رواية مدينة الفاحشة
الفصل السادس
الكاتبه / مي علي
انا بعتذر عن التأخير لأسباب خارجه عني والله
انشالله هقولهالكو بس فرصه تانيه
ركزوا ف الجزء ويارب يعجبكو
بعد ما نزلت قرية قوم لوط
ورجعت وانا مرعوب وطلبت من كمطم ميودنيش تاني
رجعت ف كلامي وكنت عاوز أكمل
وفعلا هو استجاب لطلبي
ونزلت البير للمره الثانيه عشان افتح عيني الاقي نفسي
ف مدينه كامله
جميله جدا أبراج عاليه
وبتطل ع البحر وفعلا بلد جميله جدا
استنتجت ممكن اكون فين من اللوح والعلامات اللي تشبه اللغه الصينيه
وقفت للحظات
بس ده كل بلاد الصين واليابان اتضربت
يبقي اكيد ده تسونامي
الله كان نفسي اوي اشوف الحكايه دي علي الحقيقه
فضلت اتجول ف المدينه وادور اشوفه منزلني ليه
فضلت اكتر من ربع ساعه ألف ومفيش اي حاجه
مش شايف حاجه
ف اتجهت ناحية البحر وفضلت واقف حبه
لحد ما العاصفه نقلتني
جوه بيت
وشخص قاعد كبير ف السن مش صغير
وسمعت اصوات ضحك لستات جاي من جوه
فضولي خلاني ادخل
عشان الاقي بنت ف مقتبل العشرينات ومعاها شاب ف وضع مخل
والاوضه اللي جمبها
واحده ست بس اكبر منها شويه وبردو معاها راجل
انا مش فاهم حاجه
كل اللي كنت مستغربلو
هو الراجل الرايق اللي قاعد بره
العاصفه نقلتني
لبيت تاني
المره دي كان راجل كبير ف السن علي بنت ف العشرينات
هو كلو كده
الناس دي مبتقرفش ولا تستحرم
ده غير الاكل الغريب اللي معلقينو ف السوق
جيفه
بياكلو جيفه
وفضلت اتنقل وسط البيوت
لحد ما انتقلت لصرح كبير
دخلت جوه
بس كان أبشع شئ ممكن أشوفه
دعارة أطفال
انتو متخيلين المنظر
كل حاجه جوه مباحه كل حاجه مباحه
وف لحظة مانا كنت واقف اتابع اللي بيحصل
اتنقلت بالعاصفه علي البحر
وبلمح بعيني الاقي سمك كتير اوي بيجري وبيفط وخارج من الميه ع الشط
لما شافوا كده
كتير منهم طلعو يجرو
علي الشط ويقهقهو ويضحكو
ومعتقدين أن ده خير
وانا عارف ان وراه بلوه وانتقام كبير
اتجمع عدد كبير منهم وعدد السمك بيزيد وهما بيلمو بالشباك اللي يقدرو
عليه
ومشغولين بضحكهم وجشعهم
وانا متابع البحر واي اللي ممكن يحصل
ولاحظت بعيني ارتفاع منسوب الميه
مهما حاولت اصرخ عشان احذرهم عارف ان مفيش فايده
لان ده ماضي وانا زي الهوا
وفجأة موجه عاليه والله طولها طول الجبل
جت من بعيد
كل صرخ اول ما شافها
دبت الرعب جوه قلبي
كلهم طلعوا يجرو
أطفال وحريم وشباب وكل اللي كان واقف ع الشط
جري
هتجرو فين ما خلاص
خلصصصصت
غمضت عيني لحظة ما الموجه هبت ع الشط
عشان مشوفش المنظر ده
وفتحت عيني بعد لحظات
انا واقف ثابت مكاني
وده لاني هوا مخفي مفيش حاجه تأثر فيا
لكن كل حاجه حواليا اتفتفتت
بيوت بقت بسوا الأرض
والميه بتعلي
البحر بيبلع الأرض
بيبلعها بلع
فضلت واقف ابص
حاولت اجري اشوف اي اللي حصل جوه
بس جوه فين
البلد كلها بقت متساويه البحر
كل حاجه اتهدمت
جت العاصفه نلقتني
وقفتني ف مكاني
وشوفت بعيني البحر وهو بيتسحب من تحت رجلي ولا كأن حصل حاجه
رجع كما كان
ولم كل الميه بتاعته معاه
يا الله
بعد ما اخد المدينه كلها ف أعماقه
وبقي كل حاجه سوي الأرض
دخلت اجري اشوف اي اللي حصلهم
جريو ولو في حد عايش منهم
مدينه بقت خراب ف لحظه
وابتديت ألمح جثث من بعيد
تحت الأنقاض وف الأرض وف كل حته
لكن من بعيد منظرهم غريب
قربت وانا ايدي علي قلبي
لأتفاجئ بأبشع منظر ف حياتي
الجثث متفحمه
الجثث اتشوت
كلهم سود لون طينة البحر
قعدت استجمع عشان افهم اي ده
يبقي هو ده السبب اللي خلي السمك يهرب ويفط ف الميه
طب بس ازاي الميه وصلت لدرجة الغليان والحرق
معرفتش أجمع حاجه
ولا واحد فيهم نجي ولا حاجه فضلت علي حالها
كلو بح
بقي خراب
البيوت اتفتفت اخشاب مبلوله ع الأرض
المدينه بقت كوم زباله
الا حاجه واحده بس اللي فضلت علي حالها
ولمحت من بعيد شخصين واقفين
الحاجه الوحيده اللي متأثرتش ولا بشوية ميه حتي
هو المسجد
كان في مسجد ف نص المدينه
الميه مهوبتش ناحيته
كل حاجه بقت سوا الأرض
فضلت واقف وانا لساني مش قادر يتحرك
ولا انطق
من اللي شوفته ده
وفجأة لقيت
أشخاص معدودين جدا
خارجين من المسجد
سجدو ف الأرض
وهما بيبكو
وبيرفعو أيدهم للسما وبيدعو
اللي اتحمو بمسجد ربنا
هما دول بس اللي نجو من كل اللي حصل ده
ولتاني مره دموعي تنزل غصب عني
واخاف فعلا من قلبي
وجت العاصفه اخدتني
وانا عارف ان خلاص هترجعني الزنزانه
وفعلا رجعت
واول ما فتحت عيني لقيته قاعد قصادي
وبصلي وقال ...
كيف كان الأمر
- بشع
- لماذا ألم يكن هذا ما يستحقونه
- وياتري انتو عملتو اي المره دي
- اقسم اننا لم تفعل شيئا انها نفوسهم
فهذه أكثر المدن فسادا علي الاطلاق
كل شئ فعلوه
تجارة للأعضاء والأطفال
ودعارة بشتي الطرق
وزنا المحارم وكل شئ
أتدري من الرجل الذي كان يجلس بالمنزل هادئ وبالغرفه يفعلون ما يفعلون
- لسه كنت هسألك ؟
- أن الشابه التي كانت بالداخل ابنته
والسيده الأخري زوجته
إنه رب البيت
- لا مش معقول
- لماذا لا تصدق
والاخر العجوز ومعه شابه
إنه والدها
أو جدها علي الأرجح
- اعوذ بالله من غضبه
- نعم نعم
وهولاء لم يرسل لهم رسل
بل كان منهم أناس يعبدون الله ولا يشركون به شئ ويأمرون بالمعروف وينهون عن المنكر
ومقابل ذلك قتلوهم وذبحوهم في الطرقات
إلا من رأيتهم انت من القلائل المسلمين
- المسجد المسجد مجرلوش حاجه
- نعم فأنها أيات الله ف الأرض تركها لكم عظه
فهل اتعظتم ؟! أو حتي تذكرتم
حزنت فعلا من كلامه وبصتله وقولت. ..
ازاي الميه سخنت كده
- لكل شئ السبب فالله مسبب الاسباب
هذه البلد هي إندونسيا
وأذا أشحت بعينك قليلا علي مسافه بعيده من البحر
ستري جبل
هو ف الحقيقة بركان خامد
ولكن أحياه الله ليلقي حممه الساخنه ف البحر وتغطي الجزيره
لتحرق وتدمر كل من فيها وتكون عبرة لمن لا يتعظ
- اشهد ان لا اله الا الله واشهد أن محمد رسول الله
- نعم نعم فلتذكر الله كثيرا فلا يوجد سوا القليل من الوقت
والان فلتنم مازال هناك وقت حتي شروق الشمس
- لا مش عاوز انام
عاوز أكمل
- ولكنك عدت للتو لن تتحمل يابن آدم
- هتحمل ارجوك انا عاوز اشوف كل حاجه ممكن توريهالي
- ولكن لم يبقي علي الشروق سوي ساعات
- لو حسيت بحاجه رجعني علي طول
- استعجالك سيطيح بك
- متخفش
ارجوك ارجوك لو سمحت
- حسنا
فهذه المره فكرت مليا إلي أين سأرسلك
ولكنني وجدتها
سأرسلك لأكثر البلاد فجرأ وفسوقا
فهذه هي علامة فسادكم ف الأرض
فهي تجمع من كل شئ
ونهايتهم كانت أيضا عظه لمن لا يعتبر
- فين ؟! اسمها اي البلد دي
- فلتأتي معي
وسأخبرك
وروحت معاه ونزلت البير
وقفل عليا وبعدين فتح وبصلي وقال ...
ستري ما يبهرك فأنت الآن في طريقك لأكثر إنجازات البشر فجرا
- طب بس قولي هروح فين
- نحن نسميها بلدة الانجازات
ولكن انتم تطلقون عليها لفظا أخر
- اي هو ؟!
- فقط أغمض عينيك فأنت الآن في طريقك
لمدينة الفاحشة ......
يتبع
الكاتبه / مي علي
بدل ماتدور وتبحث علي الروايات خليها علي تليفونك وحمل تطبيقنا
