_يلا يزبااا...
لسه مكملتش الجمله لقيت سما بتصرخ وحاطه ايديها ع بوقها
_في اي يبنتي
=بصي كدا (شاورتلي ع اللي بتبصله)
بصيت لقيتها بتبص لولد بيلعب ف الناشئين الاهلي كنت بكراش عليه فتره لاني شوفته كان بيلعب ضد اخويا ف ماتش من ضمن ماتشاته (لان حسام اخويا ذي ما قولتلكوا بيلعب ف نادي بس درجه تالته وكنت بشجعه ف الماتش دا وخصوصا انه كان ضد الاهلي وكدا حتي لو ناشئين بس اهو نشوف شباب المستقبل ههه)
=هو دا محمود ولا انا بتهيألي؟
_هووو يبنتي..... ااااه يخربيت جماااله هو مصنوع من اييي بس
بصتلها بقرف =من طين يختي ذي ما اتخلقتي انتي كمان
_جرا ايي يمنه بتغيييري ولا اي (غمزتلي)
=وهغير لي يختي ان شاءالله كنا مرتبطين ولا مخطوبين يعني ان شاءلله
_ونبي تقعدي ع جنب انتي تطولي اصلا دا يبخت اللي هتبقي من بخته
=بتتت يا سمااا متعصبنيش ثم ان هو اي اللي جابه هنا اصلا
_هو انتي متعرفيش
=لا معرفش اي في اي
_مش هو نقل مدرسته هنا ف القاهره عشان كمان يعرف يلعب ويبقي جمب اهله بدل ما يبقي مغترب وكدا
=وانتي اي اللي عرفك
_عيب عليييك يسطاااا صحبك م قليل بردو... بس تصدقي فرصه بردو ع نتعرف
=تتعرفي ع مين هو دا اصلا يبصلك انتي
_ماالي يختي مانا قمر اهو وش وخدود مش عند الشعب كله عيون وعسلي وذي القمر اهو مالي يعني
=بالكرش دا؟.......اشفطي اشفطي. (بصوت تامر حسني ف فيلم عمر وسلمي)...
_دا انا سمباتيك يبنتي هو فيه حد ف عودي
=هو دا عود؟ يسطا انتي لو مشيتي جمب الواد اللي هناك دا م بعيد يقولوا امه ماشيه معاه
_ع فكرا م للدرجادي ثم ان لو انا تخينه اوي كدا امال ازاي بلعب كوره
=عشان امك بتدعيلك كل يوم م اكتر... عارفه والله لولا دعا امك ليكي كنتي م هتبقي حاجه ف البشريه
_ال يعني انا دلوقتي حاجه ف البشريه ههههه (ضحكت ضحكه تجيب بوليس الاداب)
=اييين اخلاااقك ياسيييد هههه
صوت مس التربيه الرياضيه من ورانا
_سرعوا يبناتت اتاخرنا البريك خلص زمان الحصه الخامسه بدأت (بناخد 8 حصص ف اليوم)
انا=يمس والله لو علينا ما عايزين نروح المدرسه اصلا دا لولا الحضور والغياب مكناش عتبناها
المس _ ونبي يمنه انتي لا بيأثر فيكي حضور ولا غياب انتي اصلا يعتبر بتيجي دلوقتي المدرسه عشان الدوري ولما مبيبقاش فيه دوري ياما بتغيبي ياما بتزوغي كل الحصص وتاخدي كل الحصص ياما لعب كوره ياما قاعده ف الحمام..... انا صحيح عايزه اسالك سوال.... انتي ازاي بتستحملي تقعدي ف الحمام اكتر من عشر دقايق انا يعتبر بدخل افضل اعطس من ريحه الكلور اللي ماليه الحمام واطلع وكأني شبه الشمامين بالضبط
=هذا من فضل ربي يامس هههه
_هههه يلا يفاااشله..... وبعدين انتو كنتو سابقينا انا والتيم وقفتوا لي
شاورتلها ع المدرسه اللي لسه داخلها محمود =كان فيه ولد بيلعب ف الناشئين شوفته قبل كدا كان بيلعب ضد حسام وهو دخل المدرسه دي ف كنا بنتاكد اذا كان هو او لا
مخدتش بالها اصلا من الاجابه_اه طيب يلا عشان منتاخرش اكتر من كدا المديره هتجري ورانا بالجزمه
=متخافييش يااامس انتي م ماشيه مع اي حدد بردو.... لو كلمتك قوليلها منه ملهاش دخل ف اي حاجه والله وغلبانه وملكيش دعوه هتطلعني من الموضوع ههههه
_اضحك ولا ابين سناني؟
سما =لا انا بقول نمد عشان الحوار اصلا اللي بتقولوا عليه ميحصلش واتحل الموضوع
_بقول كدا بردو... يلا مدوا
=طيب
..........
وصلت البيت وجريت ع الفون بتاعي عشان كنت نسيته ف البيت ع الشاحن ومشيت ع المدرسه المهم دخلت ع صفحه محمود فضلت ف صفحته يعتبر اكتر من ساعه وبصراحه الصفحه مش ممله خالص باين عليه فرفوش عشان كدا كل بوستاته تضحك وياما منزل بوستات رومانسيه دينيه بتتكلم عن الارتباط وضروري ان يبقي الكلام رسمي بحضور العيلتين وكاتب بوست كان من 2019 حافظي ع نفسك عشان تحبيها خليكي محترمه وراعي ربنا ف اهل بيتك ولو مرتبطه خليه يتقدملك رفض يبقي مبيحبكيش من الاول..... وهنا كان صوت ماما وهي بتزعق
_انتي لسه بهدووومك لحد دلوقتي يمعفنه؟..... الكووووووتشي بتااااعك ع السجااااده اللي لسسسه مغسوللاالهههههه...... ياااااشرييييييف (بتنادي ع بابا)
=اهدي ياماما والله تعبانه مش قادره انهارده اليوم كله كان تعب اصلا
_مهوو عشان فاشله تقدري تقوليلي من الصبح بتعملي اي ف المدرسه غير انك بتلعبي كوره؟؟ مهوو اكيد لازم تتعبي..... يحبيبتي اللعبه دي للولاد وبس م للبنات اصلا
=لي هو انا برقص فيها يااماما مهو باحترامي بلعب باحترامي وليا جمهوري
_ونبي تتنيلي انتي حد يعرفك اصلا ... انهارده مستر الرياضه بتاعك اتصل واشتكي منك وبيقول انك محضرتيش ولا حصه ليه من اول المدرسه وعلطول مزوغه ياما ف دوري ولو غيبتي ليه حصص تانيه هيشيلك الماده يارب بقي نخذي ع دمنا ونعمل حاجه صح ف حياتنا بلا هم
=طيب ياماما انا داخله اوضتي هذاكر
....
دخلت اوضتي وفضلت اعيط... بعيط لي؟.... معرفش مهو عاده ماما مبتعملش حاجه غير انها تقفلني من اي حاجه بحبها.... اي الجديد يعني.... علطول تقولي الكوره لا الكوره لا اشمعنا حسام مبتقولوش كدا؟ اشمعنا علطول بتشجعه وانا لا.... مهو انا كمان بحب كدا وعايزه. ف يوم ابقي لاعبه ومشهوره بردو.... لي كل المجتمع بيبص للبنت ع انها حاجه ملهاش لازمه ف الحياه ملهاش فرصه تتعلم حاجه جديده.... لي كل بنت لازم متعملش حاجه ف حياتها غير انها تذاكر عشان تنجح اذا اصلا مكانوش عليتها مانعنها من التعليم وبيجوزوها ع 12 او 13 سنه يعني اي؟.... اشمعنا الولد..... واشمعنا البنت.... انا تعبت........ لسه مكملتش الجمله لقيت ماسدج وصلتني ع الواتس دخلت لقيت رقم غريب
_ازيك يمنا (منه*)
=مين؟
_م ضرور تعرف بس لو وفئتي نعرف اكد هتعرفني
(مش ضروري تعرفيني بس لو وافقتي نتعرف اكيد هتعرفيني*)
=ما بقولك اي سكه ودغري كدا انت مين وجبت الرقم منين عشان مزعلكش
_اا دي اا دي انت قيد كيلامك دي؟(اي دا اي دا انتي قد كلامك دا *)
=ياعم بلا قده بلا بتاع هي م ناقصه لابخه ف الكلام انت كمان هابي بلوك بلا قرف مليتوا البلد..... اتفووووو
عملت البلوك بعدها بشويه لقيت رقم بيرن عليا بس غير الرقم الاولاني لان الاول كانبينتهي ب 65 انما دا بينتهي ب 97 ..... المهم رديت
_الو
=.....
_الووووو.... مترد يحيوان انت كمان
قفلت السكه ف وشه شويه ورن تاني مردتش ورن مره كمان رديت
_مييييين
=الووو (صوت ولد قالب نفسه بنت)
_ايوا مين
=معايا اانجي؟(الصوت لسه بنت)
_لا الرقم غلط
وقفلت السكه رن بعدها تاني
_عايز مين تاني يسوسن قولي متتكسفش مااااصل بعيد عنك البناااات دلوقتي بقت ارجل من تلت تربع الرجااااله غوووور ياااكش يارب تعمل حادثه وانت ماشي عربيه تشوطك واهو نخلص منك وعقبال اللي شبهك كمان..
=جرا اييي ياا******(ابتدا يشتم بس ف نص الشتيمه كنت قفلت السكه ف وشه وشويه ولقيت الرقم باعتلي هاكر ع الفون شتمت نفسي شويه بسبب اني نسيت اعمل البلوك ع الواتس كمان بس الهاك هنننج الوااااتس عععع..... ياااماااااا.....ابتديت اخاف بس افتكرت ..
