(الفصل الثاني)
*يــوم جـديـد بآشــراقـة مختلفــه وبـوجــود شخـــص يجملهــا بآطبــاعــه*
اشرقت شمس الصباح وقامت ليان مبكرا مع اخوانها لصغار غدير و وعبدالعزيز علشان يروحون المدرسه جهزت لهم الفطور ورتبت شنطهم وبخرت ثيابهم وجهزت لهم كل شي تسبحوا ولبسوا ملابسهم وطلعوا يفطرون وماهي الا لحظات وسمعوا صوت الباص الي صار قدام بيتهم طلعوا يركضون فرحانين علشان يلتقون بآصحابهم هناك بالمدرسه.. ياحلاوة الطفوله
ليان لما مشوا اخوانها رجعت ودخلت المطبخ ونظفت وبدت تجهز للغدا وبعدها طلعت تكنس البيت وتنظفه وسوت الغرف ونظفت حمامات البيت ولما خلصت جلست بتعب قدام التيفي وهي تتنفس بقوه م التعب اخذت شوي استراحه لترتاح ليما تجي الساعه 11 ترجع وتسوي الغدا
قامت امها لقتها خلصت كل شغل البيت وقاعده ع التيفي تشوف برنامج حلو عالصحه والجمال وفخاطرها كانت تقول ودي اسوي زيهم كذا اهتم بشعري واصبغه واسوي كريمات ومرطبات لجسمي ووجهي تبغئ تعدل ف نفسها. بس تتراجع وتقول م وين ....
راجعت نفسها وهي تقول: الحمدلله عالنعمه اهم شي اننا احسن م غيرنا ناكل ونشرب وهالاشياء ماهي مهمه بالحياة كثر اني اكون مقتنعه بحياتي الي رزقني فيها ربي.. ماندري ع هالصبر يمكن ربي يفرجها لنا بيوم م الايام....
امها بصوت كله نوم: صباح الخير ياليان
ليان بالابتسامه: صباح النور ياماما .... وقامت وباست راس امها
ام ليان وهي تبتسم: ربي يخليك لي يبنتي ربي يكمل بعقلك يارب .وكملت بآبتسامه الي بياخذك ياليان محظوظ امه داعيه له
ليان بخجل ونزلت راسها: انا مراح اتزوج راح اعيش عمري وانا اخدمك يا امي..
ام ليان بحب: ياعمري يابنتي انا ابغئ اشوفك عروسه واشوف عيالك كذا يلعبون حولي وافرح فيهم ..لا تقولين ما ابغئ اتزوج الزواج ستر للبنت
ليان وهي تبوس امها بخدها: طااايب ياماما ماراح اكررها... وكملت: يمه ماتبين تفطرين؟
الام: اايييه جوعانه وربي
ليان: طيب اجهزلك الفطور ياماما اقعدي هنا وانا راح اجيب الفطور وافطر معاك كنت منتظره تصحين وافطر معاك
ام ليان: تمام
ام ليان ورجعت تفكر ياليت لو امال بنتي زيك ياليان الله يهديها يارب ويصلحها..
بعد لحظات جابت ليان الفطور وفطروا هي وامها وبعد مافطرت استاذنت م امها وقالت لها بروح اسوي الغدا واخذت بقايا الفطور ورجعته للمطبخ وبدت بطبخ الغدا ..
_________________________*
عند امال نايمه ولا ع بالها ومطفيه النور والتكييف شغال والغرفه بارده ومو حاسه بحراره المطبخ وتعب ليان فشغل البيت شوي سمعت الجوال يرن سكرته ورجعت نامت ..
الا ورجع الجوال يرن مره ثانيه اخذته وهي تكشر بوجهها ولسئ فيها النوم ..وردت بدون نفس: الووو
انوار: يادوووبه ماتشبعين م النوم انتي
امال: يعني انتي ماعندك ذووووق تدقين هالوقت الي الناس فيها نايمه.
انوار تضحك م قلبها: هيييه الساعه صارت 11 يعني م الذوق انك انتي تصحين لمتئ نايمه يكسلانه
امال قامت وهي تحك راسها وعيونها بثقل تفتحها: طيب وش تبين داقه الحين؟
انوار: عندي لك خبر راح يعجبك...
امال عيونها اتفتحت بحماس وطار النوم م عيونها: وش هالخبر
انوار تجننها: خبر فيه فلوس وااايد اوووف ملاييين.. شي انتي تحبينه
امال بققت عيونها: وش هو قوليلي بسرعه انطقي لا تحريني
انوار: بس بشرط!
امال: وشهو الشرط؟
انوار بخبث: تسوين اي شي يبغاه منك
امال مافهمت: مين ذا وايش سالفتك
انوار: اذا تبين فلوس اقبلي هالوظيفه وفالشهر راتبك عباره عن راتبين كيف قلتي
امال بحماس: بس كم الراتب؟
انوار: فالشهر يعطيك 6.0000 ريال... هاااا وش قلتي...شوفي اذا رفضتي راح يجيب غيرك ترا هالرجال شبعان فلوس واذا انتي رفضتي عادي يجيب غيرك مراح يتاخر
امال بحيره: طيب وش هي الوظيفه؟
انوار بتردد: مربيه
امال شهقت: مرررررربيييييه؟!
انوار: اييه
امال: لا مابي مربيه يعني خدامه.. انوار تراك زعلتيني منك
تجيبين لي هالوظيفه ترا الشي الي ماترضينه لنفسك ماترضينه لغيرك
انوار: ياغبيه سمعي بالاول فكري ف 60000 ريال ترا راتب كويس ومع الايام حايلي علييه لين يزيدك تراه رجال شبعان فلوس 60000 عنده ولا شي اذا بيطلعها وهو مايبيك مربيه بمعني الكلمه هو رجال مطلق وعنده بنت عمرها ست سنين البنت ملت لحالها بذاك البيت وحابه حد يسليها وهو اصلا دايم مشغول عنها وقال لاخوي اذا يعرف بنت حابه تشتغل راح يعطيها الي تبي.. بس تجلس مع بنته فاليوم خمس ساعات وفيها تروحون الشوبينج ومطعم او فالبيت تحاولين تطلعينها م جو الملل الي عايشه فيه وبس شغلتك حلوه وبآمكانك لا رحتوا انتي وياها الشوبينج تتسوقين انتي معاها وابوها مراح يقصر... وش قلتي؟
امال وعيونها لمعت م الفرح: اكيد موافقه ..بس هااا بالسر راح اشتغل مابي امي تعرف ابقولها توظفت بس مراح اخبرها اني اشتغل مربيه..
انوار: اوك موفقه...بس اليوم ارد ع صقر واخبرك
امال بدلع: اسمه صقر؟
انوار: ايييه
امال: تيب مع السلامه
انوار: يلا اشوفك ع خير
وبعدها قامت امال وهي تتمغط وبآبتسامه مشرقه لانها راح تتغير حياتها والحلم الي حلمته راح يتحقق وابتسمت بخبث: ان ماوقعتك بشباكي ياصقر ما اكون انا امول..
ومشت تتسبح وطلعت م الحمام وشعرها مبلول نشفت شعرها وخلعت الروب ولبست بنطلون جينز ازرق غامق وتي شيرت اخضر وم فوق عند العنق زركشه باللون الاسود وشعرها استشورته وتركته منسدل ع ظهرها ونزلت تحت عند امها وليان علشان تفطر
واول مانزلت قربت م امها وسلمت عليها: صباح الخير ياماما
امها: صباح النور يبنتي
امال: فطرتوا ولا بعد
امها: فطرنا وخلصنا وشفيك اليوم صحيتي مبكر
امال بآبتسامه: شبعت نوم
امها مو مصدقه: غرييبه مو عادتك تقومين مبكر بس حلو ان شاءالله كل يوم تقومين مبكر علشان تساعدين اختك ليان ف شغل البيت
امال بققت عيونها: وشش!!
ام ليان: خير ما تبين تساعدين اختك بشغل البيت
امال بقلة حيا: لا طبعا ما ابغئ
ام ليان: ولييه بالله
امال: ما اقدر لاني قدمت ع وظيفه وقريبا راح اتوظف..
الام بصدمه: تقدمين ع وظيفه وماتقوليلي
امال: ولييه بالله اقولك يعني لسئ ماردولي جواب
ام ليان: الظاهر انا مالي دور عندك تسوين كل شي م راسك ولا عمرك سآلتي عن حد وابوك المسكين يجي تعبان الليل وينام لييه ماقولتيله انك لقيتي وظيفه والا انا وابوك ماتعتبرينا شي بحياتك
امال بملل: هذي جزاتي اني بتوظف واجيب لكم فلوس واساعدكم بمصاريف البيت
ام ليان تغير مزاجها وقامت بتمشي لغرفتها: مانبغئ شي منك الله يغنينا م فلوسك
ومشت وتركتها~
اما امال بلا مبالاه قامت ومشت للمطبخ تدور الفطور وتفطر~~
دخلت المطبخ لقت ليان المسكينه تطبخ الغدا وتعبانه حدها وكانت وقتها مخلصه الطباخ بس تقص فالسلطه وتجهزها
امال بابتسامه: صباح الخير ليون
ليان بحب: صباح النور اموله
امال تمسك بطنها: جوعانه وربي وين الفطور
ليان: لحظه اجيب لك الفطور
امال جلست عالكرسي تنتظر ليان تحط لها الفطور وكانت تلعب فالجوال وهي تشوف رسايل الواتساب م صديقاتها فالجروب
ليان وهي تحط لها الفطور ع الطاوله: وشفيك قمتي مبكر اليوم غريبه
امال بابتسامه: وشفيكم مستغربين اليوم امي سآلتني وانتي بعد عادي لا قمت مرره مبكر
ليان: مافيها شي بس مو عادتك تصحين بسرعه .. وكملت: هذا هو الفطور ~ صحه وهنا.
امال: ثانكيووو ليونه
ليان: ويلكمووو
فطرت امال ولما خلصت قامت وتركت الفطور عالطاوله زي ماهو لانها تدري ان ليان راح تلم الفطور ..
__________________________*
بالليل كانت ليان تذاكر لعبدالعزيز لانه باكر وراه اختبار اسبوعي.. وعبدالعزيز فيه النوم
ليان بقوووه: عزوز افتح عيونك شوي مابقئ شي ونخلص
عبدالعزيز: ودي انام ليون بس خلاص هالدرس انا حافظه مايحتاج تدرسيني ايااااه
ليان تضربه ع خده بخفه: كذاااب
عبدالعزيز بصدق: وربي حافظه مايحتاج احفظه وانتي تعرفين اني مستواي كويس خلاص ليون بروح انام
ليان تبتسم وهي تسكر الكتاب وتعطيه اياه: خذ .. ويلا انقلع
عبدالعزيز م الفرحه حط الكتاب بسرعه وفحط لغرفته علشان ينام ....
مشت ليان عند امها علشان تشوف معها مسلسلات تتسلا فيهم شوي ...
ام ليان بحب: هااا خلصتوا مذاكره
ليان: ايييه
ام ليان: وكيف حسيتيه فهم م المذاكره
ليان بملل: اييه حسيته فهم عبود شاطر وانا متآكده راح يجيب علامه حلوه
ام ليان: ان شاءالله..... وكملت: الا وين اختك الاميره النايمه
ليان تضحك: يمه وربي عليك حركات... الظاهر منخشه بغرفتها يمكن تنام~
________________________*
عند امال فوق صرخت م الحماس: يسسسس .. يعني واافق
انوار: واذا تبين حتئ م بكرا تدوامين... ترا الرجال مستعجل وبنته مجننته تبي حد تتسلا معاه
امال: ماف شي شاغلني راح اداوم م بكرا.. ارحبوووو يالفلوس~~ ههههه
انوار بضحكه: وربي مجنونه فلوس انتي
امال بضيق: م الفقر يختي انزرع فيني حب الفلوس
انوار تقهرها: المهم عاد لا استلمتي المعاش لا تنسيني اعطيني نص المعاش...تدرين انا رتبت لك الوظيفه وكذا
امال بقهر: كلي تبن... انتي معك فلوس وشبعانه تتقاسمين معاي انا الفقيره المسكينه
انوار: امززح معاك يابخيله بس انا جبت لك الوظيفه المفروض تذكريني بشي ...بس انتي وضميرك عاد (*_*)
امال: يصير خير لبعدبن لييه تسبقين الاحداث
انوار بسرعه: راح تجين بعيد ميلادي
امال بحماس: ايييه لازم اجي صديقتي نوروه وما احضر ميلادها
انوار: تيب راح يشرفني حضورك يابطه
امال بدلع: تيب تصبحين ع خير ياحلو
انوار: وانتي م اهله
________________________*
نزلت امال لتحت لقت امها وليان لحالهم وابوها لسئ ماجاء
امال بجوع: تعشيتوا ولا لسئ
ام ليان: لا لسئ منتظرين ابوك يجي م الدوام
امال تتآفف: اوووف وش هالدوام لين الساعه تسع
ام ليان: الله يعينه ابوك يكرف لين الساعه تسع عشان يآمن لنا اكلنا ومشربنا
ليان بآسئ: ربي يكون بعونه ويحفظه لنا
امال وامها: امين
امال بفرح: يمه انا قبلوني وبكرا بداوم
امها بققت عيونها: مسرررع ما انقبلتي
امال بتنهيده: الدنيا حظوظ وانا الظاهر حظي كويس
وناظرت لليان: عقبالك يخيتي
ليان بآبتسامه: ما ابغئ اشتغل ابغئ اخدم امي وابوي واخذ اجر منهم فديتهم
امال ناظرتها بطرف عينها: اااخ منك دووم انتي الطيبه طيب لا توظفتي راح تخدميهم ونساعد البابا بمصروف البيت ونجيب شغاله وهو وامي يرتاحون
ليان اعجبتها الفكره: فكره حلووووه بس راح ادور وظيفه بالاول
امها: ربي يساعدكم ويصلح شأنكم
البنات: امين
ليان بحماس: طيب ليون شوفي لي وظيفه معاك
امال: اووف دوري لك تلحلحي ... كوني زي اختك اموول مو دايم كذا وجهك عبوس وهاديه
ليان: انا ما اعرف احد علشان اكلمه يدور لي وظيفه
امال ببرود: طيب انثبري
وبعد لحظات جاء ابوهم عبدالرحمن م الدوام تعبان مرررره ع طول قامت ليان وباسته ع جبينه واخذت م ايده الشنطه واخذتها لغرفته
امال قامت باست ابوها ع جبينه وسلمت: وش اخبارك يبه
الاب: الحمدلله بخير.... وع طول رمئ نفسه عالكنبه بتعب
ام ليان وهي تمسح ع خده: سلامتك م التعب ياقلبي
امال ابتسمت: احم احم... تتغازلون قدامي
ليان وهي طالعه م الغرفه: فديتهم انا عصافير الحب
ام ليان احمرت خدودها: بنات اخر زمن مافي حيا ابد
ليان بخجل: ههههههههه
امال: وليييه نستحي زمن اول راح وولئ...
ام ليان بعصبيه: اسكتي.. انتي الحيا ماتعرفينها
ابو ليان يبتسم: اتركيها هي لسئ صغيره ماتعرفين لسانها الطويل
ام ليان وهدئت شوي: بس يبغاله قص هاللسان
ابوا ليان: تعشيتو ولا بعد؟
ام ليان بدلع: لسئ ماتعشينا .. هو نقدر نتعشئ وانت لسئ ماجيت
ابو ليان لمها م كتوفها: فديت هاللسان الي ينقط عسل
ام ليان: امال روحي حطي العشاء
قامت ليان علشان تحط العشاء بس امها وقفتها وقالت لها تجلس وتخلي امال تحط.. امال كشرت ومشت للمطبخ... اوووف وش هالام الي واقفتلي عالوحده
حطت امال العشاء وطلعته وجلسوا يتعشون ..طبعا عبدالعزيز وغدير متعشيين قبل مايدرسون وينامون
.....
بعد ماتعشوا وخلصوا لموا ليان وامال السفره مع بعض وام ليان رجعت كلمت ابو ليان بخصوص شغل امال
ابو ليان اتفاجآ: وكيف تقدم ع وظيفه بدون لا تخبرني
ام ليان: انا قايلتلك هالبنت ماني مرتاحه م سوايا كل يوم جايبه لنا بشغله جديده وكل شي تسويه بمزاجها ماكانه وراها ام واب مسؤولين عنها
ابو ليان بفطنه: لا تستعجلين يادلال خلينا بالاول نسمع منها وش السالفه وبعدين تعصبين ع كيفك...انتي سايريها بشويش هالنوع م العيال يبغاله مساير
ام ليان بتنهيده نروح ع شورك ونشوف كيف
.....
خلصوا ليان وامال م لم السفره وجلسوا مع اهلهم شوي قبل لا ينامون~~
ابو ليان بهدوء: امال قالتلي امك انك توظفتي
امال بتوتر: ايييه توظفت والحمدلله
ابو ليان: ولييه لما قدمتي ع وظيفتك ما اخبرتينا...
امال: لا اصلا انا سجلتني وحده م صديقاتي معها ....تعرف تحب لي الخير وكذا ... ومافتكرت بيقبلوني .... اليوم اتصلوا بيا وقالولي انقبلت عندهم والحمدلله ...يبه انا وربي اتعب لما اشوفك كذا تعبان وودي لو اساعدك شوي بمصاريف البيت ونحسن وضعنا
ابو ليان بجديه: بس انا مو تعبان انا اتعب واشقئ علشان اصرف عليكم وهذا اصلا واجبي بس اذا كنتي حابه تشتغلين لييه لما سجلتي ماقلتي لنا ...البنت دامها مازالت تحت ظل اهلها لازم تاخذ شورهم ف كل كبيره وصغيره..
امال تسوي نفسها بريئه: طيب يايبه وسامحني مكان قصدي.. المره الثانيه اقولكم ومراح اخطي خطوه الا بشوركم
ابو ليان بآبتسامه: هذي هي بنتي العاقله
امال بفرح: والحمدلله اليوم اقبلوني وبكرا اداوم
ابوها: جهزي كل اوراق الثانويه ووروقه حسن السير والسلوك وبطاقتك الشخصيه... اكيد هما قالولك وش يحتاجون منك م اوراق صح
امال تسايره: ايييه قالولي وكل شي جاهز خلاص...... وكملت تقول لنفسها: لو تدرون انا وين بتوظف كان حبستوني اسبوعين بالبيت
ابوها وايقظها م افكارها: وين راح تتوظفين
امال دق قلبها دقات جنونيه: مممم .... اااا ... ام .. مربيه
ابوها بقق عيونه: مرررربيه
امال بتوتر: ايووا يبه ف مدرسه حكوميه علشان الاطفال الي امهاتهم تداوم اروح انا وبعض المعلمات هناك نعلمهم وندرسهم وكذا لين تجي امهاتهم وتاخذهم... وناخذ معاش كويس
ابوها رجعت ملامحه للابتسامه: طيب تكسبون اجر فيهم... ويلا موفقه يبنتي انا بروح انام تعبان حدي~~ تصبحون ع خير يابنات
ليان وامال: وانتم م اهله...
مشوا ابو ليان وام ليان للغرفه ينامون .... وامال تنفست الصعداء م بعد الاختبار الي اخذته م ابوها اما ليان فراحت للغرفه وتحممت وطلعت بالروب جلست قبال المرايه وكانت تلعب بشعرها شوي وتستشوره وبعد لحظات غلبها النوم ومشت لسريرها لتنام لان باكر وراها شغل كثير...
اما امال طلعت وجلست ع السرير وهي تسوي مسجات لآنوار وتسآلها متئ تدوام بكرا واخبرتها انها باكر ملزووم منها هي تجي لها تاخذها علشان تعرفها ع البيت وكذا مضئ يومهم وكل واحد م افراد البيت اوئ ع فراشه ونام..
