الفصل الخامس
فى البيت♕♕♕
تبارك: ماما يا ماما يا ست الكل
نورا وهى بتكمل: قلبك ابيض زى الفل
تبارك: كل ما اشوف النور فى عنيكى
نورا:ادعى لربي واقول لاخواتى
تبارك: بعد الام مافيش حنيه
نورا: بعد الاب ما فيش تربيه
ماما: ايه هو فرح انتى وهى
تبارك: جري ايه يا ست الكل فرحانين ما نفرحش يعنى
ام نورا/: لا افرحى يا اختى منك ليها
نورا: اييه ده ايه ده ايه ده دودو ومنمن متجمعين مع بعض كده فى مصيبه
تبارك وهى داخله هى ونورا: ايوه اكيد مصيبه كبيره جدا
نورا بعد ما دخلوا /:ايه ده هوMy family كلهم هنا اهلا وسهلا.
فاطمه متدخله فى الكلام (بت حشريه صح) : بعدين قولولى منك ليها ايه الى فى ايدكم ده انتوا روحتوا المول تانى مش لسه رايحين من كام يوم
تبارك: لا يا اختى لا روحنا المول ولا حاجه
ماما: امال ايه ده
نورا: مش احنا كان عندنا امتحان من قريب
ام نورا: اه
تبارك: بس احنا الحمد لله نجحنا فى الامتحان وطلعنا فى المركز الاول واخدنا هدايا
ماما: طيب ورونا اخدتوا ايه طيب
نورا وهى بتوريها الخمارات : اخدنا دول
ماما:ايه ده اول مره اعرف ان الجامعه بيدوا فيها هدايا خمارات
تبارك:مش مهم المهم ان ده الخمار الى كان نفسى فيه
ام نورا: دكتور مين الى اداكم الخمارات ديه
نورا: دكتور احمد ابن صاحب بابا
ماما: طيب فى موضوع عاوزينكم فيه
تبارك: خير اللهم اجعله خير
ماما: قبل ما اتكلم احنا عاوزين نفرح بيكم
تبارك: يا ماما مهو احنا الحمد لله بنطلع الاوائل على طول ولسه حتى مقفلين فى الامتحان اهو يعنى انتوا كده مش فرحانين بينا 
ام نورا: لا يا اختى فرحانين بيكم طبعا بس عاوزين نفرح بيكم برضو
نورا: ايوه تفرحوا بينا ازاى
عبد الله: ما تعملوش نفسكوا عبيطين يعنى عاوزين يجوزوكم علشان زهقوا منكم
بابا: زهقنا مين ياض انته بقى احنا نزهق من القمرات دول ده احنا زهقنا منك انته
تبارك: بعيدا عن الكلام الحلو الى بابا بيقوله عاوزين تجوزو مين ان شاء الله
فاطمه: ما قالكم عاوزين يجوزوكم انتوا يعنى مش محتاجه فهم
تبارك: يا بابا يا حبيبى انا لسه فى تانيه كليه يعنى صغيره خالص
ماما: مين قال انك صغيره ده انتى قمر اكبيره خالص اهوا وبعدين ده الرسول (صلى الله عليه وسلّم) اتجوز السيده عائشه وهى صغيره
تبارك: ماشى انا ايه علاقتى بالموضوع ده
ماما: مهو انا قلتلك انى عاوزه افرح بيكى
تبارك: مهو انا الحمد لله اهو بصى فرحانه ازاى مش عاوزه افرح اكتر من كده
نورا: البسي يا بيضه
مامت نورا: ايه ده هو انتى ما سمعتيش اننا عاوزين نفرح بيكم انتوا الاتنين
نورا: مين قال كده
مامت نورا: احنا يا اختى
تبارك: البسي انتى التانيه يا بيضه
ماما: وبعدين يعنى هو احنا قولنا اننا هنجوزكم. بكره ده انتوا يدوبك هتشوفوا العرسان وممكن خطوبه يعنى مش هتتجوزو
نورا: وعلى كده بقى هما جاييلنا مع بعضيهم يعنى فنفس اليوم
مامت نورا: ايوه يا ستى جايين فى نفس اليوم
تبارك: طيب ماشى هنشوفهم ولو ما عجبوناش هيترفضوا بس كده
ماما: طيب مش عاوزين تعرفوا هما مين
نورا: لا كده كده هترفضو
مامت نورا:ماشى بس الى ما يرجعش فى كلامه
تبارك:لا طبعا مش هنرجع فى كلامنا
نورا: هو احنا ما عندناش درس عقيده النهارده ولا ايه
ماما:لا طبعا عندكم يلا بس نتغدا وبعد كده هديكم درس العقيده
تبارك: ماشى يلا لحسن هموووووت من الجوع
فاطمه: هو انتى فالحه اصلا غير فى الاكل انا مش عارفه الى متقدملك ده متقدملك على ايه شكله مو بيشوفش
تبارك: نينينيني انتى الى مابتشوفيش
ماما: بطلوا بقى خناق ويلا نتغدا
فاطمه: يلا
تبارك: ايه الوليمه دى اكيد يعنى انتوا الاتنين طلاما اجتمعتوا قررتوا تعملوا محشى
نورا: اصلا هما عمرهم ما اجتمعوا غير لما عملوا محشى
بابا: ما ينفعش نتكلم على الاكل الاكل ليه احترامه
تبارك: ماشى
وبعد كده خلصوا اكل وهما بياخدوا العقيده
ماما: انهارده هكلمكم عن الحرام والحلال مش معنى ان ده خطيبك يعنى يمسك ايدك يعنى تقعدوا مع بعض من غير محرم ولا يعنى ان هو يكلمك من غير ما باباكى يعرف لا طبعا هو خطيبك طبعا مافيش كلام بس لسه اجنبى عنك ما ينفعش يمسك ايدك ولما يقعد معاكى لازم يبقى معاكم حد يعنى مثلا اختك الصغيره او باباكى او اخوكى الكبير وما ينفعش انه يبقى معاه رقمك او يكلم عمال على بطال لا طبعا هيقول خطيبتى وعايز اطمن عليها مافيش مشاكل بس هيكلمك من تليفون باباكى يعنى يرن على بابا ويقوله انه عاوزك كل ده لحد لما يبقى حلالك ولما اسمك يتكب على اسمه لاكن طول ما هو خطيبك لازم تلتزمى بضوابط الخطوبه لان الخطوبه وعد بالجواز بس مش اكتر ممكن يبقى حلالك وممكن ما يبقاش فيه نصيب بينكم وتنفصلوا بس كده
وطبعا بعد كده اتناقشنا و قعدنا مع بعد شويه وبعد كده اسره نورا روحت بيتهم واحنا نمنا وعدت الايام
اليوم الى هيقابلوا فيه العرسان
