Ads by Google X
رواية العروس المتأجرة الفصل الخامس -->

رواية العروس المتأجرة الفصل الخامس

رواية العروس المتأجرة الفصل الخامس


     الفصل الخامس


    جاسم : بصي يا ستي هتروحي لاهلي تقنعيهم اننا مخطوبين بجد لانهم كل شويه يدورولي علي عروسه وانتي عارفه اللي اتعرضتله وكدا ومش مصدقين اننا مخطوبين لاني فأجئتهم وكدا
    نارين : هي خطوبه متتصدقش صراحه
    جاسم : المهم قلت ايه
    نارين بتفكر : اضمن الشغلانه الاول لاني مش عايزة اخسر كل حاجه كفايه الشغلانه اللي لسه خاسراها بعدم مرواحي بسببك
    قام جاسم جاب الاوراق من العربيه
    جاسم : امضي
    نارين : ايه دا
    جاسم: عقد انك انتي اللي ماسكه اداره ال company بتاعتي , اسبوع هتظبتي كل حاجه في الشركه وبعدها هعزمك عندنا في البيت اهم حاجه تمثلي اد ايه احنا بنحب بعض عيشي الدور يعني فاهمه
    نارين : اه بس متأفورش
    جاسم : لا خالص متقلقيش
    نارين : ok
    جاسم حاسس بشعور ناحيتها بس بيبعد عشان ميحصلش معاه نفس اللي حصل قبل كدا
    روحت البيت وحكتلهم علي الشغل الجديد
    ماما : ربي يرزقك دايما يا بنتي ويوقفلك ولاد الحلال ويحبب فيكي خلقه يا قادر يا كريم
    نارين : يا رب يا ماما يارب
    تاليا : انا مبسوطه اوي يا نونو ربي يوفقك
    نارين: يا قلبي عقبال ماشوفك حاجه كبيره وتخلصي كليه الاثار علي خير ونجوزوكي في متحف هههههه
    الكل ههههههه
    ماما : بالمناسبه صحيح جم النهارده حددو معاد فرح اختك بعد شهر باذن الله
    نارين : really, congratulations يا قلبي يعني مش هنلحق نعملك الفرح في متحف ههههه
    تاليا : يا بارده هههههه
    ماما : عقبالك يا حببتي









    نارين : حببتي يا ماما ربنا يخليكي ويكملك يا نونو علي خير
    تاليا: الله يخليكي يا قلبي
    عدا اسبوع علي شغلي الجديد
    كان كل شويه طبعا ينطلي في الشغل يلف شويه يتفرج شويه ويضحك عليا وانا بدبلج شويه ههههههه
    جاسم : هاي بالمتأجره
    نارين بتأفف : متقلش الكلمه ديه بضايق منها
    جاسم :ههههه يوم مش هتنسيه
    نارين : كان يوم شؤم
    جاسم : هههههه, المهم النهارده هتكملي اليوم الشؤم
    نارين: ليه
    جاسم :معزومه النهارده
    نارين : اه صحيح , ربي صبرني
    جاسم : يلا يا حلوة
    نارين : من ساعه مقلها اياس وهي لزقه في بقك معرفش ليه.
    جاسم وهو بيحط ايده علي زوره :خنقاني
    نارين : ما انا حاسه بكدا, بس غريبه خنقاق المفروض مش بتقلها ,انت غريب جدا
    جاسم بتريقه : طب يلا ياحلوة ,ههههههههه
    نارين : والله مجنون
    وصلنا كانت فيلا كبيره اوي وكان عليها حراسه كتير
    نارين : انا حاسه اني شفت الفيلا ديه قبل كدا او االشارع مش فاكره
    جاسم : اه يوم مجرينا سوا
    نارين : اه صحيح , دا قريب من شارعنا فعلا.
    دخلنا الفيلا ووانا داخله كسرت قله بتاعه الجنايني
    جاسم وهو فطسان علي روحه من الضحك : انا اعرف اللي بيكسر قله بيكسرها وهو ماشي مش اول ميدخل
    نارين :والله ماشفتها , وبعدين يا رتني كنت كسرتها علي دماغك عشان اخلص منك
    جاسم : اهون عليكي (بمحن)
    نارين وهي بتهوي بايدها علي وشها : لا احنا لسه مدخلناش جوا عشان تبدأ محن بالله عليك
    جاسم بقي يضحك من تحت لتحت عليها
    ام جاسم : اهلا اهلا بعروستنا
    نارين : اهلا يا طن....(جاسم بيبصلها جامد)...يا ماما
    ام جاسم : اهلا يا حببتي نورتينا
    جاسم : هاا طبخلنا ايه بقي يا ست الكل انا جعان موووت وشامم ريحه حلوة
    ام جاسم :الحمام اللي انت بتحبه
    جاسم : اللللله تسلملي هالايادي
    ام جاسم : تسلملي يا حبيبي , ان شاء الله يعجبك الاكل يا حببتي
    نارين : اكيد يا ماما مش من ايدك
    ام جاسم : تسلميلي يا حببتي , بس شكلك بكاشه زي ابني
    جاسم : الطيور علي اشكالها تقع بقي
    ام جاسم : ماجمع الا ما وفق ههههههه والطيبون للطيبات .
    مع داخله نريمان واياس
    جاسم : والخبيثون للخبيثات
    بصولو بزهول
    ام جاسم : يا ولااا, اهلا اهلا اتفضلو ازيك يا نريمان
    نريمان : ازيك يا خالتو اومال اونكل فين
    ام جاسم :فوق في مكتبه , بس حماتكو بتحبكو لسه كنت هغرف ابقو انزلو سوا بقي عشان نتغدي سوا
    نريمان: thanks يا خالتو
    اياس :هاي يا جاسم
    جاسم : هاي
    اياس : ايه دا انت عازم خطبتك النهارده ولا ايه
    جاسم : اه
    اياس : هاي بالحلوة
    جاسم : بخير واسمها نارين
    نريمان : يلا يا ايسو
    ومشيوا
    نارين : ادخل اساعد مامتك عادي ولا عندكو غلط ولاايه
    جاسم : لا عادي خشي طبعا
    ودخلو الاتنين وشالو مع الام وجه وقت الاكل والام نادت علي الكل
    الاب : معلشي جالي شغل ضروري , معلشي بقي يا بنتي تتعوض مره جايه ان شاء الله
    نارين : ولا يمهك يا اونكل










    الاب : بعد اذنكو
    الام : طب يلا يا نريمان , يلا يا اياس , يلا يا ولاد اقعدو
    جاسم وهم بياكلو لنارين : يلا ياقلبي افتحي بقك دي احلي حته بحبها في الحمامه
    الام : فعلا دي احلي حته بيحبها في الحمامه
    جاسم : كلي حته الاراوشه ديه كمان يا اراوشه قلبي
    ونارين مكسوفه علي اخرها ومش قادرة حتي تضحك كمان وعماله تخبطو من تحت الترابيزة وهو بيكمل عادي وفي دماغه يغيظ نريمان واياس ويبين لامه انو بيحبها وهو فعلا حاسس كدا من ناحيتها بس بيقاوم
    جاسم : اخر حته بقي عشان خاطر حبيبو
    نارين محرجه وهي بتبصلهم وبتضحك كدا : روحي , روحي
    الاتنين اتغاظو وقامو
    نريمان : تسلم ايدك يا خالتو , انا مروحه بقي
    اياس : هنيالك يا جاسم
    جاسم : حبيبي
    ومشيو
    الام : انا شبعت الحمدلله
    نارين : خد بقي الحمامه بتاعتي عشان انت اكلتني حمامتك كلها
    وقامو يشيلو الاكل
    جاسم : انا لسه باكل علي فكره
    نارين : هنسبلك طبقك متخفش
    االام : كل يا حبيبي واما تخلص اكون خلصت بقيت المواعين
    الام في المطبخ مع نارين
    الام : بقلك ايه يا حببتي بس مش تزعلي مني انتو امتي خدتو علي بعض وحبيتو بعض مش عشان حاجه بس هو فاجئنا بخطوبته وشفناكي مصدومه ومش بتنطقي هو ايه اللي حصل
    نارين : اصلو ....اصلو كنا كنا قبلها الصبح خبط العربيه ....ونزل ....وشفنا بعض وبعدهاااااا...
    جاسم وهو بيقرب نارين منه وبيبصلها بمحن : ومن بعدها مش قادر انزل عيني من عليها وقلت هي ديه شريكه حياتي وبعدين لما شفتها في الخطوبه مقدرتش مخطبهاش واخليها ليا انا مش كدا ياقلبي
    نارين وهي مصدومه : هاااا, اه ههههه روحي روحي
    الام : ربنا يخليكو لبعض يا حبيبي عقبال مفرح بيكو
    جاسم : امين يا ماما
    قعدنا نتمشي شويه في الجنينه بتاعه الفيلا ونتكلم لحد ما الوقت ضلم كدا
    نارين : طب انا هروح بقي عشان اتاخرت
    جاسم : لسه بدري اوي
    نارين : لا يدوب عشان متاخرش
    جاسم : اصلي الصراحه كنت عملك مفاجئه كدا مش هاخرك
    نارين : really
    جاسم : really, تعالي
    وركبوا العربيه ووداها علي قاعه والقاعه كانت ضلمه ودخلها لحد موصل للباب وجت تكلمه ملقتهوش جنبها
    نارين : جاسم , جاااسم , جاااااسم
    الباب اتفتح لوحده وعمل صوت والنور اتفتح في اخر القاعه وجاسم كان قاعد علي كرسي وماسك جيتار fakeوغني اغنيه
    Hey baby when we are together doing thing that we love
    وهي كانت مبسوطه اوي وفضلت تسمعله لحد مخلصها وبعدين وقف قدامها
    نارين : تعرف ان الاغنيه ديه بحبها اوي
    جاسم : اه عارف شفتك منزلاها بوست علي الفيس بوك وكاتبه عليها amatory(العشق)
    نارين : يااا, انت متابعني بقي
    جاسم بضحكه خفيفه : شويه
    وطلعلها علبه علي شكل love وكان جواه انسيال
    نارين : واو silver (فضي )
    جاسم: لا white gold (دهب ابيض), ايدك
    مدت ايديها
    جاسم : ايه ديه , ديه وحمه
    نارين : لا ديه ندبه مش بططلع
    جاسم : شكلك كنتي مشاكسه وانتي صغيره
    نارين : شويه








    جاسم : عاجبك
    نارين: اه حلو اوي بس مقلتليش بمناسبه ايه
    جاسم تنح ومش عارف يقلها عشان حاسس بحبي ليكي
    جاسم : اااا....عادي حسيت اني عايز اعمل كدا فعملت
    نارين : really
    جاسم: really
    نارين: عمتا thanks ليك
    جاسم: any time
    وهم ماشين راحو علي الشاطيء وقعدو يتكلمو ولقو بتاع دره
    جاسم : الله الدره ريحتها حلو اوي مش كدا
    نارين:اه حلوة فعلا
    جاسم : بتحبي الدره
    نارين : too much (جدااااا)
    جاسم : خلاص اجيب بقي,,,,,,2 لو سمحت,,,,انتي واحد وانا واحد
    نارين كلت قطمه
    جاسم : الله طعمه حلو اوي , وريني كدا ادوق بتاعك (في دماغه ياكل مكانها )
    نارين : هم الاتنين طعمهم واحد علي فكره
    جاسم : يييي , شكلك بخيله ومش عايزاني ادوق
    نارين : لا الموضوع ملوش علاقه بالبخل , ثانيا علي الاقل مش طفسه وخدت الكوز الكبير
    جاسم : انتي بصالي في الكوز ,وبعدين والله مكان في دماغي
    نارين : اااا, دانا شفتك وانت بتنقيه
    جاسم : والله ابدا خلاص يا ستي خدي بتاعي وهاتي بتاعك هاتي يا ساتر واحده حقوده و بتبص علي ارزاق
    نارين بضحكه عاليه : ايواااا ايواا , thanks
    جاسم : any time يا حقوووده
    وقعدو يضحكوو




    الفصل السادس من هنا

    إرسال تعليق