الفصل الثالث
تانى يوم ♡
تبارك صحيت من النوم الساعه ٤ وصلت صلاه الفجر وقعدت تقرا ورد القران بتاعها وطلعت علشان تساعد مامتها وتعمل معاها الفطار
(اصل النهارده اجازه وما عندهاش محاضرات خالص)
وقعدت مع مامتها وباباها واختها واخوها وفطروا
بعد الافطار♕
تبارك: ماما
مامتها: نعم
تبارك: انا عاوزه اخرج انا ونورا النهارده
مامتها: هتروحوا فين
تبارك: هنروح النادى وممكن نروح المول نشوف لوحاجه عجبتنا
مامتها: ماشى هقول لبابا واشوف رايوا ايه
تبارك: ماشى بس حاولى معاه بقى
مامتها: ان شاء الله
وبعد لما ماما راحت قالت لبابا وافق انى اخرج وطبعا دخلت البس
تبارك: بترن على نورا
تبارك: السلام عليكم
نورا: وعليكم السلام ورحمه الله وبركاته
تبارك: جهزتى ولا لسه
نورا: جهزت طبعا ده انا حتى تحت البيت عندكم اهو
تبارك ماشى انا نازله
تبارك: ماما انا نازله
ماما: فى رعايه الله سلام
تبارك: سلام
وبعد كده تبارك نزلت لنورا
تبارك: نورا يلا هنروح النادى
نورا: ماشى يلا
وبعد ما تبارك ونورا راحوا النادى
فى النادى ♡
نورا: تبارك فى راجل بيبيع غزل بنات هناك اهو تعالى نروح نشترى
تبارك: ايوه بجد وهنجيب ايس كريس كمان ماشى
نورا: ماشى
وراحوا جابوا الايس كريم وغزل البنات ورجعوا تانى قعدوا
تبارك: نورا انا بفكر اختمر
نورا: تصدقى كنت بفكر اختمر انا التانيه
تبارك: طيب ايه رايك نروح انا وانتى المول نشتري خمارات
نورا: يلا
وراحوا يجيبوا الخمارات من المول
وهما بيجيبوا الخمارات
تبارك: ياانسه
البنت: نعم
تبارك: انا عجبنى الخمار ده ممكن اعرف سعرو ايه
البنت: بس الخمار ده محجوز
تبارك: طيب مفيش منوا تانى
البنت: لا فيه بس الى حاجز حاجزهم كلهم
تبارك: طيب ما ينفعش اخد واحد وتقولولو
البنت: لا والله ما ينفعش
نورا: تبارك خلاص بقى ما جتش على الخمار ده يعنى
تبارك: بس ده عاجبنى خالص
نورا: طيب تعالى شوفى ده كده لونوا حلو ازاى
تبارك:بس والله ده احلى
البنت: طيب انا ممكن اوريكى اشكال خمارات تانيه والوان هتعجبك بردوا
تبارك: خلاص ماشى
وبعد كده تبارك عجبها خمار تانى واخدتوا ونورا اخدت خمار شبهوا
وروحوا البيت عند تبارك بردوا لان مامت تبارك بتديهم كل يوم عقيده
تبارك: ماميتوا
ماما: ايه ده انتوا جيتوا
تبارك:هو ده الاستقبال يا بشر مش هتاخدونى فى حضنكوا وتقوليلى عملتى ايه يا حبيبتى اخيرا جيتى وحشتينى قوى
ماما:ليه يعنى هو انتى كنتى مسافره
نورا:ازيك ياطنط
ماما:ازيك يا حبيبتى وحشتينى
نورا:الحمد لله
ماما:مامتك عامله ايه واخواتك عاملين ايه
نورا:كويسين الحمد لله
تبارك:لا والله اشمعنا هى الى وحشتك هى مش كانت عندنا امبارح لحقت توحشك
ماما:اديكى بتقولى اهوا امبارح انما انتى انا لسه شيفاكى الصبح
تبارك: ماشى ياست ماما
ماما: المهم قولولى جبتوا حاجه من المول
نورا: حظر فظر وقولى جبنا ايه
فاطمه اختى: العب باليه
عبد الله: شيبسى وكراتيه
تبارك:قلبظ بجنيه
بابا: بس يابت منك ليها قولولنا بس جبتوا ايه
تبارك:ما تفكروا بقى
ماما: اخلصى يا بت قولى جبتوا ايه
تبارك: ماما هو انا لو فكرت اختمر هتفرحى
ماما: طبعا هفرح جدا ده انا كان نفسى تلبسي الخمار بس ما حبيتش اضغط عليكى وحبيت انك تلبسيه لما انتى تعوذى علشان تلبسيه بقناعه
تبارك:ماما احنا جبنا خمارا وقررنا اننا نختمر انا ونورا
ماما:بحد
تبارك:اه والله
ماما:مبروك يا حبايبى بجد احلى خبر سمعته النهارده
بابا: مبروك
تبارك ونورا: الله يبارك فيكم
ماما: خلاص انا النهارده هديكم درس العقيده عن الحجاب
تبارك ونورا: ماشى
ماما: عموما هو الحجاب اللى انتوا كنتوا بتلبسوه الى هو الطرحه بس مطولينها حاجه حلوه جدا بس طبعا الخمار هيبقا اطول سنه عن الطرحه وربنا قال:( بسم الله الرحمن الرحيم الرحيم وليضربن بخمرهن على جيوبهن) وقول الله تعالى ( يا ايها النبى قل لازواجك وبناتك ونساء المؤمنين يدنين عليهن من جلابيبهن) وقول الله تعالى ( ولا يبدين زينتهن الا ما ظهر منها)
وبردوا عن عائشه رضى الله عنها؛ ان اسماء بنت ابى بكر الصديق رضى الله عنهما دخلت على رسول الله صلى الله عليه وسلم وعليها ثياب رقاق، فاعرض عنها رسول الله صلى الله عليه وسلم ، وقال:((يا اسماء، ان المرأه اذا بلغت المحيض لم يصلح ان يرى منها الا هذا وهذا)) واشار الى وجهه وكفيه
تبارك: يعنى كده يا ماما ان البنت ما ينفعش ان يبان منها غير اديها ووشها بس
ماما: ايوه
نورا: يعنى لو رجلى بانت علشان كنت لابسه شبشب كده حرام
ماما: طبعا كده حرام
واتناقشنا فى شويه حاجات تانى كده وبعد كده نورا روحت البيت وقعدنا مع بعضيناشويه ودخلنا نمنا
بعد شهرين فى الكليه
نورا: تبارك احنا عندنا دكتور مين دلوقتى
تبارك: دكتور احمد
نورا: ماشى
فى المحاضره
دكتور احمد: السلام عليكم
كل الى فى المدرج: وعليكم السلام ورحمه الله وبركاته
دكتور احمد: شرح الدرس وفى اخر المحاضره
دكتور احمد: عندكم المره الجايه امتحان ان شاء الله والى هيجيب درجات حلوه فى الامتحان ليه عندى هديه كويسه
وطبعا كل الطلبه اجتهدوا علشان الامتحان وفى منهم الى ما شغلش باله اصلا عموما لينا دعوه بتبارك ونورا ذاكروا كويس الحمدلله
يوم الامتحان:
