(الفصل الرابع)
"دخلت اريام البيت "
اريام:السلام عليكم
ام سعود:هلا حبيبتي
اريام:غريبه يمه انتي مو في المركز
ام سعود:بعد شوي بروح دبي حجزت لي اليوم
اريام:اها ..طيب انا بروح ارتاح
@ركبت اريام غرفتها و دقت عليها جنا@
جنا:هااااي وحشتيني
اريام:يا كذابه توني قبل ساعه وجهي بوجهك
جنا:هههههه ما علينا المهم شنو عندك الليله
اريام:ولاشي
جنا:اجل تعالي عندي
اريام:اخر سهره كانت عندك ....هالمره عندي
جنا:مو كيفك و بتجين عندي انتظرك الساعه 8 يلا باي
"سكرت الخط"
اريام:ياربي على هالبنت مجنونه
ّ!@#$%^&*)()*&^%$#@!@#$%^&*)(_(*&^
"في مكتب سعود"
سعود و هو يكلم تلفون:هلا طال عمرك....اي مستشفى .....حاضر ثواني و نكون هناك ..مع السلامه
فهد:لا تقول لي حادث و منروح المستشفى
سعود يهز راسه بحزن:اكره موقف عندي في الدنيا اروح المستشفى عشان حادث
فهد:يلا خلنا نروح
"في سياره الشرطه فهد اللي كان يسوق و سعود رجعت فيه ذاكره لوراء"
"في المستشفى طلع الطبيب من غرفه الطورائ"
الطبيب:انا لله و انا اليه راجعون ....عظم الله اجوركم
ام سهى صرخت صرخه قويه :بنننننننننتي (و اغما عليها )
ابو سهى ما قدر يوقف و جلس على الكرسي من صدمه و دموعه ما قدر يوقفها
سعود بعد الطبيب من كتفه و دخل الغرفه مسك ايد سهى اللي كلها دم
سعود و دموعه طيح على ايدها :حبيبتي يلا قومي عرسنا بعد اسبوع ....انتي قلتي ان الفستان جهز ما تبين تلبسينه ....ادري انك تمزحين دائما تسوين فيني مقالب تخليني اخاف عليك و بعدين تضحكين .....يلا قومي اضحكي قولي لي صحتين بدلع مثل كل مره ...سهىىى بيتك ينتظرك كنا نحلم نسكن فيه انتي اللي اثثتيه و الحين بتروحين
"الممرضه قطع قلبها سعود من كلامه و تحاول تطلعه من الغرفه"
سعود بين دموعه:انتظري الحين بتقوم لا تاخذوها انا اعرفها هي دائما تمزح معي
#طلعته الممرضه من الغرفه و طاح على ركبته و ظل ينادي سهى لا تروحين و دموعه تنزل@#
فهد:تصدق ياخوي ميت جوع انخلص من الشغله هاذي و ناخذ لنا سندويشات و لا تبي بروستد
سعود:ها شنو قلت
فهد:سلامتك ارجع اسرح مثل كل مره
سعود:لا قول جد ما سمعت
فهد: شنو تبي تاكل جوعان ما مدانا ناكل شي على الغدا
سعود:خلنا نخلص موضوع الحادث هذا و بعدين يصير خير
ّ!@#$%^&*)(_+_()*&^%$#@!ّ!@#$%^&*)(_+
"وصلوا المستشفى و راحو لطبيب "
فهد:شنو صار انشاءالله هم بخير
الطبيب:لـ الاسف كلهم ماتو ما عدا البنت
سعود:انا لله و ان اليه راجعون..كم شخص كان في السياره؟
الطبيب :هم كانو اربعه ..الام و الاب و الاخ الصغير و البنت الكبيره .....في هذا الملف طلعنا معلومات عنهم اساميهم و اعمارهم
سعود:عطني الملف؟
فهد:و كيف حالة البنت؟!
الطبيب:حالتها مستقره بس للحين ما صحت و احانا خايفين ننقل لها الخبر و تنصدم و تدخل في غيبوبه
سعود:طيب ما احد جا من اقاربهم
الطبيب:لا للحين حاولنا نبحث عن اقاربهم بس مالقينا عنهم شي
فهد:احنا ندبر الموضوع هذا ...سعود عطني الملف عشان بتصل و ناخذ باقي المعلومات لازم احد من عيلتهم يعرف
"عطا سعود الملف لفهد"
سعود يكلم طبيب:مانبي نطول اول ما تصحا البنت لازم نكلمها و ناخذ منها كيف صار الحادث
الطبيب:حاضر طال عمرك بس هي يمكن ما تصحا الا بكره
سعود:طيب اجل بكره الصباح عندكم
ّ!@#$%^&*)(_+()*&^%$#@!ّ!@#$%^&*)(_+
"الساعه 7 و نص المغرب في شركه فيصل"
"تركي و فيصل جالسين في غرفه الاجتماعات يناقشون بعض الملفات"
تركي و هو يسكر الملف:ياربي اخيرا خلصنا
فيصل:الا صح بقولك ابي مهندس ديكور شاطر عشان مكتبي في الشركه الجديده
تركي:اااممم خلاص بشوف لك ....ليه تروح بعيد ..عندك اخت زوجتك تدرس هندسه ديكور قول لها تصمم لك المكتب
فيصل:انت قلتها تدرس يعني يمكن للحين ما تعرف
تركي:و انت وش ناقصك اسالها اذا تقدر او لا ....
فيصل:بشوف
تركي:شرايك تجي معاي البيت نشاهد المباراه مع بعض
فيصل:انا افضل نروح القهوه او اي كوفي
تركي:لا انا ما ابي اروح قهوه او كوفي خلنا نروح عندي في البيت
فيصل:طيب يلا سرينا
¬ @#$%^&*)(_+_()*&^%$#@#$%^&*)(_+_()*&^%$#@$%^&*
"وصلت اريام لجنا "
اريام:هاي نروح المجلس او الصاله
جنا:لا المجلس بيجي الحين تركي و فيصل اول شي نجهز لهم شيشه
اريام:يا سلام و انا كل مره اجي لازم اسوي شيشه كفايه سعود كل يوم ثاني يبيني اسوي له
جنا:هذيك المره عجبتهم حيل يلا بلا دلع امشي معي المطبخ
اريام:افففف الله يصبرني
"وصل تركي و فيصل المجلس و راح لجنا و اخذ منها الشيشه و شاي و المكسرات"
تركي و هو يعطي فيصل الشيشه:حظك اريام هنا هي اللي عملت الشيشه
فيصل بفرح :جد ...تصدق طعمها للحين اتذكره من كثر ما كانت ضابطتها
تركي:بالعافيه
ّ!@#$%^&*)(_+_()*&^%$#@!ّّ!@#$%^&*)(_()*&^%$##$%^& *)(
اريام :هههههه من جد قلتي كذا لما همستي لها
جنا:ايه قهرتني اختك ما ادري طالعه على من ...بس فشلتها و سكتها ...الغلط على ام فيصل مو من اول ما شافتها خطبتها مو على الشكل الواحد يحكم
اريام .:معك حق
جنا:عاد انتي ما تمسكين دموعك من جد استغرب اقل شي تبكين
اريام:ههههه شسوي ما اتحمل دائما ابكي
ّ!@#$%^&*)(_+()*&^%$#@!ّ!@#$%^&*)(_+_()*&^%$#@!
"دقت ساره على فيصل"
فيصل:الو
ساره:هلا بيبي اخبارك
فيصل:بخير دامك بخير
ساره:ممكن اطلب منك طلب
فيصل:انتي تامررين امر
ساره:اممم بروح السوق و ناقصني فلوس
فيصل:خلاص رسلي لي رقم حسابك و انا بتصل الحين و بقول لهم يرسلون لك فلوس
ساره بفرح:حياتي انت ...اوكي يا قلبي الحين ارسله لك باي
فيصل:مع السلامه
"بعد ما سكر فيصل التلفون"
تركي:اخبار العروس معاك
فيصل:للحين يعني بخير ما ابي احكم عليها بشي ننتظر و نشوف
تركي(يارب يكون كلام جنا خطا و تتهنا معاها):اها
!@#$%^&*)(_+_()*&^%$#@!ّ!@#$%^&*)(_+_()*&^%$#@#$%^ &*)(_+_()*&^%
"عند سلطان في سباق السيارت"
سلطان و هو نازل من السياره و عليه ابتسامه النصر:فزنا يا جسوم
جاسم بفرح:و الله و سويتها ...يلا كل واحد يدفع الرهن
"جمعوا من الحضور الفلوس الا واحد ما رضا يدفع"
..: انت غشاش و انا ما راح ادفع و اللي بيدك اعمله
!سلطان سمع هالكلام و عصب و راح اتهاوش مع الولد اللي مارضا يدفع و صارت هوشه كبيره و نزف سلطان راسه و ثيابه تشققت و صار له رضوض خفيفه في الوجه !
ّ!@#$%^&*)(_()*&^%$#@!@#$%^&
"عند اريام "
اريام و هي تناظر الساعه:اوووو اتاخرت كثير مر الوقت بسرعه
جنا:لا تاخرتي و لا شي توها الساعه 11
"دقت اريام على السايق "
اريام:غريبه جواله مغلق ...الظاهر خلص شحن بطاريه اكيد هو برا انا بروح
جنا:اففف منك عنيده...طيب
اريام :باي
جنا:باي
"مجلس بيت تركي يطل على الحديقه و كله زجاج انتبه فيصل ان اريام طلعت"
فيصل:انا بقوم
تركي :وين تو الناس ياخوي
فيصل:بروح انام تعبان شوي
تركي: طيب براحتك
"عند اريام واقفه برا عن باب البيت تدق على السايق كله جواله مغلق انرسل لها مسج من ساره"
@انا اخذت السايق عندي و انا في الخبر الحين عملت شوبينغ و الحين انا انتعشا مع صديقاتي جوال سايق و مفتاح سياره معاي عشان لا يحاول يروح لك لان انا ابيه يوصلني @
اريام :لا هاذي جنت اكيد
"فيصل كان وراها يسمعها بس هي ما انتبهت و دقت على ساره"
اريام بنبره امر:سار الحين تروحين تعطين السايق مفتاح السياره و الجوال و تخلينه يجي لي و انتي قولي ل احد من صديقاتك يرجعك معه .....ساره انا واقفه برا في الشارع افهميني...ارجع مشي (بصوت عالي)ساره لا تجننيني ...طيب حسابي معك بعدين (قفلت الخط)
يربي شسوي الحين من يرجعني البيت
فيصل:تبيني اوصلك
اريام شهقت من الخوف:يمممممه قلبي
فيصل:ههههههه شفيك لدرجه هاذي اخوف انا
اريام:لا العفو بس خفت من الصوت
فيصل:طيب تبيني اوصلك
اريام:لا شكرا
فيصل:اقول بلا ثقل زايد من اللي بوصلك بهالليل بتنتظرين ساعتين على ما تجي ساره و فشله ترجعين داخل تلاقين تركي و زوجته مع بعض
اريام:امري لله بروح معك
"ركبت السياره اريام و راحت وراء "
فيصل:حسستيني اني سايق
اريام:اذا مو عاجبك انزل
فيصل:لالالالا شفيك امزح معك ...الى اين تريدين ان تذهبي سيدتي
اريام:الى بيتنا لو سمحت ايها السائق المحترم
اريام و فيصل:ههههههههههههههه
فيصل:على امرك
!@#$%^&*)(_()*&^%@#$%^&*)(_+_()*&^%$#@#$%^&*)
"لما وصل فيصل اريام للبيت في نفس اللحظه نزل سلطان من سياره جاسم و هو جبهته تنزف دم و اريام راحت له على طول و هي خايفه "
اريام:سلطان حبيبي شفيك شنو صار
نزل فيصل من السياره و راح لهم
فيصل:سلطان شنو صار ...يلا امشوا لازم نروح المستشفى
"اريام من الخوف سحبت سلطان اللي ما تكلم و لا كلمه و ركبوا السياره و راحوا المستشفى "
!@#$%^&*)(_+()*&^%$#@!#$%^&*(_)*&^
"في المستشفى صحت امل و راسها نلف عليه شاش و رجلها مكسوره غير الرضوض اللي في جسمها "
امل:انا وين...(مر عليها الحادث و صارت تبكي)ماما ..بابا ..امجد وينهم شنو صار فيهم ....(بصراخ اكبر)انتتووووو ويييين تعالوا لي شنو صار فيهم ياناااااس احد يجيني
"دخلت الممرضه و الطبيب بسرعه و امل تصارخ و تصيح و تحاول تقوم و ممرضا تمسكها"
الطبيب:عطيها ابره مهدأ بسرعه
الممرضه:اوكي
"عطتها الممرضه و بغضون 10 دقايق نامت امل"
@#$%^&*)(+_()*&^%$#@!!@#$%^&*)
"اما عند اريام و فيصل"
دخل سلطان غرفه الطوارئ عشان يخيطون له الجرح و معه فيصل و اريام كانت تبكي برا
فيصل يكلم سلطان:انا بشوف اريام
"طلع فيصل من الغرفه و شاف اريام تبكي حن قلبه كثير لها حس ان دموعها صادقه"
فيصل بكل حنيه:ليه الدموع سلطان ما فيه شي
اريام و هي تبكي:خفت عليه اهئ اهئ خفت حيل ما اتحمل يصير لهم اي شي اهئ اهئ انا اللي كنت اهتم فيهم و ادرسهم كنت صغيره لما تحملت مسؤليتهم
اما فيصل ذكرته اريام بمسؤليته لما مات ابوه :عارف انا بعد مسكت مسؤليه امي و اخواني بعد وفاه ابوي و عارف اللي تحسين فيه انا بعد ما اسمح ل اي احد يمس شعره من راسهم ..هدي خلاص ...و شوي و منرجع البيت
اريام:دق علي السايق و خليته يجي المستشفى و هو برا ينتظرنا ....شكرا فيصل على كل شي
فيصل:ماله داعي تشكريني هذا واجبي
"رجعت اريام البيت و راحت غرفتها بعد ما طمنت على سلطان و فتحت دفترها كعادتها "
@تعرفني باني سريعه البكاء اذا لماذا تتركني و انت لا تقبل بنزول دمعه مني ...فقد نزلت مني عشرات الدمعات في غيابك و حرقت لي خدي الذي تعود على لمسات يدك الدافئه فاين انت حبيبي لتمسحهم بكفيك و تحضنني باحضانك...فلقد اشتقت اليك @
ّ!@#$%^&*)(_+_()*&^%$#@!@#$%^&*)(_()*&^%$#@!@#$%^& *)(_+()*&^%
"في صباح يوم الثاني صحا سعود و راح على طول المستشفى عشان الحادث اللي صار"
سعود واقف عند باب الغرفه:انتو قلتو لها ان اهلها ماتو
طبيب:لا و الله طال عمرك اول ما جلست امس كانت تصارخ و تصيح عطيناها ابره مهدئه عشان تهدا شوي
سعود:وضعها كيف الحين
طبيب:بخير و هادئه ....كل شوي تسال عن اهلها
سعود:انا راح اخبرها بالموضوع
فهد:طيب سعود بدخل معك
سعود:اوكي
"دخل سعود و من رفع راسه و شافها فتح عينه بقوه من الصدمه و صار يرجع بشويش على وراء و نفسه يزيد"
فهد:سعود شفيك....سعود
فهد بهمس ما سمعه احد و مصدوم:سهى
"و طلع من الغرفه بسرعه "
فهد:سعوووود ...عن اذنك اختي(و ركض وراء سعود)
!@#$%^&*)(_+_()*&^%$#@!@#$%^&*)(_+()*&^%$#@!#$%^&* )(_+_()*&^%$3
"جلست ساره الصباح و قبل ما تنزل رن تلفونها برقم غريب"
ساره:الو
...:هلا اريام وحشتيني
ساره فتحت عينها بقوه من صدمه و قلبها حسته بيوقف من الخوف من سمعت صوت هالشخص
ّ!@#$%^&*)(_+()*&^%$3
كذا انتهى البارت
تتوقعون
ليه سعود ترك الغرفه بسرعه من شاف امل
و من هالشخص اللي دق على ساره و ليه قال لها اريام
و هل ممكن هالشي يضر اريام او لا
