الفصل الاول
ملاذ:- ماما... ماما
الام بابتسامه:- نعم...
ملاذ:- مش هتصدقى ال هقوله
الام:- فيه ايه
*اعرفكوا بنفسى انا ملاذ عندى ٢٦سنه خريجه من كليه طب تخصص علاج طبيعى بقالى فترة كويسه و انا عايشه مع ماما ومليش اخوات العنقود الوحيد يعنى
وبابا متوفى من صغرى
بس ماما محسستنيش بفرق* نرجع يله
وبابا متوفى من صغرى بس ماما محسستنيش بفرق* نرجع يله ملاذ:- بصى ى ستى انا قدمت على شغل و اتقبلت فيه
الام:- ال هو ايه...
ملاذ:- بصى هو اى نعم مش هيعجبك بس هعمل ايه...انا هروح اشتغل فى بيت صاحب شركه استيراد كبير
الام بانصدام:- ايه ... ليه كده يعنى انتى تكونى دكتورة علاج طبيعى و تشتغلى عند ناس
ملاذ:- استنى بس اسمعى للاخر......الشغل كالاتى انا هروح اشتغل عندهم دكتورة
الام:- ازاى يعنى ...
ملاذ:- الراجل و مراته عندهم ابن و ابنهم عمل حادثه و حصلوا شلل بس الدكتور بتاعوا قالوا ان نسبه الشفا من الشلل حلوة و هما محتاجين حد يبقى معاه و يعملوا تمارين و يهتم بيه وكده
الام:- بس...
ملاذ:- مبسش...كفايه عليكى تعب السنين دى كلها
الام:- مش عارفه اقولك ايه
ملاذ:- قولى ى رب يتم شفاه على ايدى ان شاء الله
الام:- ان شاء الله ى بنتى...طب هتبدا الشغل امتى
ملاذ:- بكره
الام:- ربنا يوفقك يا رب
ملاذ:- حبيبتى...ها عملى اكل ايه
الام:- اكل بتحبيه يله....
(تانى يوم)
ملاذ:- يله عاوز حاجه ى سكرة
الام:- لا ى حبيبتى خلى بالك من نفسك
ملاذ:- سلام
...............
*وبعد ما وصلت على عنوان البيت ال معايا*
ملاذ:- بسم الله ماشاء الله دى فيلا طب انا هخشها ازاى دى
=افندم تأمرى بحاجه
ملاذ:- لو سمحت مش دى فيلا الاستاذ ...
=ايوة
ملاذ:- طيب...انا بكون دكتورة العلاج الطبيعى ال جايه للشغل
=تمام اتفضلى
ملاذ:- شكرا
.....
منال:- صباح الخير
ملاذ وهى بتقوم:- صباح النور ى مدام
منال:- اتفضلى اقعدى....
ملاذ: شكرا....انا بكون الدكتورة ملاذ اشرف دكتورة علاج طبيعى
منال:- اهلا...بصى ابنى طبعا زى مانتى عارفه عندو شلل سفلى و ...
ملاذ:- متقلقيش النوع من الشلل ده نسبه علاجه كبيرة جدا وان شاء الله هيرجع يمشى تانى
منال بتنهد:- ان شاء الله...بس ابنى بقالوا سنه و شويه على الحال ده و الدكتور بتاعه قال ان العامل النفسى اساسى
ملاذ:- ايوة
منال:- وابنى من ساعت ما اتعرض للحادث ده ونفسيته وحشه و كنت عاوزكى يعنى تحسنى من نفسيته عشان انا حرفيا فشلت
ملاذ:- متقلقيش خير ان شاء الله
منال:- طبعا وخصوصا ان باين عليكى طيبه و هتتحملى عناده
ملاذ:- طب سوال
منال:- اتفضلى
ملاذ بابتسامه:- هو اسم ابن حضرتك ايه
منال:- اسمه هادى وعنده ٢٨ سنه
ملاذ:- طب هقدر ارحلوا امتى
منال:- تعالى هنروحلوا دلوقتى ...اوضته تحت بسبب حالته
ملاذ:- تمام
.................
منال:- هادى...
هادى:- اتفضلى...
منال:- المعالج بره
هادى بهدوء :- برضو عملتى ال فى دماغك قلتلك مفيش امل خلاص انا بقالى سنه على الحال
منال:- ى ابنى قلتلك نفسيتك ال مش سامحه تتعافى
هادى:- طب خليه يدخل
منال:- خليها.....اتفضلى ى دكتورة
هادى بصوت واطى:- كمان دكتورة
ملاذ:- صباح الخير
هادى:- ......
منال:- اتفضلى ...عاوز حاجه
هادى:- شكرا
....
ملاذ:-ازيك ى استاذ هادى
هادى:- بخير
ملاذ:- بصى انا عاوز اقولك انك ان شاء الله هتبقى بخير بس محتاجه مساعدتك بس
هادى:- مش تعرفينى بنفسك الاول
ملاذ:- اه...معلش..انا اسمى ملاذ وانا دكتورة العلاج الطبيعى
هادى:- تشرفنا
ملاذ:- نرجع تانى الشلل السفلى ده يمكن علاجه بالتمارين و بإضافة الادويه ولكن اهم حاجه الصحه النفسيه
هادى:- ماشى
ملاذ:- طب تحب تبدا دلوقتى
هادى:- تمام
........
*وبدات اعملوا تمارين مناسبه لحالتو*
ملاذ:- كفايه كده النهارده
هادى:- تمام
..
ملاذ:- طب انت عاوز او محتاج اى حاجه
هادى:- شكرا...
ملاذ:- سلام
............
منال:- ايه رايحه فين
ملاذ:- خلصت مع الاستاذ هادى و هروح بقا
منال:- طب هو عامل ايه
ملاذ:- متقلقيش ى مدام ان شاء الله يوم عن يوم هيتحسن
منال:- تمام ..شكرا ليكى
ملاذ:- العفو عن اذنك
..............
ملاذ:- السلام عليكم
الام:- وعليكم....حمد لله على السلامة
ملاذ:- الله يسلمك
الام:- عملتى ايه.... ايه الوضع
ملاذ:- ربنا يسهل و يتعافى بس ايه اسم على مسمى اسمه هادى و هو فعلا هادى ال قالوا من ساعه ما رحت تمام ماشى شكرا وبس
الام:- ياه....
ملاذ:- بس انا معرفش ليه هو حالته النفسيه وحشه ده بسم الله اوضه كبيرة و بلكونتها على الجنينه والجو هناك بجد روعه
الام:- ى بنتى العجز وحش يعنى شوفى عايش فى فيلا و ابوه رجل اعمال و ابنه بسبب حادثه بقى مشلول و ربنا يعافينا مما ابتلاه
ملاذ:- ى رب....
الام:- طب يله عشان ناكل
ملاذ:- ماشى ى حبيبتى
....................
*تانى يوم*
ملاذ:- صباح الخير
الام:- صباح النور...مش هتفطرى
ملاذ:- فطرت ى ماما لازم امشى بقا
الام:- ماشى ى ستى...سلام
...........
ملاذ:- صباح الخير ى مدام
منال:- صباح النور
ملاذ:- مالك مضايقه ليه
منال:- اصل هادى مضايق النهاردة و ماخدش الدوا
ملاذ:- طب اهدى... انا هتصرف بس عاوز طلب
منال:- قولى ى دكتورة
ملاذ:- كنت عاوز نغير مكان التمارين ونعملهالوا فى الهواء
منال:- تمام بلكونة هادى بتودى على الجنينه
ملاذ:- تمام....شكرا لحضرتك
..............
ملاذ:- صباح الخير ى استاذ
هادى:-.........
ملاذ:- ايه بقا مخدش الدوا ليه
هادى:-......
ملاذ:- طب رد ميبقاش اسمك زى صفتك هادى
هادى وهو بيصلها فى صمت:-....
ملاذ بقلق:- م..مكنتش اقصد انا اسفه
هادى:- عادى
ملاذ:- طب يله خد الدوا عشان نعمل التمارين
هادى:- مش عاوز
ملاذ:- لا مينفعش الدوا لازم يتاخد اتفضل....شكرا عشان بتتفاعل معايا وده هيساعد فى العلاج و سرعه الشفا و النهاردة هنعمل التمارين فى الجنينه و منها تغير جو
...................
*برا فى الجنينه*
ملاذ:- احنا دلوقتى عملنا شويه تمارين نرتاح شويه و نعمل تانى
هادى:- تمام
ملاذ:- طب ايه احنا هنبقى فترة طويله مع بعض ...عاوزين نبقى صحاب
هادى وهو بيبصلها وقال:-........
