دا انا واد حبيب
(روحت النهارده عن دكتور نفسي على أمل اني اخف، كل دا حصل بسبب خطيبي هو الى خلانى اخاف من كل حاجة، يرتنى معرفته ولا شفته ولا ولا حبيته)
الله اكبر مين القادر إلى عمل دا.. ربنا يكون في عونها ويشفيها يرب.. بتحبه يعنى بتحبه ومبقتش بتحبه ولا لسه بتحبه ثوانى يجماعة نفهم
(الشقه إلى قدامى سكنت، سكن فيها شاب وسيم ودمه خفيف، مكنتش بتكلم معاه خالص مع انه شكله طيب ويريح إلى قدامه بس مش عاوزة اتعامل مع حد مش عاوزة اتوجع تانى)
وربي مهوجعك دا انا حتى طيب يعنى.. طيب وبحبك
(النهارده طلعت من البلكونة وكان هو فيها كان ماسك روايه اسمها(جمال النهايات) دى الروايه إلى كنت شوفت الدعايه بتاعتها بس ملقتش ولا نسخة منها بعد كده، بيحب القهوة جدا والهزار)
قعدت اقرأ في المذكرة لغايه ماسمعت صوت البلكونة بتاعتها بتتفتح عملت فنجانين قهوة وطلعت مع الروايه
_انا اسف على إلى حصل النهارده
=مفيش حاجة حصل خير
_طب ممكن تشربي القهوة دى معايا
=...
_متخافيش قهوة حلوة والله انا مش هأذيكى
خدت منى القهوة بعد نظرات تفكير كتير كنت مستنى تشرب منها.. شربت منها وابتسمت
_جميلة اوى
بصوت واطى=أنتى أجمل
_بتقول اى؟.
=انا الى عاملها
_شكرا جدا.. بعد اذنك
=استنى.. ممكن تاخدى الروايه دى منى
_ها.. لا متشكرة
=ارجوكى معلش روايه هتعجبك جدا.. دى هديه عشان احنا جيران
ابتسمت وخدتها منى ودخلت
انا لسه مقرأتش النهايه مش عارف لقيت نفسي بعطهالها ينهار ابيض دا انا كاتب اسمها في الصفحة 105 يلا مش مشكلة اكيد مش هتخلصها النهاردة
دخلت ونمت
صحيت الصبح وروحت الموقع وانا جاي لقيتها قدام باب شقتها
_لو سمحت شكرا
=اى دا معقول خلصتى قرايه؟
_اه.. قصه جميلة
=اعتبريها هديه
_بس انتى مقرأتش النهايه
=وانتى عرفتى منين
_كنت بتعلم كل حتة واقف عندها
=اه..
_اتفضل
خدت منها الروايه وابتسمت وفضلت بصصلها.. انت بتحب الفضايح اوى يواد يعمر ف اى يبنتى متتقل لا يفضح العاشق الا نظراته خلصانة
هى نزلت وانا مش عارف لى عقلي قالى امشي وراها القلب مش على طول هو المهزء يجماعة في العقل ما شاء الله عليه
نزلت ولقيتها دخلت عند الدكتور فضلت مستنى في الكافيه إلى قدام العيادة لغايه مخلصت الدنيا مطرت.. هى فتحت الشمسيه على طول
_ازيك يقمر صدفه غريبه شوف يا أخى سبحان الله
=اهلا
_مروحة؟
=ايوة
_وانا كمان مروح يااه مضطر امشي معاكى عشان اوصلك يلا اهو يبقي في ميزان حسناتى
ضحكت بس لسه ماسكة الشمسيه كانت لابسه جونتى وطاقيه اى يقمر نسيتى تجيبي اللحاف بالمرة
_قمر.. المطر حلو مش وحش مش هيأذيكى.. حتى لو بوظ هدومك اللحظات الحلوة إلى يتحسب بيها تحت المطر جميلة جميلة جدا
=...
_تعالى
وقفتها تحت شجرة ووقفت قدمها ورفعت ايدى وغمضت عينى واستقبلت كل قطرة بتنزل ب ابتسامة
_شوفتى تعالى بقي
=لاء
_متخافيش انا جمبك
وقفتها جمبي وسحبت منها والشمسيه وقلعتها الجوانتى
في الأول كانت متوترة بس بعد كده ابتسمت وغمضت عينها ورفعت ايدها..
_يلا نروح بقي
=لا استنى شويه
_ايوة منا عارف لما الستات بيحبوا حاجة.. ماشي يستي بس لو جالك برد انا مش مسؤول
فضلنا تحت المطر ومكنش فيه غيرنا.. وبعدها بشويه روحنا
_شكرا جدا يعمر انا مش عارفه اقولك اى
=أنتى عارفه أسمى طب والله كويس
ضحكت
_تصبحي على خير يقمر
=عمر هى المذكرة بتاعتى فين؟؟
يتبع
