الفصل الثالث
احمد /لازم تعتزر منها ع الحصل
مراد بحده /اعتزر ؟انا عمري ف حياتي ما اتعتزرت لحد ،وفالمره ال هعتذر فيها ،هتكون من دي ؟انتو بتهزرو ولا اي ولا نسيتو انا مين ،كل الموضوع انها قللت ادب معايا ونا عرفتها مقامها،اظاهر هي متعرفش مين مراد السويفي
احمد /ايوا بس انت غلط فيها
مراد/،هنديلك اي دكتور يعملك الاشعات
احمد /بس انا مش عايز غير ليل تعملي العمليه
داليا /ممكن تهدو؟ لو سمحتو اهدو
مراد /ياريت متتدخليش بيني وبين ببايا
داليا /تمام. عن اذنكم ثواني وراجعه
وطلعت من الغرفه
احمد /انت بتتعامل معاها كدا ليه. بقالها سنين بتحاول تعوضك عن امك. بتعمل كتير اوي علشانك وانت بتاعاملها بأسلوب وحش جدا.ومش مديها فرصه تكون مامتك
مراد /انا مطلبتش منها تكون اي حاجة. مطلبتش من اي حد يفضل جمبي. متلبطش حاجة من حد. انا كدا ومراد السويفي هيفضل طول عمره كدا
وطلع من الغرفه
داليا بعد ما طلعت من ال غرفه وسالت ممرضه
داليا /مشفتيش دكتوره ليل ؟
الممرضه /دكتوره ليل ف مكتبها ي فندم،هناك كدا (وشاورت عليه )
داليا /تمام شكرا
داليا راحت المكتب وخبطت
ليل مسحت دموعها بسرعه /ا ادخل
داليا فتحت الباب /ممكن ادخل ؟
ليل قامت /طبعا اتفضلي حضرتك
داليا قعدت قصاد ليل ع المكتب
وليل قعدت مكانها
داليا بابتسامه /عيزاكي متزعليش من مراد
ليل /ابن حضرتك دا مش انسان ومعندوش مشاعر
داليا /عارفه ،ولاسف هو طبعه كدا
ليل /ميهمنيش طبعه اي ،كدا كدا انا هستقيل من المستشفي ،لو كنت اعرف ان هي بتاعت واحد زيه مستحيل كنت اشتغل فيها
داليا /ارجوكي ي ليل متعمليش كدا ،عارفه ان مراد طبعه صعب شويه في ظروف صعبه مر بيها وصلته ل كدا ،بس مش لدرجه تخسري شغلك ،لو سمحتي شيلي الفكره الاستقاله من دماغك
ليل /بس ا
داليا /مفيش بس ي حببتي ،هتكملي ف المستشفي في ناس كتير محتاجينك هنا ،ويلا علشان تعملي ال chek بتاع احمد
ليل /صدقيني حضرتك انا بعز احمد بيه جدا ،كان صاحب بابا الله يرحمه ،ونا كنت مستعده اعمل العمليه ،بس بعد معامله ابن حضرتك مش هقدر اكمل ،بس انا ممكن اخلي دكاتره مميزين كتير يعملوها
داليا مسكت ايدها /ليل ،لو سمحتي اسمعيني ،احمد مش هيرضي حد يعمله العمليه غيرك ،هو بيثق فيكي جدا ،ويستي لو ع مراد ،كدا كدا مش هتشوفيه بعد العمليه ،لانه مبيجيش المستشفي كتير ،ها؟اتفقنا ؟
ليل ببتسامه/ok انا موافقه
داليا بابتسامه /شكرا ي ليل بجد
ليل /العفو
وراحو غرفه احمد بيه تاني ،وكان قاعد ع السرير
داليا /ليل مكنتش موافقه تعمل العمليه بس انا اتكلمت معاها ،ووافقت وهتكمل ان شاء الله
احمد /شكرا يبنتي
ليل /مفيش داعي للشكر حضرتك عارف انت عزيز عليا قد اي
مراد دخل
مراد /اووو ،الدكتوره هنا ؟بصراحه فكرت بعد الحصل مش هنشوفك تاني
ليل /انا هنا علشان احمد بيه ،وياريت ميكنش في تعامل ما بينا مره تانيه
يلا ي احمد بيه نعمل ال chek؟
احمد /يلا
في القصر
ملك راحه جايه ف اوضتها
بترن ع ادهم
ملك /رد بقي بليز ي ادهم
رد عاشان خاطري
(مردش)
ملك/اووف ،يربي انا مش عارفه اعمل اي ،من ناحيه بحب ادهم ومش هعرف اعيش من غيره وهو زعلان مني ومبيردش عليا ،ومن ناحيه مش هينفع اتجوز من ورا اهلي ،وبالذات ان بابي تعبان
انا بجد ف دوامه ومش عارفه اعمل اي. اتجوزه واخسر اهلي ومش هسامحوني. ولا متجوزوش واخسر الشخص الوحيد ال حبيته
في شركه حاتم
طلع من مكتبه
لقي حياه قاعده ف مكتبها بتشتغل بدقه
حاتم /حياه
حياه /حضرتك محتاج حاجه ي مستر حاتم
حاتم /هنروح الفندق امتي
حياه /نعم!؟فندق اي حضرتك ازاي تفكر فيا ف الاسلوب دا
حاتم /بس ا
حياه /بس اي؟ انت فاكرني اي
حاتم /حياه
حياه /انا كنت مفكراك محترم ع فكره ونا مش هفضل ف الشركه دي اكتر من كدا ،انا هستقيل
حاتم /خلصتي؟
حياه /اه
حاتم /انا كنت بسالك عن الموعد ال هنروح في الفندق علشان نقابل الناس ال هنشتري منهم الارض،هما حاليا ف للفندق
حياه باحراج /اهاااا،انت كنت تقصد كدا ،im sorry بجد ي مستر حاتم مكنش قصدي
حاتم /لسه عايزه تستقيلي؟
حياه /لو مش هنطرد ،معنديش مانع افضل ف الشركه،وبالنسبه لمعاد الفندق ،هيكون بكرا
حاتم /هاتيلي قهوتي ع مكتبي
ومشي
حياه/حالا والقهوه هتكون عند حضرتك ،حياه الغبيه ،حياه الغبيه. ريلاكس حياه. ريلاكس.
في الفيلا بليل
ليل رجعت البيت
لقت دهب وحياه قاعدين
ليل/السلام عليكم
دهب وحياه/وعليكم السلام
حياه /مالك ي لولا
ليل قعدت /مفيش ،مرهقه من الشغل شويه ،تعرفو ان احمد بيه صاحب بابا هيعمل عمليه
دهب/oh my god عمليه اي
ليل /عمليه شريان تاجي
حياه/انتي ال هتعملي العمليه ؟
ليل/اها
حياه /ربنا يقومه بالسلامه
ليل /ي رب..
دهب /نيجي بقي للموضوع المهم
حياه /امممم
ليل /ربنا يستر،خير ي عمتو
دهب /انتو ال هتقولو ،مفيش love ولا اي حاجه بينكم وبين حد يعني،يعني استلطاف
حياه /استخفاف
ليل /استعجاب
دهب /انا مش بهزر ،بتكلم جد ،مفيش حد بيحب ومخبي ،صدقوني انا مع الحب جدا،وهدعمكم ،انتو عرفين اني ملاك الحب ،يعني مثلا ليل مش اعجبتي بحد دكتور ف المستفي؟
ليل /طب عن اذنكم هقوم انا اغير هدومي ،زي ما انتو عارفين،راجعه من الشغل تعبانه
ومشيت
دهب /بنت خدي هنا ،bad girl،انتي حبيبه عمتو ال هتقوليلي ،بتحبي حد من الجامعه ،او من الشركه الجديده
حياه /والله ي عمتو انا ابسط من كدا بكتير ،انتي عرفاني،الحب جه ،اهلا وسهلا ،مجاش ،انا مش هروح ادور عليه ،انا اهدي من كدا بكتير
دهب /انتي هتقوليلي ،بنت اخويا وننا عرفاكي
(وقالت بعصبيه)
مهو لو فضلتو ع الحال دا مش هتحبو لحد ما تموتو
.حياه رجعت ل ورا /اي ي جولد انتي هتتحولي ولا اي
دهب /عصبتوني
تاني يوم
ف المستشفى
ف غرفه احمد
ليل/يلا حضرتك علشان هنبدأ العمليه
داليا بدموع /احمد
احمد /متقلقيش ي حببتي
ملك حضنته /ربنا يقومك لينا بالسلامة ي بابي
مراد /العمليه هتستغرق قد اي
ليل /٣ ساعات اقل حاجة. وبعد العمليه ان شاء الله هيقعد ف العنايه المركزه ٣ ايام. بعد كدا هننقله الغرفه العاديه هيقعد ١٥ يوم
مراد مسك ايد احمد /متقلقش هتبقي كويس
ف شركة حاتم
حياه خبطت ع مكتب حاتم
حاتم /ادخل
حياه دخلت /لو حضرتك خلصت شغل. لازم نروح الاجتماع ال ف الفندق دلوقت
حاتم قفل الملف/انا خلصت
وخد جاكيته /يلا بينا
قبل ما يطلعو من المكتب دخلت بنت من غير ما تخبط. كانت لابسه فستان قصير اوي.وباين عليها الغضب
منار /انت مبتردش عليا لي
حاتم بحده /انتي ازاي تخشي المكتب بالطريقه دي
منار /عايزه اتكلم معاك. خلي دي تطلع برا
حياه /انت قصدك ب دي ال هي انا
منار /انتي غبيه. بقولك سبينا لوحدنا
حياه /اي الأسلوب ال حضرتك بتتكلمي بيه دا
انتي كان ممكن تطلبي دا باحترام
وطلعت
منار /بنت غبيه
حاتم /عايزه اي. واي الأسلوب ال اتكلمتي بيه مع حياه دا
منار /اي زعلت عليها؟
حاتم بحده /منار
منار /انا عايزه اتكلم معاك ي حاتم
حاتم /مفيش كلام ما بينا. انتي كنتي شغاله هنا. ورحتي نقلتي معلومات للشركه المنافسه علشان الفلوس. يبقى عايزه اي بقى
منار قربت منه /غلطه. غلطه وكنت غبيه اوي وقتها. اديني فرصه انت عارف اني بحبك
حاتم بعدها عنه /ونا قلتلك الا بينا كان شغل ومبحبكيش. وبعد ما عملتي ال عملتيه نزلتي من نظري جدا
وسابها ومشي
حياه بعد ما طلعت من المكتب بغيظ
حياه بغيظ /انسانه همجيه. ومش محترمه. ليه ي رب جولد و ليل ربوني كويس. كنت عرفتها مقامها وقتها.
وركبت الاسانسير
وكان هيقفل بس حاتم دخل
حاتم وقف جنبها والاسانسير نزل
حاتم /متغاظه صح؟ قولي قولي انك متغاظه طلعي الجواكي
حياه بصت له/وانت عرفت ازاي
حاتم ضحك/انا كمان متغاظ اوي. ازاي ليها عين تيجي تاني
حياه /هي مين دي. انا اسفه مش قصدي أتدخل
حاتم /دي كانت مساعدتي قبل ما انتي تيجي. ونا رفدتها
حياه /ليه
حاتم /علشان خاينه. خانت ثقه الشركة ليها. وادت معلومات للشركة المنافسه. ضدنا
حياه /انا اصلا من اول ما شفتها بالبس ال هي لبساه دا ونا اتقفلت من قبل ما اعرف هي مين. ازاي قدرت تلبس البس دا. ومش بس هي. معظم ال ف الشركة كدا
حاتم /هنعمل اي. مش كلهم محترمين زيك
والاسانسير وصل
وحياه ابتسمت وطلعت وراه
وطلعو من الشركة وراحو عند عربيه خاتم
وفتح لها الباب ال جنبه قدام
وحياه ركبت وهو ركب
في المستشفى
ليل ف غرفه العمليات مع طاقم العمل بتاعها. بيعملو عمليه احمد السويفي
مراد رايح جاي قدام الغرفه
وملك ف حضن داليا بتعيط
داليا بتوتر /هما اتاخرو كدا ليه
مراد /فاضل ساعه ع معاد انتهاء العمليه
وتليفون مراد رن
في العربيه
حاتم /انت فين...........
انت ازاي متقوليش ان العمليه النهارده......... انت بتهزر ي مراد. ع الاقل كنت هكون جمبك ي عم...... تمام..... خلاص انا جي
وقفل
وغير الاتجاه
حياه /حاجة حصلت ي مستر حاتم؟
حاتم وهو سايق /ابو واحد صحبي بيعمل عمليه دلوقت. دا مش بس ابو مراد. دا ف مقام ابويا
وبعد ما عدي شويه وقت
في المستشفى
العمليه خلصت
وليل طلعت
مراد راح لها بسرعه
وداليا وملك
مراد /طمنيني هو كويس؟
داليا /يعني العمليه عدت ع خير صح؟
ليل بابتسامه /متقلقوش العمليه نجحت. واحمد بيه كويس. هو بس هيقعد ف العنايه المشدده كام يوم. وبعدها هننقله غرفته
مراد اتنهد بارتياح
وملك حضنت مراد
داليا /الحمد لله ي رب. الحمد لله.؛ شكرا يبنتي بجد
ملك /شكرا بجد ي ليل
ليل بابتسامه /ع اي. دي مهمتي
وودو احمد السويفي العنايه المركزه
حاتم راح لهم بسرعه
حاتم /العمليه خلصت؟
مراد /اه خلصت. والحمد لله هو كويس. هيدخل بس العنايه المركزه كام يوم
حاتم بارتياح /الحمد لله. انا اسف ي مراد. كان نفسي ابقي جنبك وقت العمليه
مراد حط ايده ع كتفه /بتعتزر على اي انت مكنتش تعرف
حياه /حمد الله على سلامت احمد بيه
داليا بابتسامه /الله يسلمك. بس انتي تعرفي احمد منين
حياه /انا حياه اخت ليل. وموظفه مستر حاتم وجيت معاه
مراد اول ما سمع اسم ليل حس بحاجة غريبه اول مره يحس بيها وابتسم
حاتم لمراد /الدكتوره ليل ال عملت ال عمليه ؟
مراد /اه
حاتم /مكنتش اعرف انها اخت حياه. انت لازم تشكرها. طبعا الفضل الاول يرجع ل ربنا. بس بعد كدا يرجع ليها بعد ربنا
مراد /اشكرها ليه. هي قامت بمهمتها ك دكتوره
حاتم /طبعا. إنا نسيت اني بكلم مراد السويفي
باب مكتب ليل اتفتح
حياه /surprise
ليل قامت /حياه. بتعملي اي هنا. انتي كويسه ؟جايه المستشفى ليه
حياه /لا لا متقلقيش. انا جايه مع مديري. صاحب مراد بيه
ليل /اها. اوك
حياه/تقريبا يعني. هو دا الهمجي ال بتحكيلنا عنه انا وجولد
ليل /عرفتي منين
حياه قعدت /باين عليه اوي. ليه هبته كدا
ليل قعدت /دا مش انسان دا. جرحني لدرجة اني كنت هستقيل. ولا فكر حتى يعتذرلي
حياه /بس باين عليه انه كان قلقان على بباه اوي.
ليل /انا مقدره انه قلقان بس مش يتعامل بطريقه وحشية كدا مع الناس
الباب خبط
ليل/ادخل
ملك دخلت
وحضنت ليل
ملك /شكرا ي ليل. ليكي الفضل بعد ربنا ف نجاح العمليه
ليل بابتسامه /مفيش داعي تشكريني
ملك ابتسمت
حياه /انتي بقى اخت الهمجي
ليل خبطت حياه فرجلها
حياه /اااه
ملك ضحكت /اه انا اخت مراد
حياه سلمت عليها بابتسامه /ونا حياه اخت ليل.
حياه /ممكن افهم مراد السويفي بيدايق اختي ليه
ملك ضحكت /روحي اسأليه لو عايزه
حياه قامت /معاكي حق
ليل /خدي هنا انتي اتجننتي تسالي مين
حياه قعدت
بعد ٤ ايام
احمد اتنقل من غرفه العنايه المركزه ل الاوضه ال عاديه
مراد قاعد ع الكنبه واحمد نايم ومركبين له محاليل
وداليا وملك قاعدين جنب احمد
احمد /انا اتخنقت من المستشفى. عايز اروح البيت
مراد /مينفعش.لسه بدري ع الكلام دا الدكتوره قالت هتقعد كمان أسبوعين اقل حاجة تحت راعيتها. لحد ما تبقى كويس
احمد /انتو عارفين اني مبحبش ابات ف مستشفيات. انا هطلع
داليا /ازاي يعني ي حبيبي انت لسه مبقتش كويس ومحتاج رعايه. انت لسه مش كويس. قدامك اسبوعين او ٣ اسابيع ف المستشفى
ملك /ايوا ي بابي. لو سمحت متعاندش
ليل خبطت ودخلت
وكشفت عليه
ليل بابتسامة /حضرتك عامل اي النهاردة
احمد /انا الحمد لله كويس وبقول لهم كدا مش مصدقين. عايز اخرج من المستشفى
ليل /انا اسفه بس مينفعش خالص. انت لسه خارج من العمليه من ٤ ايام. لازم تبقى تحت رعايتنا اكتر من اسبوعين. لازم ناخد بالنا من حضرتك كويس اوي
داليا /سمعت؟ اهي قالت بنفسها
ليل بابتسامة /عن اذنكم ورايا شغل. وهاجي ابص ع حضرتك كل فتره
وطلعت
احمد /اسبوعين اي مش هقدر استحمل هنا اسبوعين
ولو على الدكاتره. ممكن ليل تيجي القصر تخلي بالها مني لحد ما اخف. ويبقى اكني ف مستشفى. مش عندكم حجه
داليا /وهي هتوافق؟
احمد /لو مراد أقنعها هتوافق
مراد /نعم ؟ونا اقنعها ليه. ونجيبها ليه اصلا. من جيب اي حد تاني. ولا مفيش دكاتره غيرها
احمد /انا مش هثق ف اي حد غيرها. بقولكم بنت صديقي مراد الله يرحمة
ملك /هو بباها اسمة مراد؟
احمد /اه. اسمها ليل مراد عبد الرحمن. يلا لو سمحت ي مراد روح أقنعها
مراد /انا مش هقنع حد.
أحمد /مش هتعمل دا حتى ولو علشاني؟
ف مكتب ليل. الباب اتفتح بسرعه
ليل بخضه قامت /اي دا. في حاجة اسمها تخبيظ ع الباب لو مسمعتش عنها
مراد دخل وقعد
مراد /انتي بتجيبي جرأتك دي منين علشان تتكلمي معايا بالاسلوب دا
ليل قعدت تاني وحطت رجل ع رجل/والمفروض اتعامل معاك ازاي. اقولك ي بيه ولا حضرتك ولا استاذ. ما ابص ف الارض ونا بكلمك بالمره
مراد بثقه /وليه لا.
المهم انا مش هرغي معاكي كتير. بابا عايز يمشي من المستشفى. وعايزك تفضلي معاه طول فتره تعبه. لحد ما يخف
ليل /ازاي يعني مش فاهمه
مراد /. يعني تفضلي ف القصر معاه من الصبح لحد بليل. تاخدي بالك منه ومن صحته لمده شهر
ليل /ونا مش موافقه. مش هستحمل اشوفك اكتر من كدا
مراد /دا مش طلب. دا امر. بحكم انك شغاله عندي ف المستشفى
ليل قامت بثقه /انا محدش ف حياتي أمرني قبل كدا بعد بابا الله يرحمه. ولو ع الشغل عندك. ف سهله. ممكن اسيب الشغل عادي جدا
مراد قام /تاخدي كام وتوافق ي دكتوره
مراد كان عايز يثبت ل نفسه ان كلهم زي بعض. وهي متفرقش عن امه ال سابته كلهم بتوع مصلحتهم
ليل /انت ازاي تقولي كدا. انت فاكرني أي.فاكر يعني لما تعرض عليا فلوس هوافق؟ انا من وقت ما عرفتك ونت بتقولي كلام بيجرح أوي. ونا مش عارفه انت بتعمل معايا كدا ليه. . انا كان ممكن أوافق اخلي بالي عمو احمد ومن صحته. بس طول منت موجود. لا. مش عايزه اشوفك تاني اصلا. مش عايزه افضل معاك ف مكان يوم واحد. مش شهر بحاله
وكانت هتمشي
مراد /بابا مش هيقبل حد ياخد باله منه غيرك. هتوافقي ولا لا
ليل وقفت
