الفصل الثالث
ملاذ:- واو....اخيرا شفتك من غير دقن قبل ما اموت لا وايه ده كمان عندك غمازات و شكلك بقى حلو
هادى:- لا واللهى دى معاكسه
ملاذ:- لا مش للدرجادى ده كلام على الماشى
هادى بضحك:- طيب
...ادينا عملنا ال انتى عاوزاه هنروح فين بقا

ملاذ:- يله بس
.............
منال:- ايه ده ايه ده....اخيرا حلقت
هادى:- ايه ى جدعان هى كانت طويله للدرجادى
ملاذ:- خلاص بقا...يله عشان الوقت
منال:- ماشى...متتاخروش
.......
*بعد ما وصلنا مكانه ال بيحبه *
ملاذ:- ايه رائيك
هادى:- احنا بنعمل ايه هنا
ملاذ:- صبرنى ى رب
جايين ناخد شويه رمل ...ايه ى عم جايين نتفسح مش انت بتحب الاهرامات و المعابد

هادى:- ايوة
ملاذ:- يبقى خلاص استمتع خصوصا اننا فى الشتا والجو حلو
هادى:- بقالى كتير مجتش هنا
ملاذ:- واديك جيت تحب تعمل ايه تعالى نتمشى
..........
ملاذ:- بما انك بتحب التاريخ و الحضارات ليه مدخلتش كليه اثار
هادى وهو بيبصلها:- مره تانيه
ملاذ بسخريه:- هيهيهى
...
ملاذ:- يله عشان اصورك
هادى:- وانا كده
ملاذ:- وانت يعنى مالك يله بس
...
ملاذ:- ايه رائيك...فتوغرافر صح
هادى بضحك:- مدخلتيش ليه فنون جميله
ملاذ بسخريه:- مره تانيه....وكمان لو كنت دخلت الكليه دى مكنتش هتقابلنى
هادى:- للاسف بقا
ملاذ:- بتقول حاجه
هادى بضحك:- ابدا ابدا
...
ملاذ:- يله بقا
هادى:- هنروح فين تانى
ملاذ:- بصى بقا النهاردة هوديك الاماكن ال بتحبها
هادى:- طب برضو هنروح فين
ملاذ:- هو مكان بعيد بس هنروحه
هادى:- فين
ملاذ:- العين السخنة
هادى:- نعم....ده بعيدة
ملاذ:- ى دوبك ساعتين ونوصل بالعربيه
هادى:- بس
ملاذ:- يله بقااا....عشان كده جيالك من الساعه ٧ الصبح والساعه دلوقتى ١٠ و لما نوصل هناك فيها ١٢ و...
هادى بضحك:- خلااااااص...ماشى يله
....
هادى:- سوقى براحه
ملاذ:- طيب .....
.......
*ورحنا هناك و اتفسحنا*
ملاذ:- يله اصورك
هادى:- لا...كفايه تصوير ليا ...هاتى اصورك
ملاذ:- ماشى...
..
ملاذ:- جُمال... تنفع تبقى مصور
هادى:- مرسى مرسى
ملاذ:- ايه رائيك بقا فى الخروجه دى
هادى بابتسامه:- جميله اوى...خصوصا انى بقالى كتير معملتش كده
ملاذ:- خلصانه اديك عملتها....يله بقا عشان جعانه
هادى:- تمام يله
................
*بعد ما رحنا مطعم ناكل*
ملاذ:- ها هتاكل ايه
هادى:- ممم...ممكن بيتزا
ملاذ:- ماشى...بس انت تعرف المكان المناسب للبيتزا فين
هادى:- فين ى ستى
ملاذ:- فى البيت تبقى قاعد كده على رحتك و مشمر ايدك وجنبك كتشبك و ازازة البيبسى و تاكل بحريه من غير اتكيت وال اى حاجه
هادى:- واللهى ...طب ناكل ايه فى المطعم بقا
ملاذ:- مممم.....مش عارفه....بص خلاص نطلب بيتزا

هادى:- صبرنى ى رب

.....................
هادى:- عجبك الاكل...
ملاذ:- جميل..انا بحب الاكل اوووى
هادى:- معنو مش باين عليكى انتى عود قصب
ملاذ بضحك:- عود قصب اوكى ماشى..انا مهما باكل مبتخنش
هادى:- مهو واضح
ملاذ:- طب هنروح فين تانى
هادى:- موش عارف مش انتى ال مخرجانى قولى انتى بقا
ملاذ:- ممممم....طب تعالى نقعد فى حديقه
هادى:- يله
....................
ملاذ:- الجو حلو صح
هادى:- آه
ملاذ:- ايه بقا التبويزه دى مالك...مش مبسوط ليه
هادى:- يترى فى امل ارجع امشى تانى
ملاذ:- ان شاء الله و هترجع احسن من الاول بس متتشائمش بس
هادى:- ....
ملاذ فجأة:- بقولك .....
هادى بضحك:- انا لحد دلوقتى مشلول و بالاسئله المفاجئ دى هيجيلى سكته قلبيه...
ملاذ:- معلش..



هادى:- كنت عاوز ايه
ملاذ:- طيب... كنت هقولك انت سافرت بره قبل كده
هادى:- مممم...سوال مهم برضو ....بصى ى ستى كنت بروح اوروبا عشان اروح جبل اسمو إلبروس عشان انا من عشاق التسلق بس مقدرتش اتسلق لقمته
ملاذ بضحك:- يعنى تسلقت جبل وزعلان عشان موصلتش لقمته 

هادى:- ايوة و كنت بروح اماكن كتير بره مصر
ملاذ:- لا انت كده شوقنى لما تخف ابقى خدنى اتسلق معاك
هادى:- قلبك جامد
ملاذ بضحك:- لا 

هادى:- حاضر ى ستى..
...........
ملاذ:- يله نمشى
هادى:- تمام يله
هادى:- بس بجد احلى يوم (بخضه) حسبى.....
الفصل الرابع من هنا