= أنتي دي 🙀.
_ ااه .. انا في اي !!.
= بجد مفيش زي كدا !!
اي الجمال دا ي بنتي .. داانتي لو جيتي البلد عندنا ، البلد هتوقف علي رجلها اي الجمال دا .
" بالرغم من ان الصور اللي بعتها مش صوري بس كنت حاسه بحاجة غريبة كدا ، فرحانه اووي انها عجبتها .. لا و كدا هيحبني اكتر و اكتر كمان ، و يتعلق بيا كمان .."
" كل دا كان في تفكيرها و في خيالها .. انها وحشةة ، مش حلوةة ولا جمييلة زي صحابها ، علشان كدا بعتت صور واحدة أتعرفت عليها من ع السوشيال ميديا .."
= بقولك اي يا آيه !!
_ نعم .
= عايز صور بشعرك .
" كانت الصدمة هنا .. هي كانت عارفه ان اي ولد بيطلب صورة بشعر بنت محجبة يبقي بيتسالي بيها .. مش اكتر من كداا .. بس هي بتحبه بتحبه اكتر من حياتها و من نفسها كمان ، ليييه ..ليييه كدا .."
= لا طبعاً .. انت ازاي عايزني ابعتلك صورة زي دي ازاي يااحمد !!
_ فيها اي يعني .
= انت عارف كويس فيها اي !!
و عارف لما الولد يطلب حاجة زي كدا من البنت يبقي اخرتها اي .
قولتلك كذا مرة اعتبرني زي اخت ليك .
" احمد خاف ليخسرها علشان مجرد صور كدا و خلاص .. و هو عارف كويس انها محترمة جدا ، بس حاب يقولها هاتي صوره بشعرك .. علشان يختبرها .."
_ لحظة .
عايز افهمك ع حاجةة .
اول حاجة انا كنت بختبرك ، عايز اشوفك هتديني كدا بسهوولة ولا لا ، انا بحبك يا آيه .
" كان اول مرة يعترف بمشاعره ليا .. اول مرة اسمع كلمة بحبك ياايه من شخص ، كان نفسي اسمعها منه ليا شهرين معاه ، بكلمه واتس و فون .. "
_ هااا .. قولتي إي يا آيه ؟!!
= في اي !!
_ بتحبيني ؟!!
= عايزة اقولك اني في كل صلاة بدعي انك تكون من نصيبي يا احمد .. بفضل أعيط انا و بدعيلك ، انا بحبك اوووي يا احمد .
_ يا روح قلبي احمد .
بتعيطي في الصلاة انتي و كمان بتدعيلي .. انا نفسي اجيلك ، و اقعد معاكي يا آيه ، نفسي تبقي مراتي .
= إي !!
قولت إي يا احمد !!
_ قولت باذن الله تبقي مراتي ، و هشوفك قريب اوووي لازم اشوفك يا آيه .
= بس انا خايفة من اهلي يا احمد .
بيتنا ممكن يقتلوني لو عرفوا اني بكلم واحد وانا في السن دا ، انت فاهمني ؟!
_ و هو ايه اللي هيعرفهم !!
متخفيش طول ماانتي معايا .. متخفيش يا آيه ، مش هتحصلك حاجة أبداً ، بس انتي حاولي متمسكيش الفون لما يكونوا موجودين معاكي ، متبينيش لحد .. اتفقنا ..
= اتفقنا ماشي .
_ الجميل بتاعي أكل انهاردة .
= بصراحة لا .. ماليش نفس والله .
_ مالكيش نفس ازاي .. احنا قولنا ناكل و نبطل شغل العيال دا .
هزعل منك ع فكرة !!
= لا لا لا و نبي خلاص .. هروح أكل أهوو .
_ ماشي بعد ما تخلصي كلميني .
= حاضر .. سلام .
_ سلام يا حياتي .
**
" فضلنا ع الحال كدا بنسال ع بعض و نطمن ع بعض .. بقا هو ليا كل حيااتي ، و بقيت بدعيله أكتر و أكتر في كل صلاة ، فضل يهتم بيا و يديني طاقة غريبة كدا عمر ما حد أدهالي .."
= انا بقيت بعشقك بجد .. اليوم اللي بتغيب عني فيه ، بكون عايزة أعمل أي حاجة علشان بس اسمع صوتك .
_ لدرجة دي يا آيه .
= واكتر من كدا بكتيير كمان ، انا خلاص اتعلقت بيك اووووي اوووي .
_ يا روحي ربنا يخليكي ليا ياارب ، و اشوفك في اسرع وقت واقعد معاكي .
= هتعمل اي لما تشوفني ؟!!
_ هعمل اي !!
مش هقولك هعمل اي .. علشان الحاجات دي بتتحس و بس يا هانم .
= ازاي يعني .. لا و نبي قولي هتعمل اي لما تشوفني .
_ هخدك في حضني علي طوول من غير اي كلام .
= يالهوووووي ..
داانت هتودينا في داهيةة كدا .
_ مااحنا هنروح مع بعض .
= فين ؟!!
_ الداهية .. هنروح مع بعض .
" كل مرة كنت بحبه اكتر من اليوم اللي قبله لغاية ما حصل اللي مكنتش عايزاه يحصل .. "
■ آيه تعالي هنااااا بسرعةة .
= خير ... في إي فاطمة .
■ انتي عارفة انك أختي و بخاف عليكي اكتر من نفسك هسالك سؤال و تجوبيني عليه من غير كدب .
= حاضر والله .. هو في اي ؟!!
■ أنتي تعرفي حد اسمه أحمد فتحي ؟!!
" و هنا كانت صدمت حياتي .."
