هو انتي البنت اللي كنتي بتلعبي ضد مدرستنا ف اخر ماتش؟
_احمم.....(حطيت شعري ورا ودني وعملت نفسي بقي م فاهمه)..... هو انت ف مدرسه ****
=اه
_يبقي اه انا.....واحنا غلبناكوا
=ايوا.... اصلا البنات عندنا مبتعرفش تلعب.... بصراحه الفريق بتاعكوا بردو م كلو بيعرف يلعب
صوتي قلب سيكا ع صوت راجل _نعم يخويا اشحال شايلين ست اجوان نضاااف.......
وقف هو مزهول شويه من رده فعلي وصوتي اللي اتقلب 180%بعدها محبش يحرجني وخصوصا ان ساعتها كنت استوعبت وقتها المصيبه اللي هببتها وابتدي وشي يقلب طماطم (ماما هنا اتدخلت عشان متعوده ع رقتي ف التعامل مع الناس)
ماما / معلش يبني بس اصل منه يعني لما بتتعصب مبتشوفش قدامها (وضحكت عشان تخفف عني الاحراج شويه)
محمود / ههههه...ايوا...باين
_مامااا... انا بقول يلا عشان اتاخرنا...ولا اي؟
ماما / انا بقول كدا بردو قدامي يلا...... بصت لمحمود وابتسمت..... هنبقي نعدي عليك نشوف باقي العروض
محمود بابتسامه/تحت امرك ف اي وقت
______
خلصنا الكوافير وفعلا رجعنا تاني للمحل اللي بيشتغل فيه محمود ونظرات محمود ساعتها كانت غييير خااالص الفرق بس وقتها ان بعد الكوافير بدل ما شعري كان كيرلي بقي استريت... لقيت ماما بتخبطني
_شوفتي م قولتلك كدا احلي... الواد هياكلك بعينه هناك اهو
=ياماما ما عشان انا قمر بس انما كل الباقي شكليات
_اتوكسييي....
دخلنا المحل وم عارفه ازاي بس فعلا ماما جابتلي الدريس اللي عايزاه بسعر يعني جهنمي... فاكرين انا كنت قولتلكوا كام؟ مش فاكرين اكيد... طيب انا كنت قايلالكوا الدريس ب 850 تخيللوااا بقي الدريس جه بكام...... ماما جابت الدريس ع 500 جنيه وكانت هتنزل فيه اكتر لولا انا اتدخلت.... هتقولولي ازاي هقولكوا ماما دي هي اللي قادره ع التحدي وع المواجهه...... طبعا ماما كانت بتفاصل وانا ف نص هدومي اللي هو ماما سمو عليكوا انا م موجوده..... يخربيت شكلي دلوقتي اكيد بقي شكلي زفتتتت بعد اللي حصل دا والله اقابله بأي وش بعد كدا.... اكيد امه نفس الشكل يعني م حوار.... صح؟ اكيد مهي كل الامهات كدا... ولا م كلهم؟ معقول يكون بيضحك عليا ف سره؟...... هو دا بني ادم اصلا يتحب؟ دا ودانه قد طاسه البطاطس اللي بنقلي فيها..... لا.... ودانه منمنمه وحلوه دا حتي مناخيره.....هو لي معندوش حاجه اتنمر عليها؟..... اي دا.... انا بقيت متنمره قذره؟! طب بقي ع فكرا هو اوزعه.... دا تلاقيه اطول مني ب 25 سنتي بس...(للعلم انا 160)
ماما /دا فاضله شويه ويقولوا عليه نخله
انا /هو صوتي كان عالي اوي كدا
ماما /م بعيد هو يكون سمعك
انا /بجد والله؟
ماما /بهزر...وبعدين حتي لو سمع يعني هو ماسك عليكي زله عشان تخافي منه
بصتلها بمعني اللي هو ياريتو يعرفني حتي
محمود / اتفضلي يفندم مبروك عليكي
ماما /الله يبارك فيك يحبيبي
محمود بصلي /بالمناسبه لو فاضيه انتي والتيم بتاعك تقدروا نعيد الماتش تاني؟ بس يبقي فريق الولاد م البنات
لسه هرد لقيت ماما هي اللي بترد /والله.. منه مبتروحش دلوقتي المدرسه
محمود /اي دا.... لي؟
ماما /اصل هي...
انا /اصل انا تعبانه شويه عندي كحه وبرد وضغط وسكر وكدا ف طلبت اجازه مرضيه انت عارف يعني.... مينفعش اروح وانا تعبانه وكدا
محمود /الف سلامه
انا /الله يخليك.. الله يعزك
ضحكت ماما واخدتني ومشينا
محمود /هستنيييي نلعب ماااتش سوووواااا واااخد بطااار مدرستني
انا /مممم هيحصصصصصلللل
كان صوتي عالي اوي وكأني بجعر فعليا.....
عدت الاجازه بتاعتي وسط مذاكره وزعيق من ماما وكريم كان بيكلمني واتس يتطمن عليا
________
ف المدرسه
_جهزي نفسك يامنه
=لأي يامس؟
_انتي نسيتي؟ ورانا انهارده ف مدرستنا ماتش مدرسه ***(بتاعه محمود)
=م هحضره يامس
_لي
=انتي بتهزري ياامس؟ دا هيبعتوا الولاد هما الللي يلعبواا؟
_م كنتي بتفضلي تقولي لي الولاد ولي البنات وم عارفه اي؟ اهووو جالك الدليل عايزاكي تأكليهم تراب الحوش
=يااامس افهميني دا محموووووود معاهم؟
_ايووا ومييين محمودد يعني اللي طلعالي بيه دا..... طول ما واحد بس اللي بيعرف يلعب م هيقدر ينجح فريقه وعرفت ان فريقهم م جامد يعني خسر من مدرسه ****
=اذا كنا يامس احنا خسرنا الولاد دول قبل كدا 4 /2
_اديكي قولتي يعني م اربع اجوان نضيفه... هما جابوا فيكوا اتنين ودا معناه انهم بردو م وحشين...... جهزي نفسك بس ياامنه ونبي انا املي فيكيييي
=حاضر يامس
_______
ف الماتش
محمود /هو انتو مدرستكوا عامله كدا لي؟
انا /ماللهااا يخوياااا؟ م عجباك ولا م عجباك؟
محمود /اي يبنتي انتي مالك وقفالي ع الكلمه كدا لي هو انا كنت جوز امك وانا معرفش
انا / ولاااا احترررم نفسسسك
صوت المس نادا علينا عشان نتجمع و...
محمود / جاااهزه تخسري ياام لسان شبر ونص؟
