(الفصل الثاني)
وصلت أم فيصل المركز
أم فيصل : السلام عليكم
أم سعود بكل ترحيب : هلا و غلا حيا الله من جانا تو ما نور مركز يأم فيصل
أم فيصل و هي حامله أكياس الأقمشه : الله يحيك يام سعود
#كانت ساره في الغرفه شيكت على شكلها و طلعت و تمشي بدلع و تتمايل بممشاها: السلام عليكم
أم فيصل و هي منعجبه في ساره : هلا و الله ماشاءالله تبارك الرحمن من هاذي
أم سعود : هاذي بنتي ساره
أم فيصل بأعجاب : ماشاءالله تبارك الله وش هالجمال ماقلتي لي يام سعود ان عندك بنت بالجمال هذا
ساره :عنك الأكياس ياخاله أنا راح احملهم عنك
أم فيصل : ماشاءالله
خذت ساره الأكياس (ماشفتي شي لكن هين انا ساره احمل الأكياس بعدين اطلعها من عيونك لما يكون فيصل لي و مجنون فيني ) »واثقه الأخت :تفضلي ياخاله وصلنا قسم الخياطه عن اذنك
أم فيصل : وين اجلسي جنبي بسولف معك شوي
ساره (شكلها رإح تضبط و اليوم بعد)
ساره بدلع : من عيوني ما طلبتي شي
أم فيصل : انتي كم عمرك
ساره : 18 سنه
أم فيصل : ماشاءالله العمر كله ماعندك اخت اكبر منك
ساره (اففف هالعجيز ليه تسأل ) : اممم ايوه عندي
أم فيصل : أكيد مثل حلاتك ... هي كم عمرها
ساره (شقول لها الحين مستحيل تاخذ أريام ) :هي في جامعه و ملكتها قريبه لأنها محجوزه لصديق أخوي
أم فيصل : الله يبارك لها و يتمم لها بخير
ساره : شنو تشربين يا خاله
أم فيصل : لا يا بنتي ما أبي شي
ساره : افا ياخاله ما يصير لازم تشربين شي
أم فيصل : خلاص أجل شاي
ساره : ثواني و يكون عندك
راحت ساره و هي تمشي بدلع
أم فيصل( و اخير لقيت لك مره يا وليدي لازم اكلمك بالموضوع بكره صباح)
في غرفه مريم
دقت مريم على ناهد
مريم بملل : هلا نهيد
ناهد بملل : هلا
مريم : إلا بسالك شنو عملت لك أمك !؟
ناهد : كالعاده صرخت و قالت هـ الأسبوع مافي طلعه من البيت و انتي !؟
مريم : و أنا بعد صرخت بس للحين ما خبرتني بالعقاب أتوقع كالعاده ما بتعطيني فلوس و لا بتخليني اطلع
ناهد : أخخخخخخ بس أوريها آمالوه العله
مريم : جات في بالي خطه اخليها تندم و أمي ترضا علي
ناهد بحماس : شنو
مريم:*******************
ناهد : ههههههههه أخ يا بطنيي مانتي بسهله
مريم : آفا عليك أعجبك أنا
في غرفه أريام
جالسه على المكتب و مطفيه أنوار الغرفه و كان بس موجود نور الأبجوره و فاتحه دفتر كتاباتها
# الكثير منا يبحث عن طريق السعاده الأبديه كتلك التي نقراها بالروايات و القصص و نراها أيضا في الأفلام كم نريد أن نكتب في نهايه دفتر الحياه وقد عاشو بسعاده و هناء و لكن حينما اتسال ماهي السعاده الحقيقه
فياليت التقي بشخص يعطيني مفهوم السعاده الحقيقه #
سكرت الدفتر و النور و نامت على طول من التعب
في صباح يوم الثاني
فيصل : صباح الخير يمه
أم فيصل : صباح الخير اجلس أبيك بموضوع قبل ما يجون اخوانك
فيصل : خير يمه
أم فيصل : كل الخير إنشاءالله أنا قررت أزوجك
فيصل و هو متفاجأ : كئيييف
أم فيصل : شفيك تفاجات
فيصل : بس يمه أنا مشغول ما أقدر ارتبط حاليا
أم فيصل : و اللهي مو شغلي أنا تعبت و أنا انتظرك و ما راح الاقي مثل هالبنت دلع و جمال و أخلاق
فيصل : من تكون
أم فيصل :ساره بنت أم سعود اللي عندها المركز
فيصل : أها و كم عمرها
أم فيصل : 18
فيصل : لا يمه صغيره
أم فيصل : ياولدي الصغيره تدلعك و رجال مايبي إلا دلع حتى لو تقول ما تبي إذا دلعت عليك ما بتقدر تتركها
فيصل : بس يمه ...
أم فيصل قاطعته : لابس و لا شي اليوم بدق و بخطبها لك
فيصل : الييييوم
أم فيصل : ايه خير البر عاجله و أنا انتظرت واجد
فيصل و هو يناظر ساعه : انا اتاخرت عن اذنك
أم فيصل : اذنك معك
نزلت مريم و بكل نشاط : صباح الخير
أم فيصل : غريبه جالسه بدري الجرس بقا له نص ساعه و يدق و انتي كل يوم ما تروحين الا لما تخلص الحصه الاولى
مريم :افا عليك يمه هذا قبل الحين أنا تغيرت
راشد : صباح الخير (شاف مريم ) لا مستحيل مريم جالسه أنا للحين أحلم
مريم : يربي رباه و بعدين يعني ..... ايه صح يمه ( طلعت من كيس باقه ورد ) هذا الورد بعطيه أبله آمال براضيها
أم فيصل : عفيه على بنتي السنعه
راشد : أنتي كيف سويتها
أم فيصل : لا تذكرها بالماضي هي تغيرت ... صح يمه
مريم تهز رأسها بنعم : أكيد
راشد : ايه ما ذكرها توها أمس كبت مويه على أبلتها أقص ايدي اذا تغيرت في رأسها شي انا متاكد
مريم : بثبت لك اني تغيرت و بروح الحين قبل لا يدق الجرس باي
راشد : انا بروح مع سلامه
أم فيصل : و أنا كل يوم افطر لحالي
راشد : و لا يهمك يالغاليه بكره الخميس بفطر معك لازم اروح الحين مع السلامه
أم فيصل : مع السلامه
في بيت أم سعود
ساره : بالكثير أسبوع و بدق أم فيصل تخطبني
أريام : انشاءالله
أم سعود : انتي أمس كنتي غير وش هالتواضع اللي نزل عليك
ساره : بس عشان تضبط الخطه
سلطان و عينه حمراء و سواد تحت عينه زاد : صباح الخير
أريام : سلطان حبيبي ليه وجهك تعبان
سلطان : لا مافيني شي
أم سعود : اذا تعبان روح نام لا تداوم اليوم
سلطان : ايوه تعبان بروح انام باي
أريام : ساره انتظرك لا تتأخرين
ساره : افففف طيب
راح سلطان غرفته ودق على جاسم
سلطان : جاسم ما راح أجي المدرسه اليوم
جاسم : ليه
سلطان : صار لي يومين ما نمت أبي ارتاح
جاسم : طيب بس لا تتأخر الليله لازم نفور
سلطان :طيب باي
جاسم : بأي
جلس تركي من نوم و شاف ساعه 7 وربع
تركي : يالله اتاخرت الله يعيني عليك يافيصل ... جنا جنا يالله قومي بتتاخري على الجامعه
جنا : لا ما راح اروح أبي انام
تركي : اوكي انا بقوم اسبح و اروح الشركه
جنا بصوت كله نوم : اوكي
في شركه فيصل دخل عليه تركي ساعه 7 و 35 دقيقه
فيصل : أتاخرت خمس دقائق و نص
تركي : ماشاءالله حاسبها لي بالنص و الربع بعد ... لما تعرس بجلس لك بالمرصاد لو ثانيه تتاخر ياويلك
فيصل و هو يعدل جلسته : و اللهي أنا المدير لو ما اجي عادي
تركي : لا يكثر بس
فيصل : امي بتخطب لي اليوم
تركي : جججد
فيصل : ايه تقول ملت و هي تنتظر
تركي بخبث :شكلك انت اللي مستعجل اعترف عادي ما فيها شي (غمز له )
فيصل : أقول قم روح مكتبك و خلني اخلص شغلي
تركي :هههههههه أتخيلك رومنسي و ربي ما يلوق هههههه
فيصل : اقولك قم
طلع تركي و هو يضحك على شكل فيصل
في مدرسه مريم
مريم : بنات جبت ورد لـ أبله آمال
شيماء : لا ما أصدق ورد مره وحده يا رقيقه يا حساسه يا عاطفيه
فجر : آفا اختربتي يا مريم
مريم بنظره خبث : نهيد طلعي اللي عندك
# طلعت ناهد اللي عندها #
شيماء شهقت : شنو هذاااا مبيد حشرات فليت
فجر : ههههههههههه احلا و ربي
مريم : هههههه يالله ناهد رشي على الورد
@ عبت ناهد الورد فليت و الكل سد خشمه @
شمياء : سؤال.... عقلكم هذا كيف يفكر جد مو صاحين فيكم شي أكيد
ناهد : مريم يلا سرينا
* راحت مريم و ناهد و معهم كيس فيه باقه *
مريم و ناهد : السلام عليكم
امال : خير شتبون جاين ما كفاكم اللي صار امس
ناهد (لا ما كفانا)
مريم (هين احنا نرويك ) : أبله احنا ندمانين و جاين نتاسف
ناهد : ايه ابله ندمانين كثير
مريم و هي تعطيها الكيس : اتفضلي أبله ان شاء الله تعجبك هديه بسيطه
خذت آمال الكيس و هي منصدمه : شكرا ما كان له داعي
ناهد : هذا اقل شي نقدر نقدمه لك
آمال و هي مبتسمه : شكرا حبايبي »مسكينه ما تدري
طلعت ناهد و مريم و هم ميتين ضحك
شيماء : حرام مسكينه
فجر : خلها تستاهل ما أحد قال لها تروح تشتكي
مريم : احنا كنا ناوين نعديها بس هي ليه تشتكي في الاداره
ناهد : يمكن تشتكي مره ثانيه
فجر : لا ما أظن ما تبي يجي لها أكثر
ناهد : هههههه صح صح
&سمعوا صوت كحه من الغرفه &
آمال بصوت عالي : حسبي الله عليكم من بنات متى يجي اليوم و نفتك منكم كح كح كح
البنات ركضوا على طول و راحو الفصل
في الظهر دقت جنا على أريام بعد ما صحت من نوم
أريام : هلا و الله
جنا : هلا فيك اخبارك !؟
أريام : يا نحسه تاركتيني يومين لحالي في الجامعه
جنا : هههههه احم عشان تعرفين قيمتي ... للحين في الجامعه
أريام : لا راجعه في طريق المس عفت عنا على آخر كلاس
جنا : تمام أجل تعالي لي اليوم
أريام : خلاص السهره عندك اجل
جنا : اوكي انتظرك الليله
أريام : باي
جنا : باي
أم سعود جالسه في الصاله و ساره معاها تتفرج على تلفزيون دق تلفون البيت
أم سعود : ألو
أم فيصل : هلا ام سعود انا ام فيصل
أم سعود : ياهلا و مرحبا
أم فيصل : هلا فيك حبيبتي اخبارك و أخبار العيال
أم سعود : الحمدالله كلهم بخير الله يسلمك
أم فيصل : انا عندي طلب و أتمنى ما ترديني
أم سعود : انتي طلباتك أوامر
أم فيصل : انا يشرفني اطلب يد ساره لولدي فيصل
أم سعود بفرح كبير : الشرف لنا يأم فيصل وقت اللي ناسبكم
# سمعت ساره هالجمله و نطت عند أمها و تحاول تسمع كلام أم فيصل من سماعه و أم سعود تباعدها #
ام سعود : بس يام فيصل أختها الكبيره
قاطعتها أم فيصل : ايه ادري قالت لي ساره كل شيء بس هالشي ما يمنع عادي لو ملكت قبل أختها احنا نبي نفرح بسرعه و أختها الكبيره تملك بعدها عن قريب إنشاءالله
أم سعود : طيب أنا أشاور البنت و أرد لك خبر عن قريب إنشاءالله
@ سكرت أم سعود الخط @
ساره : يمه شنو تبي أم فيصل
أم سعود : منتي بهينه جبتي رأسها داقه تطلب ايدك لفيصل
ساره صرخت من الفرحه: ماما انتي من جد تتكلمين فيصل و فلوسه و شركاته كلهم لي أنا
أم سعود : ساروه وجع وش هالكلام استحي
دخلت أريام على صوت ساره : خير وش صاير
ساره بسخريه ل أريام و بدلع : أم فيصل دقت و خطبتني
أريام : ألف ميروك حبيبتي
ساره بشك : أقص أيدي إذا من قلبك طالعه أكيد الحره ماكلتك و لا وين يجي لك واحد جمال و فلوس و مركز
أريام و هي تحاول تمسك أعصابها : جد بزر عن إذنكم
بعد ما راحت آريام
أم سعود : يا بنتي مو زين كذا
ساره جلست : أه يا يمه أخير بحقق اللي في راسي
في المغرب في شركه فيصل
فيصل : أخ يا راسي صار لي يومين ما شيشت
تركي : آفا و أنا وين رحت اليوم السهره عندي نشيش لصبح
فيصل : إيه و الله من زمان سهرنا
تركي : الساعه 8 و نص نروح البيت
فيصل : صار تم
في مكتب سعود رجعت فيه ذاكره لورا
سهى بضحكه خجل : و بعدين معك سعود خلاص
سعود : فديت هالضحكه عطيني حل وش يصبرني ليله العرس
سهى بخجل : حرام عليك خلاص خجلتني
سعود : مو أنا هالخجل هو اللي يخليني اتهور
سهى و هي منزله رأسها : مابقا إلا اسبوعين
سعود : اااااه الله يعيني ويمر هالاسبوعين بسرعه
# قرب منها يبي يبوسها على شفايفها بس هي خجلت و نزلت رأسها #
سعود : ههههه
# مرر صبعه على شفايفها و حط من روجتها على شفايفه و مر لسانه على شفايفه #
سعود : قالها بو نوره لنا الله هههههه
سهى بخجل : ههههه
فهد بصراخ : سسسسسسسعود
سعود : ها شنو
فهد : صار لي ساعه و انا أناديك .... يلا قوم في جوله في (....)
سعود : طيب ياخوك قمت خلاص
تجهزت أريام و لبست بنطلون أسود مع بلوزه تايقر هاينك عاري الأكمام و حددت عينها بالكحل الأسود و قلوس ناعم و لبست عباتها و نزلت تحت
ساره و هي لا بسه العبايه : وين إنشاءالله السايق باخذه أنا بروح السوق
أريام : طيب بخليه يوصلني لجنا و يرجع لك و خذيه على كيفك
ساره : مو منك من الحره اللي فيك أني باخذ فيصل
أريام : لا و الله أساسا هذا فيصل مو مرتاحه له و تمام انك بتاخذيه تدرين ليه
ساره و هي متنرفزه من كلام أريام : ليه
أريام : لأن الله سبحانه و تعالى قال الطيبون لطيبات و الخبيثون للخبيثات . و فهمك كفايه عن إذنك بخلي السايق يوصلني و يرجع لك
ساره و هي معصبه من كلام أريام : طيب يا أريام أنا أرويك
وصلت أريام لبيت جنا
جنا : هاي روحي
أريام و هي تحضنها : يانحسه ليه تخليني لحالي كل من تركي
جنا : ههههه شسوي بعد لما تتزوجين ما راح أشوفك نهائي
أريام : بتخليني واقفه عند الباب يعني
جنا : هههههه سوري تفضلي
عند فيصل و تركي
تركي :يلا مشينا
فيصل : وين
تركي : صاير تنسا هاليومين كثير ليكون فيك زهايمر
فيصل :انت اللي فيك زهايمر خلنا نروح القهوه شيشه هناك احلا من اللي تعملها زوجتك
تركي : لا و الله زوجتي كل شي تعمله يجنن و عناد منروح بيتنا
فيصل : طيب طيب يا كلمه ردي مكانك مشينا خلاص
@@@@@@@@@@@@
جنا : انتي من جد تتكلمين
أريام : إيه و الله البنت جنت خلاص ما أدري كيف تفكر
جنا : و من هذا اللي بيكون مجنون فيها
أريام : يليت تقول بتأخذه لأنها تحبه أو تبي تأسس بيت و عيال إلا بس عشأن الفلوس الله يستر وش اللي براسها بعد
جنا : شنو اسمه
أريام : اممم فيصل ***********
جنا بصدمه : أكيد تمزحين هذا صديق تركي إلا مثل أخوه يعني مثلي و مثلك و يشتغل معه في الشركه
أريام : كيف...... الدنيا صغيره من جد
جنا : انا ما راح أسكت لازم أقول لتركي
أريام : لا ما أبي اخرب فرحت ساره هي بزر بعدين بتحبه و تشيل الخطط هاذي هو توها 18 سنه صغيره
جنا : لا ساره مو صغيره انتي من عمر 12 سنه بعد وفاه ابوك و انشغال امك انتي اللي مسكتي مسوليه إخوانك و البيت
أريام : ما نسيت يا جنا بس لا تقولي لتركي إنشاءالله بعدين تشيل هاذي خطط من بالها
جنا : طيب
تركي وراء باب ينادي على جنا
تركي : جنا جنا
جنا : ايوه يا تركي أريام هنا لا تدخل
تركي : انا و فيصل بالمجلس جهزي الشيشه و شاي
جنا : طيب ثواني .... أرياموه يلا قومي ساعديني
أريام : بعد ها أنا ضيفه
# سحبتها من أيدها #
أريام : ههههه خلاص بقوم
تركي و هو يغمز لفيصل: أخت الحرمه مستقبليه هنا
فيصل : ها
تركي :اختها صديقه حرمتي
فيصل : أها
تركي :اختها ماشاءالله عليها محترمه و محتشمه إنشاءالله اختها مثلها
فيصل : انشاالله
أريام : انا بعمل الشيشه أنتي فاشله فيها
جنا : طيب أنا بعمل شاي و بجهز المكسرات
أريام : طيب
جنا : غني لنا أي شي صوتك يجنن أرياموه
أريام : من عيوني شنو تبين
جنا : امممم ياهواي و يا جنوني
اريام : من عيوني
و غنتها أريام و هم يجهزون و بعد ما خلصوا نادت جنا على تركي و أخذ الأغراض
فيصل و هو يدخن : امممممم أول مره اشوف أحد ضابط الشيشه أخيرا زوجتك عرفت
تركي : ما أتوقع يمكن صديقتها اللي عملتها
فيصل بأعجاب : اممممم
و سهرو جنا و أريام مع بعض و تركي و فيصل مع بعض
آريام : الوقت مشا بسرعه تاخرت لازم أرجع
جنا : حياك حبيبتي
أريام :السهره الجايه عندي
جنا : ان شاءالله
فيصل: أنا تعبت لازم أرجع الحين
تركي : بدري أجلس أكثر
فيصل : لا خلاص برجع اشوفك بعدين
تركي :طيب باي
طلعت أريام و هي تدور جوالها من شنطه و مو منتبهه و صدمت بصدر عريض
فيصل : ااااا
أريام و عينها في الأرض : أااااي أنا اسفه اخوي عن اذنك
فيصل بلغ ريقه : لا عادي أختي
أريام و عينها ما زالت في الأرض و لا شافته : عن اذنك
فيصل و عينه عليها : اذنك معك
بعد ما مشت أريام
فيصل : ماشاءالله عليها إنشاءالله ساره مثلها
في غرفه أريام فتحت دفترها و كتبت
تتجول بين شوارع المدينه البارده و رذاذ المطر المتاسقط يزيد من بروده جسدها الضعيف تبحث عن حضن حبيبها ليحتويها و قبلاته المصحوبه ب أنفاسه لتدفيها و خمر ريقه لتسكر بين ذارعيه و يروي ظمائها
ظلت تبحث عنه إلا أن غفت عينها في أحد من أزقه الطريق لتجده في أحلامها
عند سلطان اللي كل مفكره نائم و هو في شارع كبير و فاضي و شباب تنتظر بدء سباق
جاسم : سلطان انت جاهز
سلطان : أكيد اليوم نمت كثير و مصحصح اعتبر الفوز أكيد
جاسم و هو فرحان : انشاءالله
و مر أسبوع و الكل يجهز لحفله ساره و فيصل و أم سعود انشغلت أكثر بالتجهيزات و تتفاخر بين الناس أن راح تناسب أم فيصل و أريام خايفه شنو ناويه عليه ساره أكثر من اللي قالته
جنا و هي في غرفتها تحط لها مكياج جا تركي و حضنها من وراء و ترك لها بوسه خفيفه في كتفها : أنتي اليوم تجنين لا تتأخرين أبيك الليله بموضوع مهم
جنا و هي مالها مزاج : طيب
تركي : جنا شفيك
جنا : انا ما أحب ساره ما ارتاح لها أنا بروح عشان أريام و أم فيصل ساره بنت مغروره و قليله احترام و ( بتردد ) ووو هي بتاخذ فيصل عشان فلوسه و الله يستر شنو ناويه عليه
تركي بعصبيه : أنتي شتقولين و ليه ساكته ليه ما تكلمتي من بدايه.... فيصل فرحان و ملكته بعد ساعه و حضرتك توك تتكلمين
جنا :أريام ما رضت أقول لك عشان لا تقول لفيصل
تركي و هو معصب : يا سلام عليك و عليها براااافو
و طلع و هو معصب و لا يدري يقول لفيصل أو لا
جنا : ياربي ليه قلت له ..... بس ما أطيقها ما أطيقها افففف
