(الفصل الرابع)
إياد بدأ يتحرك بالعربيه
إياد : هتفضلي ساكته كتير
ميار : وحضرتك عايزني اقولك ايه المفروض اتكلم عادي معاك انت كنت هتعتدي عليا انت فاهم معنى الكلمه يعني انا مستقبلي كان واقف على دخول مامتك الاوضه
إياد : والله انا مكنتش هعمل حاجة زي دي والله انا كنت عايز اهددك بس
ميار : وهدومي المتقطعه تهديد بردو
إياد : اقسملك بإيه اني مكنتش هعمل حاجة زي ديه
ميار : خلاص
إياد وقف العربيه عند محل ملابس
ميار : انت وقفت ليه
إياد : هدومك متقطعه اوي مش هينفع تروحي كده
ميار: انت مالك اصلا محسسني انك مش انت الي مقاطعها
إياد : هتنزلي ولا انزلك انا زي ما دخلتك العربيه
ميار : خلاص نازله اهو
إياد : طيب ادخلي المحل عما أركن العربيه وبلاش شغل عيال وتطلعي تجري انا كده كده هروحك
ميار في سرها هو عرف ازاي
إياد : ميار سرحانه في ايه
ميار : ها لا انا تمام
إياد : ده انتي تايهه خالص
ميار نزلت من العربيه وهي داخله المحل
الشخص : ايه يا قمر ايه مين الي مقطعلك هدومك كده
ميار : وانت مالك
الشخص : ها وانا مالي طب بقولك ايه ما تيجي معايا هتفرحي اوي
ميار : اجي مع مين انت اهبل غور من وشي عشان مزعلكش
الشخص : القطه بتخربش
إياد من ورا الشخص: اه يا روح امك بتخربش ومسكه وقعد يضرب فيه جامد
إياد بزعيق : هتتدخلي ولا عجبتك الوقفه هنا
ميار : لا لا داخله خلاص
إياد : خدي البسي الفستان ده هيكون حلو عليكي
ميار : مش بلبس فساتين
إياد وهو بينفخ : طيب انجزي اي حاجة
ميار : حاضر حاضر
ميار : خلاص انا هاخد الطقم ده
إياد : طيب هاتيه أحاسب بعدين خشي البسي
ميار : تمام
إياد راح عند الكاشير وحاسب على الطقم وميار دخلت لبسته
كانت زي القمر كان بنطول بوي فرند اسود وعليه تي شرت نص كم ابيض ووكوتشي ابيض
إياد وميار ركبوا العربيه تاني
إياد : انتي مأكلتيش حاجة من امبارح
ميار : عادي مش بتفرق معايا
إياد : ازاي يعني وشك اصفر اوي
ميار : وهي هتفرق معاك في ايه
إياد : هو لسانك ده طبيعي
ميار : لا صناعي
إياد : دمك خفيف بشكل
ميار : وانت دمك سمج بشكل
إياد : طيب انزلي يلا عشان ناكل انا كمان جعان
ميار : انا مش نازله انا عايزه اروح
إياد : ميار انزلي يلا
ميار : هتعملي ايه مثلا
إياد : فكره انا دخلتك العربيه ازاي
ميار : اه يا حقير
إياد : بعيدا يعني عن الشتيمه هطلعك كده بردو
ميار : لا وعلى ايه انا نازله
إياد : ابتسم وقالها طيب يلا
ميار وإياد نزلو وراحو pizza hut
الجرسون : حضرتكوا قررتوا هتاخدوا ايه
إياد : ميار عايزه pizza بإيه
ميار : مبحبش ال بيتزا
الجرسون : في عندنا يا فندم حاجات تانيه كتير ممكن تعجبك
إياد : عايزين اتنين بيتزا فراخ واتنين ببسي واتنين مكرونه نجرسكوا
الجرسون : تمام اي حاجة تانيه
إياد : لا تمام كده شكرآ
بعد ما الجرسون مشي
إياد : هتفضلي ساكته كتير مش عايزه تعرفي اسمي حتى
ميار : لا مش عايزه اعرف ومش عايزه اشوفك تاني اصلا
إياد: انا اعتذرتلك كتير اوي على فكره
ميار : ملهوش لازمه الاعتذار
إياد : ارجوكي سامحيني مش هعرف اعيش وانا حاسس ان في ذنب كبير عليا ربنا بيسامح انتي مش هتسامحي
ميار : أذنب ده انت الي عملتوا وبعدين لسانك النجس ده مينفعش تنطق بيه اسم ربنا اصلا
إياد : انا بتقبل منك الكلام عشان انتي عندك حق بس انا مش وحش كده صدقيني لو سامحتيني هتغير والله
ميار : انت اوحش من كده كمان
عارف في مقوله بتقول ديل الكلب عمره ما يتغير
إياد : يعني انا ديل الكلب
ميار : اه ما انت ذكي اهو و بتفهم بسرعه
إياد : طب....
الجرسون : اتفضل الأكل يا فندم إنشاء الله يعجبكم
إياد : شكرآ
الجرسون : تحبوا
إياد قاطعه: قولت لحضرتك شكرآ
الجرسون : تمام يا فندم ومشي
إياد : طب مفيش امل تسامحيني
ميار : خلاص يا هو انت اسمك ايه
إياد : مش قولتي مش عايزه تعرفي
ميار : لا عايزه اعرف دلوقتي
إياد : اسمي إياد
ميار في سرها ايه الاسم الفرفور ده
إياد : هموت واعرف بتسرحي في ايه
ميار : يارب تموت
إياد : بتقولي ايه
ميار : مش بقول حاجة
إياد : هعمل نفسي مصدق
ميار : هو أنا ممكن اروح لماماتك المستشفى
إياد :ليه
ميار : عايزه اروحلها
إياد وبدأت عينه تدمع : طيب ممكن تاكلي الأول
ميار : حاضر
خلصوا اكل وأياد وميار مشيوا وراحوا المستشفى عند مامت إياد
إياد : اتفضلي الاوضه اهي
ميار : طيب انا عايزه اخش لوحدي
إياد : ماشي
ميار : دخلت الاوضه وجابت كرسي وقعدت جامب مامته
وبدأت تتكلم : انا حاسه بوجعك بس والله انا اكتشفت انه طيب اوي هو باين عليه على فكره بيحبك او يا طنط انا خلاص سامحته مش عارفه ايه الي خلاني اسامحه بس هو طيب اوي حسيت اني عايزه اجيلك اول ما افتكرت انه هو قالي اني لو سامحتوه انتي ممكن تفوقي انا سامحته ارجوكي فوقي بقى
الاجهزه بدأت تصفر وميار حست بحركه في ايد مامت إياد
ميار طلعت بسرعه والدكاترة دخلت
إياد بعياط : انتي عملتي فيها ايه انطقي
ميار : فضلت ساكته متكلمتش
الدكتور طلع إياد جري عليه امي مالها يا دكتور
الدكتور وهو مبتسم في معجزه حصلت ومامتك فاقت من الغيبوبه
إياد بفرحه : انت بتتكلم بجد طب ينفع اخشلها
الدكتور لما تتنقل غرفه عاديه هتقدر تخشلها ومشي
إياد جري بسرعه على ميار وحضنها جامد ميار حاولت تطلع من حضنه بس معرفتش فا استسلمت
إياد : شكرآ اوي
ميار : انا عملت ايه اصلا اشكر ربنا مش انا
إياد : الحمدلله
إياد وميار دخلوا اوضه مامته
واول ما إياد دخل
مامته بصتله وقالت........
