Ads by Google X

روايه الجريمه الفصل الثاني عشر


 الفصل الثانى عشر.     من( الجريمه)


وصلت السيارات الى القاهره وتوجهه الجميع الى المدريه كما امرهم ادهم بذلك دلفو الى الداخل وكانت ميرا متمسكه فى فارس بخوف فاحس بها فارس وربت على يديها لطمئنتها وتوجهه الجميع حيث مكتب ادهم 

عمر : انا عايز افهم فى اى 

حسام : فى اى يا ادهم 

ادهم : فى كتير ...كتير قوى 

عمر : مش فاهم ..وميرا هنا ليه يا فارس

ادهم : هتفهم .........ثم قص عليهم كل ماقالته ميرا وامرهم بجلب صور لبعض المجرمين لكى تتعرف عليهم ميرا

حسام : كل دا عرفتو 

عمر وهو يعطيهم الصور : الصور اهى 

ادهم : ميرا بصى فى الصور دى كويس وشوفى لو فيهم حد من الى شوفتيهم 

ميرا بتوتر : ح..حاضر

اخذت ميرا الصور وظلت تنظر اليهم وكان ادهم وفارس وعمر وحسام يتابعونها فى صمت الى ان انتهت 

فارس : ها ..حد من دول

ميرا : ل..لااا

ادهم : لا ازاى مش فى دول 

ميرا : والله مش فى دول اعمل اى يعنى 

عمر : خلاص اهدو كدا ...انتى ممكن تدلينا على اوصفهم

حسام : بالظبط كدا 

فارس بتفكير : ميرا انتى عارفه اشكالهم كويس صح

ميرا : ايوه

فارس : طيب ماترسميهم

ميرا : هااا

ادهم : بتعرفى ترسمى 

فارس : ايوه ميرا بتعرف ترسم 

ادهم : طيب كويس قوى ارسميهم 

ميرا : طيب هاتو ادوات الرسم 

عمر : هواا. وتكون عندك....وتركهم وغادر لجلب ادوات الرسم

حسام : ياااارب

ادهم بتفكير: ميرا تعرفى ترسمى الى كان مع عمك فى المكتب وقت اما سمعتيهم

ميرا : ايوه انا لسه فكراه

ادهم : كويس قوى. يبقى هترسمى الاربع اشخاص دول وياريت تكونى دقيقه فى كل حاجه

ميرا : ربنا يستر

فارس : متخفيش انا معاكى ولو مش عايزه تكملى فى القضيه دى انا هقف معاكى

ادهم : فى اى يا فارس تانى 

فارس : دى اختى يا ادهم ملهاش غيرى 

ادهم : وانا قولتلك متخفش عليها 

حسام : اهدو ياجماعه

ميرا : اهدى يافارس انا مش هنسحب انا هكمل على شان حق احلام انت ناسى هى كانت بالنسبالى اى انا عايزه اعرف ذنبها اى عشان تموت بالطريقه دى انا لازم اجيب حقها مش هسيب حقها حتى لو انا همو......

فارس مقاطعا اياها : متكملهاش ...بعد الشر عنك ..خلاص هنجيب حقها وهفضل معاكى 

ميرا : اوعدنى انك متبعدنيش عن القضيه

فارس : اوعدك لو مفيش خطر عليكى

ميرا : فارس اوعدنى انك مش هتبعدنى خالص الخطر كدا كدا هيجى

فارس : اوعدك بس هتفضلى معايا على طول

ميرا : هو انا ليا غيرك

حسام بمرح : خلاااص ياجماعه الدمعه هتفر من عينى 

ادهم وهو ينظر الى حسام : حسااااام

حسام : خلاص ياباشا 

دلف عمر اليهم : خدى ياستى اسكتش كبير وورقو نضيف والله مرضيتش استرخص ودى علبه اقلام وعلبه الوان

ميرا : هو انا هلونهم

عمر : اهو قولت تستفادى ببقيت الاسكتش ويبقى معاكى الوان تفتكرينى بيها بعد القضيه

ميرا بضحك : تصدق ممكن

ادهم : ممكن نخلص بقى يا عمر .....وانتى ياميرا ارسمى بقى

عمر : هادم الملزات

ادهم بصوت عالى نسبيا : عمررررر

عمر : يا ميرا خبصى بقى ارسمى الله 

_______________________________________

فى مزرعه الشناوى .....

عماد : هو ادهم سافر ياماما

الفت : ايوه ياحبيبى سافر هو واصحابو

عماد : وميرا...

الفت : مشيت مع فارس 

عماد : طيب مش هتحتاجى حاجه انا هروح الشغل .

الفت : عايزه ارجع القاهره

عماد وهو يرفع حاجبه : نعم !!! دلوقتى عايزه ترجعى وانا كنت بتحايل عليكى عشان ترجعى مكنتيش بترضى 

الفت : ما هو ميرا الصراحه وحشتنى 

عماد : مين ...هو انتى كنتى تعرفيها.

الفت : فى اى يا بنى انا عايزه اقعد هناك اللمه الى كانت هنا مع ميرا وادهم واصحابو كانت حلوه وانا هنا بعيده عنهم

عماد : ماشى ياماما اجهزى وانا هعمل تليفون واخدك معايا وانا رايح الشركه اوصلك واروح شغلى 

الفت : حبيبى ياعماد ......اه صباح هتيجى معايا

عماد : ماشى يا امى خليها تجهز واجهزى انتى كمان بس بسرعه 

الفت : حاضر ياحبيبى .

................عماد فى الهاتف : الو....انا هرجع القاهره انا وامى ......تمام ......مع السلامه ...ثم اغلق الخط ثم التفت خلفه ووجد امه قد تجهزت 

عماد : لحقتى 

الفت : ما هو انا الصراحه كنت مجهزه الشنط وحطاها فوق لحد اما انت تصحى 

عماد وهو يضحك : طيب يلا ياامى عشان متاخرش فين صباح

صباح : انا جاهزه يابشمهندس

عماد : طيب يلا بينا 

______________________________________

......منير ..يامنير ..يا مينوووو

منير : فى اى يازفته

ياسمين : اى يامنير كل دا نوم 

منير : سيبينى بس شويه وهصحى

ياسمين :لا قوم بقى انت مش هتروح الشغل 

منير : هى الساعه كام 

ياسمين : الساعة 8

منير : انتى هبله يابت فى حد يصحى حد الساعه 8 روخى شوفيكى رايحه فين الله يهديكى وابعدى عنى 

ياسمين : لا انا عايزاك معايا قوم بقى 

منير : انتى رايحه فين

ياسمين بسعاده : هروح استلم الشغل 

منير وقد انتبهه لها : نعم !! شغل اى 

ياسمين : يابنى انت ناسى انى دكتوره

منير : مش ناسى بس شغل اى دا ..وفين

ياسمين : هشتغل فى مستشفى واحده صاحبتى شغاله فيها

منير : نعم ..ومتشتغليش ليه فى المستشفى بتاعتنا

ياسمين : عشان مش عايزه واسطه من حد انا كمان محدش يعرف ان انا ياسمين السيوفى

منير : ازاى يعنى 

ياسمين بهدوء : بص يامنير اسم العيله مشهور قوى فى كل مكان انا هدخلو هيحترمونى عشان عيلتى مش عشان شخصى انا عايزه اثبت نفسى بعيد عن اسم العيله انا عايزه اكون انا فهمتنى

منير بعدم اقتناع : لا مش داخل دماغى كلامك دا 

ياسمين : منير سيبنى على راحتى ولو مرتاحتش هشتغل مكان ما انت عايز 

منير : ماشى ياستى برحتك

ياسمين : شكرا ياحبيبى ..يلا بقى عشان توصلنى لان عربيتى لسه مجاتش

منير : تحت امر البرنسيس

ياسمين : هستناك تحت .

.............هبطت ياسمين الى الاسفل فوجدت والدها فاتجهت اليه

ياسمين وهى تقبله : صباح الخير يا بابى

عصام : صباح النور ياقلب بابى......هتروحى المستشفى

ياسمين : ايوه منير هيوصلنى 

عصام : بس انا لسه عند كلامى انك تشتغلى فى المستشفى بتعتنا

ياسمين : ياحبيبى سيبنى اعتمد على نفسى ولو مرتحتش فعلا هشتغل فى المستشفى بتاعتنا

عصام : على رحتك يا حببتى 

ياسمين : تسلملى ياحبيبى

منير : يلا انا جاهز

عصام : انت هتوصلها 

منير : ايوه هوصلها وهطلع على المدريه اشوف شغلى

عصام : طيب تبقى عدى عليا فى الشركه عشان عايزك

منير : حاضر يابابا ...يلا يا ياسمين

ياسمين : يلا ..باى يا بابى

...توجهت ياسمين مع منير الى السياره ثم املته العنوان حيث المشفى التى تعمل بها و عندما وصلت ترجلت وترجل معها منير فرئها تجرى باتجاه فتاه بنفس عمرها 

ياسمين : رنا وحشانى جدا جدا جدا 

رنا : وانتى كمان يا ياسمين وحشتينى قوى انتى اتاخرتى كدا ليه

ياسمين : مفيش ياستى عقبال ما اخويا وصلنى بس 

رنا : اوك

(رنا صديقه ياسمين هبله زيها وطيبه جدا وبتحب ياسمين جدا اصحاب من الجامعه رنا كانت بتدرس مع ياسمين فى لندن ونزلو مصر مع بعض)

كل هذا ومنير ينظر الى رنا ولم يتحرك الى ان انتبهه الى ياسمين وهى تنادى عليه

ياسمين : منير ..منير ..

منير وهو يتقدم نحوها : خير ياحببتى 

ياسمين : احب اعرفك دى رنا صحبتى ....رنا دا منير اخويا

رنا : تشرفت بمعرفتك يا استاذ منير

منير : الشرف ليا يا انسه ...ثم وجهه حديثه الى ياسمين : انا همشى ياحببتى مش محتاجه حاجه 

ياسمين : لا ياحبيبى بس متنساش تعدى عليا الساعه 4

منير : ماشى ياحببتى خلى بالك من نفسك

ياسمين : ماشى يا مينو 

......تركهم منير وتوجهه الى سيارته ثم قادها وغادر 

رنا : يلا بقى عشان منتاخرش يا ياسمين

ياسمين : يلا بس هنقابل المدير الاول 

رنا : ايوه اكيد 

توجهوالى غرفه المدير واستلمو شغلهم واتجهت كل واحده الى قسمها حيث ان رنا طبيبه اطفال وياسمين طبيبه جراحه

____________________________________

فى سياره منير ..كان يتحدث فى الهاتف 

منير : اى....رجع القاهره .....ميرا معاه ولا لا .......مشوفتهاش يعنى اى .....طيب اقفل اقفل 


اجرى منير اتصال بوالده 

منير : الو 

عصام : ايوه يامنير. 

منير : ادهم فى القاهره

عصام : وميرا 

منير : معرفش معاه ولا لا الغبى الى بيراقبهم بيقولى مشفهاش

عصام : طيب اعرفلى هى معاه ولا لا وخلصنى من الحكايه دى يا منير

منير : حاضر يابابا هنفذ خلاص 

عصام : نفذ من غير شوشره علينا عايز الحادثه تبان طبيعيه ملناش دخل فى حاجه

منير : متقلقش يابايا زى ما حصل مع عمى ومراتو هيحصل مع ميرا وادهم

عصام : طيب انت هتروح فين دلوقتى

منير : انا هروح الاداره اللواء سعيد طالبنى

عصام : ليه فى حاجه فى الشحنه

منير : معرفش يا بابا هروح واشوف وربنا يستر 

عصام : طيب خلص معاه وتعالى على عندى

منير : حاضر .........ثم اغلق الخط 

....منير فى نفسه : انا ناقص .....وبعدين معاكى ياميرا شكلى كدا هموتك من غير ما ادوق حلاوتك بس على مين لازم اخد مزاجى وبعدين ارميكى او ادفنك ....ثم ضحك واكمل طريقه الى المدريه..

______________________________________

فى المدريه ...........

فى مكتب ادهم...

ادهم : قدامك كتير يا ميرا 

ميرا هو مندمجه فى الرسم : خلاص اهو وهخلص اول صوره حاجات بسيطه

فارس : طيب ما تاكلى  اى حاجه انتى مفطرتيش

ميرا : مش هقدر يافارس هخلص وناكل انا وانت

دلف عمر الى المكتب ....

عمر : ادهم اللواء محمد عايزك

ادهم وهو يقف فى مكانه : طيب هروح اشوفو عايز اى ومش عايز حد يتحرك من هنا متسبوش المكتب لوحدو 

فارس وحسام وعمر : حاضر 

........توجهه ادهم الى مكتب اللواء محمد وطرق الباب ودلف الى الداخل 

ادهم وهو يقدم التحيه العسكريه : تحت امرك يافندم

اللواء : تعالى يا ادهم اقعد

ادهم وهو يجلس : خير يا فندم

اللواء : وصلت لاى فى القضيه

ادهم : لما اوصل للقاتل هبول لحضرتك يافندم بس عايزك تتاكد انى قربت اعرفو  خلاص 

اللواء : يعنى معاك دليل 

ادهم : حاجه زى كدا يافندم

اللواء : مش فاهم

ادهم : هفهم حضرتك لما يبقى معايا الدليل على بكره باذن الله هكون معرف حضرتك بكل الى انا وصلتلو

اللواء : تمام يا ادهم وانا واثق فيك ....اتفضل

ادهم وهو ينهض : تمام يافندم 

غادر ادهم مكتب اللواء .....فى حين كان قد وصل منير الى المدريه وتوجهه الى اللواء سعيد ...

اللواء سعيد : منير ازيك تعالى

منير وهو يجلس : خير ياباشا 

سعيد : ادهم بيتحرك بغموض

منير : متقلقش ياباشا 

سعيد : ادهم لو وصل للقاتل هيوصل لشغلنا 

منير : قريب هنسمع اخبار حلوه 

سعيد : انت بتفكر فى اى 

منير : ادهظ بقى خطر علينا

سعيد : الباشا الكبير مش هيسكت انت ناسى ان ادهم قريبو

منير : هتبان حادثه طبيعيه

سعيد : مش عايز غلطه

منير وهو يينهض : متقلقش كلو هيتم من غير ما حد يحس 

سعيد : تمام 

....................وصل ادهم الى مكتبه ..

ميرا : ادهم تعالى انا خلصت ...اول واحد 

توجهه لها ادهم بسرعه : ورينى كدا 

ادهم : دا انهى واحد فيهم 

ميرا : دا الى قتلها وفصل راسها عن جسمها 

عمر : متاكده ان كدا الرسمه

ميرا : ايوه 

ادهم : حسام تاخد الصوره دى وتتابع انت التحريات عن صاحبها

حسام : تمام 

ادهم : ميرا هترسمى التانى دلوقتى ولا ترتاحى 

ميرا : لا هرسمو 

.......سكتو عندما سمعو دقات على الباب ثم فتح فجاه 

.....شهقت ميرا بخوف وفزع وتراجعت خلف فارس 

بينما تسمر منير مكانه فما كان الطارق الا منير ................


منير هيعمل اى ..؟؟ 

اى مصير ميرا وادهم بعد تخطيط منير ؟؟

فارس هيسيب اختو تواجهه الخطر ..؟

مين الى مانع موت ادهم وهيعمل اى لو عرف بالتخطيط لقاتلو....؟

.........احداث وخطط هنعرفها فى الفصول القادمه تفاعل وكومنتات 


#يتبع 

 الفصل الثالث عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-