#البارت الرابع والأخير
_عمر هى المذكرة فين؟
فضلت عاطيها ضهرى إلى هو خلاص اتكشفت طب اكذب واخش النار ولا اطلع حرامى واخش النار بردو
=احممم مذكرة اول مرة اسمع حاجة اسمها مذكرة يعنى اى مذكرة؟
ضحكت وبصت في الأرض وبعدين بصتلى وفضلت ساكتة
=ممكن تسبيها لسه مكملتهاش
_يعنى معاك اهى
=احممم مين اى ازاى
_انت بتاخدها لى
=لونها لون الموقع إلى ببنيه
_لا ياراجل
=بجد
_ممكن المذكرة عشان ادخل الشقه
=طب ممكن تقعدى هنا واجبها واشربك القهوة بتاعتى القمرين عشان في موضوع مهم جدا
دخلت وعملت القهوة وجبت المذكرة وقعدت على مصطبه وهى على مصطبه كانت انا تحت وهى فوق منا أطول بقي
_بصي يقمر.. انا عاوز اساعدك
=انا مطلبتش منك شفقه
_مش شفقه.. عاوزك تبقي كويسه وتضحكى ومتكونيش خايفه من حاجة
=انا ممكن اعمل كده لوحدى ومش عاوزة مساعدة من حد.. كنت فكراك بتتكلم معايا عشان.... بس طلعت شفقه بعد اذنك
قامت وقبل متدخل قولت
_قمر انا بحبك
اى دا مهى كلمه سهلة اهى امال مكنتيش بطلعها لى لحد يمكن هى بس إلى تستاهل يتقالها كده
=مش هينفع يعمر
_انتى عايشه تكبسي فيا يبنتى حد مسلطك عليا يعنى.. متخافيش هفضل جمبك
=محدش بيفضل جمب حد.. كله بيسيب.. هتسيب لما تزهق تمل تتعب مفيش حد بيفضل سواء حبيب اهل صاحب .. كلهم فترات كلهم عاوزينك وانت بتضحك الحتة السودا إلى جواك ليك لوحدك اول ميحسوا انك كئيب بيبعدوا محدش بيفضل ماسك ايدك عشان توصل وتفرح محدش بيكمل وبيحب بجد محدش جمب حد يعمر..
قالت الكلام دا وهى دموعها في عيونها وقبل ما دموعها تنزل دخلت شقتها.. مش عوزانى اشوف دموعها.. تعرفي يقمر انتى فاكرة نفسك مش طبيعيه مع ان كل إلى حواليكى هما إلى مرضي حقيقين.. انتى مفيش زيك يقمر
دخلت وانا حاسس بالذنب انى خليتها تعيط غيرت وقعدت في البلكونة كنت مستنيها تفتح بس مفتحتش ولا صوتها طلع اصلا.. لأول مرة احس ان القهوة مرة زى ما بيقولوا الناس لأول مرة اشوف حد احلى من قهوتى
نمت على أمل انى اشوفها الصبح زى كل يوم
صحيت ولبست وعلى وشي الابتسامه ووردة وطلعت وانا مقرر اعتذرلها.. فتحت الباب بس ملقتهاش!! فضلت مستنى لغايه مطلعت
_اى كنتى مستنيه الزبالة تتملى ولا اى
=..
_اه.. قمر انا اسف متزعليش منى
=عادى يعمر مش مشكلة
_ان شاء الله هتبقي احسن.. تعرفي يقمر انتى اكتر حد مختلف شوفته في حياتى.. الخوف إلى جواكى دا هما السبب فيه مش انتى.. انتى هتخفي وتسبتى للعالم كله انك تقدرى تعملى كل حاجة بنفسك
ابتسمت ابتسمت ابتسامة جميلة جدا اول مرة اشوفها فرحانة كده.. قدمتلها الوردة
_بعد اذنك عشان عشر دقايق كمان وهترفد واقعد في البيت زى المطلقه بعد اذنك
مشيت وانا مبسوط انى قدرت أحول دموعها لابتسامه وحزنها لأمل
خلصت الشغل وروحت للدكتور..
_اى ياباشا
=اتفضل يعم نورت
_ربنا يخليك
=عامل اى
_الحمد لله وانت اخبارك اى
=الحمد لله
_بقولك هى...
=قمر المريضه بتاعتى
_اححمم قمر مين
=هتصيع اهو زى ايام الكليه.. جتلى النهارده ولأول مرة تكون متحمسه للعلاج بالشكل دا ولما سألتها مين السبب في دا قالت بسرعة عمر واتكسفت ومشيت
_وانت قومت رابط الأحداث وعرفت ان عمر دا انا
=بالظبط
_طول عمرك دحيح الدفعة فاكر سؤال الاختيارى إلى كنت هبوس ايدك وتقولهولى دا انت كنت صاحب رخم هو الصاحب ليه اى عند صاحبه
=الحب الإخلاص و...
_متكملش مدام وصلت للمرحلة دى متكلمش.. الصاحب لى عند صاحبه شاورما وغش وسهرة في مطعم ما علينا مواعيد علاجها اى
=الله منتا طلعت تعرفها اهو
_انتوا يعنى بتستنوا انى أقع بلسانى تمم.. مواعيدها اى بقي
=قبل الفطار وقبل العشا وأهم حاجة الحالة النفسيه عشان دى إلى هتتعالج بيها
_قول يرب سلام
مشيت وانا مبسوط انها خدت خطوة ايجابيه في علاجها روحت وكلت وطلعت البلكونة بعدها بشويه طلعت هى بفنجانين قهوة
_اتفضل
=هى قهوة تحترم وكل حاجة بس اكيد قهوتى احلى
_طب دوق
شربت شفطة
_ها اى رايك الاحلى بتاعتى ولا بتاعتك
=الاحلى من القهوة أنتى
_احممم.. شكرا يعمر
=ممكن تحكيلى حصل اى في آخر الروايه
_طب متقرأها
=هتبقي احلى منك
_اممم.. اسمع يستى البطل بعد ماسابت البطلة البطلة فضلت تعيط عيطت كتير اوى كان نفسها يفضل ميمشيش البطل رجع من السفر واكتشفت انه عمل كب دا عشان يجمع فلوس ويتجوزها قالها التفاصيل وهما قاعدين في مطعم.. قالها تتجوزينى دمعت وقالت بحبك ولبسها الخاتم وقالها وانا مش هسيبك ابدا..
ابتسمت وقالت:اهى روايات مفيش كده في الحقيقه
=احممم.. طب ادخلى اتعشي وخدى علاجك
_علاجى؟ انت انت عرفت منين
يبنتى امسك لسانك الله يحرقك اهى صراحتى دى إلى موديانى في داهيه
=اه حاسس ان هيغمى عليا.. بعد اذنك هدخل اهو يغمى عليا جوا مش قدامك
دخلت بخطوات سريعة وحمدت ربنا انها منددش
الصبح لقيتها واقفة ولأول مرة اتجنبها عشان متسألنيش نفس السؤال.. روحت الشغل كان روتينى كالعادة.. روحت محل ورجعت لقيتها واقفه مبدهاش بقي لازم اقولها انى فعلا بحبها
_قمر انتى عارفه انى وحدانى ومكسور الجناح ومش بعرف اطبخ ممكن تقبلى عوزمة الغدا عشان تفتح نفسي
=....
_متخافيش انا الى هدفع
ضحكت :اسفه يعمر مش هينفع
_عشان خاطرى ف حاجة ضرورى لازم تعرفيها
وبعد محاولات من الإلحاح الطويل العنيد وافقت تدخل تلبس عشان تيجى معايا
فضلت قاعد نص ساعة على السلم اهو انا بقي مش بحب حركات البنات دى هو اى انا بقعد خمس دقايق او اقل كمان
طلعت وهى لابسه دريس رقيق كانت جميلة اوى كانت فعلا قمر
_اى مش هننزل؟
=ها
_لغيت الغدا ولا اى
=لغيت اى اتفضلى
نزلت وروحنا المطعم
_قمر عاوزة اقولك على حاجه
=سمعاك
_الدكتور إلى بتتعالجى عنده صاحبي وانا عارف انك هتزعلى انى عارف بس انا اسف.. بس صدقينى مش شفقت والله
=انا عارفه
_عرفتى منين
=الدكتور قالى
_أين الصحوبيه انا لا أراها
ضحكت
_بحبك
قولتها وانا قاعد على رجلى وفاتح الخاتم إلى جايبه من المحل والمطعم كله بيتفرج
=...
-مش هتقولى زي الروايه
ضحكت تانى
_قمر انا قاعد على رجلى شويه ومش هحس بيها
=انا لسه مريضه يا عمر
_متخافيش هتبقي كويسه واحنا سوا اوعدك مش هسيبك
=..
_مش كل الناس زى بعضها او مش كل الناس قمر إلى قدامى ووافقي بق
النهايه
