الفصل الثاني
وروحت البيت وطبعا لقيت ماما واختي مستنيني اجي عشان يفهمو اللي حصل
ماما : ايه يا بنتي اللي حصل امبارح دا
نارين : مش عارفه يا ماما ايه اللي بيجرالي دا
ماما : طب وخطيبك عمل ايه اكيد اضايق من اللي حصل
نارين : خاطيبي , هو السبب في اللي انا فيه اصلا لما وافق.
وحكتلهم علي كل اللي حصل
ماما : يا لهوي علي حظك يا بنتي خطيبك أجرك لا حول ولا قوه الا بالله
نارين : مش عارفه بقي يا ماما
تاليا : طب انتي عامله ايه دلوقتي يا نونا
نارين : مش قادره استوعب اللي حصل , اه صحيح انا فسخت الخطوبه
ماما : ليه كدا يا بنتي بس
تاليا: احسن يا ماما هو محترمهاش اصلا ,النهارده عمل معاها كدا بكره هيعمل ايه الحمدلله انك عملتي كدا دا كلب فلوس يا بنتي , ان شاء الله ربي هيكرمك باللي احسن منه
نارين : انا تعبانه اوي وعايزه ادخل انام
ماما : طيب يا بنتي ربنا يحميكي ويوقفلك ولاد الحلال ويعوضك خير يا رب
تاليا : تمام
تاني يوم صحيت عشان اجري كالعاده بس كان جوايا خنقه شديده المرادي فقلت اغير اتجاه وجريت ووانا بجري لمحته من بعيد قلت يا دي النيله وكان جنبه واحده وواحد قلت اجري واعمل نفسي مش شايفاه
جاسم بيتكلم مع صحابه
نريمان : هاي جاسم
جاسم : هاي
إياس : جاااسم , فجئتنا امبارح بخطوبتك
جاسم : ايه رايك
اياس : لا حلوة
نريمان : whatever, اكيد مش زي مش كدا يا ايسو
اياس : اكيد يا روحي يلا congratulations(مبروك)يا جاسم
جاسم : حبيبي
اياس : ايه مش هتحضر الbirthdayبتاع رورو ولا ايه
لازم تنورنا عشان هعملها احتفال كبير جدا
نريمان بدلع : بجد يا اسو
اياس : بجد يا روحي , اه ومتنساش تجيب خطبتك معاك
جاسم :اكيد طبعا , (لمح نارين بتجري ولابسه لبس رياضي)
طيب استاذن انا بقي عشان خاطبتي جت عشان نجري سوا اصل دا وقت التمرينه بتاعتنا عن اذنكو
جاسم جري علي نارين وهي بتسرع عشان تهرب منه
جاسم : صباح الخير يا روحي
نارين :صباحك زفت
جاسم : حد يقول لخطيبه كدا علي الصبح
نارين : متقلش خاطيبي
جاسم : انتي تطولي
نارين : اه واكبر منك كمان
جاسم : اااه سوراج اللي أجرك ليا امبارح عارفه عارفه
نارين بغيظ : فسخت خطوبتي بيه وبيك انت كمان غور من وشي بقي
جاسم : عشان كدا لسه لابسه دبلتي في ايدك
نارين بتبص لقت الدبله في ايدها ولسه هتخلعها لقت فونها بيرن وبترد من earphone (سماعه الفون )
نارين : ألو ايوا يا تاليا
تاليا : الحقيني يا نارين
نارين بطلت جري وجاسم وقف هو كمان يسمعها
نارين بخضه : في ايه
تاليا بخوف : ماما مش بتصحي ومش عارفه اعمل ايه
نارين : انا جيالك حالا
جاسم : في ايه
نارين بتوتر : مااما , ماما
وجريت ع البيت وجاسم راح معاها
تاليا : الحقيني يا نارين
نارين : اهدي اهدي , ماما ..ماما ردي عليا ..ماما
نارين بتبص علي جاسم : جيب عربيتك وهننزلك
جاسم : نعم
نارين بزعيق : بسررررعه
جاسم : حاضر حاضر
نارين : يلا يا تاليا ساعديني
وصلو المستشفي
الدكتور : والدتك حالتلها صعبه اوي ومحتاجه عمليه تركيب شرايين وحالتها مستعجله
نارين :من ايه يا دكتور كانت كويسه
الدكتور : في حاجه حصلت ضايقتها
نارين : يا حبيبتي يا ماما , طب والعمليه تكلفتها كام يا دكتور بعد اذنك
الدكتور : الحساب عند الرسيبشن, بعد اذنكوا
نارين :خليكي هنا يا تاليا مع ماما هروح احاسب واجي
جاسم : لا خليكو هنا جنب والدتكوا وانا هروح احاسب
نارين : لا شكرا انا راحه
جاسم : اظن دا مش وقت للنقاش والخناق خليكي جنب مامتك( ومعاه ورقه للعمليه)
جاسم عند الرسيبشن
جاسم : كام لو سمحت تمن العمليه للمريضه نوال كرم (وبيديله الورقه)
الريسبشن : 30000
جاسم : في credit cardاو visa
الريسبشن : في الاتنين
جاسم : تمام اتفضل
نارين : كام
جاسم : مش قلتلك خليكي جنب مامتك
نارين: كام بقلك
جاسم : انتي مش طبيعيه
الدكتور : فين صحاب المريضه
نارين وتاليا : احنا
الدكتور : انت ابنها الكبير
جاسم : لا انا ...
نارين : فاعل خير , انا بنتها الكبيره
الدكتور لنارين : توقيعك لو سمحتي
جاسم لنفسه : انا فاعل خير طب كويس والله ههههههه.
بعد ساعات من العمليه ما خلصت
الممرضه : صحاب المريضه , تقدرو تخوشلها دلوقتي بقت بخير الحمدلله
نارين بتجري هي وتاليا وجاسم لاحقهم
نارين : حبيبتي يا ماما حمدالله علي السلامه
تاليا : ماما حبيبتي كنت هموت من الخضه عليكي الحمدلله انك قمتلنا بالسلامه
جاسم : حمدالله علي سلامتك
تاليا : تعرفي يا ماما مسبناش من ساعه مكلمت نارين تيجي عشان تلحقك وهو اللي جابك المستشفي وهو اللي دفع المصاريف عشان ميخلناش نبعد عنك بجد شكرا ليك
ماما : شكرا يا بني
جاسم : الشكر لله وحده يا جماعه انا معملتش حاجه المهم انك بخير وقمتلنا بالسلامه
نارين:ايه اللي مزعلك بس يا ماما الدكتور كان بيقول ان حالتك النفسيه وحشه
ماما : خايفه عليكي يا بنتي, واللي بيحصلك مش شويه انا اللي خليتك تتخطبي لبوز الاخص سوراج متزعليش مني يا بنتي
نارين : ايه اللي بتقوليه دا بس يا ماما دا نصيب ملكيش انتي يد فيه
جاسم : طب استاذنكم انا بقي لو احتجتو حاجه الكارت بتاعي اهو (اداه لنارين ) تقدري تكلمي اخويا إيوان كمان (بيكلم تاليا )
تاليا : اه هو كلمني من شويه وقلي انو جاي واتصدم لما قلتله
جاسم : وهيزعل لو عرف اني مخبرتوش
دخل ايوان في اللحظه ديه
ايوان : فعلا هزعل اصلي مش علي بال حد واخر من يعلم
جاسم : معلش والله كله كان مصدوم ومحدش كان مركز
ايوان : مش مهم المهم ماما قامت بالسلامه حمدلله علي السلامه يا ست الكل
مااما : الله يسلمك يابني
جاسم : طيب انا ماشي بقي خليك معاهم
ايوان : اكيد
نارين جريت تلحق جاسم
نارين : جاسم , thanks علي تعبك معانا
جاسم: ولا يهمك اصلي فاعل خير
نارين بضحكه خفيفه : حلو لايق عليك
جاسم : مش كدا , يلا خليكي مع مامتك
نارين : تمام
ايوان وصلنا البيت وتاني يوم جه جاسم وايوان واهلهم عشان ماما بعد مقعدنا كلنا سوا استاذنت من جاسم نتكلم
نارين : جاسم thanks ليك جدا انك مسبتناش وفضلت جنبنا بس مقلتليش العمليه تمنها كام
جاسم : لا عادي متحطيش في دماغك المهم ان ماما بخير دلوقتي
نارين : لا بجد معلشي ممكن تقول بكام
جاسم : خلاص بقي يلا عشان بينادولي
وكانو بيسلموا علشان ماشين وبعد ما مشيوا روحت المستشفي عشان اسال ع السعر وخدت معايا الفلوس علشان ارجعهمله بعد ماأعرف الحساب
في المستشفي
نارين : لو سمحت كان في حساب لعمليه هنا باسم نوال كرم
الريسبشن: نوال كرم ثانيه واحده ...ايوا يا فندم
نارين : كام بقي
الريسبشن : 30000
نارين في زهول : كام ....ت...تم ام تمام thanks
الريسبشن : any time
30000 اجبهم منين ياربي بس وفضلت ماشيه مش عارفه اعمل ايه ولا اروح فين اجبهم منين بس وبعدين افتكرت ال10000اللي معايا اللي خطبني بيهم قصدي اللي أجرني بيهم طب والباقي اجيبهم منين، حلها من عندك يارب وروحت اهدي علي اي كافيه جنب البحر شويه اركز دماغي هتتفرتك، طب مرتبي في الشهر 3000 يدوب للبيت انا وماما واختي و معاش بابا يدوب لمستلزمات البيت , يااارب
جاسم ماشي بيفتكر اللي حصله ازاي قدرت تخدعني وهي كانت اقرب حد ليه ازاي قدر هو كمان مع انو كان اعز صديق ليا وعينه دمعت علي حظه وفي خياله جت نارين ذنبها ايه اخطبها بالطريقه ديه دا كله عشان كبريائي وبعدين افتكر انو معزوم علي عيد ميلاد نريمان لا ومعاه خطبته وقعد يفكر هجيب نارين ازاي ويقلها ايه، وهو بيتمشي جنب البحر لقي كافيه بس كان زحمه فبيدور ع اي سييت لقي نارين قاعده لوحدها علي سييت فقال لنفسه يفتح معاها الموضوع بالمرا وبعدين قال لا لا والدتها لسه قايمه من العمليه لا لا بلاش طب والعيد ميلاد يا جاسم هيتقل منك خلاص هافاتحها واللي يحصل يحصل بقي
جاسم : هاي نارين
نارين : هاي
جاسم : بتفكري فيا صح
نارين ببصه غويطه
جاسم : بهزر عادي اضايقتي كدا ليه
نارين : فعلا بفكر فيك
جاسم : ايه
نارين : اسفه اتاخرت عليك ف حسابك معلشي بس هديك ال10000دول وبقيتهم هاخرهم شويه معلشي
جاسم : ممكن اطلب منك طلب من غير متضايقي , عارف الظروف اللي انتي فيها بس,اااا لازم تيجي معايا حفله عيد ميلاد بكرا علي اساس اننا مخطوبين
نارين: مش هقدر اجي معاك وبعدين انا مش خاطبتك اصلا
جاسم: بس قدام الناس مخطوبين
نارين : ماما اصلا تعبانه ومش هقدر اجي وبعدين مش فاضيه وعايزه مغبش عن شغلي عشان اقدر ارجعلك حسابك
جاسم : معنديش مشكله تقدري تيجي الحفله بكرا معايا ومش عايز منك بقيت الفلوس
نارين بصدمه : انت بتأجرني تاني؟؟
بدل ماتدور وتبحث علي الروايات خليها علي تليفونك وحمل تطبيقنا
